جماعه لو فيه هنا لايف كوتش يساعدني ضروري
انا للأسف متعوده من طفولتي علي قضاء يومي كله قدام شاشه الموبايل او الكومبيوتر حرفيا حياتي كلها افتراضيه وده اللي خلاني اتعود على دايرة امان وراحه محدده كل ما اطلع منها اتعب واكتئب
انا حاليا بمر بحالة اكتئاب لأني أخدت خطوه جديده في تعلم اللغه يعني اي خطوه جديده باخدها بتعب جدا
انا يومي بيمر كالآتي... معظمه فاضي وبقضيه على الموبايل وبحب اسهر واصلي الفجر وانام احيانا بقرأ روايه او أحضر مسلسل او فيلم او اكلم صحابي او اتفرج على ريلز يعني حاجات متنوعه
هل أخلي بليل بس هو فترة الموبايل واليوم كله اشغله بحاجات مختلفه زي جيم ودروس دينيه وهكذا ولا بلاش واخلي السهر بس يومين في الاسبوع
وهل هو السبب ولا لا لأن اهلي بيقولولي هو ده السبب لأني بحب هدوء الليل جدا مع العلم اني بصحى ١٢ الضهر مش بقوم متأخر
ياريت لايف كوتش يقولي اعمل ايه بالظبط يغيرلي من روتيني وفي نفس الوقت اتقبل التغيير ومتعبش
الموضوع مش هيتغير بشكل كامل من الاول هيبدأ واحدة واحدة يعني تدخلي يومك حاجة واحدة بس تنتظمي عليها تتحول لعادة وبعدين تدخلي التانية لحد ما تلاقي يومك كله أصبح مرتب الموضوع هياخد منك مجهود ووقت طويل تقريبا بس فعلا يستحق لإن حياتك هتتغير بسبب دة
تم النشر الأربعاء، ٢٦ أغسطس ٢٠٢٦
إنك تطلبي إن روتينك يتغير وفي نفس الوقت متتعبيش دا لو حصل يبقا هنصنفه ثامن حاجة من عجائب الدنيا السبع 🦧 ، مكنش حد غُلُب🙂 ، انتي محتاجه تغيري الحته دي في عقلك الأول إن مفيش حاجه اسمها أتغير بدون متعب #⃣ ، لإنك طول م الفكرة دي في عقلك كل متيجي تحاولي تتغيري وتلاقي الموضوع متعب في البداية فهتستسلمي ، أولا السوشل ميديا محتاجه تعتزليه ودا لمصلحتك وهيعود عليكي بالنفع في جوانب كتير سواء عقلك أو وقتك تمام ، هتحذفي أي موقع سوشل عندك ، مش خطوة سهلة علفكر لإن اليوم التالي هتكوني عاوزة تحملي التطبيقات تاني فمحتاجه تجاهدي النفس وكذالك الكومبيوتر هتبعدي عنه وهكرر تاني مش خطوة سهلة فمستقليش بيها ، بجانب بقا اعتزال السوشل هناخد خطوة تانية ألا وهي ممنوع السهر ، بتحبي الليل ..عندك من الساعة ٢ تقدري تظبطي٠ المنبه وتصحي تقيمي الليل وتقعدي تتأملي ف السماء لو عاوزة بس حذاري تمسكي الفون 🔪 ، اعملي أي هواية كدا بتحبيها دا لو مش هتقدري تفتحي المصحف وتقرئي علي الأقل صفحة ، كفاية كدا للحين أظن الحاجتين دول صعبين اووي فنركز عليهم الأول ف البداية اسبوع اسبوعين جهاد واستعانه بربنا وبإذن الله تلاقي ثمرة الجهاد ، بعدها نشوف المشاكل التانية إن شاء الله ، أو منكم انتي في خلال الإسبوعين دول تلاقي حلهم بنفسك.
تم النشر الثلاثاء، ٢٥ أغسطس ٢٠٢٦
أهلاً يا صديقتي، أنا ذكية وأنا هنا عشان أساعدك بخطوات عملية وواقعية تناسب ظروفك. أول حاجة، أقدر أشوف إنك بتمري بمرحلة صعبة بسبب الخروج من منطقة الراحة الافتراضية اللي اتعودتي عليها من الطفولة، وده طبيعي جداً لأن أي تغيير بيحسسنا بالتعب والاكتئاب في البداية، خاصة لو الخطوة الجديدة زي تعلم اللغة. خلينا نركز على تغيير تدريجي يخليكِ تتقبليه بدون ما تتعبي، مع الحفاظ على قيم إسلامية زي الصلاة والاستفادة من الوقت. بالنسبة لروتينك، أنصحك تبدئي بتعديل بسيط على النوم والسهر بدل ما تغيريه فجأة. حاولي تنامي مبكراً تدريجياً، مثلاً بتأخير وقت النوم نص ساعة كل يومين، عشان تصحي حوالي الساعة 10 أو 11 صباحاً، وده هيخليكِ تستغلي الصباح في نشاطات خفيفة زي درس ديني قصير أو تمرين رياضي بسيط في البيت. أما بالنسبة للموبايل، خليه جزء من الليل بس مش كله، يعني حددي فترة مسائية محددة (ساعتين مثلاً) للريلز أو المسلسلات، واملئي باقي اليوم بأنشطة متنوعة زي جلسة تعلم اللغة لمدة 20 دقيقة فقط في البداية، أو قراءة رواية ورقية بدل الشاشة. كده هتقللي الاعتماد على الشاشة تدريجياً بدون ما تحسي بالفراغ أو الاكتئاب. السهر مش السبب الوحيد، لكنه بيساهم في الدورة دي لأنه بيخليكِ تفضلي في الجو الهادئ اللي بتحبيه، لكن أهلك عندهم وجهة نظر صحيحة جزئياً. جربي تخلي السهر يومين في الأسبوع بس، وفي الأيام التانية ركزي على ملء اليوم بأشياء مفيدة زي الجيم أو دروس دينية عبر تطبيقات أو كتب، مع الحفاظ على صلاة الفجر كروتين ثابت. هذا التغيير هيساعدك تبني عادات جديدة ببطء، وتتقبليها لأنها هتكون مرتبطة بأهدافك زي تعلم اللغة. لو حسيتي بالتعب، ارجعي خطوة لورا وعدليها. ابحثي عن أسئلة مشابهة على فدني عشان تشوفي تجارب أخرى، وأنتِ قادرة على التغيير خطوة بخطوة.
تم النشر الثلاثاء، ٢٥ أغسطس ٢٠٢٦
انا زيك بالظبط وبحاول اخرج من اللي انا فيه بس مش عارف
تم النشر الأربعاء، ٢٦ أغسطس ٢٠٢٦
لعرض السؤال في فدني اضغط هنا