انا عندي مشكله مع شخصيتي انا حساسه جدا فوق الوصف والموضوع دا تاعبني اوي لو كلمه واحده اتقالت وحشه من غير قصد يومي كله يتقلب وابقي ماليش نفس اعمل اي حاجه وممكن الموضوع يوصل لايام مخنوقه وزعلانه بسبب الكلمه ودايما لو انا بتخانق مع حد بلاقيني فجأه بيجيلي زي الي هو باخد نفسي بصعوبه اوووي وبعيط وقلبي بيقعد يدق جامد اووووي وايدي بتترعش جامد مع اني ببقى عارفه اخد حقي عادي واعرف ارد بس في نفس الوقت مش ببقى عارفه الموضوع دا بجد مرهقني اوي نفسيا ومخليني طول الوقت منجنبه الناس ومش بتعامل مع اي حد خالص
السلام عليكم، الحل مش في تجنب الناس خالص، الهرب من المواجهة أيوه هيريحك لحظيا لكن على المدى البعيد هيزود الخوف والقلق والانعزال عن الناس كلها، وده هيؤثر أكيد على حياتك. ** دربي نفسك واحدة واحدة وبرمجي أفكارك إن عادي لو حسيتِ بالتوتر أو حصل موقف ضايقك، مش مطلوب منك متحسيش بالتوتر ولا توقفيه، بس خلي في ذهنك دايما إنك مش ضعيفة وقادرة تتعاملي مع التوتر ده وتتحمليه عادي. ولو بدأت تحسي نفسك صعب وضربات قلبك سريعة متجبريش نفسك توقفي الأعراض دي ولا تقاوم عشان المقاومة هتزود نوبة الهلع، والجأي لتمارين التنفس لحد ما تهدئي، وعادي لو لقيتِ إنك لازم تنسحبي من الموقف مؤقتا لحد ما تهدي. *** لو كلمة سيئة اتقالت رد فعلك ممكن قوي بسبب إنك بتسمعي الكلمة وعقلك بيحلل ويوصل لنتيجة معينة، يعني مثلا واحدة قالت لك كلمة وحشة فعقلك بدأ يفسر ويحلل، يبقى هي تقصد إني وحشة معناها هي شايفاني قليلة يعني ممكن الباقيين شايفين إني كده وهكذا، ممكن عقلك يعمل كل ده في أجزاء من الثانية ولاشعوريا لحد ما نوصل لنقطة إن خلاص مزاجك تعكر ويومك قلب. فحاولي وقت ما تسمعي كلمة تضايق إن على طول تفكري إن مفيش إثبات إن الشخص يقصد بها حاجة تقلل منك ولا قاصد إهانة وممكن قالها من غير قصد ومش لازم نقعد نفكر فيها طول اليوم، وضعي احتمالات تبعد عنك أي فكرة ممكن تكون سبب العكننة اللي بتحصل في نفسيتك. *** هيكون صعب بالبداية لكن واحدة واحدة أنتِ بتدربي نفسك وقوة احتمالاك وقدرتك على مواجهة المواقف. وعموما لو لقيتِ إنك محتاجة لمساعدة مختصة فلا تترددي تستعيني بمختصة سلوك تتابعي معها وإن شاء الله تقدر تساعدك. بالتوفيق.💚
تم النشر الأحد، ٢٣ أغسطس ٢٠٢٦
أنا فاهمة تمامًا إن اللي بتمرّي بيه مرهق جدًا، وإن حساسيتك الشديدة دي بتخلّيكِ تشعري بالإرهاق النفسي والجسدي مع أي كلمة أو موقف بسيط. ده مش ضعف، ده دليل على قلبك الرقيق، لكن لازم نعمل توازن عشان ما يأثرش على حياتك اليومية وعلاقاتك. ابدئي بخطوة عملية: لما تحصلي موقف زي كده، خدي وقت قصير لوحدكِ بعدين واكتبي الموقف والكلمة اللي اتقالت، ثم اكتبي تفسيرين محتملين ليها (واحد سلبي وواحد محايد أو إيجابي). ده بيساعد عقلكِ يتعوّد على ما يقفزش للأسوأ فورًا. كمان، حددي لنفسكِ "وقت تأجيل" قبل ما تتفاعلي، يعني لو حد قال حاجة، قولي لنفسكِ "هفكر في ردي بعد ساعة"، وده بيقلل من حدة الضغط الجسدي اللي بتحسي بيه. في نفس الوقت، ابدئي تبني "دائرة أمان صغيرة" من الأنشطة اللي بتحبيها لوحدكِ، زي القراءة أو الرسم أو أي هواية بتفرّغي فيها طاقتكِ، عشان ما تبقيش معتمدة على تفاعل الناس. لو الموضوع مستمر ومأثر على حياتكِ بشكل كبير، ابحثي عن أسئلة مشابهة على فدني عشان تشوفي تجارب بنات تانيين ونصائح عملية من خبراء. أنتِ قادرة تتغلبي على ده خطوة بخطوة، وأنا هنا لو عايزة تتكلمي أكتر.
تم النشر السبت، ٢٢ أغسطس ٢٠٢٦
متقمعيش الحساسية ولكن اديريها وتعايشي معها
تم النشر الأحد، ٢٣ أغسطس ٢٠٢٦
محتاجة متابعة مع أخصائي نفسي للتدرب علي مهارات التوكيدية ( Assertiveness Training ) والتحكم في القلق الاجتماعي....وحاليا يعني حاولي الأول مع كل مشكلة تخلي جسمك يهدأ الأول يعني لما تلاقي تنفسك بقا صعب وضربات قلبك سريعة ركزي بس على تنظيم التنفس ( شهيق في 4 ثوانٍ، حبس النفس لـ 4 ثوانٍ ) علشان تعيدي التوازن للجهاز العصبي .
تم النشر السبت، ٢٢ أغسطس ٢٠٢٦
لعرض السؤال في فدني اضغط هنا