انا بنت ٢٣ سنه
الحقيقه مش قادره احدد شخصيتي هل انا عندي رهاب اجتماعي ولا لا
انا عندي صحاب مش قليلين ومش كتير بعرف اتعامل واكون صداقات مع ناس غريبه بعرف اتكلم لما نكون شله يعني بعرف اتعامل الحمد لله
لكن لما الموضوع يوصل اني اقوم اقول كلمه قصاد عدد كبير حقيقي بتوتر وبخاف جدا جدا وجسمي بيتلج وبترعش كأني هموت
النهارده كان اول يوم شغل ليا المفروض اني هدرس لأطفال ولكن اول ما نزلت الحصه لقيت عيال مراهقين مش اطفال وسنهم كان تقريبا ١٣ و١٤ سنه خفت اوي ومشيت من الشغل وكنت متعصبه وحاسه اني فاشله الكل بيحاول يقنعني اشتغل وانا قلت لا وهربت حاسه اني فاشله اجتماعيا لأني بردو في الكليه كنت بهرب من البريزنتيشن وحاليا بعمل رساله ماجستير مش عارفه هواجه ازاي المشرفين والدكاتره ياريت حد يقولي هل انا ضعيفه !؟؟
بصي يا بنت الناس انتي مش عندك رهاب اجتماعي إنتي ببساطة مدلعاها شوية وبتسمي الخوف الطبيعي رهاب عشان تلاقي مبرر لهروبك الخوف ده غريزة ربنا حطها فينا عشان تحمينا مش عشان تشلنا وتخلينا نجري من المعرككة إنتي عندك خوف من الأحكام والناس وتقييمهم ليكي ودي مشكله في تقديرك لذاتك واهتزاز في ثقتك بنفسك لما تسيبي الشغل من أول يوم عشان لقيتيهم مراهقين مش أطفال فده هروب والهروب بيكبر الوحش اللي جواكي لحد ما ياكلك ولما كنتي بتهربي من بريزنتيشن الكلية فإنتي كنتي بتسقفي لخوفك وبتقوليله برافو إنت انتصرت عليا ودلوقتي واقفة قدام الماجستير وخايفة من الدكاترة والمشرفين ليه خايفة هما بشر زيك بالظبط ولا هما اللي بيملكوا ليكي النفع والضر ربنا وحده هو الرزاق وهو المعين إنتي قيمتك مش بكلام الدكاترة ولا بنظرة المراهقين ليكي قيمتك طالعه من جوه من كونك إنسانة مكرمة عند ربنا لازم تقفي على رجليكي وتواجهي ومفيش حاجة اسمها جسمي بيتلج وبموت دي أعراض فسيولوجية طبيعية جداً بتحصل لأجدع خطيب في العالم أول ما بيقف قدام الناس بس الفرق بينك وبينه إنه بياخد نفس عميق ويثبت في مكانه ويواجه وانتي بتاخدي بعضك وتجري الخوف ده عامل زي الكلب طول ما بتجري منه هيجري وراكي ويعضك أول ما تقفي وتوصي في عينه وتواجهي هيلف ديله ويمشي انزلي وتدربي واغلطي واتأتئي واقفي قدام المراية واتكلمي وروحي لمشرفينك وانتي راسك مرفوعة ومستعدة للنقاش ومستعدة للغلط ومستعدة للتعلم الحياة مش هبطبط عليكي طول ما إنتي مستخبية ورا شاشة الموبايل وخايفة من الهوا انشفي كدا واعرفي إن المواجهة هي أول طريق الشفاء والرجولة في مواجهة الحياة مش في الهروب منها متخليش الوهم يضيع مستقبلك ويقعدك في البيت وانتي لسه في أول عمرك.. وجد والله ربنا يحفظك ويوفقك..... اسمعي بودكاست ياسر الحزيمي.. العلاقات ..... او اي حاجه لعبد الرحمن ذاكر الهاشمي.. عن العلاقات برضو ... وان شاء الله خير وهتبقي احلى استاذه والله بس متكسليش ...
تم النشر الجمعة، ٢٢ مايو ٢٠٢٦
أنتِ مش ضعيفة خالص يا قمر، وهربك ده مش فشل، ده رد فعل طبيعي لتوتر شديد بيحصل لكثير من البنات في عمرك لما يواجهوا مواقف جديدة زي التدريس أو العروض. اللي بتصفيه يشبه القلق من الأداء أمام الجمهور، مش بالضرورة رهاب اجتماعي كامل، لأنك بتتعاملي كويس في المجموعات الصغيرة. ابدئي بخطوات عملية: حضري المحتوى كويس جدًا قبل أي موقف، ومارسي الكلام قدام مراية أو تسجيل صوتي عشان تتعودي على صوتك. قسمي المهمة لأجزاء صغيرة، زي إنك تبدئي بجلسة قصيرة مع طالبين بس، وتزودي تدريجيًا. لرسالة الماجستير، ركزي على نقاط قوتك في البحث واطلبي جلسة تحضيرية مع مشرفكِ. لو التوتر مستمر ومأثر على حياتك، روحي لصفحة الخبراء في فدني https://www.fedni.net/experts وابحثي عن متخصص نفسي أو مدرب حياتي يساعدكِ بطريقة مخصصة. كمان شوفي أسئلة مشابهة في فدني عشان تلاقي تجارب بنات تانيين. أنتِ قادرة تتجاوزي ده خطوة بخطوة، وأنا هنا لو عايزة تتكلمي أكتر.
تم النشر الخميس، ٢١ مايو ٢٠٢٦
انا ماشي بمبدأ ورط نفسك تتعلم... في ايام الاعداديه كنت بتوتر اني اجاوب او اتكلم في الدرس ولما دخلت اولى ثانوي زاد الموضوع جدا لان السناتر فيها عدد كبير من الناس بس تعلمت مبدأ ورط نفسك فبقيت شايف الاسئله بتاعت الاستاذ هي فرصه اني اتكلم بصوت عالي ويسمعني فوق ال١٠٠ وال٢٠٠ طالب وصراحتا كان قلبي بيترعش وقتها وخصوصا اخاف الاجابه تطلع غلط بس بورط نفسي عشان مع الوقت كنت عارف الشعور هيقل تدريجي وحتي بالشارع كنت احيانا بخجل اتكلم مثلا مع صاحب المحل في موضوع خارج اطار الشراء يعني الي هو اخري دي بكام كذا شكرا. بس بورط نفسي في مواضيع حتي لو سخيفه او سؤال لحاجه انا بدور عليها خارج اطار الشراء (مش متأكد اذا وضحت الفكره) بس ورطي نفسك قبل فتره الماجستير بتدريبات خفيفه حتي لو هتسألي على الساعه في الشارع وانتي في معاكي التلفون😂. وانا شايف ان عندك فرصه تشتغلي قبل حوار الماجستير ده وتورطي نفسك تاني وكده كده ايا كانت النتيجه محدش هيفتكرك او هيفتكر انتي كان شكلك ازاي وانتي بتتكلمي حطي في بالك الموضوع ده وتوكلي على الله
تم النشر الجمعة، ٢٢ مايو ٢٠٢٦
يبقا انتي فرصتك الان اسهل مليون مره ومجرد ما هتبدأي شرح او كلام اظن انك هتندمجي عادي والموضوع هيمشي بسهوله
تم النشر الجمعة، ٢٢ مايو ٢٠٢٦
حضرتك انا الحمدلله اجتماعيه وسط الناس يعني بعرف اتكلم واتعرف علي ناس جديده انا بقعد غي المواصلات اتكلم مع بنات ونفتح مواضيع وانا والله اول مرره اشوفهم وبتعامل مع الناس في المحلات عادي بتكلم وبضحك وبدون توتر او خوف وبعرف اشتري حاجتي لوحدي يعني كل ده تمام حتي دكاتره الكليه مش بخاف من الكلام معاهم لكن لما الموضوع يوصل لعدد كبير وانا المفروض اطلع قدامهم علي الستديج واتكلم هنا بقي قصه رعب الموت بالنسبالي اهون بس يلا الحمدلله
تم النشر الجمعة، ٢٢ مايو ٢٠٢٦
لعرض السؤال في فدني اضغط هنا