انا دلوقتي جالي إصابة من التمرين في رجلي لكن موضوع رجلي سهل وبتتعافى لكن المشكلة أن انا اخذت دور برد مكسر عضمي كله وسخونه والم فالحلق وامتحاناتي بعد يوم بالظبط وانا مش عارفة اعمل اي لأن لو كشفت هيحجزوني في المستشفى وهيضيعوا من وقت كبير اوي
والمشكلة أن في نفس المعاد الترم الاول تعبت نفس التعب والدكتورة كان هيحجزني قولت له انت عندي امتحانات وهو اتفهم الامر ودخلني طوارئ كام ساعة كدا وروحت بس المشكلة أن هيضيع وقت كبير جدا وانا محتاجة الوقت ده جدا لان همتحن مادة تقيلة
والمشكلة اني مش عارفة اذاكر أصلا وتعبانة جدا وحاسه أن الدنيا فوق دماغي مش عارفة اعمل لان مش قادرة اقعد ع المكتب من التعب مع اني اخذت مسكنات بس انا بخاف من المسكنات
بصي، أهم حاجة دلوقتي نفهم شدة حالتك عشان نعرف نتصرف صح، مش كل دور برد يستاهل مستشفى، لكن برضو في حالات مينفعش نتهاون فيها. ف جاوبي نفسك على كام سؤال مهم في صعوبة في التنفس أو نهجان؟ الألم في الحلق لدرجة إنك مش قادرة تاكلي أو تشربي؟ التعب مخليكي مش قادرة تقومي خالص ولا تقدري تتحركي شوية؟ لو في أعراض قوية زي حرارة عالية جدًا مستمرة أو تعب مش طبيعي، ساعتها الصحة أهم من أي امتحان، و كمان ممكن اعرف انتي ف اي سنه دراسيه؟ لان لو حالتك صعبه اوي زي م بتوصفي كدا يبقي صحتك اهم فعلا..و راي اهلك و دورهم اي؟ هل شايفين انك تاجلي السنه لو ينفع و لا اي؟ كمان سؤال..هل لاحظتي اعراض سحر او حسد ولا حاجه؟ لان تكرار الموضوع ف اوقات مهمه زي كدا لازم نبصله من ناحيه تاني كمان صحتك نفسها هل في وجع او تعب ف حاجه معينه ولا دا بيجيلك مره واحده كدا؟ و من رايي تأجيل سنة أهون بكتير من إنك تضغطي على جسمك وتحصلي مضاعفات.لو التعب شديد فعلا لكن لو حالتك متوسطة مثلا برد شديد وتعب بس تقدري تتحركي حتي لو بالعافية، يبقى الحل مش إنك تضغطي على نفسك 100%، ولا إنك تسيبي كل حاجة ذاكري على خفيف جدًا وانتي على السرير، مش لازم مكتب ركزي على أهم النقاط أو الملخصات، مش المنهج كله اشربي سوائل كتير جدًا ونامي كويس، لأن ده جزء من العلاج مش رفاهية خدي علاجك بانتظام، والمسكنات لو بجرعات صح مش خطر، الخطر في الاستخدام العشوائي انتي مش مطالبة تكوني في أفضل أداء، انتي بس تعملي اللي تقدري عليه في الظروف دي. الضغط النفسي هيزود التعب أكتر. و الاهم لو تقدري تروحي لدكتور كشف سريع من غير حجز (عيادة عادية أو طوارئ خفيفة زي ما حصل قبل كدا) يبقى أفضل حل وسط، عشان تطمني وتاخدي علاج صح من غير ما يضيع وقتك كله. الفكرة مش "يا أذاكر يا أتعالج"، الفكرة إنك توازني بينهم على قد حالتك، وجسمك له حق عليكي برضو. ربنا يشفيكي يا رب و يسهلك امورك و امتحاناتك 🤍
تم النشر الأحد، ١٩ أبريل ٢٠٢٦
خليكي في المشروبات الدافئه وعلى الريق نص كباية ماء دافئ مع معلقة عسل نحل طبيعي ونص ليمونه دا مفيد جدا لنزلات البرد ولو تقدري تتعودي عليه يوميا بيبقى وقايه من نزلات البرد. وفي أي وقت تحطي معلقة كركم ومعلقة عسل نحل طبيعي مع زيت حبة البركة طبيعي لو متاح أو رشة فلفل اسود مطحون بسيطه وقلبيهم وخديهم بالمعلقة وكمان القرفه و الجنزبيل تغليهم مع بعض وتخليهم بعسل نحل دا هيفرق معاكي جدا ودا عن تجربه شخصية واسأل الله العظيم رب العرش العظيم أن يشفيكي شفاءا لا يغادر سقما
تم النشر الاثنين، ٢٠ أبريل ٢٠٢٦
يا حفصة الغالية، الله يشفيكي وييسر أمرك وينجحك في امتحاناتك إن شاء الله 💕. أنا عارفة الإحساس ده تمامًا، الدنيا بتحس زي ما بتنقلب رأسًا على عقب، بس أنتِ قوية وقادرة تتجاوزيها خطوة خطوة. خلينا نرتب اللي نقدر نعمله دلوقتي عشان نستغل اليوم اللي باقي: أولًا، الرعاية الصحية (بدون ما تضيعي وقت في المستشفى إلا لو زاد الأمر): سوائل كتير جدًا : اشربي ماء دافئ مع ليمون وعسل كل ساعة (ده مضاد طبيعي للفيروسات والسخونة). جربي شاي زنجبيل مع عسل أو نعناع، هيساعد على الحلق والعضمي. غرغرة سريعة : ماء دافئ + ملح (نص ملعقة صغيرة في كوباية)، غرغري 3-4 مرات اليوم، هيخفف الألم في الحلق فورًا. أكل خفيف : شوربة دجاج أو خضار ساخنة، مع فواكه زي البرتقال لفيتامين C. تجنبي الثقيل عشان ميزودش التعب. راحة ذكية : نامي قيلولة قصيرة 20-30 دقيقة كل 3 ساعات، وغطي رجلك بكيس ثلج ملفوف في قماش للإصابة (10 دقايق كل ساعة). لو السخونة فوق 38.5 أو صعب التنفس، روحي طوارئ حالا زي المرة اللي فاتت، وقولي للدكتور "عندي امتحان غدًا" – هما هيفهم ا ويقوموا باللازم. خايفة من المسكنات؟ خلاص، ركزي على الطبيعي ده، ولو محتاجة، خدي باراسيتامول بس (مش أيبوفين عشان الحلق). ثانيًا، الدراسة رغم التعب (خطة عملية لليوم): جلسات قصيرة : 25 دقيقة تركيز على النقاط الرئيسية الأكتر أهمية في المادة التقيلة (اكتبيها في ورقة صغيرة دلوقتي)، بعدين 10 دقايق راحة تمشي فيها شوية في الغرفة (مش قعدة مكتب كتير). تقنية Pomodoro المبسطة : 4 جلسات بس النهارده، وركزي على الفهم مش الحفظ – رسمي خرائط ذهنية أو سجلي صوتك وأنتِ بتشرحي. ابدئي دلوقتي : اختاري أول موضوع صعب، هتحسي بإنجاز فوري ويقل الضغط. شوية دعم روحي: توكلي على الله، صلي ركعتين حجة أو استغفري 100 مرة، وقولي "حسبي الله ونعم الوكيل" – ده هيخفف الهم زي السحر. أنتِ مش لوحدك، ربنا معاكي وراح يفتحلك أبواب التوفيق. لو عايزة نصائح أكتر للمذاكرة تحت الضغط، ابحثي في فدني عن "كيف أذاكر قبل الامتحان"، هتلاقي إجابات من خبراء. ولو الإصابة في رجلك محتاجة استشارة، روحي صفحة الخبراء هنا: https://www.fedni.net/experts – في دكاترة رياضيين وصحة. أنتِ هتنجحي يا قمر، خدي نفس عميق (مش تمرين، بس هدي نفسك) وابدئي خطوة صغيرة. قوليلي بعد شوية إيه اللي عملتيه، أنا هنا معاكي! 🌟
تم النشر الأحد، ١٩ أبريل ٢٠٢٦
@زهرة الأمل اه انا ازهر ادعيلي اخف وربنا يشفيني
تم النشر الثلاثاء، ٢١ أبريل ٢٠٢٦
@Rana Ahmad تسلمي لي يا رنا جزاك الله خير
تم النشر الثلاثاء، ٢١ أبريل ٢٠٢٦
بصى المسكنات لو على طول مضرة جدا لكن لو لفترة مؤقتة يومين الإمتحان بس ف عادى متقلقيش بس انتى ليه جاية على نفسك كدا هونى على نفسك
تم النشر الاثنين، ٢٠ أبريل ٢٠٢٦
@زهرة الأمل اي ده احنا كمان انتي محافظة الجيزة
تم النشر الأحد، ٢٦ أبريل ٢٠٢٦
@حفصة كامل . ربنا يوفقك ويكرمك إن شاء الله أنا كمان في الأزهر والله...في تانية ثانوي ازهر أدبي علينا بكرة قرآن وصرف 😔
تم النشر السبت، ٢٥ أبريل ٢٠٢٦
ربنا يوفقك ويشفيك يارب العالمين...بس سؤال ..هو انت في الأزهر؟
تم النشر الثلاثاء، ٢١ أبريل ٢٠٢٦
الف سلامه عليكي شفاكي الله وعفاكي ، خدي سوائل دافيه واشربي فيتامين سي ، والتزمي بالعلاج اللي هيكتبه الدكتور وادعي ربنا يعينك ويقويكي ، وشغلي الرقيه الشرعيه أو سوره البقره
تم النشر الثلاثاء، ٢١ أبريل ٢٠٢٦
لعرض السؤال في فدني اضغط هنا