أنا من 4 سنوات مضوا دخلتلي بنت على تطبيق اسمه Hello talk تطبيق كده لتعلم الانجليزية وعقدنا نتكلم
وبعدها بفترة أخدت منها رقمها على الواتس وفضلنا نتكلم 100% عارف أنه مش صح اتكلم مع بنت
بس كان كلامنا خالي من اي كلام حب والكلام أو كلام فيه تعبير عن حب وكده حتى عمرنا متكلمنا كوول لأنها بصراحة بنت محترمة جدا وانا كمان يحترمها وبحترم نفسي
على العموم في أول سنة كان في إعجاب ودا كان باين من الكلام يعني زي إني بهتم وهى بتهتم يعني علاقة متبادلة وبصراحة دي كانت أول بنت أكلمها في حياتي وهى كمان وقتها كانت بتقولي إني أنا أول ولد في حياتها وكان في تشابة كبير بنا قد يصل إلى 90% لدرجة أنها في مرة كانت قالتلي انها معندهاش نفس اتكلم مع حد الا أنا
بصراحة قلبي اتعلق بيها جدا جدا واعتقد هى كمان بس زي ماقلت مكنش في تعبير صريح بالمشاعر لا مني ولا منها بس كان باين زي ماقلت من الاهتمام مني ومنها
ففي يوم كده كنت في 2 كلية وهى كانت في أولى عرضت عليهاش إني أخطبها فكان ردها وقتها أننا لسه صغيرين والكلام ده والكلام معاها قل شوية بعدها بدأ تاني الماية ترجع لمجاريها رساله منها على رسالة مني وهكذا وعرضت عليها للمرة الثانية كنت أنا في 3 جامعة وكانت هى في 2 كل مره بتتحجج وتقلي ايه الكلام الي انت بتقولة دا انا مش بفكر في كده دلوقتي واعتذرتلي انهها اتسببت اني أتعلق بيها وأنا آسفة وكدا... وبصراحة وقتها توقفت عن مراسلتنا تماما بس هى كانت دائما بتسأل وتقولي مش عايزاك تزعل انت لسه صغير وقدامك مستقبل وكده فبدأ الكلام تاني يرجع
حاليا أنا خلصت وهى بتمتحن آخر سنة ليها أهو
وبصراحة أنا عايز ابطل كلام معاها علشان ربنا وعلشان أحميها وأحافظ عليها أنا بس حاليا بدعمها في وقت الامتحانات واول متخلص عقولها أننا لازم نعمل stop لغاية كده لأنها بصراحة كانت داعم ليا في طوال فترة امتحناتي ولما كنت مسافر الساحل بعد مخلصت كلية ولما عرفت اني تعبت بمرض مناعي كده كانت دائما بتسأل عليا
وبصراحة مش عارف اتصرف ازاي هل اصارحها أننا لو مش هناخد خطوة بالحلال نوقف كلام بس بصراحة خايف على مشاعرها لاني أعتقد انها بتكابر أو مكسوفة في كل مره بحاول احطها في نقاش زي ده
ولا اعملها حظر ولا أحطها في الأرشيف ولا أعمل ايه
احنا كده بقالنا 4 سنين نعرف بعض معرفة قوية جدا
السلام عليكم، صح قرارك إنك توقف كلام معها، ويا ريت تأجل الكلام معها في موضوع الخطوبة لبعد الامتحانات وبعد كده كلمها إنك عاوز تتقدم ولو رفضت أو قالت أسباب رفضها وحاولت تقنعها ومنفعش وقالت لك خلينا أصحاب أحسن زي ما احنا يبقى الأفضل تقفل معها وصارحها إنك هتبعد تماما وإنك مش عاوز تغضب ربنا ومفيش داعي تفضل معلق نفسك في علاقة ملهاش معنى أو أساس. ومستقبلا لو ارتبطت بغيرها أو هي ارتبطت بشخص تاني لا أعتقد الطرف الثاني هيكون راضي بوجود علاقة بينكم مهما كانت محترمة وبحدود. بالتوفيق.
تم النشر الاثنين، ٤ مايو ٢٠٢٦
يا أخي العزيز، أشعر بصعوبة موقفك تمامًا، وأقدر احترامك لنفسك ولها ولدينك. 4 سنين معرفة قوية مش سهلة، ودعمكم لبعضكم حلو، بس زي ما قلت، التواصل ده مش صحيح إسلاميًا، وقد يؤدي لتعلق أكبر أو مشاكل. نصيحتي العملية: صارحها بلطف بعد امتحاناتها : قولها شيء زي: "أنا بحترمك جدًا وبحب أدعمك، بس علشان ربنا وحمايتنا، لازم نوقف الكلام ده غير بالحلال. لو في المستقبل خطوة رسمية، تمام، لكن دلوقتي stop." ده يحمي مشاعرها ويوضح موقفك بدون صدمة. لو رفضت أو ترددت : أوقف التواصل تدريجيًا. مش حظر فجأة (علشان مش عايزين جرح)، بس أرشف الشات وما تردش. ركز طاقتك على حياتك: شغل، رياضة، أصدقاء، ودور على خطبة شرعية من خلال أهلك أو مسجد. لنفسك : صلي الاستخارة، واقرأ قرآن يوميًا. هي مش الوحيدة، ربنا هيعوضك أحسن. قلبك هيروح مع الوقت إن شاء الله. ابحث في فدني عن أسئلة مشابهة هتلاقي إجابات كتير. لو عايز استشارة أعمق، روح للخبراء هنا: https://www.fedni.net/experts – في متخصصين في الإرشاد الزوجي والنفسي. أنت قوي وقادر، ربنا معاك! 💪 إذا عايز تتابع، قولي. 😊
تم النشر الاثنين، ٤ مايو ٢٠٢٦
اللهم آمين
تم النشر الاثنين، ٤ مايو ٢٠٢٦
بارك الله فينا وإياكم إن شاء الله... اللهم آمين وجعل الله ما فعلته في سبيل رضاه في ميزان حسناتك إن شاء الله
تم النشر الاثنين، ٤ مايو ٢٠٢٦
وجعلكي مأجورة لتغير سلوكي أيضا
تم النشر الاثنين، ٤ مايو ٢٠٢٦
بارك الله فيكي ان شاءالله
تم النشر الاثنين، ٤ مايو ٢٠٢٦
اللهم آمين يارب العالمين جزاك الله خير الجزاء على توكلك على الله وتسليم الأمر لله ... أيوة فكر في شغلك لأنك لما تتقدم و يحصل نصيب بإذن الله شغلك هيكون إيه يعني هتكون بيت وكدة يعني... وربنا يوفقك ويكرمك ويجازيك خير إن شاء الله
تم النشر الاثنين، ٤ مايو ٢٠٢٦
وشكرا ليكي ربنا يحميكي من أي فتن
تم النشر الاثنين، ٤ مايو ٢٠٢٦
دا بصراحة اولى ان عقلي يفكر فيه
تم النشر الاثنين، ٤ مايو ٢٠٢٦
وربنا يجعلنا من الحافظين لفروجهم ويعني ويرشدني لهدفي لاني لسه مخلص كلية من 6 شهور والواحد دايخ وهدفي مش واضح
تم النشر الاثنين، ٤ مايو ٢٠٢٦
إن شاءالله اللهم آمين وبالفعل بدأت وحذفت رقمها والشات وحطتها في الأرشيف ولو هى بعتت هبقى أقلها
تم النشر الاثنين، ٤ مايو ٢٠٢٦
شكرا ليكي انتي اصلا الي ساعدتيني أوصل للحل ده ... مش هقول اني كنت حبها بل بعشقها بقلبي وبعقلي لانها اول تجربة ليا اني اتكلم مع بنت وكانت العلاقة الي بنا حلوه وهى بصراحة طبعها عجبني جدا فهماني ولكن هوقف علشان ربنا وحماية ليها وليا من الوقوع في الحرام او حتى انه يبقى هين
تم النشر الاثنين، ٤ مايو ٢٠٢٦
فعلاً هو ده أنسب حل برافو عليك... لما تبدأ هي بالكلام ... وربنا يوفقك ويحققلك ما تتمني ويقدملك اللي فيه الخير بإذن الله
تم النشر الاثنين، ٤ مايو ٢٠٢٦
هسكت خالص لا متكلم ولا حتى سائل ولما هى ترجع تتكلم سواء في الفترة دي أو بعد متخلص هحكي بقى واعتقد ده أنسب حل
تم النشر الاثنين، ٤ مايو ٢٠٢٦
وبعد متخلص هقولها احنا كدا دلوقتي معدش في حاجة للزمالة وان العلاقة دي مترضيش ربنا وانا عرضت عليكي كذا مره خطوة الحلال وانتي في كل مره بتتهربي
تم النشر الاثنين، ٤ مايو ٢٠٢٦
معتقدش خالص انها تعرف حد غيري ولا حتى بتكلم ودا لانها ملتزمه بس الفكره اني عرضت عليها مرتين وفي كل مره بتقول حجج زي اننا صغيرين ومره حجة تانية انها مش بتفكر في الكلام ده دلوقتي وان الي بنا بس اهداف مشتركة فبصراحة توقفت عن الكلام معاها وكل مره ترجعني ليها تاني باسئلة عني زي عامل إيه، ايه الدنيا معاك دلوقتي، والأسئلة دي الي هى مفيهاش غير ان نفضل نتواصل فبصراحة هفضل معاها فتره الامتحانات دي لانها كانت بتسالني وتطمن عليا لما كنت بمتحن وحتى لما خلصت وسافرت شغل ولما عرفت اني تعبان فهرد حتى المعروف
تم النشر الاثنين، ٤ مايو ٢٠٢٦
بس انتي معايا اني متكلمش خالص في الموضوع ده غير لما تخلص امتحانات علشان مشغلش تفكيرها
تم النشر الاثنين، ٤ مايو ٢٠٢٦
شكرا ليكي على التوجيه
تم النشر الاثنين، ٤ مايو ٢٠٢٦
اللهم آمين
تم النشر الاثنين، ٤ مايو ٢٠٢٦
ملحوظة ..... لازم لازم لازم بكل جدية بقولك لازم تختار زوجة صالحة علشان دي اللي هتعيش معاها العمر كله وعلشان صحتك النفسية ... في ناس بيتجوزا ناس غير أسوياء نفسياً... بيدّمروا وبيجيلهم عقدة من الجواز خالص ... فربنا يرزقك الزوجة الصالحة التقية النقية إن شاء الله
تم النشر الاثنين، ٤ مايو ٢٠٢٦
مظبوط جداً جداً ولكن أنا مش متأكدة من ناحية إنك تكذب علي والدها من رأيي إنك (لما يحصل نصيب إن شاء الله) تصارحه بس بينك وبينه تماماً وتفهمه إنك مش عايز تكذب عليه وإنك عايزها بجد وممكن تطلب إن هو ما يعرفهاش إن هو عارف الحقيقة اللي هو كلامك معاهاوهو لما يعرف صراحتك هيتأكد إن هو هيدي بنته لشخص مؤتمن من البداية لأنه ممكن يكتشف بعدين فا يفقد الثقة فيك ويزعل منك وحتي لو رفضك في الأول ما تستسلمش وانت قدها وقدود إن شاء الله وربنا يقدملك اللي فيه الخير بإذن الله تعالى
تم النشر الاثنين، ٤ مايو ٢٠٢٦
ترتيب الكلام كده تمام
تم النشر الاثنين، ٤ مايو ٢٠٢٦
تمام بعد امتحانتها هقولها اننا خلاص خلصنا كلية احنا الاثنين ومعدش بقى في حاجة للزمالة وان الي بنعملوه غلط حتى لو كان كلام سطحي وهقولها انا مستعد اقولك للمرة ال ٥٠ لو عايزه اننا نكمل مستعد آخد خطوة رسمية معاكي ولو انتي خايفة من ان أبوكي يعرف اننا كنا بنتكلم متقلقيش هقوله حكاية مختلفه خالص ولكن لو انتي رفضه الرسميات لأسباب أخرى فيفضل اننا نكتفي ب ٤ سنين كلام وربنا يرزقك ويرزقني بالجواز
تم النشر الاثنين، ٤ مايو ٢٠٢٦
انا دلوقتي حسيت أنا عرفت هي رفضت الموافقة ليه يمكن علشان هي مش عايزة باباها يعرف إن هي كانت بتتكلم مع شاب مثلاً أو كدة وخايفة باباها يفهمها غلط ... الله أعلى وأعلم وده مجرد ظن فقط لا غير ... فانت ممكن تطمنها وانت بتتكلم معاها عادي علشان تصرف الفكرة دي لو موجودة
تم النشر الاثنين، ٤ مايو ٢٠٢٦
لا ما تختفيش مرة واحدة لازم تتكلم عن خطوة رسمية ولو للمرة العاشرة بس المفروض المحاولة هنا تكون مع الأب مباشرة بس مفيش فرصة لدة ....فاطلب رقم باباها واتكلم معاه ودي مفيهاش كسفة أبدا ده يدل على الرجولة وإنك بتطلبها بالحلال ....
تم النشر الاثنين، ٤ مايو ٢٠٢٦
أنا فهمت ده كويس بس هي لما تعرف الحدود كويس يعني لما تقف خالص وتعرفنا إن إنت ما عادتش ينفع تتلكم معاها وتبعد ... لو هي بقي نفسها مايلى ولو بإعجاب هتوافق اديك رقم بابا ولكن لازم الأول توقف معاها وتطلب رقم باباها بعد ما تعرفها إن اللي بتعملوه غلط وحرام
تم النشر الاثنين، ٤ مايو ٢٠٢٦
فانا عايز أعمل stop ولكن أجبها ازاي هل أختفي تماما وده تصرف مش صح ولا اتكلم معاها للمرة ٣ على خطوة رسمية وأكسف نفسي
تم النشر الاثنين، ٤ مايو ٢٠٢٦
شكرا جدا على الإجابة بس واضح كده ان حضرتك مقرتيش رسالتي بتمعن. أنا ذكرت اني قلتلها أكثر من مرة على خطوبة وهى مش عايزة وبتتهرب وباخد جنب وبترجع تكلمني تاني لدرجة انها عملتلي لغبطة في المشاعر عندي
تم النشر الاثنين، ٤ مايو ٢٠٢٦
؟؟!
تم النشر الاثنين، ٤ مايو ٢٠٢٦
عايزة أنصحك بنصيحة أخرى ... أكثر من الإستغفار يومياً...قال رسول الله صلى الله عليه وسلم... من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب... في يومك كله خلي لسانكﻻمتعود على ذكر الله وخصوصاً الإستغفار وأفضل وقت هو وقت السَّحَر وقت السحور يعني... قال تعالى... وبالأسحار هم يستغفرون... وفي آية آخري ... والمستغفرين بالأسحار.. واسمع خطب دينيه وتوعوية .. وأكتر حد بيتكلم عن الإستغفار الشيخ محمد حجازي علي اليوتيوب هيفيدك جداً جداً إن شاء الله
تم النشر الاثنين، ٤ مايو ٢٠٢٦
العفو يا أخي الكريم الشكر لله.... ربنا يجعلها زوجتك بالحلال بإذن الله تعالى ويجعلها خير زوجة وصاحبة وأم لأولادك بإذن الله... انت سبتها لربنا يبقي إن شاء الله ربنا يقدم اللي فيه الخير وياريت برضو تصلي ركعتين قيام بنية تقديم اللي فيه الخير وادعي ربنا وربنا يتقبل إن شاء الله وادعيه يرزقك الصبر والتحمل لأن كتر التفكير في موضوع زي ده مرهق وركز انت في شغلك وربنا يوفقك ويسهل عليك أمرك إن شاء الله تعالى
تم النشر الاثنين، ٤ مايو ٢٠٢٦
صح كلامك كدة... أنا فهمت انت مش عايز تصارحها دلوقتي علشان ما تجرحهاش ولكن الأفضل زي ما قلتلك يكفي لحد هنا وهي هتحترمك أكتر لأنك كدة هتكون راجل بصحيح حتي لو زعلت ... انت هتبطل كلام مش علشانها ولكن علشان ربنا ... هتبطل لله عز وجل... وجاتلي فكرة دلوقتي برضو... انت هتصارحها من دلوقتي حتي لو ده هيشتتها علشان تبعد فكرها خالص عنك ... وفهمها إن ما ينفعش حد غريب عنك مهما يكون بيدعمك بأي كلام وأي شيء يتكلم معاكي لأني غير محرم ليكي... وما تجيبش سيرة خطوبة خالص دلوقتي.... بعد ما تخلص امتحاناتها... أبقي أطلب رقم باباها منها ... ولا تعمل زي ما قلنا في الأول ؟ علشان أنا مش عايزاها تتشتت وفي نفس الوقت حاسة إن ربنا مش هيبارك في علاقة محرمة ... ولو من سبيل الدعم ورد المعروف
تم النشر الاثنين، ٤ مايو ٢٠٢٦
انا مش عايزة أظن من سوء بها بس هل هي كانت بترفض وتقولك تعال مثلا اخطبني بعد ما اخلص الكلية او كدا لو كدا يبقى هي بتبادلك المشاعر انما لو رفضت وقالت مش بفكر بس ف إما هي بتحب حد تاني او هي معندهاش مشاعر ليك فالاحسن إنك تستنى تخلص امتحانات وبعدها تطلب منها انك تكونو اسرة وتتجوزو لو رفضت اقطع علاقتك بيها لان هي كدا مش عايزاك وقد يكون قلبها معلق لحد تاني او معندهاش ليك مشاعر وربنا يصلح حالك وحالنا يا بطل
تم النشر الاثنين، ٤ مايو ٢٠٢٦
الشكر لله وحده... أيوة معاك في كدة لأن لو قلتلها دلوقتي دماغها هتتشتت ما بين مذاكرة وما بين كلامك فخليها لبعد الإمتحانات... وبالتوفيق إن شاء الله وربنا يقدملك اللي فيه الخير
تم النشر الاثنين، ٤ مايو ٢٠٢٦
أنا فهمت من كلامك إنك عارف إنك غلطان بالتكلم معاها بالبداية وحصل اللي حصل كلنا بنغلط عادي ولا يهمك أبداً ولكن المهم دلوقتي... هو التصرف مع الغلط ده هيكون إيه ؟...بما إنك أعجبت بيها واتعلقت بيها مش هقول حب ... لأن الحب بيكون بعد الجواز ... فده مجرد إعجاب واهتمام .. لأنك لسة ما تعرفهاش عن قرب ... واللي يخليني أقول كدة إن هي مهما تقول مش مضمون كلامها صادق ولا لأ وأنا مش بطلب منك عدم تصديقها أو تكذيبها ولكن ما تحطش آمال علي الفاضي .... بما إنك أعجبت بيها فالحل إنك توقف معاها لحد هنا وعرفها إن اللي حالياً بتعملوه غلط حتي لو كلام عادي بدون أي تجاوزات وهي لما تعرف ده هتحترمك أكتر لأنك كدة هتكون راجل معاها بجد فأنا هقولك لو انت مش قادر تصارحها بكدة ابعتلها رسالة واضحة ومختصرة جداً بدون أي كلام عادي....يعني زي كدة مثلاً....يا فلانة اللي احنا بتعمله ده غلط وحرام ومينفعش أنا كراجل غير محرم ليكي إن أنا أكلمك ...صدقني ده الحل الوحيد الصح دلوقتي .... أنا فاهمة إنك عايز تفضل تكلمها لحد بس ما تخلص امتحاناتها علشان تكون رديت جميلها في دعمك في وقت امتحاناتك ... بس مش انت طول الفترة دي كنت بتدعمها ... يبقي كفاية لحد هنا وخد رقم أبوها وعرفه كل حاجة بجد بكل صراحة واتقدملها رسمي وشوفها عن قرب وحاول تعرف دايرة معارفها وهكذا .... ( اللي هي عملته من الأول غلط ... حتي لو علي سبيل التعلم يعني هي كان هدفها إن هي تمارس اللغة مع واحد متقنها وكدة .. بس لما أنا ألاقي إن متقن اللغة ده شاب المفروض ألغي الكلام من الأول خالص إنما هي عرفت وانت عرفت وعديتوا الموضوع وهكذا لحد ما اتعلقتوا ببعض ... فالحل زي ما أنا قلتلك وما ينفعش تسيبها متعلقة اقطع الحوار انت بكلام صريح وواضح... يعني ما تسيبهاش مستنية دعم منك لأ خلصرمعاها وعرفها وخد رقم أبوها وبعد ما تخلص امتحاناتها أبقي اطلبها من أبوها.... وياريت تسني رد من الأخوة الكرام اللي في الأبلكيشن ده ... علشان ممكن يكون ليهم حل آخر ولكن الخطأ يبقي خطأ فأنا دلوقتي قلتلك على حل مشكلتك من وجهة نظري الشخصية وممكن تلاقي حلول أخري من الأخوة الأفاضل
تم النشر الاثنين، ٤ مايو ٢٠٢٦
لعرض السؤال في فدني اضغط هنا