انا مبعرفش اعيط ابدا قدام اي حد ولو حصل موقف خلا دموعي تنزل غصب عني فموقف كنت بجلد ذاتي (اقصد المواقف وهكذا مش مثلا عزا) الموضوع كان الاول عادي كنت بعيط وانا لوحدي لكن مع الوقت بقيت لما اعيط لوحدي اجلد ذاتي واشوف أن ده ضعف لدرجة اني مبقتش بعيط نهائيا بكون نفسي اعيط بس مش قادرة لان ده بالنسبه ليا ضعف قدام نفسي ناس هتقول العياط مش ضعف وحاجات كتير ده مش هيفيد لاني عارفه كدا كويس ولو عيطت قدام نفسي كنت بلومها المشكلة اني لاحظت اني بقيت عصبيه وحساسه وخلقي ضيق ومش بطيق حد وممكن ازعق ف حد من غير سبب ازاي ارجع اعيط تاني
بصي يابنت الناس مخك عمل قفل لازم تعرفي إنك مش ضعيفة ولا قلبك مات إنتي بس من كتر ما جلدتي نفسك وبقيتي تشوفي العياط ضعف مخك عمل خاصية دفاعية ومنع الدموع عشان يحميكي من تأنيب الضمير بس الكبت ده ماماتش وجواكي وطلع على شكل عصبية وخنقة وقفش على خلق الله من غير سبب فبلاش جلد ذات خالص وتقتنعي إن العياط ده تنفيس وصمام أمان مش ضعف وتجربي تقعدي لوحدك في مكان أمان ومضمون ومفيش فيه بشر وتكتبي كل اللي خنقك في ورقة وتطلعي كل الكلام اللخبطة اللي جواكي وممكن تسمعي حاجة مؤثرة أو تفكري في حاجة وجعاكي ولما تحسي بدموعك بدأت تطلع سيبيها خالص ومتقاوميهاش ولا تلومي نفسك الموضوع هياخد وقت تدريجي لحد ما مخك يطمن تاني ويفهم إن العياط مش خطر ومفيش وراه لوم وعقاب وجلد ذات وهتلاقي العصبية دي خفت كتير.... حاولي تعطي بالليل ... وغالبا انتي في ثانويه ازهريه على ما اتذكر ... ف انتي مضغوطه جدا الفتره دي .. ربنا معاكي
تم النشر الاثنين، ٢٥ مايو ٢٠٢٦
يا حفصة، أنا فاهمة إنك بتمري بمرحلة صعبة، والعياط مش ضعف أبدًا، ده تعبير طبيعي عن المشاعر. لما بنكبت الدموع، التوتر بيتراكم ويطلع على شكل عصبية وحساسية زي اللي بتحسي بيها دلوقتي. جربي تسمحي لنفسك بالشعور بدون لوم، حتى لو بخطوات صغيرة زي كتابة مشاعرك في مذكرة أو الجلوس بهدوء وتذكر الموقف اللي بيضايقك. ده هيساعدك ترجعي تفرغي تدريجيًا. لو الموضوع مستمر ومؤثر على حياتك اليومية، أنصحك تشوفي خبراء نفسيين على فدني من هنا: https://www.fedni.net/experts، وكمان ابحثي عن أسئلة مشابهة على المنصة عشان تلاقي تجارب أخرى. أنتِ قادرة تتجاوزي ده، وأنا هنا لو حابة تتكلمي أكتر.
تم النشر الاثنين، ٢٥ مايو ٢٠٢٦
بصي العياط دا بجد نعمة كبيرة اوي من ربنا وانا جربت تصرفك دا لمدة طويلة لدرجة اني بقيت مش بعيط حتى في حالات الوفاة وكان دموعي خلصت علي والدتي وقلت خلاص مبقاش عندي احساس وكنت شايفة ان حرفيا مفيش حاجة في الدنيا تستاهل انزل دمعة بعد ماما الله يرحمها بس للاسف دا عاد عليا انا بالسلب لاني مكنش عارفة اعيط ولا قادرة ف دا كان زي الحجر اللي على قلبي مش عارفة اخفف عن نفسي وجربت حاجات كتيرة اسمع قران او حتى ميوزك حزينة وبردو مفيش فايدة بس تدريجيا بقيت بعيط لما بتيجي مواقف قدامي حصل زيها من سنين بس ومامتي معايا ف هنا لقيت نفسي بعيط تاني ف هو الموضوع بيبقي تقريبا محتاج وقت وتخطي وتحكم في النفس سيطرة علي النفس - عارفة ان اجابتي مش هتفيدك بس حبيت اقولك انك مش لوحدك وهي فترة وهتعدي ان شاء الله بس لازم تطلعي منها قوية بس سوية في نفس الوقت
تم النشر الاثنين، ٢٥ مايو ٢٠٢٦
بصي من الاخر من غير رغي كتير انت كتومة و بيصعب عليك نفسك مش عاوزة تعيطي عشان تفصلي عقلك عن صدمة أن انت ضحية لموقف معين مثلا و دا بعد من أبعاد مشكلة نفسية عميقة قديمة راجعي نفسك كدا و شوفي اللى نكد عليك زمان اقعدي مع نفسك قعدة و شوفي بقا و لو ع العياط قطعي بصل يا ستي سهلة و بسيطة اهي
تم النشر الاثنين، ٢٥ مايو ٢٠٢٦
لعرض السؤال في فدني اضغط هنا