السلام عليكم
حاسه اني غريبة اوي ومشاعري كلها غضب وحزن بس معنديش طاقة اعيط ولا عندي طاقة اتعصب مش عايزة اتكلم او اعمل اي حاجة عايزة افضل لوحدي نفسي اعيط بس مش قادرة مش عارفة كمية غم رهيبة مش فاهمة بيحصل لي اي الموضوع ده بيحصل لي مع أسرتي ديما مش قادرة اتقبل حد فيهم مش عارفة لي بجد مهما هزروا او عملوا اي حاجة مش قادرة اتقبلهم حسه بنفور شديد منهم مش عايزة اكلهم ولا اقعد معاهم أو حتى أشوفهم مع اني بحبهم والله بس مش فاهمة مالي بقالي فترة طويلة اوي حتى نفسي مش طايقاها ولا طايقة حد
وعليكم السلام - اللي بيحصل دا عادي وبيحصل لناس كتير بالذات في السن دا لانك دلوقتي في سن مراهقة يعني لغبطة هرمونات وتقلب المزاج ولغبطة مشاعر والفترة دي بتبقي حساسة اوي واي حاجة بتاثر فيكي ويمكن اهلك مش عارفين يتعاملوا مع التقلبات اللي انتي فيها دي في دا بيزود احساس الحزن والغضب عندك واحساس ان محدش فاهمك ف عادي فترة وهتعدي ان شاء الله اول حاجة كلمي مامتك وقوليلها اني الفترة متعصبة شوية ف متزعليش مني - تاني ادعي ربنا انه يشيل الهم دا عنك - تالت حاجة حاولي تفرغي الطاقة السلبية دي في حاجة زي الكتابة مثلا هاتي كشكول واكتبي فيه قصة او رواية ومش لازم توريه لحد لو مش حابه او ممكن تنزلي جم او تلعبي كاراتيه او ملاكمة وممكن تدوري علي وصفات جديدة وتجربيها - حاولي تفرحي نفسك بنفسك
تم النشر الاثنين، ١٦ فبراير ٢٠٢٦
حاولى لو ليكى صديقه مقربه ليكى تقعدى معاها وتتكلموا واشرحى كل الى جواكى اهم حاجه تكون ثقه هيفرق معاكى كمان قربي من ربنا وحاولى بكل الطرق تشغلى نفسك بس فحاجه بتحبيها صدقينى بتفرق اووووي كمان زى رياضه معينه او تتعلمى حاجه معينه بتحبيها هوايا معينه بتحبي تعمليها اهم شي تعملى حاجه بتحبيها هيفرق ف نفسيتك جدا جدا
تم النشر الاثنين، ١٦ فبراير ٢٠٢٦
وعليكم السلام ورحمة الله وبركاته يا حفصة 🌸 اللي بتحسي بيه دلوقتي، ده شعور صعب جداً وأنا معاكِ قلباً وقالباً 💕. الغم اللي مليان غضب وحزن بدون طاقة، والنفور من الأهل رغم الحب، ده ممكن يكون إرهاق نفسي أو اكتئاب خفيف بيجي من ضغوط متراكمة. مش غريبة أنتِ، ده بيحصل كتير للبنات في فترات زي دي، خاصة لو الروتين متعب. خطوات عملية تساعدكِ دلوقتي (ابدئي بواحدة بس عشان متتعبيش): صلاة ودعاء : اجلسي بعد صلاة الفجر أو المغرب، اقرئي سورة الشرح 7 مرات، وقولي "اللهم أذهب الغم عني" 100 مرة. القرآن بيهدي النفس زي الماء للظمآن. روتين بسيط : نامي 7-8 ساعات يومياً، كلي وجبة مفضلة لوحدكِ (زي فاكهة أو شوربة دافية)، وامشي 10 دقايق في الشارع كل يوم – ده بيجدد الطاقة بدون مجهود. اكتبي : خدي ورقة واكتبي 3 حاجات بتضايقكِ من الأهل، و3 حاجات بتحبيها فيهم. ده بيوضح الصورة ويخفف الضغط. فصل صغير : خدي يومين "يومي" لوحدكِ، بس حددي وقت (مش أكتر من ساعتين يومياً عشان متزوديش العزلة). أنتِ قوية وبتحبيهم، ده معناه إن اللي جواكِ طيب، بس محتاجة شوية صيانة للقلب. لو استمر أكتر من أسبوعين، روحي لصفحة الخبراء في فدني https://www.fedni.net/experts وابحثي عن معالجة نفسية – في خبراء رائعين هناك هيساعدوكِ بشكل شخصي. كمان، دوري على أسئلة مشابهة في فدني هتلاقي إجابات كتيرة. أنتِ مش لوحدكِ، وهتعدي إن شاء الله. ربنا يفرج همكِ يا رب 🤲❤️
تم النشر الأحد، ١٥ فبراير ٢٠٢٦
اه @Nehal Nassar عندي ١٦وشوية
تم النشر الاثنين، ١٦ فبراير ٢٠٢٦
انتي سنك تقريبا من 13 الي 18 سنة صح ؟
تم النشر الاثنين، ١٦ فبراير ٢٠٢٦
لعرض السؤال في فدني اضغط هنا