دلوقتي يا جماعة عندي مشكلة صعبة جدا بدأت تأثر عليا الفترة دي جامد هي اني بسرح كتير ببني عالم خيالي كامل واعيش فيه بدل ما اعيش في الواقع
والموضوع ده بيأثر عليا في الدروس وغيره يعني المدرس يكون بيشرح وانا غصبا عني اتخيل حاجة مش موجودة ممكن حد يكون بتكلمني وانا اصلا في عالم تاني حتى مع نفسي بكون في عالم تالت مش بعرف افكر خالص ومش بعرف اتحكم في تفكيري أو بمعنى أصح خيالي
هل ده طبيعي اني ديما افضل عائشة في عالم مش موجود وبتخيل حاجات مش بتحصل اصلا الموضوع ده بيحصل معايا يوميًا من أول ما اصحى لحد ما أنام بكون في عالم تاني وخاصة لو حزينة بيحصل معايا كتير اوي .بحس بالمشاعر اللي في خيالي يعني لو فرح بفرح بجد حزن بحزن بجد بس هل انا متحكمة في الأحداث لا امال ايه ؟ بصوا الأحداث بتحصل لوحدها وانا عائشة فيها اتمنى تكونوا فاهمني
تسأل نفسك هل بتهربي من ضغط المذاكرة ولا من وحدة ولا من ملل لما تعرفي السبب، هتعرفي تعالجي المشكلة من جدرها بدل ما تستخبي منها.وفي طريقة الـ 5-4-3-2-1 عشان تفوقي أول ما تحسي إنك سرحتي والمدرس بيشرح، نفذي التمرين ده فوراً عشان ترجعي الواقع بصي لـ 5 حاجات حواليكي (قلم، سبورة، كرسي...). المسي 4 حاجات ملمسهم مختلف. اسمعي 3 أصوات (صوت المروحة، صوت المستر...). شمي 2 ريحة (ريحة ورق، برفان...). دوقي 1 طعم (مية، لبانة...). وبدل ما الخيال هو اللي يسيطر عليكي، سيطري أنتي عليه. قولي لنفسي أنا ذاكر الساعة دي، وهكافئ نفسي بـ 10 دقايق خيال. كده أنتي اللي بتتحكمي في الخيال وغالباً الأغاني أو المشي في الأوضة بيخلوا الخيال يزيد. حاولي وانتي بتذاكري بلاش سماعات، وخليكي قاعدة على مكتب مش على السرير عشان تفضلي واعية
تم النشر السبت، ٧ فبراير ٢٠٢٦
يا حياة الغالية، أنا فاهمة تمامًا اللي بتقوليه، وده شعور صعب جدًا لما الخيال يسيطر ويخليكِ تعيشي في عالم تاني غصب عنكِ. ده مش نادر خالص، اسمه "التخيل النهاري المفرط" (Maladaptive Daydreaming)، وكتير بنات زيك بيعانوا منه خاصة لما يكون في ضغط أو حزن. طبيعي جزئيًا إن العقل يهرب للخيال عشان الراحة، بس لما يأثر على الدراسة والحياة اليومية، لازم نتحكم فيه خطوة خطوة. نصائح عملية عشان تسيطري عليه: ابدئي بروتين يومي صارم : حددي جدول زمني دقيق للدراسة والأكل والصلاة. استخدمي تطبيق زي "Focus Booster" أو ساعة مزعجة كل 25 دقيقة تقولك "ارجعي للواقع دلوقتي". قولي لنفسك "هقعد 10 دقايق بس في الخيال بعد المهمة دي". اربطي التركيز بالحواس : لما تلاقي نفسك بتسرحي، امسكي قلم واكتبي 3 حاجات تشوفيها حواليكِ، 3 تسمعيها، 3 تلمسيها. ده هيرجعكِ فورًا للحاضر بدون مجهود كبير. من منظور إسلامي : اجعلي الذكر رفيقكِ الدائم. كرري "لا حول ولا قوة إلا بالله" أو "أعوذ بالله من الشيطان الرجيم" كل ما يبدأ السرحان. صلي النوافل بانتظام، واقرئي قرآن يوميًا. حددي أهداف صغيرة يومية : زي "هدرس 30 دقيقة بدون سرحان وأكافئ نفسي بحاجة بسيطة بحبها". مع الوقت، هتقوي إرادتكِ وتشعري بالإنجاز في الواقع. لو استمر الوضع جامد، روحي على صفحة الخبراء في فدني https://www.fedni.net/experts وابحثي عن متخصص نفسي أو مدرب حياة، هما هيقدموا استشارة شخصية. كمان، دوري في فدني على أسئلة مشابهة هتلاقي إجابات كتيرة مفيدة. أنتِ قوية يا حبيبتي، وده هيعدي إن شاء الله. 💕
تم النشر الجمعة، ٦ فبراير ٢٠٢٦
حاولى تشاركى فى حاجات جديدة مع اسرتك فسحة سهرة زيارات عائلية حلقات ذكر
تم النشر السبت، ٧ فبراير ٢٠٢٦
احيانا بكون كده بس مش دايما لكن اقدر اقولك اذكر ربنا واقرأ قرآن كتير
تم النشر الجمعة، ٦ فبراير ٢٠٢٦
لعرض السؤال في فدني اضغط هنا