مساء الخير
محتاجه مساعده حقيقيه لاني تعبت من الي انا فيه
انا بنت عندي 18 سنه و مسلمه الحمد الله انا مشكلتي اني و انا صغيره كنت بتفرج علي مسلسلات كتير اوي تركي و مصري و كده يعني المهم انا مش فاكره اوي لاني كنت صغيره الي بعملو دا بدأ امتى بس انا بقيت بمثل يعني ان انا البطله او البطل و بعمل فيها اني شايفه باقي الناس الي ف المسلسل دول يعني و بكلمهم و اهزر و اضحك و بتاع
زمان انا و اخواتي كنا بنلعب كده اكننا ناس تانيه مش احنا و اصحاب شركات و ناجحين و بتاع بس انا دلوقتي غير انا الي بعملو دا مأثر علي يومي كلو يعني بقيت ف كل ثانيه مش بعمل فيها حاجه بقيت بعمل كده اقعد ف حته فاضيه ف البيت و ابدا اتعامل و اتحرك و اروح و اجي و اسلم و اكني بمثل بظبط بكل التفاصيل
المشكله ان دا بجد بقي بيزيد اوي وانا بقيت بدايق من الي انا بعملو و خصوصا الفتره دي بقيت بعمل دا كتير اوي اكني انا البطله و متجوزه و دايما لازم مواضيعي تبقي فيها تلميح جنسي او حمل او قرب جسدي بيني انا و المخده و ساعات انا و الهوا يعني حضن او ببوس المخده على اساس هي شخص
و انا معرفش اشمعنا المواضيع دي بالذات ممكن علشان عندي فضول ليها بس انا ببطل لعب زي ما انا بسميها فورا لو حسيت انها هتبقى في شهوه او حاجه حرام وبستغفر ربنا بس برجع تاني والمهم انا الي انا بمثلو دا دايما بيبقى في ناس مهتميه بيا و بيطمنو عليا كل يوم و انا محور الكون بالنسبة لهم و حياتهم من غيري متمشيش
هي ف الاول كانت هروب من الواقع لاني مش بثق ف نفسي ولا حاسه اني بحبني و لا بكرهني يعني عادي ومش مقدره نفسي و لا بحترمها ودايما سعادة الناس فوق سعادتي و بحس ان دي حاجه كويسه فيا لاني مبحبش ازعل حد و لو حد زعل حلو لو مش قصدي او مش بسببي بحس اني لازم اعتذرلو و اصالحو
المهم مش عارفه ليه الموضوع دا وصل معايا لكده و بقى كل يوم و بعدت عن ربنا اوي ولو صليت يوم بطنش عشره و ببقى عارفه اني مطنشه و عارفه انو حرام بس مش حاسه بالذنب مش عارفه ازاي و انا ف تالته ثانوي و مش بذاكر وناقص كام يوم على الامتحانات بس مفيش حاجه شاغله تفكيري غير اللعبه دي
و ساعات ببقي ماشيه ف الشارع و افتكرت مشهد او حاجه عجبتني عايزه امثلها فممكن امثلها ف عقلي و ساعات بحرك شفايفي حته الاغنيه الي بسمعها بتخيلها ان البطل او البطله بيغنوها لبعض و دايما ورا كل اغنيه في سيناريو بيتألف ليها و دا جنان بجد
أنا محتاجه بجد حد يساعدني لاني مستحيل اقول حاجه زي كده لأهلي و مش معايا يكفي علاج نفسي او اني اروح لدكتور فلو في اي حد يقدر يعالجني من اللي انا فيه دا من غير اي فلوس ياريت حبقى شاكره ليه اوي انا محتاجه ابقي زي اي بنت تركز على مستقبلها و دراستها و مفيش حاجه تعمل فيها الي انا بعملو دا في حاجات كتير اوي انا مقولتهاش لاني مش عارفه اقول اي ولا اي بس اتمنى الي عايزه اقولو يكون وصل
مساء النور يا قمر، أنا ذكية هنا معاكِ، وأشعر بتعبك تمامًا.. أنتِ مش لوحدك في ده، كتير بنات زيك بيعانوا من "الخيال المفرط" (Maladaptive Daydreaming) بسبب المسلسلات، وده بيبدأ لعب عادي ويبقى إدمان يسرق اليوم. الحمد لله إنك مسلمة وبتعرفي إنه غلط، ده خطوة كبيرة! أول حاجة: ارجعي لربنا خطوة خطوة (ده أقوى علاج) ابدئي بصلاة واحدة يوميًا بس، زي الفجر، وقفي قدام القبلة وقولي: "يا رب ساعديني أسيطر على نفسي". اقرئي صفحة قرآن كل يوم. الذنب مش هيروح مرة واحدة، بس الاستمرار هيبني إحساسك بالذنب تاني. قولي "أعوذ بالله من الشيطان الرجيم" كل ما الخيال يجي، وقومي غيري مكانك فورًا (روحي المطبخ أو غرفة تانية). تاني: غيري روتينك عشان الدراسة (ثالثة ثانوي مش نهاية العالم!) جدول بسيط : قسمي اليوم لـ3 أجزاء: 2 ساعة دراسة صباحًا (ابدئي بمادة واحدة زي الرياضيات، حلي 5 مسائل بس)، ساعة رياضة (مشي سريع في الشارع)، وباقي اليوم هواية حقيقية زي الرسم أو طبخ حاجة جديدة. امسحي كل مسلسلات وأغاني من موبايلك، وحطي بدالها بودكاست مفيد. لو الخيال جه في الشارع، شدي إيدك على شنطتك وقولي أذكار. تالت: ابني حب نفسك وثقتك كل صباح اكتبي 3 حاجات حلوة فيكِ (زي "أنا طيبة ومش بأزعل حد")، وقوليها في المراية. سعادتك أولوية، مش سعادة الخياليين دول! هدف أسبوعي: ذاكري مادة واحدة كاملة، وكافئي نفسك بحاجة حلال زي شراء كتاب. أنتِ قوية يا بنت، وده هيروح لو التزمتِ أسبوع. جربي وابعتيلي تقدمك! لو عايزة مساعدة أكتر، ابحثي في فدني عن "خيال مفرط" هتلاقي إجابات كتير، وروحي https://www.fedni.net/experts لخبراء نفسية (فيه استشارات رخيصة أو مجانية أحيانًا). ربنا يفرج همك ويوفقك في الثانوية العامة، أنتِ تستاهلي مستقبل زاهي! 💕
تم النشر الثلاثاء، ١٢ مايو ٢٠٢٦
ااه مشيت على الطريقة ال قولتلك عليها وبعدت بشكل كبير ، استعينى بالله بس وأشغلى وقتك بأنشطة واعيه ، حتى لو هتحاربى مخك كل دقيقه ادخلى حرب معاه نهايتها انتى الكسبانه إن شاء الله
تم النشر الأربعاء، ١٣ مايو ٢٠٢٦
إدمان الخيال شيء صعب ، شخصياً كانت فترات هجومه عليا هيا أكثر فترات انا فيها بعيد عن ربنا وف نفس الوقت عندى فراغ ف وقتى تقريباً 16 ساعة ، الشيطان ليه النسبة الأكبر من وصولنا للحالة دى ، زى م انتى قولتى بالتأكيد هروب من الواقع ، ركزى ف الأوقات دى انتى بتهربى من اى وحاولى تتقبليه وادعى ربنا انك تتقبليه زى ما هوا كده ويشرح صدرك ، أما المهم والاهم إنك تحاولى لو على موتك تلتزمى بالخمس صلوات على وقتهم لو تعارض مع أنشطة اليوم يبقى فوراً أول ما تفضى أول ما يملء داخلك بالسكينه وانشغالك بربنا هيبدأ يعالج كل القصص دى وحده وحده وعلى ذالك المنوال بقا خلاص عرفنا الطريقة : كل ما هتزودى طاعات واجبات ومستحبات كل ما هتقربى أكتر كل ما انشغالك بربنا والجنة والنار هيكون أكتر كل ما هتحسى بمراقبة ربنا اكتر كل ما هتستحى منه بالتبعية أكتر، الإناء ينضح بما فى داخله ، استغلى حبك للخيال بقا فإنك تكتبى مثلاً ( رواية ، محتوى ، إلخ . خدى دورات رسم وتصميم ، ادرسى 3D max والبرامج ال شبهه ، المقصد هنا سخرى موهبتك فى الخيال فى حاجات تانى و وحده وحده هتظبط معاكى
تم النشر الأربعاء، ١٣ مايو ٢٠٢٦
طيب و قدرت تبعد عنها ولا لسه انا مش عارفه كل يوم اقول يوم جديد بس مش بعرف بلاقي نفسي رايحه لمخي لوحدي و انا انسان بينسي بسرعه فا مش عارفه اي الي ممكن استفيد منو ف الي انا بعملو دا
تم النشر الأربعاء، ١٣ مايو ٢٠٢٦
لعرض السؤال في فدني اضغط هنا