السلام عليكم ورحمه الله وبركاته
انا عندي مشكله وهي ان انا بسمع اغاني علشان اقعد اتخيل حاجات زي حروب وحاجات من دي بس الفكره ان انا عايزه ابطل اسمع اغاني علشان حرام وفي نفس الوقت انا حاولت كتير ابطل حوار ان انا اتخيل لان انا لما بتخيل بفضل رايحه جايه وانا بسمع الاغاني وبتخيل حاولت اكتب ومقدرتش لدرجه ان انا كتبت روايه بس بردو سألت شيوخ وقالوا اني لازم اقاوم ومعرفش ايه الفكره ان انا داخله تالته ثانوي وانا كل شويه آخد الموبايل ( الموبايل مش معايا علطول فتره الدراسة بيطلع يوم الجمعه والسبت بس) من ورا ماما واسمع اغاني علشان عايزه افضي الخيال الي جوايا المشكله ان انا محتاجه طريقه افضي الخيال وكذا حد قالي اروح عند دكتور نفسي بس طبعا دا مستحيل ف محتاجة حد يفيدني وشكرا
السلام عليكم احب اعرفك اني عن تجربه انصح لذلك انت تعرفين انني ساقول لك يجب عليك ترك الموسيقى وهذا صحيح ولكن المشكله الحقيقيه هي كيف يجب ان يكون هناك عده خطوات لانني اعرف ان الموسيقى تهيئ اجواء تسمح لخيالك بان يكون افضل بالنسبه لك وان يكون ملاذكي لكن هذا سيسبب لك مشاكل في الحياه لذلك ترك الموسيقى يتطلب التقرب من شيء اخر حاول التقرب من الله طب كيف ولماذا اولا عن طريق الاستماع للقران بصوت يطمئن ويرتاح له قلبك وانا ارشح الشيخ عمرو بن ضياء الدين ثانيا الالتزام بالصلوات ليس كم مجرد واجب او فرض لكن كملاذ امن جديد احكي لله وادعي المهم شوفي انت حابه علاقتك مع ربنا تكونيها ازاي بالطريقه اللي انت حاسه ان هي هتكون مناسبه لك اكتر وهتحبيها اكتر فعمليها مدام ده اللي هيريح طب ليه تقربك هيساعدك اول حاجه لان هو هيشغلك بطريقه كويسه وايجابيه مش زي الموسيقى والاغاني اللي هتشغلك بطريقه سلبيه لان هي بتنشئ لك عالم جديد من الاوهام مش هتستفيدي منه حاجه وهيضيع لك وقتك وكمان لان هو هيدخل الطمانينه على قلبك وهتكوني بتعملي حاجه كويسه لدنيتك ولاخرتك لان صدقيني انا عن تجربه الموسيقى بتشتت دماغك وعقلك وقلبك هتخليكي تحبي القعاد لوحدك فهتبعدك عن اسرتك واصحابك وهتخليك تحسي اكتر انك فعلا بقيتي لوحدك حتى لو انت مش كده ممكن يبقى اهلك واصحابك كلهم يتمنى ان هم يقعدوا معاكي بس انت مش حاسه الاحس ومش هيوصل لك لانك على طول قاعده لوحدك فايوصلك ازاي وعايزه اقول لك على حاجه هو تنبيه مهم ممكن يكون اهم حاجه انا هقولها لك دلوقتي انت ممكن ما تقدريش تنتظمي على ده طول حياتك بمعنى مش هتقدري تبعدي عن كل المعاصي دي فجاه وتظبطي حياتك في يوم وليله او حتى في اسبوع او حتى يمكن شهر لان انت حرفيا بتغيري برمجه دماغك ممكن تبعدي شهر عن الموسيقى وبعديها ترجعي لها وممكن حتى ما تقدريش تكملي يومين خصوصا في البدايه لكن ده ما ما يحبطكيش لان ده يخليك تتاكدي ان انت كده بتجاهدي نفسك ودي حاجه كويسه الطريق مش مستقيم الطريق مره هيطلعك لفوق تحس انك بقيتي خلاص كويسه جدا ومره هينزلك لتحت وتحس انك خلاص الحياه باظت وعمر ما في حاجه هتتصلح او هتتطور لكن خلي بالك ده مجرد احساس بالاحباط وممكن الشيطان بيبقى عايزك تفضلي قاعده في المنطقه السلبيه في حياتك لكن لا الحياه كلها مضلمه ولا الحياه كلها منوره انا لسه لحد دلوقتي ببعد فتره عن الموسيقى واحيانا برجع بس ممكن بعديها في فتره احاول ابقى احسن تاني وبعديها ببقى اسوء بكتير بحس ان انا لا عايزه الاغاني هي دي حياتي وبعدين ابقى احسن بكتير بقول خلاص بقيت كويسه بس الحمد لله ان احنا بنتحاسب على السعي واهم نصيحه برده انك تدعي نفسك بالهدى وتدعي لي معاك يا قلبي😂🎀 لو عندك صديق مقرب او شخص من افراد العائله عزيز عليك ممكن تطلبي منه مساعده انه لو شافك بتسمعي اغاني يطلب منك انك تبطلي ويشغلك باي حاجه تانيه لانه طول ما انت قاعده فاضيه شيطان هيوسوس لك ربنا يوفقك يا قلبي ويهديك ويهديني ويهدينا كلنا 🪷🩷
تم النشر الخميس، ٩ يوليو ٢٠٢٦
السلام عليكم، طيب إيه المشكلة في إنك تطلعي الخيال في قصص تكتبيها؟ مجرد كتابة التخيلات اللي في دماغك بيحررها وبيقلل ضغطها ودوشتها المستمرة في دماغك. ولا تقصدي إنك عاوزة تطلعيه يعني تتخلصي منه تماما فميخطرش ببالك أو تقصدي إنك لما بتقعدي تتخيلي بترتاحي فعشان كده بتلجأي للموسيقى عشان تحول الأفكار لخيالات بتقدري تعيشيها وتلمسيها؟ *** بتقولي حاولتِ تكتبي مقدرتيش بس قلت برضه كتبت رواية... قصدك إنها كانت أي كلام ومحسيتيش بها؟ الكتابة عامة بتتطور بالممارسة وكل ما هتكتبي كل ما هتتحسن كتابتك وهيكون تجسيد الخيال على الورق أفضل. يعني من رأيي الكتابة هتكون أفضل شيء للتعامل بطريقة صحية مع الخيال وبدون مقاومة سلبية تزوده مش العكس.
تم النشر الأربعاء، ٨ يوليو ٢٠٢٦
وعليكم السلام ورحمة الله وبركاته، أولاً، أقدر جداً صراحتك وجهدك في محاولة التغيير، خاصة وأنتِ في مرحلة ثالثة ثانوي مليئة بالضغط. الرغبة في التوقف عن الاستماع للأغاني لأنها حرام خطوة إيجابية، والشيوخ الذين استشرتِهم أشاروا إلى المقاومة، وهذا يعني أن الطريق ليس سهلاً لكنه ممكن بالتدريج والاستبدال. الخيال الذي يأتي مع الموسيقى يحتاج إلى "تصريف" صحي، وأفضل طريقة هي تحويله إلى نشاط إنتاجي يرضي الله ويفرغ الطاقة. جربي كتابة قصص أو روايات قصيرة بمواضيع إيجابية أو تاريخية إسلامية، مثل قصص الصحابة أو معارك تاريخية بطريقة أدبية مفيدة، فهذا يسمح للخيال بالتدفق دون الحاجة للموسيقى. إذا واجهتِ صعوبة في البداية، ابدئي بكتابة يوميات أو وصف مشاهد خيالية على ورقة، ثم طوريها تدريجياً إلى قصة كاملة. هذا يحول الخيال من مجرد استهلاك إلى إبداع يمكن أن يكون مفيداً لكِ ولغيركِ. استغلي وقت الدراسة والعبادة لتوجيه الخيال بشكل أفضل؛ مثلاً، استخدمي الخيال في التفكير في أهدافكِ المستقبلية أو في الدعاء بطريقة مفصلة، فهذا يملأ الفراغ ويجلب الراحة النفسية. في عطلات نهاية الأسبوع، حددي وقتاً محدداً للكتابة أو القراءة في كتب مفيدة بدلاً من الموبايل، واجعلي هذا روتيناً ثابتاً حتى يصبح عادة. تذكري أن المقاومة تحتاج إلى صبر، وكل محاولة ناجحة تقربكِ من الراحة الحقيقية. يمكنكِ البحث عن أسئلة مشابهة على فدني للحصول على آراء إضافية من الآخرين.
تم النشر الأربعاء، ٨ يوليو ٢٠٢٦
الهي نفسك ديما وبلاش تقعدي فاضيه
تم النشر الخميس، ٩ يوليو ٢٠٢٦
اسمعي اغاني بدون موسيقي
تم النشر الخميس، ٩ يوليو ٢٠٢٦
لعرض السؤال في فدني اضغط هنا