عايزة حاجة الواحد يعملها ف الاجازة تخليه يكون شخصية تاني تخلي شخصيته قويه( غير قراءة القرآن وكورسات اللغات) عايزة مثلا أسماء كتب مفيدة او حاجات مفيدة اعملها تفيدني
بصي يا حفصة عايزة أقولك حاجة مهمة… فكرة إنك تبقي شخصية تانية في الإجازة دي مش صح أوي، الأحسن إنك تطوري نفسك واحدة واحدة لحد ما تبقي نسخة أحسن منك مش حد تاني خالص أول حاجة لازم تبقي فاهمة نفسك شوية، إنتي بتحبي إيه بجد وإيه اللي ممكن تكملي فيه حتى لو اتعبتي أو زهقتي، لأن أي حاجة هتبدأيها من غير اقتناع غالبًا مش هتكملي فيها.. بالنسبة للروايات، هي حلوة وبتوسع خيالك وده واضح عندك فعلًا لأنك كتبتي جزء من رواية قبل كدا، بس متخليهاش كل وقتك، الأفضل إنك تستغلي ده إنك تكملي اللي بدأتيه أو تكتبي حاجة جديدة، كدا تبقي حولتي الحاجة اللي بتحبيها لمهارة الكروشيه او اشغال الهاند ميد برضو بداية كويسة، لو حاسة إنك ميالة ليها كمّلي فيها وحاولي تتطوري واحدة واحدة، حتى لو بتعملي حاجات بسيطة، مع الوقت هتلاقي نفسك بقيتي أحسن بكتير بس أهم نقطة بجد متلخبطيش نفسك بين كذا حاجة، متدخليش في جو إني عايزة أتعلم كل حاجة مرة واحدة، اختاري حاجة أو اتنين بالكتير وركزي عليهم كويس، لأن بصراحة الاستمرار أهم بكتير من الحماس في الأول… في ناس كتير بتبدأ بحماس جامد وكأنها هتعمل كل حاجة، وبعد شوية بتقف في النص وتكسل حاولي كمان تتعلمي تنظيم يومك حتى بشكل بسيط، يعني يبقى عندك وقت لحاجة مفيدة ووقت راحة عادي، مش لازم تمشي على جدول مثالي بس يبقى فيه نظام بسيط يخلي يومك ماشي ولو هتقرأي كتب، اختاري حاجة تفيدك بجد يعني علي سسبيل المثال انتي بتحبي الكتب العلميه و لا الفلسفيه شويه و لا الدينيه ولا اي ف لي حسب كدا ي و لو حابه ارشحلك كتاب ف اي حاجه منهم قولي و هحاول اساعدك..كمان ممكن تبدأى بكتاب العادات الذرية، ده بيفهمك إزاي تبني عادات صغيرة وتثبتي عليها وده اللي إنتي محتاجاه فعلًا..وكمان أنا شايفة إنك تسمعي البودكاست اللي كله بيوصي بيه حرفيا زي علاء حامد (الداء والدواء) وعبد الرحمن ذاكر الهاشمي، دول محتواهم كويس جدًا وهيفيدك في طريقة تفكيرك وفهمك لنفسك، بس خدي منهم بالراحة ومتحاوليش تطبقي كل حاجة مرة واحدة وفي شوية حاجات بسيطة لو عملتيها هتفرق معاكي حاولي تقللي وقت الموبايل شوية، اكتبي يومياتك حتى لو كام سطر، اتعلمي تعملي أكل بسيط، ده هيفيدك جدًا بعد كدا، اعملي أي نشاط خفيف زي المشي عشان نفسيتك تبقى أحسن.. وفي الآخر خالص، متضغطيش على نفسك إنك لازم تعملي كل حاجة في الإجازة، خديها واحدة واحدة، ثبتي نفسك على حاجة ولما تمشي فيها كويس ابقي زودي غيرها، أهم حاجة الاستمرار مش البداية الحماسية وخلاص. معذرة ع الاطاله بالتوفيق🤍
تم النشر الأحد، ٣ مايو ٢٠٢٦
بصي لازم تتابعي الدكتور عبدالرحمن ذاكر الهاشمي... ودكتوره عزه الغامدي .. والبشمهندس علاء حامد في دورات كتير ليه .. وتابعيني انا 😅 ... المهم على حسب سنك اقلك ناس تاني موفقه باذن الله 🌷 🤍
تم النشر السبت، ٢ مايو ٢٠٢٦
بصي يا عسل أنا هقولك دلوقتي على خطة الإجازة بتاعتي اللي بقالي عشروميت سنة بخططلها ومش بنفذ وإن شاء الله هبدأ من أول يوم في إجازتي دي .... أولا كدة أنا بحب أقرأ روايات رومانسيه إسلامية أفضل رواية هتلاقيها كدة رواية اسمها ولنا في الحلال لقاء... دي تحفة بجد وفيه روايات تانية نفس التصنيف الجميل ده بس مش هتلاقيهم غير علي أبلكيشن واتباد أنا كنت مسحته عشان بيجيب روايات 18 سنة وكدة بس حملته تاني عشان الروايات دي ... أنا في اللي قرأتهم وفيه اللي لسة .... 1 شيخ في محراب قلبي 2 لا تؤذوني في عائشة 3 وريث آل نصران دول بجد تحفة فنية 💯🔥.... الهواية التانية بعيداً عن قراءة الروايات السخيفة ... نفسي بجد أتعلم كروشيه ... الكروشيه هواياة وممكن لما تتطوري فيه تعملي ملابس عادي بالكروشيه وفيه تطبيق بنترست بيديكي أفكار برضو تعمليها بالكروشيه بس ده لما تتقني الكروشيه خالص وتتقني الغرز وكدة هتلاقي كورسات لتعلم الكروشيه علي اليوتيوب... وبرضو نفسي أطور مهارتي في الرسوم كهواية برضو أنا بحب الرسم جداً 💗ممكن تبدأي تتعلمي الرسم ❤️ونفسي أقوم بتأليف كتاب ورواية... بحب التأليف بما إني خيالية شويتين 🤏وبرضو نفسي أعمل أنشودة لماما 😅يعني أقوم بتأليفها أنا .... 💕أنا معايا تابلت هونر نفسي في الإجازة أشتري قلم إلكتروني عشان أرسم رسم رقمي اللي هو الرسم الديجيتال 🌝ونفسي أتعلم برمجة بس ده لما أتخلص من عقدة الإنجليزي وأتعلمه الأول 😣وبس كدة يا حبيبتي لو بقي عندك استفسار لأي حاجة أنا معاكي وجاتلي فكرة برضو .... ايه رأي لو حبيتي الحاجات دي نبدأ احنا الإتنين مع بعض ؟🫢🌷
تم النشر السبت، ٢ مايو ٢٠٢٦
يا حفصة الغالية، فكرة رائعة إنك عايزة تستغلي الإجازة عشان تبني شخصية أقوى وأكثر ثقة! هقولك خطة عملية وبسيطة، مع أنشطة يومية تحولك تدريجيًا، وأسماء كتب مفيدة جدًا (هقترح ٤ كتب عربية/مترجمة سهلة الوصول). السر في الاستمرارية والتركيز على النتائج اللي تشوفيها بنفسك. خطة يومية للإجازة (٤ أسابيع عشان تشوفي تغيير حقيقي): الصباح (ساعة واحدة): ابدئي بكتابة "يوميات النجاح" – اكتبي ٣ أهداف صغيرة لليوم (مثل: "هتمشى ٥٠٠٠ خطوة" أو "هقرأ ٢٠ صفحة"). ده بيبني انضباط وقوة إرادة. الرياضة: مشي سريع أو تمارين منزلية بسيطة زي الـsquats والplanks (ابحثي فيديوهات يوتيوب مجانية). هتغيري جسمك وثقتك بنفسك، وهتحسي بقوة داخلية. التحدي اليومي (ساعة): جربي مهارة جديدة زي الطبخ وصفات صحية جديدة (مثل سلطات مغذية)، أو رتبي خزانتك/غرفتك كل يومين (ده بيعلّم السيطرة والتنظيم). المساء (٣٠ دقيقة): راجعي اليوم: إيه اللي نجح؟ إيه اللي هتحسنيه؟ ده بيبني عقلية النمو. كتب مفيدة لبناء شخصية قوية (اقرئي واحدة كل أسبوع): "العادات السبع للناس الأكثر فعالية" لستيفن كوفي : يعلمك إزاي تبني عادات قوية زي التركيز والتوازن، هتحسي إنك مسيطرة على حياتك. "كيف تكسب الأصدقاء وتؤثر في الناس" لديل كارنيجي : سر الثقة في التواصل، هتغيري علاقاتك وتكسبي احترام الآخرين. "الأب الغني الأب الفقير" لروبرت كيوساكي : يغير تفكيرك في المال والاستقلال، بيبني شخصية ماليًا قوية. "فن اللامبالاة" لمارك مانسون : يساعدك تركزي على المهم وتتخلصي من الضغوط، قوة نفسية حقيقية. طبقي الخطة دي، وهتلاحظي في نهاية الإجازة إنك شخصية أقوى وأكثر تحديدًا. لو عايزة تفاصيل أكتر أو خطة مخصصة، شوفي الخبراء في https://www.fedni.net/experts، أو ابحثي أسئلة مشابهة في فدني عشان تجيبي أفكار إضافية. أنتِ قادرة، يا قمر! 💪✨
تم النشر السبت، ٢ مايو ٢٠٢٦
ممكن بردو تتعلمي مهاره فري لانسر(برمجه،كتابه،مونتاج،الخ)
تم النشر السبت، ٢ مايو ٢٠٢٦
@𝑆 𝑀𝑜𝑠𝑡𝑎𝑓𝑎 ربنا يوفقك يارب انتي وما تالته ويكتب لكن الخير
تم النشر الأحد، ٣ مايو ٢٠٢٦
@𝑆 𝑀𝑜𝑠𝑡𝑎𝑓𝑎 تانيه مش ثالته
تم النشر الأحد، ٣ مايو ٢٠٢٦
كتاب مالا تعرفه عن الحياه ،،، وكتاب العادات الذرية
تم النشر الأحد، ٣ مايو ٢٠٢٦
لابد لكِ مِن ترويح نفسك بحيث إنك تدي لنفسك فرصة ترتاحي شوية مِن ضغوط نفسية وعصبية فتعملي حاجات بسيطة تكوني بتحبيها زي إنك تخرجي أو تزوري أماكن هادئة وفيه حاجات تانية كتير بس دماغي مش مجمعة علشان لسه صاحي من النوم من شوية 😂
تم النشر الأحد، ٣ مايو ٢٠٢٦
عادي اغلبنا بنعرفش نعمل حاجه غير لما نجاهد وندوس علي نفسنا شويه لو قولنا بمنعرفش هنفضل سابتين مكنا ،، شوفي السبب الي عامللك تعفن دماغ(سوشيال، جيمز،حجات تانيه) وتقليي من الحاجات دي او تلغيها . دا سوال حد كان بيتكلم عن السوشيال ممكن يفيدك.. كيف أتخلص من إدمان السوشيال ميديا مع فشل كل الطرق؟ https://www.fedni.net/q/56580610
تم النشر الأحد، ٣ مايو ٢٠٢٦
هتم17 شهر8
تم النشر السبت، ٢ مايو ٢٠٢٦
@حفصة كامل . انا قريته بيتكلم عن اهميه العادات وازاي تكتسبي عادات جديده وازاي تبعدي عن عادات وفي جداول جوا الكتاب حلوه
تم النشر السبت، ٢ مايو ٢٠٢٦
اقري كتاب العادات الذريه هيفيدك جدا
تم النشر السبت، ٢ مايو ٢٠٢٦
اقرا كتاب احببت وغدا بعيدا عن الاسم بيحكي عن تجارب كتير لشخصيات مختلفة
تم النشر الأحد، ٣ مايو ٢٠٢٦
@حفصة كامل . اللهم آمين يارب و اياك أضعاف مضاعفه
تم النشر الأحد، ٣ مايو ٢٠٢٦
@حفصة كامل .انتي داخله تانيه ثانوي؟؟
تم النشر الأحد، ٣ مايو ٢٠٢٦
ما شاء الله يعني انتي في تانية ثانوى ؟بحسبك أولى ثانوي والله 🫶💕بس في السن انتي أكبر لأنك 17 😎🫡
تم النشر الأحد، ٣ مايو ٢٠٢٦
@حفصة كامل ... يعني داخله تالته ثانوي🥲.. طب خدي كورس ف الانجليزي... و اقرأي كتاب كيف اذاكر... و ابعدي عن السوشيال مديا علشان تبقي متعوده تبعدي عنها من دلوقتي.. و لو ازهريه احفظي قران مع معلمه...و حددي المدرسين اللي هتاخدي معاها من دلوقتي يعني لو هتاخدي الماده كذا منصه مع المدرس كذا يبقا تروحي تسمعي حصه له ع اليوتيوب علشان تشوفي اذا فهمتي منه ولالا و تحددي هتاخدي عنده ولالا.... و كمان اي حد متعلقه بيه تحاولي تقللي كلامك معاه علشان تعلقك بيه يقل علشان تتعلقي بالمذاكره بس😂بهزر..وف نفس الوقت متنسيش ترفهي عن نفسك ف الاجازه يعني اخرجي و اتفسحي و اعملي كل اللي نفسك فيه بس اهم حاجة تتعلمي انجليزي كويس اوووووي و تحفظي كلمات كتيييير و تاخدي كورس مع اكادميه كويسه و تحددي المدرسين اللي انتي هتاخدي معاهم و تحفظي قران و تبعدي عن السوشيال علشان تعلقك بيها يقل و تقراي كتاب كيف اذاكر لو حابه يعني....معرفش كتاب( البسي واسع).لمين الصراحه انا لسا هقرأه بعد تالته اصلا ادعيلي اخلص تالته ع خير و اقرأه
تم النشر الأحد، ٣ مايو ٢٠٢٦
@𝑆 𝑀𝑜𝑠𝑡𝑎𝑓𝑎 بتاع حنان لاشين
تم النشر السبت، ٢ مايو ٢٠٢٦
@محمد احمد عندي تعفن دماغ مبعرفش اتعلم حاجة
تم النشر السبت، ٢ مايو ٢٠٢٦
انتي عندك كام سنه؟
تم النشر السبت، ٢ مايو ٢٠٢٦
كتاب البسي واسع
تم النشر السبت، ٢ مايو ٢٠٢٦
بيتكلم عن اي @Basma Abd rabo
تم النشر السبت، ٢ مايو ٢٠٢٦
لعرض السؤال في فدني اضغط هنا