السلام عليكم ،
أنا حاليا في اجازه وقبل الاجازه ماتيجى كنت بقول أن أنا هستغل الاجازه بحاجه تفيدني ولما جات الاجازه حصل العكس
كل يوم فى الاجازه كنت بقول طب بكره هتعمل حاجه جديده وكل يوم اقول كده ومافيش حاجه بتغير بفضل ال24 ساعه ع التليفون وبسهر عليه وانا مش عايزه أسهر عشان بقى تحت عينى اسود جامد
وانا بقول دلوقتي هتعمل مثلا البرمجه وانا مش فاهمه اى حاجه فيها وبحس أن الاجازه دى عطلت دماغى بقيت حاسه ان أنا غبيه بقيت حاسه ان أنا مش عارفه اركز ومش عارفه افكر وانا داخله تالته اعدادى يعنى شهاده وخايفة برضو أن أنا هجيب مجموع وحش وهنقل مدرستي ودروسى و مش عارفه هتعرف ع الناس اللى هناك بسرعه ازاى وانا دماغى متلغبطه جدااا ، أرجوكم حد يكتبلى حل او حلول 😔
السلام عليكم، لو أنتِ لسه مخلصة امتحانات فممكن جسمك وعقلك محتاجين يفصلوا وطبيعي بعد فترة ضغط تحسي بانعدام الطاقة والشغف وعدم القدرة على فعل أي شيء. إذا بقالك فترة مخلصة امتحانات والمفروض أخدتِ فترة راحة كافية فده ينقلنا للاحتمال التاني اللي غالبًا هيكون السبب وهو إنك حولتِ الموضوع لإلزام. ** أي حاجة هنحولها لإلزام، طبيعي العقل هيبدأ يضع لنا مبررات عشان نتهرب من عملها وهتلاقي نفسك بتهربي عن طريق التسويف بطرق مختلفة، النهاردة مفيش طاقة، بكرة تعبانة بسبب سهري على الموبايل. إدمانك للموبايل في حد ذاته نوع من الهرب من المسؤولية اللي فرضتِها على نفسك وإنه لازم وحتمًا أستغل الإجازة واتعلم حاجة قبل ما تخلص. ** الحل، إنك تمارسي على عقلك خدع نفسية عشان تخرجي من إحساس الإلزام والضغط. متفكريش في الموضوع إنه واجب ولو فات يوم معرفتيش تبقي فاشلة، فكري باستمتاع وفضول، قولي لنفسك إنك مش هتذاكري ولا هتدرسي الحاجة الفلانية، فكري بس أنا هعرف إيه جديد النهاردة، معلومات إيه اللي هعرفها النهاردة عن نفسي وعن الحياة من حواليا. *** قولي لنفسك إنهم بس عشر دقائق هتقرأي فيهم ولو صفحة من كتاب أو رواية، عشر دقائق هشوف فيديو مثلا اكسب منه معلومة مكنتش أعرفها أو اعرف عن مهارة معينة أو اتعلم إزاي أرسم حاجة بسيطة زي وردة. ** وعلى فكرة... أول كم دقيقة.. أول خطوة هتاخديها هتكون الأصعب بس لو أخدتِها هتلاقي الوقت سرقك وأنت بتقرأي أو بترسمي أو بتتعلمي كلمات في لغة جديدة مثلا. هتلاقي العشر دقائق بقوا نصف ساعة وبعدين بقوا ساعة وكل يوم هيزيدوا. ** الأهم بقى من كل اللي فات إنك متقصريش في صلاتك وعلاقتك بربنا وتدعيه دائما يرزقك العلم النافع ورددي كتير (لا حول ولا قوة إلا بالله) الذكر ده قادر يغير حياتك تمامًا بإذن الله. بالتوفيق.
تم النشر الخميس، ٣ يوليو ٢٠٢٥
فى اسئلة كتير لطلبة بنفس المشكلة انصحك تقرأى اسئلتهم وتشوفى النصايح المختلفه اللى ممكن تناسبك النصيحة الاهم : كل ما كان فى هدف هتتحركى لو فى صحبه صالحه هتتابعوا سوا النظام والالتزام الذاتى مهم فى كل شىء
تم النشر الجمعة، ٤ يوليو ٢٠٢٥
اولا انتي لازم تبعدي عن الفون تمام لانه هو شبب كل شئ ده بجد ثانيا اكتبي جيبي كراسة و اكتبي كل فكره فى بالك وكل حاجه عايزة تعمليها و طريقة التنفيذ و هتبدأي ازاي و منين وكل حاجه فى بالك و اعملي خطه و لو بسيطه انك تمشي عليها ثالثا لو فى حاجه عايزة تعمليها متقوليش هبدأ من بكرا ابدأي فيها من اللحظة الجت فيها الفكرة فى بالك سواء تفكري هتعملي ازاي او اى التقدري تعمليه فى الوقت الحالي
تم النشر الأربعاء، ٩ يوليو ٢٠٢٥
وعليكم السلام ورحمة الله يا عزيزتي، أولاً أحب أقول لك إن اللي بتحسي بيه طبيعي جداً، ومش لأنك "غبية" ولا "ضعيفة تركيز" أبداً. أوقات الإجازة بتكون صعبة على العقل، خاصة لما نكون حابين نستغلها ونفشل في البداية، بنحس بالإحباط وهذا يضغط علينا. خليني أساعدك بخطوات عملية بسيطة تقدر تبدأي فيها عشان تستغلي إجازتك بشكل إيجابي، وتجيبي طاقة وتركيز جديدة للمذاكرة والنجاح: ضعي أهداف بسيطة وقابلة للتحقيق: مثلاً، بدل ما تقولي "هذا الاسبوع هتعلمي برمجة"، قسميها لأجزاء صغيرة مثل: اليوم الأول أفهم معنى البرمجة بشكل عام (شوفي فيديوهات مبسطة على اليوتيوب). اليوم الثاني أجرب برنامج بسيط أو ألعب لعبة تعليمية على الكمبيوتر. التركيز على خطوة صغيرة بيخليك تحسي إنك بتنجزي وبيزيد حماسك. حددي أوقات محددة للهاتف: خدي قرار إنك تستخدمي التليفون لمدة معينة في اليوم، مثلاً ساعة بس، والباقي للقراءة أو المذاكرة أو حتى الراحة بعيدة عن الشاشات. أنشئي روتين يومي بسيط: اصحي في نفس الوقت تقريباً كل يوم. خصصي وقت للمذاكرة حتى لو نصف ساعة بس. استراحة ورياضة خفيفة أو مشي. الولاء لهذا الروتين هو اللي هيخلّي دماغك تكون مستعدة للتركيز الدائم. ابدأي مراجعة المواد بتاعتك بشكل مبسط: مش لازم تذاكري كل حاجة مرة واحدة. خلي عندك دفتر صغير أو ملف كيوت تحفظي فيه أهم النقاط بكل مادة. كده هتكوني جاهزة عشان تعيدي المراجعة في المدرسة بسهولة. ثقي في نفسك: لا تستهيني بالقدرات اللي عندك، كل واحد عنده أوقات ضعف، واللي بيحدد نجاحه هو إصراره على المحاولة وعدم الاستسلام. مواجهة التغيير في المدرسة الجديدة: خلي عندك هدف إنك تتعرفي على شخص أو اثنين في أول أسبوع. يمكن تكوني خجولة، بس مجرد ابتسامة صغيرة وكلمة "السلام عليكم" بتفتحلك أبواب كتير. ابقي دائماً مستعدة تساعدي أو تطلبي مساعدة لو احتجتي. وأخيراً يا حبيبتي، لما تحسي إن دماغك ملخبطة أو كتلاً ذهنية، خدي وقت لترتاحي فيه بصفة معتدلة، بس لا تخلي الكسل يسيطر عليك. لو حابة، ممكن تشوفي خبراء في قسم التعليم أو التنمية الذاتية على فدني، وهيساعدوك بخطط دراسية وتنظيمية أكتر تفصيلاً. كمان أحياناً قراءة تجارب ناس تانية بتكون محفزة جداً، جربي تفتشي على الأسئلة الردود عن نفس الموضوع. أنا دائماً هنا لو حبيتي تتكلمي أو تحتاجي دعم. ابدأي بخطوة صغيرة، ولا تستعجلي النتيجة. ربنا معاك ويوفقك. ذكية🌷
تم النشر الخميس، ٣ يوليو ٢٠٢٥
لعرض السؤال في فدني اضغط هنا