السلام عليكم
انا طالبه في اولي ثانوي و خلصت امتحانات و الاجازه المفروض اسبوعين اعمل اي علشان استغلها صح؟
خصوصا و انو عندنا مثلا الترم التاني هيبقي رمضان و العيد و زحمه و هكذا و كمان عندنا اللي هي ماده البرمجه و الذكاء الاصطناعي الخاصه بالمنصه و فيها منهج الترم التاني او الشباتر اللي فاضله معايا حوالي عشرين شابتر و كمان انا مستوايا في الانجلش كويس بس بواجه صعوبه ف الحاجات اللي بتحتاج حفظ و خصوصا الكلمات و دا لانه المنهج الجديد ف الإنجليزي معتمد ع الكلمات
و اخيرا انا بجد كنت عايزه أبدأ السنه الجديده كويس و لكن ضاع حوالي نص شهر و دا بسبب الامتحانات و كدا فأنا مش عايزه الاجازه تضيع ف اللعب و كدا و هي اصلا قصيره و ف نفس الوقت لو بدات اذاكر منهج اصلا فهيبقي في الاسبوع التاني منها
فكنت عايزه افكار استغلها ازاي صح و خاصة اني علاقتي مع ربنا مش أحسن حاجه و بالرغم اني بحاول بس بحس في حاجه قويه بتمنعني و متضايقه اوي من الموضوع دا و كمان ناويه إن شاء الله لحد رمضان او علي حسب يعني اني كل يوم أقرأ جزء قران
في النهايه آسفة لو طولت بس انا حياتي متلخبطه و محتاجه مساعده بجد و اني كمان ارجع للمدرسه بس بشخصيه أقوى و ثقه أعلى و بس شكرا جدا لكل حد هيقدملي اقتراح مفيد 🥹
و عليكم السلام ورحمه الله وبركاته انت عسولة جدا ماشاء الله بما انك مهتمة بدراستك حتى في الاجازة بس ما تشغليش بالك بيها لان الاجازة مش معمولة للدراسة انت ممكن تطوري مهارة عندك زي القراءة او البرمجة لو بتحبيها و هكذا ممكن تدوري على كتب انجليزي تقريها هتبقى مفيدة جدا و ممكن تشوفي فيديوهات للشيوخ عن فضل الصلاه او فضل قراءه القران و واحدة واحدة هتبقى عايزة تقري قرآن اكتر تتعلمي فقه مثلا او تخفظي احاديث و هكذا بالنسبة للمنهج فدا خليه مع دخول الدراسة عادي خلي عندك زي دروس تحضيرية تقري الدرس سريعا قبل ما تحضريه سواء مدرسة او درس فيكون عندك المعلومة فبدل ما هتاخديها مرة هتاخديها مرتين و ربنا يوفقك يا سكرة 🫶
تم النشر الثلاثاء، ٢٠ يناير ٢٠٢٦
السلام عليكم، برأيي الشخصي الإجازة لازم تكون فترة فاصلة بعيدة تماما عن الدراسة، تعيدي فيها ترتيب أولوياتك وأفكارك وتصفي ذهنك قبل ما تبدأي الدراسة من جديد. لو مش هتقدري تفصلي أسبوعين فعلى الأقل خدي أول أسبوع منهم فاصل نفسي وذهني. الراحة دي مطلوبة عشان متضغطيش على نفسك فتدخلي في احتراق نفسي أو وظيفي يؤثر على دراستك سلبًا بعد كده. الأسبوع التاني ممكن تستغليه في التخطيط لفترة الدراسة ووضع خطة مرنة وواقعية. ** فيه اقتراحات حلوة في الإجابات وكمان هتلاقي في الأسئلة ذات الصلة تحت سؤالك فيه ترشحيات واقتراحات تانية لأنشطة تعمليها في الإجازة. وربنا يوفقك.
تم النشر الخميس، ٢٢ يناير ٢٠٢٦
بصي أنصحك بتعلم مهارات جديدة زي برمجه وذكاء اصطناعي لأنك هتحتاجيهم جدا بعد كده ده لو حابه دراستهم في كليه ممكن من يوتيوب أو تنزلي تلعبي رياضه بتحبيها ممكن بردو تخصيص وقت زي ما بتعملي للقرآن والذكر وخصوصا الاستغفار والصلاة على النبي
تم النشر الخميس، ٢٢ يناير ٢٠٢٦
وعليكم السلام ورحمة الله وبركاته يا قمر! 🌸 أول حاجة، برافو عليكِ إنكِ بتفكري كده وبتطلبي مساعدة – ده دليل إنكِ قوية وبتحبي نفسكِ ومستقبلكِ. حياتكِ مش متلخبطة خالص، بس محتاجة خطة بسيطة زي اللي هقولها لك دلوقتي. الإجازة أسبوعين قصيرة، فهقسمها لكِ على 3 محاور رئيسية: روحاني، دراسي، شخصي ، عشان تبدئي السنة الجديدة بثقة عالية وعلاقة أقوى مع ربنا. هدفنا: يوميات صغيرة مستمرة، مش كم هائل يضغط عليكِ. ______ 📅 خطة يومية مثالية (ابدئي بيها غداً، وعدليها حسب طاقتكِ) الصباح (بعد الفجر + صلاة الضحى إن قدرتِ): اقرئي جزء قرآن (زي ما ناوية، ابدئي بجزء عمّ أو تبارك عشان يريح قلبكِ). اقرئي تفسيراً بسيطاً 5 دقايق عشان تفهمي وتحسي بالقرب من ربنا. قولي "أستغفر الله" 100 مرة + صلاة على النبي ﷺ 100 مرة – دي هتكسر الحاجز اللي حاسة بيه، إن شاء الله. (نصيحة إسلامية: الشيطان بيحب اليأس، فابدئي صغير واستمري). الضهر/العصر (2-3 ساعات دراسة): برمجة وذكاء اصطناعي: قسمي الـ20 شابتر على 10 أيام (2 شابتر يومياً). شوفي فيديوهات قصيرة على يوتيوب بالعربي (زي قنوات زي "Elzero Web School")، طبقي كود بسيط على Replit أو CodePen. متذاكريش نظري بس، طبقي عشان تثبتي معلوماتك. إنجليزي: 30 دقيقة كلمات يومياً بفلاش كاردز على تطبيق Anki أو Quizlet (اكتبي 20 كلمة، راجعيها في جمل). اسمعي أو شاهدي قنوات يوتيوب بالإنجليزي في المواضيع اللي تثير اهتمامك، ده هيحسن عندك الإنجليزي كتير. المساء (ساعة شخصية عشان الثقة): مشي 20 دقيقة أو رياضة منزلية خفيفة. اكتبي في دفتر "3 إنجازات اليوم + شكر لربنا"، و"شخصيتي القوية: أنا ناجحة في…". ده هيبني ثقتكِ تدريجياً. هواية ممتعة: اقرئي كتاب خفيف، أو ارسمي/اطبخي حاجة بسيطة. 🗓️ تقسيم الأسبوعين: الأسبوع الأول: ركزي 70% دراسة + 30% روحاني/شخصي. خدي يوم جمعة راحة كاملة (صلاة وعائلة). الأسبوع التاني: راجعي اللي عملتيه، طبقي مشاريع صغيرة في البرمجة (زي بوت بسيط للذكاء الاصطناعي)، وابدئي منهج الترم الجديد شوية عشان رمضان ميضيعش. نصائح ذهبية عشان متضيعيش: استخدمي تطبيق "Habitica" أو "Todoist" عشان تتبعي المهام زي لعبة – هتحسي بالفوز كل يوم! لو حسيتِ ضغط، قولي "بسم الله" وخدي بريك 10 دقايق. متلعبيش على موبايل عشوائي، حددي 30 دقيقة يومياً كمكافأة. في رمضان: الدراسة هتبقى أحلى مع الصيام، ربنا يوفقكِ. يا حبيبتي، أنتِ هترجعي للمدرسة بثقة عالية إن شاء الله، لأنكِ دلوقتي بتزرعي البذور. لو عايزة نصائح وترشيحات أكتر ابحثي في Fedni عن "استغلال الإجازة الدراسية" هتلاقي أفكار تانية! ربنا يوفقكِ وييسر أمركِ، ويثبت قلبكِ. أنتِ قادرة! 💪🥰
تم النشر الاثنين، ١٩ يناير ٢٠٢٦
بالنسبة لعلاقتك بربنا صلوات الفروض أهم حاجة فاهتمي بالفروض الاول ولو قدرتي تزودي خلاص تمام عادي... وعادي ان شخص بيكون مش 100% التزام مش لازم واحد بيصلي الفروض وبيقرأ قرآن وبيعمل حاجات كتير... اعملي الي تقدري عليه بس يكون عندك حدود... الفروض لازم تصليهم وطبعا لا أوصيكى تجدي ناس صالحات تتعرفوا على بعض وتبقوا اخوات في الله تساعدوا بعض على الخير والبر والتقوى والدراسة ( الدنيا والآخرة) تبقوا كويسين في عبادة ربنا وفي المذاكرة او الدراسة كدا ومتكبريش موضوع اوي يعني في موضوع لازم استغل الاجازة هي اصلا الاجازة صغيرة وعادي يعني الي تقدري عليه اعمليه المهم الحدود الي انتي عاملاها والحدود الي انتي حاطاها زي الفروض مثلا او المذاكرة ٣ ساعات مثلا لازم تعمليهم لو لقيتي نفسك رغبتك مش عايزة لازم تجبري نفسك ولو بمشقة انك تعمليهم لأن الصلاة مهمة ترك صلاة واحدة حتى خروج وقتها عمدا كبيرة من أكبر الكبائر لدرجة إن المرء لو جحد الصلاة فهذا كافر لا يغسل ولا يصلى عليه وفي الآخرة اول ما يحاسب عليه العبد الصلاة فإن صلحت صلحت سائر العمل وإن فسدت فسد سائر العمل ويوم قيامة هتتحاسبي فيه على عملتيه من أول بلوغك في الدنيا وفي الآخرة هتاخدي كتابك بيمينك وتقولي هاؤم اقرئوا كتابيه أو تاخدي كتابك بشمالك وتقولي يا ليتني لم أوت كتابيه وبعد ما تتحاسبي يا إما هتتدخلي الجنة خالدة فيها ومنعمة نعيم دائم لا ينقطع أبدا يا اما هتتدخلي النار والنار فيها شدة حرارتها أشد ٧٠ مرة من نار الدنيا ده غير أول منازل الآخرة وهوه القبر يا اما قبرك هيكون روضة من الجنة وقبر واسع يا اما قبرك هيكون حفرة من حفر النار وقبر ضيق جدا لدرجة عظام جسمك داخل في بعضه وانت جوا القبر والدنيا قيمتها الحق الحقيقية كما في الحديث لا تعدل جناح بعوضة مش بعوضة نفسها فالدنيا نعيمها وفرحها مؤقت زائل وطبعا الدراسة او المذاكرة هي اكل عيشك في الدنيا الي هي معيشتك مهمة وبرضوا تنفعي فيها المسلمين والدراسة فرض كفاية
تم النشر السبت، ٢٤ يناير ٢٠٢٦
الأجازة للاهتمام بما دون الدراسة، فمتشغليش بالك بالدراسة إطلاقا طول الاجازة، و ابدأي في تعلم اشياء خارج نطاق الدراسة كالعلم الشرعي كالعقيدة و الفقه، و ممكن تخرجي مع صحابك كنوع من الترفيه المهم الأجازة للأجازة
تم النشر الاثنين، ١٩ يناير ٢٠٢٦
لما تدخلي القران في يومك هتحسي ببركت القران مزاحم شئ الا باركه هتلاقي وقت انك تعملى كل حاجه ودي اجازه حاول تستمتعي بيها وتقربي من ربنا وتفهمي معنى الحياه الحقيقي وكل سنه وانتي طيبه بمناسبه رمضان ربنا يديمه عليكم وعلى الامه الاسلاميه بالخير واليمن والبركات 😊
تم النشر الثلاثاء، ٢٠ يناير ٢٠٢٦
شكرا جدا..بس بحس اني مهما حاولت مفيش اي تقدم او تطور ملحوظ و كمان دايما ببقي بستقل ب الحاجه اللي بعملها و كمان هيا يعتبر الاجازه بالنسبه ل اولي ثانوي تلت اسابيع و لكن انا حسبتها اسبوعين للاجازه الأساسية و الاسبوع الزياده دا للعب و كدا بس بحس الحاجات من كتر م هيا كتيره بستصعبها و اقول انو الوقت مش هيكفي 🥲
تم النشر الثلاثاء، ٢٠ يناير ٢٠٢٦
بما انك في السن ده وناضجه للدرجه دي ف ربنا يحفظك 😊 اولا لازم تاخدي فتره راحه من الدراسه كام يوم وبعد كدا تبدأي بالقران الكريم خلى عندك ورد ثابت كل يوم.. واهم حاجه تظبطي نومك تنامي بدري وتصحي بدري .. وتاخدي حاجات بسيطه تذاكريها وتكون بتحبيها وتعملي لنفسك مكافأت ومتنسيش أن الكام يوم راحه في الاول ورد القرآن معاكي 😊وجد ربنا يوفقك
تم النشر الثلاثاء، ٢٠ يناير ٢٠٢٦
لعرض السؤال في فدني اضغط هنا