Asmaa Shaban

الطريقه دي اشطا تتعاملي بيها بس مع قليل مع اني مفضلهاش وافضل تكوني ع طبيعتك ولكن لو انتي حابه الطريقه اعمليها مع ناس مش قريبه ناس جديده أما فكرت انك تعمليها مع أقرب حد ليكي لا لاني انتي مع صحابك بتبقي انتي حرفيا بطلعي كل حاجه هبله تافهه ضحك هزار وصحابك معاكي عشان يعملوا ده برضو وتتبسطوا سوا وتنسوا الدنيا وانتو مين اصلا وتهزرو طبعا ده بحدود هيدخلنا في قصه تانيه زي اني صوتكوا ميعلاش في الشارع ... بس ده مش قصتنا المهم تعرفي تفرقي بين الصح والغلط هنا أهلك دول اكتر ناس عارفينك وهما ممكن يقولوا متشدده ومعقده والوقار هو انك تدري لنفسك قيمه فعلا ومش تضحكي ع اي حاجه وتكوني هاديه بس ده في التعامل مع حد تاني الي الأشخاص القريبين زي أهلك صحابك وكده كده الوقار بيطلع لوحدو من طريقه تفكيرك وكلامك...

اولا ركزي ع تانيه اللي انتي فيها دلوقت ثانيا بقي حلمك موديكي لفين هل هيجي من علمي أو ادبي ثالثا انتي بتقولي مبتحبيش ادبي وخايفه من علمي اولا علمي سهله مش زي الإشاعات اللي طالعه دي المواد سهله مش صعبه والحل سهل كمان واسئلة آخر السنه مش معقده زي اللي عبولنا دماغنا بيه الاسئله يمكن تكون اسهل من الامتحانات بتاع الدروس بس ده مش معناه نستهون انا بقولك كده عشان تركزي ع دراستك ومتراكميش وتحلي كتير وتسستمي دماغك وتحددي هتروحي دروس فين وعند مين وبتفهمي من مين واهم حاجه تكوني بتفهمي من المستر ملكيش دعوه بغيرك لو بتفهمي منه وبتعرفي تحلي معاه يبقي كملي ولو انتي بترتاحي الاون لاين اكتر خلي مامتك أو حد يتابع معاكي عشان تلتزمي ومتراكميش واهم حاجه تحلي كتير كتير كتير لو في كل ماده اقل حاجه كتابين ومتقلقيش السنه مش مخيفه زي مانتي فاكره

اللي مريتي بيه صدمة كبيرة وتأثيرها بيكمل سنين ومش بيخلص باعتذار ولا مواجهة واحدة عشان كده الحل دلوقتي مش إنك تتحملي أكتر ولا تحاولي ترضي ناس مش حاسة بوجعك الحل يبدأ إنك تحطي نفسك في أمان نفسي حقيقي أول خطوة إنك تبعدي نفسك عن أي مكان أو أشخاص بيضغطوا عليك أو بيشككوكي في نفسك حتى لو كانوا من العيلة المسافة هنا حماية مش قطيعة ومن حقك تاخديها تاني خطوة محتاجة دعم نفسي متخصص مش كلام ناس ولا نصايح عامة لأن اللي حصل لك صدمة طفولة وبيظهر دلوقتي في شكل تعب وخنقة وأفكار سودا العلاج النفسي مش ضعف ده حقك وضرورة ولو في إمكانية لجهة مجانية أو موثوقة ابدئي فورًا تالت خطوة لازم تبطلي تحملي ذنب مش ذنبك لا قدام نفسك ولا قدام غيرك اللي عمل الجريمة هو المسؤول الوحيد وإنتي كنتي طفلة ضعيفة ومش مطلوب منك تبرري ولا تثبتي حاجة لأي حد بالنسبة لخطيبك الحل إن العلاقة تكمل أو تقف لازم يكون مبني على الأمان لو هو قادر يسمع ويحتوي ويصدق من غير ضغط أو شك يبقى في فرصة تكملة صحية لكن لو بيحقق أو بيلوم أو مش قادر يتعامل مع وجعك فده هيزود الجرح ومش هيعالج حاجة وساعتها الانسحاب أرحم من الاستمرار في علاقة مؤذية لو حاسة إنك تعبانة لدرجة إنك مش قادرة تفكري ولا تاخدي قرار خدي استراحة من كل حاجة قرارات مصيرية علاقات نقاشات وركزي بس على إنك تقفي على رجلك نفسيًا الأول وأهم حاجة لو أفكار إيذاء النفس رجعت تاني لازم تطلبي مساعدة فورية من شخص آمن أو مختص لأن حياتك أغلى من أي مشكلة ومن أي حد

الصراحه في الاول هقولك الموضوع بيبقى صعب بس انتي جاهدي نفسك وصلي واقراي قرآن صدقيني عمر ما حد هيعمل ده كله وقلبه هيفتن هي مش من أول مره بس انتي شخصيًا هتلاقي نفسك ضميرك بيصحى لما تيجي تعملي الحاجه دي حطي دايمـًا قدامك جمله تحسسك بتأنيب ضمير يعني مثلا انا كاتبه جميل خلفيه موبايلي اتـقِ اللّٰـه صدقيني كل ما افتح الموبايل وانا مصلتش بسببه وأقوم وتعرفي اني ربنا مطلع عليكي بس نيجي لحته ربنا عمره ما هيسامحك؟ على أي مبدأ قولتي كده! يا جميله ربك غفور رحيم ربك رحمته وسعت كل شيء ربك قال بنفسه والمفروض ده يكفيك " قل يا عبادي الذين أسرفوا على أنفسهم" مالنا يا رب "لا تقنطوا من رحمة الله" متخيله ربك متخيله هو بيقولك متيأسيش من رحمتي وعايزه اقولك حاجه لو انتي بتفرحي برجوعك ليه فصدقيني لله أفرح بتوبه عبده ربك بيفرح اكتر منك ده رب السماوات والأرض بيتمنالك الخير أكيد وحاجه أخيره متفكريش انك هتعيشي حياتك بدون ذنوب مستحيل كلنا بنخطأ كلنا بنضعف وربك قال برضو "وخلق الإنسان ضعيفا" ده شيء فطري فينا فاحنا مطالبين دائما بالمجاهده واختي دي بأجرها عند ربك وربنا يهدينا ويردنا إليه ردا جميلا 🤍 وافتكري دائما حاجه مهمه اوووي "وأما من خاف مقام ربه ونهي النفس عن الهوى" مالهم اي حكايتهم ؟ فإن الجنة هي المأوى" أعتقد مفيش دليل اكتر من كده على رحمة ربنا

بصي يا جميله دي مواقف معظمنا بيتعرضلها افتكر اني كسرت موبايلين لصديقتي وافتكر أنها عارفه اني بحب اشيل الاسكرين وصوتها فبتسبهالي اشلها لو زعلانه مع انها ممكن تكون لسه مغيراها ومع ذالك عمرها ما فكرت تزعلني وبناخد الموضوع ضحك لاني هي عشرة 15 سنه مش هنضيعهم لاننا عارفين كويس اني مش بيبقي بقصدي يعني حتي واحنا في ثانوي كنا بنمتحن ع التاب فبتاعها وقف فجأه فجيت احاول اعدله بهدلت الدنيا اكتر ساعتها حسيت بالذنب بس هي محسستنيش بده ولما المديره جت قالتلها باظ مني ومذكرتنيش خالص وانا قولتلها هخلص امتحان بسرعه وأديكي بتاعي الغرض كله فاني لو العلاقه بتاعتكم كويسه بلاش تبويظها عشان حاجه زي كده انتي عارفه اني انتي نيتك صافيه ومش عايزه تبوظيها بس لو شايفه اني بتبوظ منك بالغلط قوليلها لما تديكي حاجه حجه مقنعه وخلاص لكن مش تقومي تقطعي علاقتك بيها وهي صديقتك المقربة لاني مش بسهوله تلاقوا زي بعض تاني + انا عمري ما اقول انك بتحسدي بس لطبيعه النفوس البشريه واحنا تلقائيا ممكن حتي نحسد نفسنا من غير ما نركز عيننا بتحسد لوحدها فدائما خلي لسانك متعود ع اللهم بارك ما شاء الله، الله اكبر فاهماني

بصي يا حبيب قلبي احنا ع قد ما لسه في واحد ع قد مانتي قدامك وقت تاني فيه كل حاجه ولو تحتاجني اي مساعده أنا معاكي والحمـدُ للّٰـه معايا كام بنوته متابعه معاهم اول باول وحالتهم نفس حالتك تاني حاجه عايزاكي تعمليها وهي افضل حاجه أفضل حاجه انك تمسحي السوشيال كلها لو ع مواعيد وجروبات الدروس فدي بتبقي واتس تقدري تفتحي من عند بالأمس أو مامتك أو انتي افتحي من رقم التاب ولو مفيش سبيه بس اقفليه لما تيجي تذاكري النوتفيكشن تظهر منه رابع حاجه انتي بتقولي انك عندك مشكله في النوم ودي افضل نصيحه حلتها لبنوته معايا أنها تصحي الفجر بتقولي مش بقدر هقولك هي اول مره صحيت متأخر وبالتالي حاولت ل ما اتفقنا تنام بدري ع الساعه عشره أو تسعه وتصحيح الفجر وهي فعليا بتقول اني بيبقي معاها وقت كتير تعمل فيه كم كبير ودي احلي حاجه عملتها فأنا انصحك بنفس الكلام المشكله التانيه وهي لما تيجي تذاكري وخلاص قرري ابدأي بس متعمليش جدول لانك مش واخده ع المذاكره ومش هتلتزمي وهتحبطي فأفضل حل حطي تاسك انك تخلصي كذا انهارده ويكون هدف محترم مش كبير يعني ع سبيل المثال البنوته اللي معايا اتفقنا تلم الباب الاول أحياء في سالت ايام واديها الحمـدُ للّٰـه اخر يوم بكره أما بقي مشكله الكتب فأنا سألت مفتي عن الكلام ده قال لو مش مبادره عادي تطبعهم "تصوير" وتذاكر منهم ولكن مش تبيعه أنها تكون انها تكونوهي اللي هتذاكر ولو تحتاجني أي حاجه أنا معاكي يا جميله ربنا يوفقك يـا ربِّ 🤍

حبيبتي أنا حاسة بوجعك وتعبك وربنا شايف كل لحظة دمع وانكسار عشتيها وصدقيني هو أحن عليك من كل الناس وعمرك ما هتضحي بشيء لله إلا ويعوضك بأجمل منه أنا مش جاية أقولك حبي ولا تحبيش بس لازم أسألك هل لو ارتبطت بيه هتقدري تعيشي طول عمرك مع حد فارق بينكم كبير في التعليم وطريقة التفكير ونظرة الناس والمسئولية هل هترتاحي فعلا ولا هييجي يوم تحسي إنه مش قادر يفهمك ولا يشاركك طموحاتك وإنك محتاجة حد يشيل معاكي وتتكلمي معاه وتحسي إنه على نفس مستواكي العقلي والفكري أنا عارفة إنك شايفة أخلاقه كويسة وده شيء مهم جدا بس الجواز مش بس أخلاق الجواز كمان محتاج تفاهم وتكافؤ وقدرة على تحمل المسئولية والقرارات سوا وفكري كمان هل تمسكك بيه هيخسرك رضا أهلك وهيعتبر عندهم عقوق وفضيحة ولا ممكن بكلمة طيبة وصبر وتفاهم تكسبي رضاهم من غير ما تخسري نفسك ولا قلبك ولو أهلك دلوقتي قساة صدقيني الزمن بيلين القلوب بس العند بيخسر والصبر بيكسب استخيري ربنا من قلبك وادعيه يرشدك للخير ويصرف عنك الباطل وافتكري مش كل حب ينفع يبقى جواز ومش كل جواز يبقى ظلم وربك هو العليم الحكيم هيختارلك الخير بس خليكي دايمًا معاه

طموحك إنك تبقى مدير حاجة عظيمة، بس أهم خطوة إنك تشتغل على نفسك وتثبت إنك تستحقها. ابدأ بتقوية مهاراتك، خلي شغلك دايمًا مميز عن الباقي، واثبت إنك شخص يعتمد عليه. كمان مهم تتعلم إزاي تقود، مش بس تنفذ… المدير الحقيقي مش اللي بيأمر، لكن اللي يعرف يحفّز ويحل ويخطط. وخلي دايمًا عينك على التطوير، خد كورسات، اسأل، تعلم… والمدير الجاي ممكن يكون إنت فعلاً لو مشيت صح.

وعليكم السلام ورحمة الله وبركاته كلامك بيوضح إنك إنسان بتحب زوجتك وبتحرص على راحتها، وده شيء جميل جدًا، لكن واضح إن فيه فجوة في التواصل بينكم. مرات المزاح ممكن يخبي مشاعر حقيقية أو يلمّح لحاجة جواها، وده يستحق إنك تاخده بجدية. جرب تتكلم معاها بهدوء وبدون لوم، اسألها بصراحة إذا كان فيه حاجة مضايقاها أو نقص حاساه في العلاقة، يمكن محتاجة تعبير أكتر عن مشاعرك، أو محتاجة تسمع منك طمأنينة أكتر. وبرضو ما تنساش تدي لنفسك حقك، لأن العلاقة السوية لازم يكون فيها حب واحترام من الطرفين. ربنا يسعدكم ويهدي بينكم ♥.

ده يعتبر رهاب اجتماعي أو ممكن من وانت صغير ماتعودتش تقول رايك باني عايز كذا لا مش حابب دي وكان اي حد بيختار مكانك رغم اني الحاجه ليك فممكن من دلوقت تتعود تقول لا انا مش حالي كذا بطريقه لطيفه ع اي حاجه مش عاجبك ابدا أجبر نفسك تقول رايك وصدقني المشكله بتتعالج انت لما تعمل غلط محدش هيكلمك كلنا بنغلط بس لازم نتعلم من غلطنا فلو عندك راي عبر بيه بكل احترام لأن كلنا عندنا وجهات نظر متتكسفش تقول أنا مش حابب كذا لو ده رايك ومقتنع بيه يبقي تقوله ومتخافش اللي قدامك مش هيقولك وده هييجي واحده واحده لما تتحط في المواقف وتبدأ تقول رايك لاني ده تأثير بناء الشخصيه من الاساس يعني ممكن يكون من طفولتك وانت محدش بيسالك عن رأيك طب تحب كذا فاهمني فدلوقت ادي الفرصه انت لنفسك انك تقول رايك بدون خوف من المجتمع اتمني اكون افدتك

الفكره كلها انك بتعالج خوفك وقلقك وعايز الآمان والحب اللي كان المفروض تلاقيهم من الأهل وعايز صحاب كويسين تبقوا مع بعض دائما وبتحبوا بعض بس عايزه اقولك حاجه فكرة أنها بتسمع الاباح...يه وانت مش مستمتع فده شيء طبيعي الذنب بيبقي حلو في البدايه بعد كده بتبدا تكره نفسك وحياتك والذنب حلو في البدايه لاني الشيطان هيألك مميزاته بس ومهيألكش نتائجه أما بقي تقصيرك في الصلاه والقرآن فده من البديهي جدا لاني مفيش قلب انسان هيجتمع فيه معصيه وصلاه وقرآن اه كلنا بنعمل معاصي بس لما بتصلي وتقرأ قرآن تلقائيا بتلاقي نفسك بدأت تكره الذنب وتحب الدين اكتر وعايز تتعمق فيه ولو علي انك عايز تتخلص من الذنب فقال سبحانه " ويدرءون بالحسنه السيئه"يعني عايز تخلص من السيئه دخل الحسنه مكانها لو المعصيه هتدخل من الشباك فالحسنه هتخرجها من الباب اقرأ قرآن واعمل ورد وحافظ ع اذكارك وشغل الرؤيه الشرعيه جنبك ومتسبش نفسك للفراغ وفكرة الاصدقاء فتقدر تكون اصدقاء صالحين سهله ده بيتوافر مع البيئه خليك اجتماعي بس حافظ علي قلبك ونفسك وشخصيتك والأصدقاء هيجوا في يوم وآسفه علي الإطاله

بصي يا قلبي انا الفتره اللي فاتت كنت كده وخاصة اني ثانويه عامه فكنت اي تعب بعمله مش بحس بيه ومهما حاولت بحس اني مقدمتش المطلوب ودائما تفكيري في المستقبل لو حصل كذا هتبقي اي النتيجه وخوفي يزيد لو مكنش المستقبل زي ما بتمني وكويس بس حاليا اتعلمت حاجات كتير اولا انتيانتي محتاجه تكتشفي نفسك وشخصيتك يعني مثلا انا اول حاجه عملتها اعرف انا مين واي حياتي وافتكر اني كنت وصلت لمرحلة اني شايفه نفسي مليش شخصيه بس حاولت كتير أوضح نفسي وافهم اي حياتي وانا اي واعرف تعبي واقدره واحاول واكتشفت اني انا كنت بحاول كتير بس مش مدركه ده فانتي محتاجه تكتشفي نفسك حتي الآن بفتكر اول مره قررت فيها اتغير واعرف انا مين بفتكر بعدها بشهر أحدهم قالي انتي اتغيرتي بقيتي تعرفي تتكلمي بطريقه احسن واتغيرتي وبقيت لطيفه وفاهمه وناضجه افتكر وقتها اني مش فرحت حسيت باني الشخص وهو بيتعب مش بيبقي حاطط في عقله غير هل ده كافي ومش حاطط في دماغه اني اكيد في نتيجه لكل فعل بيعمله وحاليا انا لا يهتم لاي شخص بيقولي انتي لي كده وبتعملي اي وهل مبسوطه بحياتك لاني ببساطه بقيت مش بقارن نفسي غير بامبارح هل انهارده اتحسنت وبقيت احسن

ايا يكن اللي فات وكان اي هو خلاص فات وانت حاليا لازم تنسحب لأنك مبقاش ليك مكان هناك وتتعافى

الوقت اللي انتي فيه اشتغلي ع نفسك واستثمري في عقلك وطوري من نفسك عشان تملي السيڤي بتاعك وده كله مش لازم كورسات بفلوس ف بمواقع كتير مجانيه عليها كورسات مهووله كفيله تعلي السيڤي بتاعك وتوديه في بحته تانيه خالص ووقتها الشغل هو اللي هيجيلك لحد عندك ولو احتاجني المواقع دي قوليلي اقولك عليها

بصي العربي كده كده في ثانويه عامه بيتشرح من الالف واللام الشمسيه والقمريه هي البلاغه اللي تحسبها متراكمه فعلا فممكن تتابعي معاه ف بدروس اون لاين واصلا المدرسين بيشرحوا كل حاجه من الصفر فهتلاقي كل الدروس ع اليوتيوب والانجلش نفس الكلام لو مراكم ممكن تبداي معاه يونت يونت يحفظ كلمات وانتي تسمعيله وهو يحل عليها وانتي تصحيله ولازم انتي تتابعي معاه بعيدا عن الدروس وتشجعيه وتنزلي لمستواه ومتحسسهوش بالقلق وأنه زيرو ومش هينجح لان ده كله بيأثر في نفسيته ودي اهم حاجه في الوقت ده

صلح حياتك واستوعب انت مين واكتب كل اللي بيضايقك في شخصيتك وعلاجه واحده واحده وقفت في مشكله اسأل يوتيوب وخلي حياتك هاديه ابدا يومك بصلاة الفجر واذكار الصباح وورد القرآن ثم ابدأ مذاكره أو الكليه وطور من نفسك وانشغل بإصلاح ذاتك

حبيبة قلبي يمكن مامتك مش قصدها او ممكن تكون كانت مضايقه فقالت كده بالغصب متاخديش الكلام ع قلبك اوي + حبك لبابكي لوحده هو لما يوشفه هيهون عليه كل التعب + كل حاجه بتيجي في وقتها المناسب اشتغلي انتي على نفسك وتطوير نفسك عشان متضيعيش تعب باباكي والشغل هيجي وقته

ده فقد شغف أو احساس بالعدم او من الاخر حاسس انك ملاكش لازمه والحياه مبقاش ليها لازمه وانت عايش ليه... ده كله أنت محتاج تحذفه ممكن يكون نتيجة انك بتبص لغيرك انه وصل وانت لسه مكانك أو ضغط من اللي حواليك أو ايا يكن المهم انك تشيل الفكره من دماغك وتبدأ من الصفر أو من تحت الصفر عادي جدا كلنا بنبدأها من مفيش ثم انك تصلح علاقتك بربك لان دي افكار شيطانيه

ادي لنفسك فرصه تفهم وصلي استخاره تاني وابعد فتره واحسبها صح + اعتقد من الطبيعي اخوات العريس بيسألوا اكتر ويسلموا عليها اكتر هي اه تسأل بس تسألك انت عن أهلك وعملين اي واي اخبارهم وترن اه بس مش زي ما أهلك انت بيروت ده كله بيجي من اخوات العريس اكتر اعتقد كده اما بالنسبه لكلامها معاك اديها فرصه يمكن فعلا تكون مضغوطه او مش بإرادتها بلاش نظن سوء ولو كده واجهها وده كله وجهة نظري

التعافي هو انسب حل واكيد التعافي ده هياخد وقت بس لازم تبدأ تصلح علاقتك بربنا وهو هيساعدك تتخطي وتاني حاجه ابدا في رحلتك انت وابني مستقبلك وطور من نفسك وابني عقلك واستعد انك لو اتحطيت في الموقف ده تاني تكون مستعد ومتكررش نفس الغلط والأهم من ده كله ان العلاقه بدايتها حرام ومفيش علاقه شرعيه بتربطكوا فأكيد نهايتها مش هترضيكوا انتوا الاتنين لان بدايتها لا ترضي الله وأسأل الله لك التعافي

بما انك عارف نتيجة افعالك وده هيوصلك لايه فده لوحدو تقدم كبير صعب حد يستوعبو أو يوصلو ، أما بقى بالنسبه للموضوع فممكن تخلي عندك صديق تكونو قريبين من بعض تشكوا لبعض وتحكوا لان الصداقه مهمه جدا واول خطوه تعملها انك تبعد عن البنت وتعمل بلوك قبل ما يحصل التعلق اللي انت متاكد انه هيحصل وتاني حاجه تقرب من ربنا وتتعلق بيه هو وصدقني كل حاجه هتبدأ تتصلح واحده واحده اصلح علاقتك بالصلوات والقرآن والذكر والصيام وتلقائي هتبعد عن الذنوب لأن مفيش قلب هيجتمع فيه حب وطاعه الله مع الذنوب والمعاصي تلقائي هتلاقي نفسك بتبعد عن كل ده مره في مره

صلي كتير وافتح مصحفك وافتكر دائما ويدرءون بالحسنه السيئه يعني دخل حسنات كتير السيئه تخرج واستثمر في الذنب ده يعني كل ما تعمله كل ما تزود وردك أو صلاتك أو صيام...

الشعور بالضيق أو الكتمة بدون سبب واضح بيكون غالبًا نتيجة ضغط نفسي متراكم أو قلق مكبوت حتى لوالشخص مش حاسس إنه زعلان بشكل مباشر الجسد أحيانًا بيعبر قبل العقل حاولي أولًا تهدّي نفسك وقت الإحساس ده تنفّسي ببطء وعمق ابعدي عن أي مثيرات توتر وغيّري مكانك لو تقدري لو الإحساس بيتكرر أو بيبقى شديد درجة الخنقة مهم تراجعي طبيب أخصائي نفسي لأن ده ممكن يكون نوبات قلق أو هلع وعلاجها بسيط ومفيد والأهم علاقتك بربنا وصلاتك وقرآنك ووردك وما تهمليش إحساسك ولا تلومِي نفسك الضيق رسالة إنك محتاجة راحة واهتمام بنفسك

الشعور بالضيق أو الكتمة بدون سبب واضح بيكون غالبًا نتيجة ضغط نفسي متراكم أو قلق مكبوت حتى لوالشخص مش حاسس إنه زعلان بشكل مباشر الجسد أحيانًا بيعبر قبل العقل حاول أولًا تهدّي نفسك وقت الإحساس ده تنفّس ببطء وعمق ابعد عن أي مثيرات توتر وغيّر مكانك لو تقدر لو الإحساس بيتكرر أو بيبقى شديد درجة الخنقة مهم تراجع طبيب أخصائي نفسي لأن ده ممكن يكون نوبات قلق أو هلع وعلاجها بسيط ومفيد والأهم ما تهملش إحساسك ولا تلومِ نفسك الضيق رسالة إنك محتاج راحة واهتمام بنفسك

لو انت ضامن من ثانوي انك هتحققه فدوس لو ممكن من السفر اكتر دوس لان ده مستقبلك القرار قرارك لو صعب فاحنا هنا مجرد آراء وممكن تستخير ربنا وأمسك ورقه وقلم وحط كل الخيارات والطرق قدامك وحدد اللي مستحيل واشطب عليه لحد ما يتبقى حاجات بسيطه تقدر تختار منها وانت اصلا مستعد لو رجعت ثانوي تضيع سنين الدراسه والكليه من جديد

طيب انت حقك تبقى فخور انك بتبعد والأيام اللي بتبعد فيها تفتخر انك قدرت تعمل كده ولكن أكثر من الطاعات صلي اقرا قرآن اذكر ربك استغفر صدقني ده كله بيصحي القلب وحده وحده حتى لو انت مش شايف ده وافتكر دائما أن الحسنات يذهبن السيئات دخل الحسنه السيئه تخرج ومتيأسش من رحمة ربك أو من التوبه كلنا بنغلط بس بنجاهد ونرجع تاني ربك غفور رحيم وقال لك بنفسه "ورحمتي وسعت كل شيء" وصاحب القرآن ووحده وحده القرآن يزيل الران من على قلبك وربنا يهدينا جميعا

اولا ربنا يوفقك ويسهلك امورك وثاني حاجه ثانيا شوف اي شغل ولو بسيط تبدأ بيه وتحل مشاكلك دور في فرص كتير ع النت ابحث وهتلاقي وفي وسط ده كله متنساش ربك كريم جدا انت مش عارف فين الخير في اللي بيحصلك بس الحقيقه هو كل الخير ومتسألش لي هو ربك عايز كده يبقى مش محتاجين تفسير وشيل فكرة الانتحار من عقلك وحاول وجدد نيتك وشغفك وافتكر اني مفيش حد بيحاول وبيجيب صفر

خلينا متفقين اني الحسد مذكور في القرآن والعين حق فانتي تحصني دائما بأذكار الصباح والمساء والنوم ، بس عايزه اعرفك برضو ان مش كل فتور أو انتكاس في حياتنا يبقي حسد ممكن يكون تقصير مننا فانتي استعيني بالله وصلي ركعتين وقولي له قويني يا رب وساعدني وجاهدي نفسك وشغلي قرآن جنبك وإبدأي وربنا يوفقك يا جميله

تعلقك بحلمك واكتشافك لشغفك وذاتك دي كفيله بجد ولأنك عارف انت عايز اي تقدر تتعمق في الموضوع يعني مثلا تشوف اكاديميات بيقدموا الموضوع زي الكليه وبشهاده معتمده أو تشوف منحه وتسافر بره لو مؤهل لده وتشوف مستقبلك ولو عطلت معاك ممكن تاخد كورسات بشهادات معتمده زي موقع معارف عليه كم كورسات مهووول في كل المجالات والشهاده معتمده والموقع مجاني وغيره كتير فالحقيقه انت دور وشوف لو كتبت ع اليوتيوب الموضوع هتلاقي آلاف بيتكلموا عنه وإن شـاء اللّٰـه تلاقي حد يحطك ع اول الطريق

بما انك شايف انك تعبت من الموضوع ومعترف انك خايف يبقي المفروض تروح لدكتور تتطمن لان الصحه بالذات بتستنزف لو معالجناش بسرعه هنا كل نصيحه هقولك ملهاش كسوف روح للدكتور وده شيء بديهي لأن الصحه بالدنيا وما فيها فروح لدكتور مسالك واتطمن

بصي انا هقول رأي لحد ما أسألك مفتي ولكن فيما سمعت ان الصلوات أهل العلم تفرقوا فيها منهم من قال قضاء عليكي ولازم تجبيهم وفي قالو لا بس طبعا لو انتي عارفه وقت قد اي ضيعتي فيه الصلاه يبقي مطالبه تجبيهم ،ازاي بقي مثلا تجيبي ظهر انهارده اتنين او تلاته او اربعه زودي انتي اللي هتصلي فاهمه ، بالنسبه للأفلام احنا بقينا بنضحك ع دماغنا ده معروف ان حرام وواضح وبديهي قبل ما يكون عشان آلهه تانيه ولكن معروف هما مش مسلمين بيبقى في مشاهد خادشه للحياء وبيبقي في بأغاني وغير ان لبسهم مش محتشم إلى آخره بقى .... هذا واللّـه أعلى وأعلم

لو معاكي فلوس تكفيكي تجيبي فطارك وحاجتكِ يبقي وانتي نازله الجامعه متروحيش السوبر ماركت ابعتي حد يجبلك بليل ولو عطلت لما تقبلي حد من صحابك قوليلو يجبلك معاه أو خديه معاكي وهاتو سوا وطبعا محدش يعرف بانك بتعملي كده لان ربنا سترك فانتي مينفعش تفضحي نفسك ولو في البيت وبتنزلي السوبر ماركت متروحيش انتي وابعتي اي حد يجبلك بما انك الكبيره ودائما قربي من ربنا واسمعي عن عقوبه السرقه وايام الصحابه كانت اي العقوبه واسمعي عن الموت ده افضل عظه لينا وإقراي قرآن واكيد هتتأثري وفي حاجه هتلمس جواكي وربنا يهدينا جميعا بس صدقيني الموضوع قرار هو صعب انا منكرش ده بس لمجرد انك تقرري وتحاولي وترسمي هتوقفي ده ازاي هتلاقيها بتتحل

تبدأي خطوات بسيطه اكتبي كل حاجه انتي عايزاها ومتطلباتها وتحتاج اي مني وبعد كده رتبي هتبدأي مني وخطوه مع خطوه هتوصلي بإذن اللّٰـه

صلح علاقتك بربنا وصلح علاقتك بنفسك واعرف ذاتك واكتشف شغفك ووسع عقليتك وتفكيرك وطور من نفسك دائما واستثمر في نفسك واتخذ القرآن خليلا

لو دراستك عليه نزل اللي هتدرسه واقفل الواي فاي او النت وتذاكر لو مش عليه تقفله واديه لحد أو أبعده عنك خالص ومتنساش تمنع الاشعارات والنوتفيكيشن عشان متشدكش ولو مفيش امسح السوشيال وده الحل اللي نفع معايا ايام ثانوي الصراحه

لو بتقدري تركزي طول اليوم وبتستوعبي اعملي كده بس نصيحه مني ومن تجربه احد البنات اللي معايا بتقولي النصيحه اللي فرقت معايا لما قولتيلي انام بدري واصحي بدري حقيقي انا بقيت بنجز كم كبير وبذاكر كتير وده كله والظهر مأذنش وبنزل دروسي وارجع بيبقي معايا وقت اريح وأكمل وانا مش بقولك كده غير مجرد راي وتجربة احدهم والقرار قرارك لو شايفه انك هتبقي فايقه طول اليوم ومركزه والتعب بتاع اليوم هتقدري عليه اعملي كده ونصيحتي ما هي إلا تجربه ورأي

بصي يا حبيب قلبي انتي اللي خضتي التجربه نصائحنا ما هي إلا مجرد شخص جرب قبلك لو بتقولي لما بتنامي 6 ساعات نامي لو بتقولي لو بتنامي 8 ساعات نامي متزوديش عن كده لان ده صحي ثانيا بقي أيام المراجعات هي ضغط اه بس مش زي مانتي متخيله ، هيبقي عندك وقت وهتذاكري الفكره انك بتراجعي كذا ماده وحل في نفس الوقت وانتوا بتبدأو مراجعه في تلاته انتي فعلا تراجعي مع نفسك لأن المراجعه هتبقي موجوده بس هيحلوا محافظات معاها وشامل فلازم تراجعي عشان متحسيش انك تايهه أما الأيام اللي هتيجي مش هاني فيها سبيها لوقتها كل حاجه بتيجي بلطف من ربنا هتضغطي فيها ايوه ده طبيعي بس مش لدرجه انك مش هتنامي خالص انتي نومك هيقل بس انتي لازم تعملي كده عشان تقدري تذاكري دي المعادله

وانتي لي تنامي 6 ساعات نامي 8 ساعات نوم كامل ومريح عشان حتى تقدري تقومي وعشان صحتك وعشان نفسيتك لو ع الوقت هتلاقي وقت كبير جدا معاكي 24 ساعه هتشيلي 8 نوم باقي 16 تقدري تقيمي فروضك وصلاتك وتملك ومذاكرتك ودروسك بالنسبه للموبايل بما انك سايبه عليه الواتس بس لو بياخد من وقتك لديه لمامتك او افصليه وقت المذاكره وابعديه والتاب امسحي السوشيال من عليه وخليه للمذاكره وبس عليه يوتيوب ومنصات غير كده اسحيه وانسحب السوشيال اصلا طول مانتي في السنه صدقيني ملهاش لازمه وانتي ذات نفسك هتلاحظي ده

مفتاح الجنة هو لا إله إلا الله محمد رسول الله بس المفتاح ده مش بكلمة تتقال ده حياة تتعاش لازم تعيش بمعناها وتصدقها بقلبك وتتبعها بعملك وتسأل ربنا يثبتك عليها لحد آخر نفس

بص يا أخي الزواج مش مجرد ارتباط ده حياة كاملة وقرار كبير هيأثر على مستقبلك ودينك واستقرارك عشان كده الاختيار لازم يكون بدقة ومينفعش تتساهل فيه لو أنت شايف إنك تقدر تدور بنفسك بعين واعية وقلب صافي وتستخير ربنا في كل خطوة يبقى ما تترددش بس خليك حريص وركز على الدين والخلق قبل أي حاجة تانية ولو حاسس إنك ممكن تتلخبط أو مش بتعرف تميز ساعتها مفيش عيب أبداً إن حد يساعدك سواء أهل ناس ثقة أو حتى شيخ أو حد فاهم وعاقل المهم اللي يساعدك يكون أمين ونيته صافية وفي كل الأحوال خلي ربنا دايمًا قدامك في القرار، صلي استخارة بصدق واطلب منه يهديك للخير ويفتح لك الباب الصح ويقفل عنك أبواب الندم

لا يا قلبي مش نفاق كلنا في وقت الامتحانات بنقرب من ربنا عشان يوفقنا ويكرمنا ولكن الشاطر فينا اللي بحاول يكمل حتي بعد ما الامتحانات تخلص مش معني اني الامتحانات خلصت يبقي علاقتنا بربنا تخلص دي علاقه دائمه لازم عشان نقدر نكمل يومنا وحياتنا فجاهدي نفسك يا قلبي انك تستمري دلوقتي انتي خلصتي ابداي بقي جاهدي وحاولي وده يكرر ده مش نفاق "نعم العبد أنه اواب" يعني مثير الرجوع الي الله لما بيعمل ذنب بيتوب منه ويرجع ومفيش حد بيسلم من فتن الدنيا

طيب ممكن تجربي تشوفي صديقه تانيه اصل مش هتقف هنا البشر كلهم مش وحشين هي اه حبتيها بس ممكن تلاقي حد يفهمك ويحتويك وينورك ويعرفك قيمه نفسك انتي هنا مش بس بتخسري نفسك قدامها لا وقدامك انتي كمان حبي نفسك ومتبقيش ع حد مش باقي عليكي ودي مش تربيه أو سوء معامله دي انتي بتكسبي نفسك وبتطلعي كسبانه جربي تشوفي صديقه تعرفي تحكيلها وتتعاملوا مع بعض ومع الوقت هتلاقي الحب بينكوا لكن دي انتي عارفه هي معاكي لي ومكمله اتفضلي تدوسي ع نفسك ومشاعرك لحد امتي

وحتي لو حب يعني ولنفترض أنه حب ؟ ها وبعدين مشاعرك موجوده ايوه طب وهو مش عارفه طب ليه مشاعرك موجوده عشان اتعودتي ع وجودو وأنه شيء أساسي في يومك وانك بتحميله كل حاجه وأنه انقذك كتير بس هو لي بيعمل كده مقالش كل اللي قاله أنه مش هيتزوج من الصعيد وانتي استنتجتي أنه مش مسؤول يعني انتي مكمله معاه برغم أنه بيأذيكي بس يا حبيبي هتاخدي وقت في التعافي ايوه هتاخدي وقت في الانهيار ايوه بس هتهرجي من بعدها شخصيه تانيه وتفكير تاني وعقليه تانيه ركزي ع حياتك ودراستك والهي نفسك بيهم والخطوه بقرار منك بس

يا حبيبه قلبي التعلق متعب ايوه وعلاجه مرهق وصعب بس بيعدي فكره الحب دي لما تحبي بجد بتبقي بائعه العالم بمعني انك حتي لو مع شخص بياذي مشاعرك وبياذيكي فالمهم هو موجود ومعايا بس يا قلبي انتي لو فضلتي معاه هتخسري نفسك هو ممكن يكون بيدعمك كصديقه أو ..... بس مش ضامنه العلاقه تكمل ولا لا انا مش عايزه اجرح قلبك ونفسي اقولك الكلام اللي نفسك تسمعيه بس ابعد وصلي وادعي ربك بانك تركيه لأجله ولو خير ليكي هيجي لو من سابع ارض لأن ربنا قدره ليكي ويا اما ربنا هيراضي قلبك واجبي شخص حقيقي هينسيكي حياتك اللي فاتت وده مش اي حاجه غير حقيقه انتي في فتره متعلقه بيه بس وشويه وهتنسيه لما تبعدي وتقاومي نفسك ومشاعرك وفعلا فعلا لو خير هيجي مش خير هيجي شخص يملي حياتك كلها وينوركو ويوعدك وعود حقيقيه ويدخل البيت من بابه ويتمناكي في الحلال وانتي كمان تبقي راضيه بده كله لانك بس رضيتي بقضاء ربنا خدي وقتك في التعافي وعيطي وازعلي واندمي وكل حاجه بس قومي من تاني وفوقي كده لحياتك

بص، الحب حلو وكلنا بندوّر عليه، بس من غير عشرة محترمة واحترام وتفاهم بيضيع. العشرة دي اللي بتكشف معدن الإنسان الحقيقي بعد ما المشاعر تهدى يعني لو بتفكر في جواز أو حياة طويلة اختار اللي تقدر تعيش معاها مرتاح، وتحترمك، وتشيل معاك، لأن دي اللي هتثبت وقت التعب، مش بس وقت الكلام الحلو.

باعك؟ طب ما هو الخسران. إنت اديت بإخلاص، ووفيت، وحبيت بصدق، ودي مش صفات أي حد… دي صفات ناس نادرة، وكونك منهم دي نعمة مش نقمة. اللي باعك ما شافش قيمتك، بس ده ما يقللش منها. إنت مش مكسور، إنت متعلم… وكل خذلان بيبني فيك طبقة نضج، مش جدار خوف. خلي دايمًا جواك يقين إن اللي يبيعك، مش هو اللي يحدد قيمتك… إنت اللي تحدد إزاي تتعامل مع الحياة، ومين يستاهل يدخل قلبك تاني.

"أنا حاسة بيكي، وعارفة إن الوجع اللي جواكي مش بسيط، بس بلاش تفكري إنك قليلة عشان هو مشي… هو اللي خسر، مش إنتِ. إنتي اديتي حب ومشاعر بصدق، وده مش ضعف، ده نُبل. هو خدك بصدقك وراح لفرحة مش ليكي، بس انتي لسه قدّامك أيام ربنا هيعوضك فيها عن كل دمعة نزلت منك عشانه. ابكي النهاردة، وبهتي، بس أوعي تفضلي كده… انتي تستاهلي وش منور، وقلب مرتاح، وحد يحبك زي ما انتي، مش حد يخدعك باسمه وبعدين يبيعك. خلي وجعك يدفعك تطلعي أقوى… وأنا معاكي، كل خطوة."

أنا حاسة بيك جدًا، وإنت فعلًا بطل ومكافح. إنك تكون في ثانوية عامة، وتشتغل 10 ساعات، وبتحاول تساعد أهلك، ده مش قليل أبدًا، ده فوق طاقة أي حد. كون إنك مش لاقي دعم من أقرب الناس ليك – والدك – ده وجع مضاعف، بس لازم تفتكر إنك مش غلطان، ولا فاشل، ولا قليل… إنت بالعكس إنسان قوي جدًا، وبتتحمل حاجات ناس كتير في سنك ما تقدرش عليها. بس كمان خليك رحيم بنفسك، ابكي لو محتاج، وفضفض، وادي لنفسك وقت ترتاح وتذاكر. مستقبلك مهم، وكرامتك أهم، وحلمك يستاهل تحارب عشانه. ومتخليش قسوة الناس تطفي النور اللي فيك. أنت تستاهل التقدير، حتى لو هما مش شايفينك، إحنا شايفينك، وربنا شايفك… وربنا عمره ما بيضيع تعب حد

وعليكم السلام ورحمة الله وبركاته، اللي بتحس بيه ممكن يكون سببه ضغط على الأعصاب أو الأوعية الدموية في ذراعك أثناء النوم، وده بيحصل لما الواحد ينام في وضعية غلط لفترة طويلة، لكن لو الألم مستمر ومش بيروح أو بيتكرر، خصوصًا في الذراع الشمال، لازم تستشير دكتور فورًا، لأن ده ممكن يكون له علاقة بالأعصاب أو نادراً بالقلب، وده محتاج فحص طبي عاجل. ما تتأخرش على نفسك، روح لطبيب أعصاب أو عظام، ولو في أي أعراض تانية زي دوخة أو وجع في الصدر، يبقى لازم دكتور قلب كمان. سلامتك وما تشوفش شر

طب دي حاجه تخصك ليه تديها موبايلك يعني انا وصديقتي بقالنا 15 سنه صحاب وفي بينا حب وكل حاجه بس كل شخص عنده مساحه شخصيه يعني مش تمسك موبايلي كده الا لو استأذنت وانا قولت اه وانا نفس الكلام وده لان دي خصوصيه وده موبايلك لو مش عايزه قوليها لا عادي ملهاش مشكله انتي بنوته وليكي مشاعر زيك زيها لو هي مخافتش تجرحها خافي انتي عليها يا قلبي دي مشاعرك

"وعليكم السلام ورحمة الله وبركاته، واضح إنك عانيت من إصابة كبيرة من زمان، وبما إن الألم مستمر وبقاله فترة وبيزيد مع النوم أو الضغط، فده ممكن يكون بسبب إن المسامير بقت مضايقاك أو حصل تحرك أو تآكل حواليها. بس محدش يقدر يحدد إذا كنت محتاج عملية أو لأ غير دكتور عظام بعد ما يشوف أشعة حديثة. أنصحك تروح لدكتور وتعمل أشعة جديدة (زي X-ray) علشان يطمنك ويقرر الأفضل ليك. ربنا يشفيك ويعافيك يا رب ❤️"

بصي يا قلبي احكميها بنفسك يعني انتي تقدري تشوفي شخص زي ده زوج ليكي ولنفترض سوا تخيلي بفضل بالعادات دي يعني خلاكي تديلوا فلوس بعد الزواج عشان يجيب بيها سجائر... واتعصب عليكي ده هل هتقبليه يا قلبي هو لو هيتغير كان حاول كان قالك طب شدي بايدي هبطل السجائر اليوم ده وهمش ف هنجح ولا لا كان قالك هنزل انهارده اشوف شغل ادعيلي ربنا يوفقني فيه كان... الي اخره ده بعيدا بقي عن أنه مدخلش البيت من بابه ودي علاقه محرمه وحرام فصدقيني اختاري سلامك النفسي وابعدي انتي مش مسؤوله تصلحي حد هو مش عايزك هو بيتسلي بس وبيرضي نفسه وانتي لو فضلتي هتخسري نفسك مش لازم تحسي بالانجاز انك صلحتيه واثرتي فيه اكسبي نفسك واخري برا اي حاجه تاذيكي

ممكن تحتويها احنا البنات بصفه عامه بتيجي بكلمه حلوه ع مسايسه جرب مثلا تصالحها بحاجه حلوه ومتخلهاش تتعصب وتتفاهموا ومتتغانقوش كتير يعني لما يحصل مشكله احتوي الموضوع وسهلها وابني بنكوا اني اللي غلطان لازم يعترف ب غلطوا وده هيجي منك انت الاول لو انت الغلطان اعترفلها واعتذر ومصالحها وهي صدقني مش هقدر تتكلم وهتفرح ونتبسط ولو هي اللي غلطانه فهمها بهدوء اني مكنش ينفع كذا انا برضو مفهتمكيش بس انتي لازم تعمل يكذا حقك عليا وشويه كلام هتلاقيها اتراضت احنا بنيجي بالحنيه والله وبكلمه تسايسنا عن تعب طول اليوم

يا قلبي اتعلمي تقولي لا لما تبقي حاجه مش عاجباكي قولي لا هي صعبه بس هتوفر راحتك لما هي عملت كده مراعتش مشاعرك انا مش بقول تجرحيها بس ممكن تقوليها محتاجه أو لا مش هقدر ادهولك قوليها بطريقه لطيفه لكن مش تسيبي نفسك تتحرق عشان غيرك ينور انتي الطرف المهم واللي تستاهلي كل خير وجميل

يا قلبي الاسلام لم يذكر عن أي شيء اسمه ارتباط هو الخطوبه وتعد وعدا بالجواز عقد القران وهو كتب الكتاب وتصبحسن حلاله أما الارتباط فهو غير محلل ويوجد فرق واضح بين الحب والارتباط الحب مشرع بيه عادي ولكن لا تعصي الله فيه يعني العلاقه اصلا بدأت بعد رضا ربنا فكرك هتنتهي بايه لما تسببه لله ربنا هيعوضك بيه في الحلال احسن من أنه يعاقبك بيه عشان عصيتيه فيه يا قلبي انتي بنوته ليكي قيمتك والإسلام اعزك والرسول وصي بيكي لا تذهبي كل ذلك وانظري للجانب المظلم حبيه بس خليكي فاكره لا تعصي الله فيه

فترة الخطوبه يتحدد ده كله وبتعرفك الحقيقه والطريق وانت ماشي ازاي وهي اي شخصيتها وهل مرتاح معاها ولا لا وبرضو صلي استعاره واستشير ربنا وان شاء الله ربنا يقدملك اللي في ه الخير

يا قلبي انتي ممكن تكوني اتأذيتي كتير أو ثقتك وقعت من ناس قريبه أو اتخذلتي من أحدهم وده صعب يرجع بس عشان تبقي طبيعيه لازم نفسك تقوم وتفوق تاني لازم تقفي ع رجلك واعرفي اني مش كلنا الناس زي بعض احنا بشر في مننا كويس وفي سيء وانتي اللي حصل معاكي يخليكي تعرفي تختاري كويس قوي نفسك يا قلبي وابداي وسعي دايركت بناس نضيفه تستاهلي ورجعي ثقتك بنفسك ومتديش ثقتك لاي حد ايا يكن

ممكن يكون لي نظره مختلفه وعندوه وجهة نظر ومحناج شخص في باله معين بس ده ع الأقل هيوضحلك هو ليه رافض ولكن انت اتقدمت أكثر من مره ممكن تسألها وقولها هو لي باباكي رافض مع انك بتحبيني ولي مش مقتنع بيا وشوفها هترد تقول اي لو هي كمان لانك دلوقت مش عارف السبب وسايبينك كده

ابنك في مرحله محتاج حد يبقي جنبه وتفهمه براحه بس وتتعامل معاه إنك صاحبوا وتبقي حنين معاه وتحتوي الأمور وحتي والدته ممكن تكلمها براحه وبهدوء وتهديد الدنيا والأمور هتتعدل إن شاء الله بس انت اصبر وعدلها يعني شوف ابنك اي مدايقه وأتعامل معاه براحه حتى لما تيجي تتكلم اتكلم براحه لانه بيلقط من اللي قدامه فلو شافك بتتعامل مع اي حد بهدوء وبحسن تصرف تلقائياً هيعمل زيك انت المرتبه ليه هو لسه صغيره بيتعلم فعلمه كل حاجه كويسه وفهمه اني علو الصوت مش حلو واستشهدله بالقرآن انه أشبه بصوت الحمير ولازم نعتدل وتجبها براحه وبحنيه ولطف وهو إن شاء الله يتقبل الموضوع وبتحسن متقلقش هو سنه ده مراهقه فبتلاقي تغيرات كتير عليه انت بس اشتغل ع تصليحها لانه مش واعي كفايه بس

بصي يا قلبي انتي داخله اولي هتتعلمي حاجات لسه حتي احنا في تالته كنا محتاجين تأسيس في الكميا بس اما الباقي فيعتبر بتاخدي من اول وجديد وهتدخلي تالته هتاخد العربي من الزيرو حتي اللام الشمسيه والقمريه هتاخديها وهكذا في باقي المواد أما اولي فمش محتاجه تأسيس ركزي ع اللي هتاخديه في يوم وتذاكريه كويس وتحليل بس

ابدا حسنوا من سلوك بعض وتربيتك انتي وصداقتك ليه اكتر حاجه هتغير منه لما يشوف الحب والحنان منك ومحاولتك انك تكوني كل حاجه لي ده هيحسن من نفسيته هو بس عشان عاش مع باباه فطبيعي هيتأثر بيه ولكن مش صعب أنه يتغير للاحسن وانتي تعرفيه الغلط من الصح

بصي يا قلبي قبل اي حاجه هو ابنك مسؤل منك ومن مسؤوليتك ايوه حقك تبدأي حياه جديده وتعيشي حياتك بس هو مش مسؤل عن المشكال اللي بتحصل بينكم هو طفل مأثرش في غير أن عاش مع والد وأنه بعد عنك فده كله اصلا بيأثر في نفسيته حتي لو مش موضح ده فانتي ممكن تبقي صديقه ليه وتبدأوا تتعتملوا بحب مع بعض وتعديل من سلوكه وتعرفيه اني ده كله بس بطريقه كويسه عشان ميشوفكيش بتنتقديه ويتعصب ويفكر انك مش بتحبيه أو انك مش مركزه في مشاعره