بصي يا حبيب قلبي احنا ع قد ما لسه في واحد ع قد مانتي قدامك وقت تاني فيه كل حاجه ولو تحتاجني اي مساعده أنا معاكي والحمـدُ للّٰـه معايا كام بنوته متابعه معاهم اول باول وحالتهم نفس حالتك تاني حاجه عايزاكي تعمليها وهي افضل حاجه أفضل حاجه انك تمسحي السوشيال كلها لو ع مواعيد وجروبات الدروس فدي بتبقي واتس تقدري تفتحي من عند بالأمس أو مامتك أو انتي افتحي من رقم التاب ولو مفيش سبيه بس اقفليه لما تيجي تذاكري النوتفيكشن تظهر منه رابع حاجه انتي بتقولي انك عندك مشكله في النوم ودي افضل نصيحه حلتها لبنوته معايا أنها تصحي الفجر بتقولي مش بقدر هقولك هي اول مره صحيت متأخر وبالتالي حاولت ل ما اتفقنا تنام بدري ع الساعه عشره أو تسعه وتصحيح الفجر وهي فعليا بتقول اني بيبقي معاها وقت كتير تعمل فيه كم كبير ودي احلي حاجه عملتها فأنا انصحك بنفس الكلام المشكله التانيه وهي لما تيجي تذاكري وخلاص قرري ابدأي بس متعمليش جدول لانك مش واخده ع المذاكره ومش هتلتزمي وهتحبطي فأفضل حل حطي تاسك انك تخلصي كذا انهارده ويكون هدف محترم مش كبير يعني ع سبيل المثال البنوته اللي معايا اتفقنا تلم الباب الاول أحياء في سالت ايام واديها الحمـدُ للّٰـه اخر يوم بكره أما بقي مشكله الكتب فأنا سألت مفتي عن الكلام ده قال لو مش مبادره عادي تطبعهم "تصوير" وتذاكر منهم ولكن مش تبيعه أنها تكون انها تكونوهي اللي هتذاكر ولو تحتاجني أي حاجه أنا معاكي يا جميله ربنا يوفقك يـا ربِّ 🤍
لو بتقدري تركزي طول اليوم وبتستوعبي اعملي كده بس نصيحه مني ومن تجربه احد البنات اللي معايا بتقولي النصيحه اللي فرقت معايا لما قولتيلي انام بدري واصحي بدري حقيقي انا بقيت بنجز كم كبير وبذاكر كتير وده كله والظهر مأذنش وبنزل دروسي وارجع بيبقي معايا وقت اريح وأكمل وانا مش بقولك كده غير مجرد راي وتجربة احدهم والقرار قرارك لو شايفه انك هتبقي فايقه طول اليوم ومركزه والتعب بتاع اليوم هتقدري عليه اعملي كده ونصيحتي ما هي إلا تجربه ورأي
تم النشر الأربعاء، ١٤ يناير ٢٠٢٦
تمام يعني انام 6 ساعات احاول حتى
تم النشر الأحد، ١١ يناير ٢٠٢٦
بصي يا حبيب قلبي انتي اللي خضتي التجربه نصائحنا ما هي إلا مجرد شخص جرب قبلك لو بتقولي لما بتنامي 6 ساعات نامي لو بتقولي لو بتنامي 8 ساعات نامي متزوديش عن كده لان ده صحي ثانيا بقي أيام المراجعات هي ضغط اه بس مش زي مانتي متخيله ، هيبقي عندك وقت وهتذاكري الفكره انك بتراجعي كذا ماده وحل في نفس الوقت وانتوا بتبدأو مراجعه في تلاته انتي فعلا تراجعي مع نفسك لأن المراجعه هتبقي موجوده بس هيحلوا محافظات معاها وشامل فلازم تراجعي عشان متحسيش انك تايهه أما الأيام اللي هتيجي مش هاني فيها سبيها لوقتها كل حاجه بتيجي بلطف من ربنا هتضغطي فيها ايوه ده طبيعي بس مش لدرجه انك مش هتنامي خالص انتي نومك هيقل بس انتي لازم تعملي كده عشان تقدري تذاكري دي المعادله
تم النشر الأحد، ١١ يناير ٢٠٢٦
لازم اتعود علي قلة النوم لانو في أيام هيتجي مش هعرف أنام فيها إللي هيا ايام المراجعه فلازم اتعود يعني كلها شهرين او شهر ونبدا مراجعه وكل المدرسين بيقولوا ابدا راجعوا من دلوقتي عشان مش حد ينسي أو يضيق الوقت عنده وسمعت نصائح يوتيوب من دكاترة قالوا ناموا ست ساعات
تم النشر الأحد، ١١ يناير ٢٠٢٦
وانتي لي تنامي 6 ساعات نامي 8 ساعات نوم كامل ومريح عشان حتى تقدري تقومي وعشان صحتك وعشان نفسيتك لو ع الوقت هتلاقي وقت كبير جدا معاكي 24 ساعه هتشيلي 8 نوم باقي 16 تقدري تقيمي فروضك وصلاتك وتملك ومذاكرتك ودروسك بالنسبه للموبايل بما انك سايبه عليه الواتس بس لو بياخد من وقتك لديه لمامتك او افصليه وقت المذاكره وابعديه والتاب امسحي السوشيال من عليه وخليه للمذاكره وبس عليه يوتيوب ومنصات غير كده اسحيه وانسحب السوشيال اصلا طول مانتي في السنه صدقيني ملهاش لازمه وانتي ذات نفسك هتلاحظي ده
تم النشر الأحد، ١١ يناير ٢٠٢٦
تمام شكرا لحضرتك كلامك مريح جدا بس انا حتى لو نمت بدري مش بقدر اقوم بس يمكن عشان أنا بحاول أنام 6 ساعات وكمان لوقمت على المنبه بطفي وينام أنا حاذفه كل مواقع التواصل الاجتماعي بس سايبه واتس وقوقل ويوتيوب عشان لو عوزت اسمع شرح أو كدا بس التابلت إللي معايا فيه مواقع التواصل كلها فأحيانا بزهق وافتحه وبقعد ساعة عليه كل لما ابعده باستخدمه تاني
تم النشر الأحد، ١١ يناير ٢٠٢٦
لعرض الإجابة في فدني اضغط هنا