السلام عليكم ورحمه الله وبركاته
أنا طالبة تالته ثانوي بس كل اللي بعمله مش ينفع ينعمل في تالته يعني مفروض اني اذاكر مش بذاكر وهكذا
عندي مشكلة النوم يعني كنت الاول بنام 7 ورجعت خلتهم 6 من شهرين او شهر المهم اني مش كنت بركز لو نمت 8 برضو مش هيكون في وقت واحنا خلاص في شهر 1 ومش عارفه اضبط وقتي أو نومي مش اقدر اقوم من النوم حتى لو منبه رن ست مرات بطفي واكمل نوم
كنت بذاكر الصبح بعد الفجر علطول بس كنت أول لما اصحى أمسك التليفون واقعد عليه ساعه او اكتر ومش اعرف اذكر كلمه حلو كل لما ابعد التليفون ارجعله تاني حتى لو مكان بعيد يعني فيكو تقولوا عارفه الغلط ومصرة عليه بس خلاص بحس انه ادمان لازم امسكه
قلت ابدل وقتي يعني انام اول لما اجي من الدروس لاني اصلي او لما بجي من الدروس الوقت بيضع على التليفون وبعدين أنام فقلت لا انام بعد الدروس بدال ما أمسك الفون كنت انام 6 ونص واصحي 1 واقعد فعليا أول يوم كان حلو وانجزت فيه كتير بس زي مايكون حسدت روحي وتاني يوم مقدرتش اكمل حتي مش عملت ولا ماده حرفيا ونمت تاني الساعه 7 بس انا من قبل 7 كنت بنعاس جامد وأهلي شايفني اني مستهترة لانو مش ليا معاد واحد اصحي به
تاني مشكله اول لما اجي من الدروس واقعد لكل مثلا بطول وسواء جايه من الدرس أو لا يعني بقوم اخر واحده مع اني كش مش باكل نفس مقدار اللي قام قبلي يعني اقل
تالت مشكله انه في مدرس حصل موقف مش كويس معها يعني لانو سألته فهو حاب يعرف اذا حافظه القوانين فراح سألني سؤال قوانين فاتلخبطت ومش عرفت اجاوب راح قالي طالما مش مذاكره مش تسألي ومن وقتها يمكن مش سألته إلا مرتين أو تالته يعني يمكن عدا 3 شهور على الموقف أو اقل وكل لما يبص في وشي يحسسني اني خايبه أو مش استاهل اكون في تالته ثانوي هو فعليا صح لانو انا ولا بذاكر زي تالته وبحل حتى زي تالته ومش مراجعه اي درس وضايعه وأهلي متوقعين اجيب علامات عاليه وانا حتى مش واثقه في نفسي بربع جنيه ومضايقة لاني كل اللي بعمله غلط حتي عشان تعب اهلي
وكان نفسي من أول السنه اصاحب واحده شاطره يعني هي فاهمه حاجه تفهمها ليا لو عندي سؤال وهي عارفه وهكذا لكن حاليا قاعده بتفرج عليهم وكيف كل واحدة مصاحبه حد زيها ومتفوقين
في مدرس انجليزي الساعه 5 مغرب وهيخليه 6 ونص في رمضان فهيكون متعب برضو ويمكن الشمس تكون لسه مش طلعت وكمان في مسافه مشي بسمع عنه كل خير ومتحمس اروحله بس المشكله انو فيها رجعه مرتين يعني هاخد دروس الظهر واروح وارجع الانجليزي تاني فشايفه أنه متعب وأنه ممكن يضيع وقتي فالرايحه و الجايه وفي الأول والأخير هو انجليزي ومش عارفه اعمل ولا اعرفه اخد قرار ولا راضيه أشيل الفكرة من بالي وهطق اني لسه مش اخترت وأهلي لو عرفوا هيزعقلولي لاني لسه بجرب وبالذات بابا
كمان تصوير الكتب حالة المادية صعب السنه بس الحمد لله على كل حال فبابا بيقولي صوري الكتب بس دا حرام بس نبهني على كدا وانا لما اشتريت ترم تاني زعقلي وقالي مش صورتي ليه وتمرين اصور الترم دا ومش عارفه اعمل اي لو مش صورته من وراه هيعرف في اي وقت هيزعقلي لو صورته عادي وهو قالي ذنبك في رقبتي أنا فبقول اصوره وهو يشيل ذنبه
في البدايه حابه اني اقول لك ان دي قوه وشجاعه منك انك تكوني عارفه كل نقط ضعفك اللي بتمر بيها والحاجات اللي ماثره عليك وعارفه كويس ايه اللي معطلك وعايزه تصلحيه. الفكره دلوقتي انك محتاجه انك تخرجي من الدايره اللي انت فيها بمعنى ان لازم اصرارك يكون اقوى من كده ولازم تكون عزيمتك قويه وانك محتاجه ان انت توصلي بالمرحله اللي انت فيها دي لافضل حال ولافضل مستوى ده هيكون محتاج منك مجهود واراده كبيره اوي ومش هتبدا المواضيع دي تتحسن الا من عندك فخلينا نقول في البدايه خالص احنا محتاجين يكون من جوانا اصرار. ولو في حد معاكي يقدر ان هو يدعمك ويساعدك سواء كان حد من عيلتك او لايف كوتش ده هيساعدك جدا انك تتخطي المرحله دي. اول حاجه احنا لازم يكون في روتين يومي منظم. هيكون منظم في نومك في اكلك في صلاتك كل ده لو ظبتيه هتلاقي يومك مشي طبيعي جدا. خلينا كمان نقول ان لازم تكوني قاعده في مكان المكان ده يكون هادي ومنظم ومرتب وتبعدي التليفون او تقفليه تماما وممكن تديه لوالدك او حد يكون معاكي في البيت وقولي له ما يديهولكيش خالص الا وقت البريك. حاولي ان وقت البريك بتاعك يكون ثلث وقت شغلك بمعنى لو انت اشتغلتي ساعه يبقى تلت ساعه مثلا الموضوع هيفرق جدا. خلي فيه بريك ما بين الماده والماده الموضوع محتاج شغل مكثف مش انك تأنبي نفسك وتضغطي على نفسك محتاج تنظيم لان الوقت بيمر واحنا واقفين لسه مكنا. فاعتمدي على الله وحاولي يكون في حد معاكي يساعدك يبقى جنبك الموضوع هيبقى مختلف جدا.
تم النشر الاثنين، ١٢ يناير ٢٠٢٦
بصي يا حبيب قلبي احنا ع قد ما لسه في واحد ع قد مانتي قدامك وقت تاني فيه كل حاجه ولو تحتاجني اي مساعده أنا معاكي والحمـدُ للّٰـه معايا كام بنوته متابعه معاهم اول باول وحالتهم نفس حالتك تاني حاجه عايزاكي تعمليها وهي افضل حاجه أفضل حاجه انك تمسحي السوشيال كلها لو ع مواعيد وجروبات الدروس فدي بتبقي واتس تقدري تفتحي من عند بالأمس أو مامتك أو انتي افتحي من رقم التاب ولو مفيش سبيه بس اقفليه لما تيجي تذاكري النوتفيكشن تظهر منه رابع حاجه انتي بتقولي انك عندك مشكله في النوم ودي افضل نصيحه حلتها لبنوته معايا أنها تصحي الفجر بتقولي مش بقدر هقولك هي اول مره صحيت متأخر وبالتالي حاولت ل ما اتفقنا تنام بدري ع الساعه عشره أو تسعه وتصحيح الفجر وهي فعليا بتقول اني بيبقي معاها وقت كتير تعمل فيه كم كبير ودي احلي حاجه عملتها فأنا انصحك بنفس الكلام المشكله التانيه وهي لما تيجي تذاكري وخلاص قرري ابدأي بس متعمليش جدول لانك مش واخده ع المذاكره ومش هتلتزمي وهتحبطي فأفضل حل حطي تاسك انك تخلصي كذا انهارده ويكون هدف محترم مش كبير يعني ع سبيل المثال البنوته اللي معايا اتفقنا تلم الباب الاول أحياء في سالت ايام واديها الحمـدُ للّٰـه اخر يوم بكره أما بقي مشكله الكتب فأنا سألت مفتي عن الكلام ده قال لو مش مبادره عادي تطبعهم "تصوير" وتذاكر منهم ولكن مش تبيعه أنها تكون انها تكونوهي اللي هتذاكر ولو تحتاجني أي حاجه أنا معاكي يا جميله ربنا يوفقك يـا ربِّ 🤍
تم النشر الأحد، ١١ يناير ٢٠٢٦
بالنسبة للموبايل في برنامج اسمه digital detox. اديه الصلاحيات اللي يطلبها منك و اسمحي للتطبيقات المهمة انها تشتغل زي المكالمات الكاميرة و الواتس و هكذا، اما بالنسبة لعدم التركيز هيبدأ من ضبط معاد للنوم، مش بقولك اصحي ذاكري من اول الفجر ونامي بدري و كدة لا، بس ع الاقل يبقى فيه معاد محدد للنوم و معاد محدد للصحيان عشان مخك يتعود عليه، أما بالنسبة لتصوير الكتب فهو مش حرام غير لغرض البيع، لو انت هتصوري الكتب عشان تبيعيها فده حرام اما عشان تنتفعي بالعلم فلا إثم فيه ان شاء الله، لازم تظبطي سيستم للمذاكرة تمشي عليه و ادعي ربنا و اقرأي ولو ربع قرآن قبل المذاكرة كل ده هيفرق معاكي كتير ان شاء الله
تم النشر الجمعة، ٩ يناير ٢٠٢٦
وعليكم السلام ورحمة الله وبركاته يا قمر! 😊 أشوفكِ تعاني كتير في ثالثة ثانوي، وده طبيعي جداً في الضغط ده، بس أنتِ مش خايبة خالص، أنتِ بس محتاجة خطة بسيطة وثابتة عشان تنجحي وتفرحي أهلكِ. خلينا نرتب المشاكل واحدة واحدة، وهعطيكِ خطوات عملية من النهارده، معتمدة على الإصرار والتوكل على الله. 1. النوم والاستيقاظ (أهم حاجة عشان التركيز): حددي موعد نوم ثابت: نامي 9 مساءً بعد العشاء مباشرة (صلي وادعي ربنا ييسر لكِ). لو جيتِ من الدروس متعبة، اغسلي وشكِ وصلي المغرب والعشاء فوراً، ثم نامي ساعة (قيلولة خفيفة 20 دقيقة بس مش أكتر). استيقظي 4:30 فجر لصلاة الفجر. ضعي المنبه بعيد عن السرير ، وخلي حد من الأهل يناديكِ. أول ما تصحي، اغتسلي فوراً وصلي، وبعدين ابعدي التليفون في درج مغلق أو غرفة تانية لـ24 ساعة كاملة (جربي يوم واحد بس، هتلاقي الدنيا أحلى). هدف: نامي 7 ساعات، هتركزي أحسن وتذاكري صباحاً 3 ساعات قبل الدروس. 2. التليفون (الإدمان ده عدو النجاح): احذفي التطبيقات اللي بتضيع وقتكِ (تيك توك، إنستا) مؤقتاً لحد الامتحانات. استخدميه بس للدراسة (تطبيقات مذاكرة زي Quizlet). قاعدة: لا تليفون قبل الضحى ، ولو حسيتِ برغبة في مسكه، قومي اغسلي وشكِ أو اقري قرآن 5 دقايق. هتلاقي الإدمان يروح تدريجياً. 3. الأكل والطاقة: كلي مع الأهل، حتى لو شوية (بيض، جبنة، فاكهة). ده هيملى طاقتكِ ويخليكِ مش تنعسي. اشربي مية كتير (2 لتر يومياً) وكلي تمر بعد الفجر للبركة. 4. المدرس والثقة بالنفس: الموقف ده خلص، هو مش بيحقد، بس أنتِ اللي محتاجة تثبتي نفسكِ. راجعي القوانين كل يوم 15 دقيقة ، واسأليه سؤال ذكي في الحصة الجاية (مثل "استاذ، ممكن توضحي القانون ده؟"). هيحس باحترامكِ وهترجعي تسأليه براحتكِ. أنتِ مش ضايعة، بس ابدئي بـ مراجعة يومية 1 ساعة لكل مادة (ابدئي بالأضعف عندك). حددي هدف صغير: 80% في الاختبارات الداخلية، وربنا هيكمل الباقي إن شاء الله. 5. دروس الإنجليزي: خديها! الإنجليزي مهم جداً في الثانوي، والمسافة مش عذر (المشي هيحرك دمكِ ويخليكِ نشيطة). خطة يومية سريعة: 4:30 فجر: صلاة + مذاكرة 2 ساعات (بدون تليفون). دروس + غدا + قيلولة قصيرة. مساء: مراجعة 1 ساعة + دروس إضافية. 9 مساء: نوم. ادعي ربنا كتير "اللهم يسر ولا تعسر"، وتذكري: ثالثة ثانوي دي اختبار صبر، وأنتِ قادرة تجيبي مجموع عالي إن شاء الله. لو عايزة نصائح أكتر، ابحثي في Fedni عن أسئلة مشابهة هتلاقي إجابات كتير. أنتِ فخورة بنفسكِ، ابدئي النهارده وربنا هيوفقك إن شاء الله 💪❤️
تم النشر الجمعة، ٩ يناير ٢٠٢٦
السلام عليكم ورحمة الله وبركاته استعن بالله واسأل الله التوفيق وحافظ على صلاتك في وقتها واجعل لك وردا من القرآن ورتب حياتك بدون مثاليه وذاكر مقدار صغير ثم زد تدريجيا حتى تصل لمقدار معقول واستمر واسأل الله التوفيق واستعن بالله وتوكل عليه واعلم ان الراحه والسكينه والتفوق هو ان تلزم صراط الله المستقيم ولا تلقي بالا للمستقبل ركز فيما انت فيه واستعن بالله واعمل ما تقدر عليه ولا تحمل نفسك اكثر من طاقتها ولا تلزم نفسك بأكبر من حجمها والله الموفق والمستعان.
تم النشر الجمعة، ٩ يناير ٢٠٢٦
معليش كتبها غلط الله يبارك في عمرك
تم النشر الأحد، ١١ يناير ٢٠٢٦
اي إللي عادي
تم النشر الأحد، ١١ يناير ٢٠٢٦
وإياك جزاك الله خيرا
تم النشر السبت، ١٠ يناير ٢٠٢٦
لاعادي
تم النشر الأحد، ١١ يناير ٢٠٢٦
جزاك الله خيرا
تم النشر السبت، ١٠ يناير ٢٠٢٦
لعرض السؤال في فدني اضغط هنا