صباح الجمال على حضراتكم
انا. بنوته عمري 16 سنه انا بس كنت محتاجه مساعده حضراتكم في حاجه معينه انه انا دلوقتي داخله تانيه ثانوي ان شاء الله.
انا لما كنت في ثالثه اعدادي بصراحه يعني اهملت شويه في دراستي مع العلم انها شاطره الحمد لله بفضل ربنا بس جبت مجموعه 81% السنه دي بقى شديت شويه وجبت 86% فانا بس عايزه طريقه مذاكره كويسه او يعني طريقه تنظيم جدول مذاكره معين امشي عليه لان انا داخله ثانيه ثانوي وثانيه ثانوي يعني تاسيس فعلشان كده عايزه طريقه كويسه تساعدني ان انا اجيب اكبر مجموع باذن الله.
يعني أنا السنة دي في أولى ثانوي جبت 86 فطبعا أتطلع إن أنا أجيب أعلى طبعا فأرجو من حضراتكم إن حد يفيدني بطريقة.
مع العلم اني لما كنت في ثالثه اعدادي في الترم الاول مستر ماده معينه يعني في الترم الاول لي زميله هي طلعت الاولى وانا طلعت الثانيه الترم الاول فالاساتذه كرمونا بعد اما طلعنا وكنا فرحانين وكده المستر ده قال للبنت مع العلم انت طلعتي الاولى مش عشان شاطره عشان انتوا فصل فاشل وكله دائما فاكرنا كده ما حدش يعني بيدينا فرصه الا من رحم ربي يعني فالمهم الترم التاني في نفس السنه انا طلعت الاولى وهي طلعت الاولى مكرر الحمد لله وجبت 85% فأنا يعني عاوزه ان شاء الله اي يعني اي حد من تجاربه السابقه يعني من التجارب اللي هي حضراتكم مريتوا بيها. ازاي ذاكرته وازاي نظمتم وقتكم لان انا نفسي ان انا ارفع راس اهلي طبعا اكيد عايزه طريقه كويسه يعني تحياتي لكم.
كمان عايزه اوضح حاجه ان انا بفضل الله بفضل الله والله ولا اي حاجه بس انا يعني الحمد لله وانا في ثانيه من اول ثانيه ابتدائي وانا مجموعي يعني تمام متحسن في ثانيه ابتدائي طلعت الاولى على المدرسه الحمد لله بفضل ربنا حتى على بتوع الثانوي وجبت 98.5% فبعدها بقى وانا بنزل يعني كل شويه 97 96 لحد اما اخر حاجه في اولى اعدادي جبت 92% وفي ثانيه اعدادي 85 لما اتقالنا انتوا فشله وكده انا بصراحه كنت بلهو وبشترك في انشطه وكده انا كفيفه كنت بشترك في أنشطة بصراحه كتير بس طريقه النص مش كانت بتبقى يعني مش كانت بتبقى كويسه يعني كانت بيبقى فيها جرح على طول. فانا يعني انا بدات ابعد عن المدرسين اللي زي كده ما نحطش كلامهم في دماغي وده فعلا اللي خلاني يعني ابقى افضل شويه فلو حد عنده طريقه تنظيم جدول مذاكره يبقى مشكور جدا.
بصي هو لو. لو دخلت على الصفحه بتاعتي. كان فيه حد سأل برضو بس هي كانت ثالثه ثانوي صراحه مش تانية هي الطريقه ستريكت قوي يعني طريقه حازمه قوي الطريقه يعني ما انصحش بيها في ثانيه ثانوي لانها شديده يعني البني ادم متهيأليمش هيستحملها سنتين ورا بعض خدي منها اللي تقدري تقدري تنفذيه واللي ما تقدريش تنفذيه خليه لثالثه ثانوي. كنت رادد على يعني حد كان كاتب كده فانت لو دخلت بس على الاكونت بتاعي هتشوفس التعليقات بتاعتي كاتبه في التعليقات مش في الاجابات في التعليقات هتلاقي كذا ريكورد كده بتاع ست ريكوردات ولا حاجه كلهم بيتكلموا في النقطه دي. منهم ما تشائي. ولو في حاجه يعني حاجه مركزه اقدر ان انا اقولها لثانيه ثانوي. حاجه يعني ليهم هما فاقدر اقول ان اهم حاجه دلوقتي مش تجميع الدرجات قد ما انا احاول افهم كل كلمه مكتوبه الكتب حاول يعني عارفه التدقيق في العلم ان انا ادقق في العلم او ان انا لان دي تاسي فعلا دي سنه تاسيس انا فعلا يعني انا احمد يعني تاسست في السنه دي. اولى ثانوي انا كنت ضايع فيها اصلا كنت جايب مجموعه يعني مش فاكر كان كام 80% حاجه كده يعني مش مش كويسه يعني؟ ولكن في ثانيه ثانوي الكيمياء كان فيه الجدول الدوري بقى وازاي ان انا اعمل معادله والحاجات دي كلها والتكافؤات وكل كل الحاجات يعني هي سنه يعني. فيها تاسيس كبير فانا دلوقتي ايه الفكره ان انا ما افوتش
تم النشر السبت، ٣٠ أغسطس ٢٠٢٥
صباح النور ربنا يوفقك في الثانويه وأيامك القادمه أولا مش أي طريقة تنفع معاكي يعني مثلاً فيه شخص بيحب الحفظ وشخص بيحب الفهم بس عموماً المذاكرة في بداية اليوم بتخلي المعلومات تركز بسرعه خصوصا بعد الفجر يفضل كل يوم مادتين حل ومذاكره والمذاكرة بالخرائط ممتازه و قراءه الدرس 3 مرات بعدين طلعي العناصر اللي في الصفحة بعدين اكتبيهم في ورقه بيساعد على الفهم والحفظ والمذاكرة
تم النشر السبت، ٣٠ أغسطس ٢٠٢٥
صباح الخير يا بنتي الجميلة، وشكرًا على ثقتك فينا لمساعدتك! أولاً، أحب أقول لك إن مشوارك الدراسي وإنجازاتك اللي حققتيها ما هيش سهلة، وحمدًا لله على تقدمك رغم كل الظروف. وأعرف تمامًا شعورك بالرغبة في رفع رأس أهلك وتحقيق الأفضل، وهذا هدف نبيل وقوي. خليني أساعدك بخطوات عملية لتنظيم مذاكرتك بشكل يساعدك تبني قاعدة متينة في ثاني ثانوي وتحققي التفوق بإذن الله: تحديد أهداف واضحة: حددي أهدافك لكل مادة، مثلاً: "التركيز على فهم نقطة معينة" أو "الحصول على 90% في اختبار المادة". كوني واضحة في أهدافك اليومية والأسبوعية، فهذا يزيد من تركيزك ويحفزك. تنظيم الوقت - جدول مذاكرة عملي: قومي بتقسيم اليوم بشكل معقول: مثلاً بعد المدرسة خدي راحة 30 دقيقة، بعدها ابدئي مذاكرة 60-90 دقيقة. أعملي جدول تقسمي فيه المواد على أيام الأسبوع، مثلاً: الإثنين: مادة اللغة العربية والرياضيات الثلاثاء: العلوم والإنجليزي وهكذا… خصصي وقت للمراجعة أسبوعيًا، ولا تنسي الوقت للراحة والنشاطات التي تحبينها لأنها مهمة للحفاظ على نشاطك الذهني. التعامل مع الضغوط والمواقف السلبية: كلام المدرس اللي أثر عليك سلبيًا لا يعكس قدراتك الحقيقية، انتي مميزة ومجتهدة وما حد يقدر يحط لك قيمة أقل منك. ركزي على الإنجازات اللي حققتها ولا تسمحي لآراء الآخرين تحبطك. ذكري نفسك دايمًا بأن النجاح حلو لما يكون بجهد وإصرار منك. كيفية المذاكرة الفعالة: اقرأي المادة أول مرة لفهم الأفكار الرئيسية، بعدين دوّني نقاط مهمة. استخدمي أساليب مختلفة مثل الخرائط الذهنية أو تلخيص الدروس. اعملي اختبارات لنفسك أو اجعلي أحد من أفراد العائلة يختبرك. لا تذاكري بطريقة حفظية فقط، بل فهمي واستوعبي المعلومات. إدارة وقت الأنشطة والهوايات: المشاركة في الأنشطة ممتازة ومفيدة لتطوير مهاراتك، بس احرصي على توازنها مع المذاكرة. لما تنجزي جدولك، خلي مساحة للراحة والنشاطات، هذا يقلل الضغط عليك ويحسن التركيز. دعم نفسك وتأكيد الإيجابيات: كل يوم قبل النوم، فكري في شيء أنجزته حتى لو بسيط. أكدي لنفسك دائمًا أن ارتفاع درجاتك ممكن بتحسن عظيم لو التزمتِ بالخطة. إذا حابة، في موقع فدني عندنا خبراء متخصصين في تنظيم الوقت والدراسة ممكن يساعدوك بخطوات مخصصة لك. أنصحك تزوري قسم الخبراء وتطلبي استشارة منهم لو تحتاجي دعم أعمق. وأخيرًا، لا تنسي أن النجاح مش بس درجات، لكنه نابع من الاجتهاد والثبات والثقة بالله أولاً، والله يوفقك ويحقق لكِ كل آمالك. أنا هنا لأي سؤال جديد أو دعم، تضعي في بالك إنك مش لوحدك في الرحلة دي! 🌸💪 هل تحبي أساعدك أعمل لك نموذج جدول مذاكرة يناسب وقتك؟
تم النشر السبت، ٣٠ أغسطس ٢٠٢٥
بصي اولا متضغطيش نفسك خالص خليكي هاديه وتعاملي مع الموضوع انو ان شاء الله هتحسن بس بردو مش هضغط نفسي خالص.اول حاجه خدي عند المدرس اللي بتفهمي منو مش المدرس اللي صحباتك بيروحوا عندو مش مهم صحابك يروحو فين المهم انتي فاهمه عند مين و المعاد اللي هيروحو كويس ولا لا خلي نفسك اولويه.اما بالنسبه لتنظيم الوقت طبعا هنعمل to do list تكون وااااقعيه انتي عارفه نفسك بتذاكري درسين بالعافيه كل يوم متحطيش ف الto do list اكتر من درسين مثلا ولو معاكي امكانيه هاتيها شكلها حلو عشان تحفزك. المنهج المصري المذاكره ثم الحل ثم الحل ثم الحل ثم حل...حلي كتير اوي وبعد ما تحلي لما تيجي تراجعي الدرس راجعيه ب افكاره يعني الحل اللي حبتيه اكتبي السؤال فورقه و ارجعي حليه تاني وتالت لحد ما تفهمي المعلومه خالص و اي سؤال حتي لو بالنسبالك غبي لازم تسالي للمستر اللي هتحضريلو الحصه هو واجبو ان يرد و يوضحلك اللي مش فاهمه.بصي بخصوص وقت المذاكره ي تبدأي اليوم من بعد ما تصلي الفجر أو تسهري بليل و تصلي الفجر وتنامي و أهم حاجه تخلي ربنا الاولويه فحياتك كلها
تم النشر الأحد، ٣١ أغسطس ٢٠٢٥
السلام عليكم، وصباح الورد عليكِ يا كنزي. أولا حابة أنصحك تبعدي عن القلق والتفكير في النتيجة عشان متزوديش الضغط على نفسك وده يخليكِ تلجأي للتسويف أو تكرهي المذاكرة. أنتِ ما شاء الله شاطرة وقادرة تحققي النجاح اللي عاوزاه حتى لو حصل شوية تقصير منك قبل كده، فانسي أي قلق أو شك ممكن يراودك من الناحية دي وكمان انسي خالص كلام المدرس ده لأنه أولًا غلط من الناحية المهنية والإنسانية وكمان ملوش حق يحكم عليكم أو يحدد قدراتكم. المفروض المدرس دوره يعمل العكس ويشجع الطالب يطلع أفضل ما عنده. للأسف بعض المدرسين مش بيعرفوا يتعاملوا صح مع الطلبة والبعض بيفكر إن استخدم الأسلوب ده نوع من التشجيع عشان الطالب يبذل جهده بس هو للأسف غلط وبيؤدي لنتيجة عكسية المهم، ما شاء الله أستاذ أحمد أعطى نصائح كتير في أحد الأسئلة زي ما قال وذكية كمان أفادت بنصائحها، بس ممكن تاخدي لفة في التطبيق هتلاقي أسئلة كتير فيها نصائح من باقي الأعضاء عن الثانوية والمذاكرة، وتحت سؤالك برضه فيه أسئلة مرتبطة بنفس الموضوع ممكن تتطلعي عليها. على صفحتي أنا مجاوبة على كتير أسئلة عن الدراسة والامتحانات فممكن لو حبيتِ تقرأي نصائحي وأرجو إنها تفيدك إن شاء الله. منها السؤال ده https://www.fedni.net/q/10713261/ما-نصائحكم-للتفوق-في-الثانوية-وكيف وبالتوفيق يا قمر.
تم النشر الأحد، ٣١ أغسطس ٢٠٢٥
لعرض السؤال في فدني اضغط هنا