مساء الخير انا دي مش اول. دي مش اول مره اسال فيها كنت سالت السنه اللي فاتت والحقيقه الناس مشكورين يعني جاوبوني. انا عايزه اتكلم عن يعني قبل ما اتكلم عن اي حاجه احب اشكر حضراتكم على كل نصيحه حضراتكم قدمتوها ليا. في ثانيه ثانوي لما انا كنت محتاره في موضوع الجدول وكده. الحمد لله في ثانيه ثانوي جبت 85 ونصف في الميه. بسمع في ثالثه ثانوي حاليا انا بذاكر وبحل وشاطره الحمد لله بس الفكره ان انا لما باجي اراجع بحيث فاتتني حاجات كتير قوي وفي نفس الوقت لما بغيب عن المذاكره شويه. ومثلا والدي لما يجي سبحان الله اول ما والدي او والدتي يعدوا من قصادي بفتح الفيديو او الريكورد للمدرس باعته لي اول فيديو مثلا نزل على اليوتيوب بيتصادف كثير قوي والله بعد كدا كدا فكر بيني وبين نفسي اللي هو طب انا كده بنافق اهلي يعني اهلي مثلا لما بيجوا بيلاقوني بذاكر وانا ممكن اكون في الوقت ده مش بذاكر فبصراحه اللي هو حاسه ان هو ما ما استاهلش بصراحه يعني كتر الاهتمام دون ده الاحساس اللي بيجي لي في مخي داخلي حتى اتكلمت ماما وبابا. لما كلمت ماما. قالت لي لا انا شايفاك مش مقصره بتحلي وكده وانا فعلا الحمد لله لما بحل مع مدرسين بحل صح واجيب درجات كويسه. انا حاليا في العربي مخلصه واحده ونص نحو. ومخلصه درس ادب ودرس نصوص. ودرس قراءه. وطبعا حليت عليها واجباتهم امتحانات وفي التاريخ مخلصه الفصل الاول واول درسين في الفصل الثاني في الجغرافيا مخلصه الدرس التمهيدي واول درسين تقريبا يعني قربت افنش اول درسين. بس عندي مشكله كمان في الاحصاء المدرس كل اما أسأله سؤال اي نعم هو احيانا بيبقى غبي بصراحه الاسئله اللي مساله بتبقى غبيه بس بالنسبه لي انا اسئله كبيره يعني انا بالنسبه لي اسئله مهمه بس بالنسبه له هو اسئله غبيه لانه انا باخد معاه من اولى ثانوي تقريبا بقى لي ثلاث سنين. فالمدرس ده كذا حد يعني احنا طبعا بناخد معاه من الجمهوريه كلها مكفوفين من الجمهوريه كلها. فهو بالنسبه له يعني احنا احنا القدام بقى بتعصب علينا كتير اوي يعني الموضوع مش مقتصر عليا انا. ااا. بقى بالنسبه له اسئلتنا بديهيه افكر في كذا منظور ان هو عشان شايفنا مثلا ان احنا على مستوى معين فاللي وانتوا ازاي بتسالوا الاسئله دي وازاي الاسئله دي بتيجي منكم وفي نفس الوقت في منظور ثاني طب اللي هو طب ما الجداد ما بيتعصبش عليهم كده يعني احنا مثلا انا وصاحبتي في مجموعه مع اثنين جداد لسه جداد السنه دي لو سالوا اي سؤال. بيتعصب عليهم عصيبه صغننه ان احنا على طول اي حاجه تطلع هفوه كده مننا بيتعصب علينا فأنا انا عايزه نصائح فكرت كتير ان انا اعاتبه وبرده اعتبت نفسي كتير قوي في موضوع ال ال انا حاسه من جوايا انا مقصره. وفي نفس الوقت جه في دماغي بردك فكرت اللي هو طب انت عايزه تجيبي مجموع كذا كذا هل انت بتذاكري مذاكره المجموع ده وفي نفس الوقت برده كل اللي في دماغي يوم النتيجه ويوم الامتحانات ده بقى مكسلني ان انا اذاكر مع ان المفروض يشجعني بس انا انا عندي بالعكس بس كده تحياتي معذره على الاطاله.
تم النشر الثلاثاء، ٦ أكتوبر ٢٠٢٦
صباح الجمال على حضراتكم انا. بنوته عمري 16 سنه انا بس كنت محتاجه مساعده حضراتكم في حاجه معينه انه انا دلوقتي داخله تانيه ثانوي ان شاء الله. انا لما كنت في ثالثه اعدادي بصراحه يعني اهملت شويه في دراستي مع العلم انها شاطره الحمد لله بفضل ربنا بس جبت مجموعه 81% السنه دي بقى شديت شويه وجبت 86% فانا بس عايزه طريقه مذاكره كويسه او يعني طريقه تنظيم جدول مذاكره معين امشي عليه لان انا داخله ثانيه ثانوي وثانيه ثانوي يعني تاسيس فعلشان كده عايزه طريقه كويسه تساعدني ان انا اجيب اكبر مجموع باذن الله. يعني أنا السنة دي في أولى ثانوي جبت 86 فطبعا أتطلع إن أنا أجيب أعلى طبعا فأرجو من حضراتكم إن حد يفيدني بطريقة. مع العلم اني لما كنت في ثالثه اعدادي في الترم الاول مستر ماده معينه يعني في الترم الاول لي زميله هي طلعت الاولى وانا طلعت الثانيه الترم الاول فالاساتذه كرمونا بعد اما طلعنا وكنا فرحانين وكده المستر ده قال للبنت مع العلم انت طلعتي الاولى مش عشان شاطره عشان انتوا فصل فاشل وكله دائما فاكرنا كده ما حدش يعني بيدينا فرصه الا من رحم ربي يعني فالمهم الترم التاني في نفس السنه انا طلعت الاولى وهي طلعت الاولى مكرر الحمد لله وجبت 85% فأنا يعني عاوزه ان شاء الله اي يعني اي حد من تجاربه السابقه يعني من التجارب اللي هي حضراتكم مريتوا بيها. ازاي ذاكرته وازاي نظمتم وقتكم لان انا نفسي ان انا ارفع راس اهلي طبعا اكيد عايزه طريقه كويسه يعني تحياتي لكم. كمان عايزه اوضح حاجه ان انا بفضل الله بفضل الله والله ولا اي حاجه بس انا يعني الحمد لله وانا في ثانيه من اول ثانيه ابتدائي وانا مجموعي يعني تمام متحسن في ثانيه ابتدائي طلعت الاولى على المدرسه الحمد لله بفضل ربنا حتى على بتوع الثانوي وجبت 98.5% فبعدها بقى وانا بنزل يعني كل شويه 97 96 لحد اما اخر حاجه في اولى اعدادي جبت 92% وفي ثانيه اعدادي 85 لما اتقالنا انتوا فشله وكده انا بصراحه كنت بلهو وبشترك في انشطه وكده انا كفيفه كنت بشترك في أنشطة بصراحه كتير بس طريقه النص مش كانت بتبقى يعني مش كانت بتبقى كويسه يعني كانت بيبقى فيها جرح على طول. فانا يعني انا بدات ابعد عن المدرسين اللي زي كده ما نحطش كلامهم في دماغي وده فعلا اللي خلاني يعني ابقى افضل شويه فلو حد عنده طريقه تنظيم جدول مذاكره يبقى مشكور جدا.
تم النشر السبت، ٣٠ أغسطس ٢٠٢٥
مساء الخير ازي حضرتك يا استاذ. معذره انا كنت قرات السؤال بس مش قراءته كامل يعني بس فهمت المضمون. والله الموقف ده. كان بيحصل معايا كتير جدا ومع صاحبه يعني عزيزه عليا جدا. صاحبه عمري يعني. المهم. انا ما كنتش بتكلم البنوته دي الا مثلا عشان حاجه معينه. مش يعني هي مش مش هدف يهمني أو يهمها لا عشان حاجه معينه مشتركه بيننا احنا الاتنين فمن بعد الحاجه دي ما راحت يعني مقطعه يعني حصل انقطاع في مكالماتنا لبعض وكده. فين وفين بقى لما بقينا ان احنا ايه نحاول ننقش بعد كده نتلكك عشان خاطر نتكلم في اي موضوع ان شاء الله لو تافه. هو على فكره طالما طالما هو حضرتك بتقول ان هو معاشرك. يعني اربع خمس سنين مده كافيه جدا عشان هو يقرا شخصيتك من جوه يعني ده بغض النظر طبعا ان ان لم تكن حضرتك مش معرفه اي حاجه عنك فدي حاجه ثانيه يعني بس اكيد حضرتك بتقول ان هو عزيز عليك يعني معرفه كل جوانب شخصيتك فبالتالي حاولوا تكلموا في اي حاجه تافهه. اي حاجه تافهه هتجر نقاش والنقاش هيجيب نقاش والنقاش هيجيب نقاش وتقابله اتقابله اوعى يعني اوعى تخلي اي بعد يملا يملا الكوكايه ان ان يعني ان انت بقى لك يعني بقالك ياما ما شفتوش فشوفوا ان شاء الله لو مش تتكلموا في حاجه انا على فكره موضوع ان انا اكلم حد. ونفضل ساكتين ده حصل كثير انا كنت بقول لها ساكته ليه اتكلمي انا عايزه اسمع صوتك فبالتالي الطرف اللي قدامي هيحس ان هو هيحاول يشرق ويغرب ويجيب كلام. اللي هو انت انت عايز تسمع صوتي طب اهو هتكلم في واحد ثلاثه فاهم حضرتك ف الاحسن فعلا ان حضرتك تتبع اللي بقول لك عليه ده لو اتقابلته اتكلموا في اي حاجه تافه اي حاجه مش اي حاجه هبله عادي جدا الحاجه الهبله هتجيب حاجه عميقه هتجيبها ذكرى. ضحكه صافيه من من قلوبكم نبعه من شوقكم لبعض هتجيب حاجات كتير يعني ومعذره على الاطاله. اه وكمان زي ما قلت لحضرتك لو بردك فضل موجود الموضوع ان انتوا ساكتين هقول له انا مش عايزك تسكت انا عايزه اسمع صوتك على طول. كلمني في اي حاجه. بس كده تحياتي.
تم النشر الثلاثاء، ٦ أكتوبر ٢٠٢٦
بص حضرتك انا المواد اللي باخدها تاريخ وجغرافيا ولغه عربيه وعلم نفس وعلم اجتماع ومواطنه وانجليزي ورياضيات وفرنساوي بس انا يعني مش باخد في الجغرافيا خريطه ولا اي حاجه وباخد في الرياضيات جبر وهندسه بس مش اللي هي الهندسه اللي هي الرسم يعني الرسم بالمناقل والحاجات دي لا انا باخد الهندسه اللي هي الجا والجاتا والحاجات دي يعني وانا سمعت الريكوردات حضرتك طيب دلوقتي انا عندي سؤال انا إن شاء الله لما لما اكون في ثالثه ثانوي انا سمعت ريكوردات حضرتك كنت بترد على بنوته اسمها يسر تقريبا وقلت ان حضرتك كنت بتنام الساعه 11:30 الضهر وبتصحى الساعه 2:00 الظهر حضرتك كنت بتحضر دروسك وبتيجي تذاكر لحد الساعه 11:30 بالليل عفوا معلش وبعد كده بتصحى الساعه 5:00 الفجر بتصلي وتقرا قران وبتبدا تذاكر بقى لحد الساعه 11:30 الضهر فانا عندي سؤال دلوقتي انا ان شاء الله انا كتالته ثانوي انا هكون بروح المدرسه لان احنا عندنا مش مش في غياب فيعني اكرر ده ممكن مثلا اول ما اكون صحيت بعد الفجر اصلي واقرا قران بعد كده ذاكر ولا ايه اصل احنا الساعه 5:00 عقبال ما نكون صلينا ولبسنا وجهزنا وكده اقرا قران شويه بننزل الساعه 6:00 الفطار لان انا في بيت يعني انا انا كمدرستي في اسماعيليه نفسها وانا في المستقبل بعيده شويه عن مدرستي فما ببات فيها في سكن فعلساعه 6:00 بنفطر بعد كده بقى بنطلع يعني بنظبط المكان اللي احنا فيه وكده وبنروح نراجع لو في حاجه هنمتحن عليها يا اما لو في اذاعه او كده بنراجع اللي هنقوله فيها بس بقى مباشر يومنا الدراسي عادي هل بعد اما اخلص يوم الدراسي اطلع اصلي الضهر وانام وبعد اما اصحى اخد دروسي واذاكر وانام على الساعه 11:30 بالليل ولا ايه وحضرتك زي ما قلت تانيه ثانوي تاسيس فانا ان شاء الله يعني ناويه ان شاء الله ان انا اتاسس في مواد معينه السنه دي كتانيه ثانوي يعني وفي ثالثه ثانوي بقى اتبع الجدول اللي حضرتك قلته حاليا ستفدت من ريكوردات حضرتك كثير جدا جدا وان شاء الله ان شاء الله اطبق اللي حضرتك قلت عليه باذن الله وان شاء الله لما اجيب المجموع اللي يرضيني ويرضي اهلي ويرفع راسهم باذن الله وربنا يكتب لي اللي هو يرضاه ليا ويكتب لي اللي فيه الخير ان شاء الله حضرتك والناس اللي ذات الروح العالية اللي جاوبتني وكده ان شاء الله حضراتكم اول ناس هقول لكم على المجموع والف الف شكر بجد معلش لو في اي اخطاء املائيه بس عشان كتبت بسرعه وكده بعتذر على الاخطاء
تم النشر الأحد، ٣١ أغسطس ٢٠٢٥
شكرا جدا جدا لمجهودات حضرتك ان حضرتك يعني كتبت ده كله وربنا ان شاء الله يجزيكي ثمره النصيحه بصي حضرتك انا يعني كفيفه المواد اللي باخدها منحصره كمواد ادبيه مش باخد مواد علميه وانا طريقه المذاكره انا بذاكر من على الموبايل لان انا مش بعرف افهم من نفسي بصراحه وبحب افهم سماعي يعني فهل هنا طريقه المذاكره هتختلف ولا ايه وكمان يعني انا بعمل ايه بذاكر من على اليوتيوب وبدون كل ده برايل يعني الاسئله اللي بحلها على اليوتيوب دونها برايل وبعد اما اخلص الفيديو اللي انا حليت منه الاسئله يعني بكتب الاسئله بس بعد كده بعد اما اخلص الفيديو اقرا الاسئله برايل وبعد كده بقى ايه بحلها وبقيم نفسي بقى بخلي حد يعلم لي يعني على الورقه بالمبصر الدرجات بتاعتي فقولي لي هل ده صح ولا ايه
تم النشر الأحد، ٣١ أغسطس ٢٠٢٥
شكرا لحضرتك جدا جدا وباذن الله يعني انا دلوقتي هخش اشوف الريكوردات وان شاء الله النصائح اللي حساها يعني كويسه على حسب القسم اللي انا فيه لان انا ادبي مكفوفين فعندي الموضوع مش مستاهل حزم قوي بس برده مش مش هيكون في تهاون يعني فباذن الله يعني ربنا يقدرنا جميعا وحضرتك تنال الثواب ده وتجني ثمره النصيحه ان شاء الله شكرا لحضرتك جدا جدا يعني
تم النشر الأحد، ٣١ أغسطس ٢٠٢٥
ده شرف ليا ان انا انا نظام جدول مع حضرتك شكرا لحضرتك جدا
تم النشر الأحد، ٣١ أغسطس ٢٠٢٥
شكرا جدا يعني ان شاء الله هنفذ الكلام اللي حضرتك قلت عليه وشكرا كثير انا الحمد لله في الطريق في الجغرافيا امبارح انا جبت 10 من 10 والحصه اللي قبلها جبت 13 من 15
تم النشر السبت، ٣٠ أغسطس ٢٠٢٥
لعرض الملف الشخصي في فدني اضغط هنا