ازاي احل موضوع التعلق المرضي
انا مريضه بتعلق صحبتي
متعلقه بيها جدا
رغم انشغالى واني والله العظيم مش فاضية وبسن شغل ودراسة الا اني بجد تعبت من الموضوع ده وساعات تحصل منها حاجات تدايقني ملقيش رد فعل كويس منها بقعد اعيط لوحدي انا بمر بحجات صعبه كتيييير وبعديها وبقوم اقوي لكن لما حاجه تيجي عندها بحس اني اتهديت وكل حاجه راحت مني
لدرجة فكرت اروح لدكتور نفساني بسببها وهي معملتش حاجه بس بنسبالها وانا بحس اني عاوزه اتعامل معامله معينه مش بلاقيها منها بالله ساعدوني
اللي انتي فيه ده اسمه إنك علّقتي قلبك بحد لدرجة إنك نسيتي ترجعي لنفسك. هي مش عملت حاجة غلط كبيرة… بس انتي ادّيتيها حجم أكبر من الطبيعي جواكي، فبقى أي تصرف منها بيهزك انتي مش بس بيضايقك. انتي مش محتاجة منها هي تتغير… انتي محتاجة ترجّعي نفسك لنفسك. لأن مفيش حد حتي لو بيحبك هيقدر يديكي الإحساس اللي انتي مستنياه طول الوقت، و دي حقيقة محتاجه تدركيها. + الوجع اللي بتحسيه ده مش بسببها قد ما هو بسبب إنك ربطتي قيمتك وراحتك برد فعلها. وده اللي محتاج يتفك. مش معنى كده تبعدي عنها أو تبطلي تحبيها… بس لازم تفصلي بين حبك ليها واستقرارك النفسي. خليها جزء من حياتك… مش هي حياتك. وفكرة إنك تروحي لدكتور؟… دي خطوة شجاعة لو حاسة إنك مش عارفة تسيطري لوحدك. انتي مش ضعيفة… بس لازم تخرّجي نفسك من المكان ده قبل ما يكسرك أكتر."
تم النشر الأحد، ١٢ أبريل ٢٠٢٦
الله المستعان و الموفق أولا انت بدأتي أول خطوة في العلاج ف براڤو و هي الإدراك للمشكلة ثانيا من غير ما تخسريها لانها صديقتك بس خلي عندك أصدقاء غيرها . أشغلي تفكيرك عنها قللي شوية التعامل أو المقابلات ثالثا و ده الأهم و المهم اعرفي سبب تعلقك المرضي إيه . غالبا السبب احتياجك لشعور أو فعلا مش بتلاقيه غير مع الشخص اللي بتتعلقي بيه كدة أو احتياجك لنوع العلاقة دي لأسباب نقص امان أو شعور ما عندك . دوري عاللي ناقصك كويس و أشبعيه بطريقة سليمة . رابعا التعلق لازم يكون برب العالمين و الجأيله يديكي قوة و يصرف قلبك عما سواه خامسا و دي معقدة شوية و لكن التعلق المرضي ليس حب تخيلي ؟ يعني ممكن تكوني مش بتحبيها بس متعلقة بوجودها التعلق المرضي لن يجلب لك سوي الوجع المستمر لأن لت غابت صديقتك هتتعلقي بنفس الطريقة بغيرها .
تم النشر الأحد، ١٢ أبريل ٢٠٢٦
يا حبيبتي، أول حاجة أقولك إنك مش لوحدك في ده، والتعلق المرضي (أو الاعتماد العاطفي الزايد) ده حالة نفسية شائعة بتحصل لما نربط سعادتنا بشخص تاني، وده بيخلينا ضعفاء عاطفياً. أنتِ قوية وبتحاولي تقاومي، وده خطوة كبيرة! 💪 الحلول العملية خطوة بخطوة (ابدئي دلوقتي): اعتمدي على ربنا أولاً : صلي النوافل، اقرئي قرآن يومياً وادعي "اللهم أغنني بك عن الناس". الإسلام بيعلّمنا الاستقلال عن الخلق والتوكل على الخالق – ده هيبني قوتك الداخلية. ضعي حدودا واضحة : قللي التواصل معاها تدريجياً (مثلاً، ردي بعد ساعات مش فوري، ولا تشاركي كل تفاصيل يومك). لو هي مش بتديكِ اللي تستحقيه، متستنيش – أنتِ مش محتاجة معاملة معينة منها عشان تكوني بخير. ركزي على نفسك 100% : حددي جدول يومي للدراسة والشغل (استخدمي تطبيقات زي Todoist). ابدئي هواية جديدة زي الرسم، الطبخ، أو رياضة خفيفة (مشي يوميا 30 دقيقة). اكتبي يوميات: كل يوم 3 إنجازات صغيرة عنكِ، مش عنها. تابعي تقدمك : لو رجعتِ للبكاء، قولي لنفسك "ده شعور مؤقت، أنا أقوى"، وغيّري المكان أو شغلي نفسك فوراً. بعد أسبوع، هتشوفي فرق. أنتِ فكرتِ في دكتور نفسي؟ ده قرار ممتاز لو استمر الإرهاق. ولو عاوزة دعم أكتر، شوفي الخبراء في https://www.fedni.net/experts، أو ابحثي في فدني عن "تعلق مرضي" هتلاقي إجابات تانية مفيدة. أنتِ تستحقين حياة مستقرة، يا قمر! ابدئي النهارده. ربنا يفرج همكِ 🤲❤️
تم النشر الجمعة، ١٠ أبريل ٢٠٢٦
مش بقول وحشة بش قصدى دلوقتى احنا عايزين ننزل من حتة التعلق المرضى لفكرة انها تبقى صاحبة وصديقة ليا لكن عادى مش حياتى ونفيسيتى متتأثرش بيها .. ف بنحاول نبعد شوية ونيجى على نفسنا ونتعامل شويه ونحاول نعمل ل نفسنا حاجة جديدة ننشغل بيها عادة جديدة مثلا وبعدين ترجعى عادى تكلمى صاحبت وغيرها وغيرها بس مش هتبقى متعلقه بيها زى الأول فاهمة
تم النشر الجمعة، ١٠ أبريل ٢٠٢٦
اه ولكن هي مش وحشه ولا انا وحشه واصحاب جدا بس عاوزه افك حتة التعلق المرضي دي
تم النشر الجمعة، ١٠ أبريل ٢٠٢٦
هل حاولتى تبعدى عنها قبل كدا مثلا ؟
تم النشر الجمعة، ١٠ أبريل ٢٠٢٦
لعرض السؤال في فدني اضغط هنا