هالو انا جني عندي 18 سنه و داخله علي 19 و دي مشكلتي الشخروميه حرفيا من كتر ما بحكي مشاكلي علي فدني المهم انا مشكلتي اني مش فهماني و لما فهمتني بقيت تايهة اكتر مش عارفه اصلا انا عرفاني فعلا ولا لا
يعني انا معنديش ثقه فنفسي معرفش ليه و اي حاجه اشوفها من الشخص الي قدامي لو مقصوده او غير مقصوده بحسها مقصوده و انهم مش بيحبوني و غصب عني ببقي مركزه ف اصغر و ادق التفاصيل الي بيعملها الشخص الي قدامي و اخدها بحساسيه على طول
و مع اني باخد بالي من ان صحابي مثلا مش بيحبوني بلاقي الي بيعملوه علشاني يعني لو عايزين نقعد ف مكان و انا قولت لا انا حروح الاقيهم كلهم بيتحيلو عليا علشان اروح اقعد معايا و لما نيجي نمشي و نسلم على بعض بيتخانقووا مين يسلم عليا الاول و بتاع مع اننا ممكن نقعد كتير مبنتكلمش واتساب او اي حاجه
و لما ببقي زعلانه بيجو يشوفو مالي و يحولو يفرفشوني ساعات و لما يجو يتكلمو عليا بيتكلمو عليا بطريقه حلوه بس مخي بيقولي ان الي هنا بيقولوه عليكي دا بيقولوه علشان انتي قاعده معاهم مش اكتر بس الي هو اصلا ليه بفكر بالطريقه دي انا ده مش عايزاه ابقي كده و لا اشوف الوحش و بحاول اقنع نفسي ان دا حقيقي بس مش عارفه اقتنع
و اه انا شايفه الحلو بس مقتنعه بالوحش و اي حاجه صغيره بتحصل بشوفها وحشه على طول يعني لو نديت حد و مسمعنيش يبقي مش طايقني و مش عايز يكلمني و حاجات كتير اوي زي كده بقي و انا حد لما بيدايق من حاجه بيروح للشخص الي مدايق منو ويقولو انو مدايق منو علشان ارتاح نفسياً و علشان الي قدامي يحس إني مدايقه و يعرف ليه
و حاجه كمان انا سلبيه اوي معرفش ليه يعني انا بحب الفرح و الانبساط و الفرفشه بس معرفش لي ببقى نكديه دايما يعني انا نفسي ابقي انسانه ايجابيه اوي اي حاجه تحصل اخدها بإيجابية و براحه و لو مشكله حتتحل و لو في حد عمل اي حاجه تدايق او لا من وجهت نظري مدايقش و انكد على نفسي يعني مليش دعوه بحد
و بعدين انا كنت ببقى دايما مخنوقه و معرفش اي السبب بتاع الخنقه دي دلوقتي اعتقد بنسبه كبيره بقيت اعرف اي الي مدايقني مش دايما بس بقيت اعرف حاجات و مش بلاقي حلها بقي و بفضل مدايقه برضو حتى لو حاولت اهدي نفسي مش بعرف كنت فاكره اني لما اعرف انا ببقي مدايقه من اي حرتاح و أهدى بس لا محصلش كده خالص
و كمان بحس ب اني لما بحب حد بتعلق بيه اوي و بدي للشحص دا اهتمام وحب مش طبيعي بزياده بس في المقابل مش بحس اني بلاقي مقابل او مش زي ما انا معتقداه يعني الي هو عايزه الشخص دا يحبني و يهتم بيا زي ما انا بعمل بالظبط و لما بيبقي اقل من ما انا بديه بحس اني مش شايفاه اصلا
انا عايزه أبقى فعلا الشخصيه الي انا نفسي فيها دايما متفائله و اني اكون محبوبه او حتى اني احب نفسي و اهتم بيها علشان مبقاش عايزه ده من حد و كلامي على صحابي و عيلتي و اهلي بس مش على شب خالص علشان طريقه كلامي بتبين كده
اصلا فكره اني أصاحب شب دي مرفوضه تمام ف العيله و فتربيتي و دي حاجه تغضب ربنا فمستحيل و بحاول انتظم ف الصلاه الفتره دي علشان فعلا ابقى مرتاحه نفسيا و ابقي قريبه اكتر لربنا بس مش بعرف دايما وحاسه ان مفيش اي حاجه ممكن تغيرني للي انا عايزه اوصلو و سوري طولت عليكو
السلام عليكم ورحمه الله وبركاته ازيك يا جنى يا جميل. بصي يا جنه الحاله الحزينه دي بتكون بسبب ان انا في جوايا حاجات سلبيه والحاجات السلبيه دي هي اللي صوتها اعلى هي. اللي بيخلي الحاجات السلبيه دي كده هو من فتره بسمه كلها حزن مش حلو العيله يعني اي حاجه السلبي ده هو ده اللي بتخليه ابقى افضل على الاجابات حتى لو كانت كل حاجه على قد ما نقدرش نبعد عن الحاجات السلبيه ونخليها بعيد عن بعيد مش لازم نبدلها في الاول حاجات حلوه لازم نبعد عنها تماما.
تم النشر الاثنين، ٨ يونيو ٢٠٢٦
بصي يا جني، أول حاجه انتي مش وحشه و نكديه ولا الناس كلها ضدك زي ما مخك بيصورلك. واضح جدًا من كلامك إن عندك حساسيه عاليه تجاه التصرفات والكلام، وده بيخلي دماغك تفسر أي حاجه صغيره على إنها رفض أو كره حتى لو الواقع بيقول غير كده. انتي بنفسك قولتي إن صحابك بيجروا عليكي عشان تقعدي معاهم، وبيسألوا عليكي لما تزعلي، وبيتكلموا عنك كويس. دي مش تصرفات ناس مش بتحبك. المشكله غالبًا مش في الناس… المشكله إن جواكي خوف دائم إنك متكونيش كفايه أو إن الحب اللي حواليكي يختفي فجأة، فمخك بيقعد يدور على أي دليل يثبت الخوف ده حتى لو بسيط جدًا. وصدقيني موضوع إنك تتعلقي بالناس بسرعة وتستني نفس كمية الاهتمام ده طبيعي يحصل لما الواحد يكون محتاج يحس بالأمان والحب والتقدير. بس المشكله إنك بقيتي رابطِة قيمتك برد فعل الناس عليكي، فلو الاهتمام قل شويه بتحسي إنك مش مهمه، مع إن ده مش حقيقي. كمان فكرة إنك عرفتي سبب الخنقه ولسه مخنوقه دي طبيعيه جدًا، لأن معرفة السبب مش دايمًا كفاية. أوقات الواحد بيحتاج وقت طويل يغير طريقة تفكيره مع نفسه، خصوصًا لو متعود سنين يجلد نفسه ويشك في حب الناس ليه. وأهم حاجه عايزاكي تفهميها إن الشخصيه اللي نفسك فيها مش مستحيل توصليلها. الإنسان الإيجابي والهادي مش بيبقى مولود كده، هو بيتعلم يهدّي دماغه شويه شويه. كل مره مخك يقول هما أكيد مش طايقني حاولي تسألي نفسك إيه الدليل الحقيقي؟ وهل فيه احتمال تاني غير اللي دماغي بتقوله؟. مع الوقت عقلك هيهدى تدريجي. وحاجه كمان… انتي واضح إن قلبك طيب جدًا وبتحبي الناس بزيادة، بس متنسيش تدي لنفسك جزء من الحب والاهتمام اللي بتديه لغيرك. لأن طول ما انتي مستنيه قيمتك من الناس هتفضلي مره مرتاحه ومره مكسوره حسب تعاملهم. وبالنسبه للصلاه والقرب من ربنا، متضيقيش من نفسك لو مش منتظمه طول الوقت. القرب من ربنا مش لازم يبقى كامل من أول يوم. المهم إنك بتحاولي، ودي حاجه جميله فعلًا. خديها بالهداوه وبراحه على نفسك. وصدقيني… انتي مش تايهه زي ما فاكره، انتي بس مرهقه من التفكير الزايد ومحتاجه تبصي لنفسك بعين أحن شويه. اسفه ع الاطاله و بالتوفيق ليكِ. 🌷
تم النشر الأحد، ٧ يونيو ٢٠٢٦
السلام عليكم، أهلا بكِ يا جنى، الإيجابي في تفاصيل مشكلتك إنك بقيتِ فاهمة شوية طبيعة شخصيتك وأبعاد المشكلة وأول خطوة لحل مشكلة هي معرفة المشكلة وتشخيصها. أنتِ شخصيتك حساسة وبتركزي في التفاصيل ودماغك بتفكر وتحلل كتير فطبيعي تفصصي في كل موقف ومشاعرك تتأثر حسب تحليل عقلك للمواقف. الموضوع مش مستحيل عامة بس محتاج تدريب، أي فكرة سلبية هتبدليها بفكرة إيجابية على طول... وجدتِ إن عقلك مصمم على الفكرة السلبية اسأليه على طول فين الدليل على فكرتك واطرحي أنتِ البديل العكسي. يعني نفسك تقول لك صاحبتك مش بتحبك اسألي على طول فين دليل ده وقدمي الدليل المادي قدامك زي اللي ذكرتِه في كلامك. لقيتِ فيه تصميم من الفكرة السلبية على طول فكري إن دي وسوسة شيطان عشان يوقع بينكم أو يحزنك إو يهز ثقتك بنفسك. مرة مع مرة عقلك الباطن بيستوعب اللي بتقوليه ويصدقه وبدل ما هي مجرد ردود إيجابية بديلة هتكون حقائق مترسخة في ذهنك. **** تركيزك كمان إن يكون فيه إنجاز يومي في حياتك ولو خطوات صغيرة هيفرق معك، لما تلاقي إنك بتعملي حاجات وبتتطوري ويومك دايما مشغول ومنتج هتستمدي قيمتك من نفسك وهيقل احتياجك واعتمادك على الآخرين وبالتالي هيقل تركيزك على تفاصيل معاملتهم، وهيقل تعلقك بهم وهتبقى علاقتك بهم متوازنة. *** محتاجة تقللي جلد ذات لنفسك الأول وتتفهمي طبيعة شخصيتك وتشتغلي بالتدريج، لا تحاولي تحققي إيجابية بنسبة ١٠٠٪ من أول مرة، ركزي تمشي خطوة بخطوة، تتخلصي من ولو على الأقل فكرة سلبية واحدة. *** مارسي عادة الامتنان كل يوم، ده تدريب لنفسك وعقلك إنه يشوف الإيجابي فعلا ويلمسه ويصدق وجوده في حياتك مش مجرد إنك لاحظتِه وخلاص. وطبعا ركزي على علاقتك بربنا وخليها أفضل كل يوم وكل الخطوات اللي بعد كده هتبقى أسهل. وبالتوفيق.💚💚
تم النشر الأحد، ٧ يونيو ٢٠٢٦
أهلاً يا جنى، شكراً إنك شاركتيني مشاعرك بصراحة. اللي بتصفيه طبيعي في سنك، وكتير بنات بيمرّوا بنفس الصراع بين الشك في النفس والرغبة في الإيجابية. ربنا يهديكِ ويثبتكِ. ابدئي بخطوات بسيطة عملية: كل يوم اكتبي 3 أشياء إيجابية حدثت مع أصحابك أو عائلتك، حتى لو صغيرة، وكرري لنفسك "أنا محبوبة كما أنا". ركزي على الصلاة بانتظام وادعي الله أن يريح قلبكِ ويُبعد عنكِ الوساوس، فالقرب منه أقوى علاج. لو استمر الشعور ده وأثر على يومكِ، روحي لصفحة الخبراء في فدني https://www.fedni.net/experts وابحثي عن استشارة نفسية مناسبة. كمان جربي تبحثي عن أسئلة مشابهة في فدني عشان تلاقي تجارب أخرى مفيدة. أنتِ قادرة تتغيري، خطوة بخطوة.
تم النشر الأحد، ٧ يونيو ٢٠٢٦
كنت زمان عندي غيره (بدون حسد) من اي حد يعمل حاجه او يكسب حاجه وكان عندي روح تنافسيه بشكل سيء يعني لو صاحبي بدأ يتعلم الشيء الفلاني وانا مش محتاج اتعلمها بيجيني احساس لا يوصف واروح اتعلم الشيء الفلاني واظن كان احساس غيره بس بدون حسد وده شيء كان تاعبني شويه لاني كنت بحط طاقه في حاجه صحيح مفيده ولاكن مش اولويه والاحساس الغيره على الرغم انو كنت بتمني لاي شخص التوفيق عادي وبشجعه يكمل بس لا زال احساس انا غير راضي عنه ... فعملت حاجه قد تفيدك الا وهي غيرت منظوري للموضوع عشان اتخلص من الاحساس ده فكنت اول ما اشوف حد بيتقدم عليا في شيء ما كنت بسأل نفسي مش ده اخوك المسلم العربي؟ (اه بكلم نفسي وخصوصا بصوت لانها فعاله) بس يبقا اتمناله احلى كل خير وادعيله كمان بان الله ينفع به. وبكده ريحت نفسي من الاحساس المقزز ده ووفرت طاقتي لحاجات اهم..... طيب من قصتك اشوف انك تحتاجي تغيري منظورك واول ما تشوفي حد عمل حاجه وحشه ليكي قولي بصوت عالي لنفسك (في مجال سمعك انتي بس) اكيد مكنش قصده مع العلم مش هتتظبط من اول مره بس مفعولها سريع.....وكذلك مع اي شيء ميعجبكيش في نفسك فقط "غيري الزاويه الي بتبصي فيها"
تم النشر الأحد، ٧ يونيو ٢٠٢٦
من وجهة نظري المتواضعة أرى أن من تعلق قلبه بالله ظهرت عليه العزة واكتفى وبدا ذا شخصية قوية وظهر عليه الاتزان وعدم المبالغه في أشياء ليس لها قيمة كبيره
تم النشر الأحد، ٧ يونيو ٢٠٢٦
"والله أنا قريت اللي كتبتيه وحسيت بيكي جداً، جربتي قبل كده تعملي اختبار شخصية زي MBTI؟ أنا عملته وساعدني أفهم نفسي أكتر، ممكن يفيدك"
تم النشر الأحد، ٧ يونيو ٢٠٢٦
لعرض السؤال في فدني اضغط هنا