مساء الخير انا عندي 18 سنه و بعد شهرين حبقى 19 و داخله السنه الي جايه جامعه بره مصر ف تركيا ان شاء الله و خايفه من اني ابقى عبيطه و الناس كلها تضحك عليا هناك و اني معرفش اتعامل و معرفش اعمل حاجات من اللي انا نفسي فيها من خوفي و توتري الي معرفش اي سببو ثانيا بقي انا مشكلتي اني دايما مدايقه يعني لو في حاجه وحشه حصلت بحس اني مدايقه و عايزه اعيط و لو حاجه حلوه حصلت بحس برضو اني عايزه اعيط و مخنوقه و لو حد احرجني بحس اني عايزه اعيط و عيني اصلا بتدمع لوحدها يعني مثلا امبارح قولنا انا و اخواتي و ماما ننزل نقعد ف كافيه و نغير جو فحصلت مشكله بيني و بين اختي الي اكبر مني علي طول و ادايقت و قولت مش حروح و روحو انتو و بتاع فبعد محايلات منهم اني اجي و مردتش مشيو و سابوني فا ادايقت اوي و فضلت اعيط مع انهم اتحايلو كتير اوي اني اروح معهم و انا الي مردتش و بعدين كلمت اختي التوأم على الوتس عرفت هما فين و لبست هدومي ورحتلهم و انا اول ما قربت من الكافيه قلبي بدء يدق جامد اوي و متوتره جدا و اول ما دخلت عليهم و هما اتفجأو بيا حسيت جويا احساس غريب و عيني دمعت لوحدها و كنت خلاص حعيط بس مسكت نفسي بالعافيه و معرفش لي كنت عايزه اعيط مع اني رحت علشان نتبسط و بعدين انا اي شعور بيجيلي فرحه حزن توتر عصبيه بيبقى معاه دايما احساس بالعياط و عيني بتدمع فعلا بس انا بمنعها ساعات لو في مكان مينفعش اعيط فيه بس ببقى طول اليوم في حاجه ف قلبي و بفضل افتكر الحاجه الي مديقاني دي غصب عني و ببقى خلاص على آخري و بقالي فتره كبيره بحس احساس اني عايزه اعيط دا و معرفش لي و كمان انا بقالي فتره كبيره معرفش اد اي شايله هم عيلتي و اخواتي و مش عارفه ازاي ابطل اشيل الهم دا انا بجد حاسه اني مرهقه نفسيا جامد بس مش عارفه اعمل اي علشان أهدى و ابدا افكر ف نفسي و احبني اكتر و اثق في نفسي لاني مش عارفه اذا بثق فنفسي و لا لا و هل بحبني ولا لا انا كل الي انا عارفاه انني مرهقه نفسيا جامد و تايهه اويي و مش عارفة المفروض اعمل اي اخواتي كلهم اكبر مني احنا خمس بنات عندي وحده توأمي و تلاته اكبر مننا انا و توأمي عكس بعض ف كل حاجه ف الاسلوب و الحاجات الي بنحبها و كل حاجه و مش بنتفق مع بعض غير قليل اوي معرفش لي مع اني بحبها اوي و نفسي نبقى قريبين و قولتها الكلام دا كتير قبل كده بس مش بنعرف نبقى قريبين هي قريبه من اختي الي اكبر مننا على طول اكتر و عاملين دايما دويتو مع بعض و انا بدايق الي هو اشمعنا انا مفيش حد معايا و اختي دي على طول بتتخانق معايا على حاجات تافهه و بتبقى هي الي غلطانه بس دايما تحسسني اني مش بفهم و انني غبيه ومهما حاولت ابقى كيوت و كويسه معايا هي برضو تبقي كويسه بس لفتره قليله و بتستغلني دايما و بتستخدم كل حاجتي و هدومي و انا ممنوع اخد حاجات من عندها فبحس اني مضحوك عليا و الاتين الكبار واحده مش بحبها او بدايق من وجودها معظم الوقت لانها كانت بتضربني زمان و بتزعقلي و بتحب تسيطر اوي و تتحكم ف الي ادامها غصب عنو و معرفش بس انا عندي من ناحيتها عدم ارتياح طول ما هي موجوده و قريبه من المكان الي انا فيه بس لو في يوم هي مش ف البيت انا ببقى مرتاحه اوي و الي اصغر منها معرفش هي طيبه اوي اوي وعبيطه اوي بس غريبه بالنسبة لي هي بقالها خمس سنين مسافره بره مصر علشان بتدرس و بتيجي مصر زياره مره كل سنه فأنا مش عارفه برضو اتعامل معاها عادي معرفش لي انا و كمان عندي اتنين من صحابي بحبهم اوي و طيبين و محترمين موت و بيحبوني اوي بس انا دايما عندي اساس خنقه من ناحيتهم معرفش لي ممكن الفتره دي خفت شويه علشان بعدنا و مبقناش بنشوف بعض كل يوم مع ان في واحده فيهم برتاح معاها اوي ف الكلام و لو في اي حاجه مديقاني هي بتريحني و بتحلها معايا فمش فاهمة لي مع ان ان كمان عندي صحابي تانين احنا شله هما فيك و اهم حاجه المنظر و مش حقيقيين و انا مش عارفه لي مش حاسه بخنقه من ناحيتهم زي التانيين انا عارفه ان كل المشاكل دي من عندي انا و اني لازم ابقى كويسه نفسيا علشان اعرف اتعامل بوعي مع الناس و مع اخواتي و مع كل دا معرفش اعمل اي و يوم ما ربنا يهديني و اصلي بصلي اسبوع و يومين لا و بيبقى متقطع كده بس انا بدأت أسمع قرآن و عايزه اقرب من ربنا اكتر وبحاول بس معتقدش ان كل المشاكل دي حتتحل و أبقى كويسه نفسيا دا غير ان كمان انا مهما عملت لاي حد محدش بيراعي الي بعملو و محدش بيقدرني فبحس اني بعمل كل دا على الفاضي وحاجه اخيره اني دايما عندي عاده اني بعور صوابعي يعني لما بتوتر او بزعل و لما قلبي بيدق جامد بفضل اقشر جلد صوابعي الي ما بين الضوافر طول الوقت لغايه ما تطلع دم و بفضل برضو لاإراديا اعور فيهم بصوابعي التانيه و معرفش لي بعمل كده و بدايق بعد ما بهدأ من الي بعملو في صوابعي و مش بعرف ابطل و بقى طول الوقت بعمل كده لاني طول الوقت متعصبه و متوتره مع العلم اني عصبيه بطبيعتي و نفس ابطل عصبيه و مش بعرف
تم النشر الثلاثاء، ١٨ أغسطس ٢٠٢٦
مساء الخير انا اسمي جنى عندي 19 سنه و مشكلتي اني بقالي فتره كبيره شهر او اكتر دماغي دايما بتتكلم لوحدها و و ف مواضيع كتير اوي ف نفس الوقت و اكنها بتتخانق مع حد جوه الي هو الي يلحق يتكلم الاول فا كلو بيتكلم ف نقس الوقت و انا لو سكت شويه و مش بعمل حاجه حلاقيني برد علي نفسي علي فكره من الافكار و دا موضوع مدايقني علشان مش بتسكت ابدا و دايما بحسها بتفكر ف الحاجات الي بتدايقني و نومي بقالو فتره برضو متقطع يعني ممكن اصحي اكتر من مره ف عز النوم و انام تاني و دا مخلي راسي مش طبيعيه مش عارفه و نفسيتي مش عارفه اذا هي تمام ولا لا اصلا يعني انا كنت عايزه اطور من نفسي بس مش عارفه اطور منها يعني اعمل اي و حاسه اني من ساعه ما قولت عايزه اغير حاجات فيا و انا متلغبطه و حساني شيفاني فاشله و مش بعمل حاجه و دايما متسرعه و عارفه ان دا غلط و المفروض مفكرش كده بس انا مش عارفه اقنع نفسي ب العكس و حساني برضو دايما مدايقه و دايما بتجيلي خنقه كده ببقي حاسه ان مفيش حد بيحبني انا كل مره بكتب مشكلتي بحس اني بغرق اكتر من المره الي قبليها و ان نفسيتي بتدمر اكتر و دايما لو في حاجه بسطتني اوي ببقي عايزه اعيط و لو حاجه زعلتني ببقي عايزه اعيط برضو بس مش عارفه اعمل اي و ابدا منين و هل انا كده محتاجه طبيب نفسي ولا لا لاني اصلا مش حقدر اروح لطبيب نفسي لاني مش عايزه اعرف حد من علتي اني محتاجه دا مع اني بحكي لماما كتير اوي عن الي عندي و بحاول افهمها علي اد ما قدر بتقولي لا متفكريش كده و حبي نفسك و خلاص و انا اصلا مش عارفه اقنع نفسي ازاي ب عكس كده انا بجد حاسه ان حالتي بتسوق و و بحاول علي اد ما بقدر انتظم ف الصلي لاني مقتنعه اني لو عملت الي عليا و صليت فروضي ربنا حيساعدني و يحسن نفسيتي بس مش بعرف انتظم اوي و مش عايزه ايقي مستعجله و دايما اكن في حاجه انا ملحقتهاش و مش عارفه هل دا كلو من اني بمسك الموبايل كتير ولا لا و لو سبتو اصلا حعمل اي غيرو مغرفش معرفش ابدا منين و اعمل اي و كمان انا بعد شهر مسافره بره علشان جامعتي فا حساه اني حقدر ادرس و ابقي شاطره لان كمان بلغه تانيه فا مش عارفه متلغبطه اوي و مش عارفه افكني من الغبطه الي انا فيها دي من شهور و كمان عندي كسل جامد اوي و مش عارفه ابطلو و انا بصراحه حدرس اداره اعمال بره و نفسي لما اخلصها ادرس طب نفسي علشان ابقي دكتوره نفسيه علشان اعرف كل سلوك الانسان دي ناتجه عن اي و ان اعرف افهمني و علشان اساعد الناس الي زيي ف يوم من الايام ان شاء الله
تم النشر الخميس، ١٦ يوليو ٢٠٢٦
هالو انا جني عندي 18 سنه و داخله علي 19 و دي مشكلتي الشخروميه حرفيا من كتر ما بحكي مشاكلي علي فدني المهم انا مشكلتي اني مش فهماني و لما فهمتني بقيت تايهة اكتر مش عارفه اصلا انا عرفاني فعلا ولا لا يعني انا معنديش ثقه فنفسي معرفش ليه و اي حاجه اشوفها من الشخص الي قدامي لو مقصوده او غير مقصوده بحسها مقصوده و انهم مش بيحبوني و غصب عني ببقي مركزه ف اصغر و ادق التفاصيل الي بيعملها الشخص الي قدامي و اخدها بحساسيه على طول و مع اني باخد بالي من ان صحابي مثلا مش بيحبوني بلاقي الي بيعملوه علشاني يعني لو عايزين نقعد ف مكان و انا قولت لا انا حروح الاقيهم كلهم بيتحيلو عليا علشان اروح اقعد معايا و لما نيجي نمشي و نسلم على بعض بيتخانقووا مين يسلم عليا الاول و بتاع مع اننا ممكن نقعد كتير مبنتكلمش واتساب او اي حاجه و لما ببقي زعلانه بيجو يشوفو مالي و يحولو يفرفشوني ساعات و لما يجو يتكلمو عليا بيتكلمو عليا بطريقه حلوه بس مخي بيقولي ان الي هنا بيقولوه عليكي دا بيقولوه علشان انتي قاعده معاهم مش اكتر بس الي هو اصلا ليه بفكر بالطريقه دي انا ده مش عايزاه ابقي كده و لا اشوف الوحش و بحاول اقنع نفسي ان دا حقيقي بس مش عارفه اقتنع و اه انا شايفه الحلو بس مقتنعه بالوحش و اي حاجه صغيره بتحصل بشوفها وحشه على طول يعني لو نديت حد و مسمعنيش يبقي مش طايقني و مش عايز يكلمني و حاجات كتير اوي زي كده بقي و انا حد لما بيدايق من حاجه بيروح للشخص الي مدايق منو ويقولو انو مدايق منو علشان ارتاح نفسياً و علشان الي قدامي يحس إني مدايقه و يعرف ليه و حاجه كمان انا سلبيه اوي معرفش ليه يعني انا بحب الفرح و الانبساط و الفرفشه بس معرفش لي ببقى نكديه دايما يعني انا نفسي ابقي انسانه ايجابيه اوي اي حاجه تحصل اخدها بإيجابية و براحه و لو مشكله حتتحل و لو في حد عمل اي حاجه تدايق او لا من وجهت نظري مدايقش و انكد على نفسي يعني مليش دعوه بحد و بعدين انا كنت ببقى دايما مخنوقه و معرفش اي السبب بتاع الخنقه دي دلوقتي اعتقد بنسبه كبيره بقيت اعرف اي الي مدايقني مش دايما بس بقيت اعرف حاجات و مش بلاقي حلها بقي و بفضل مدايقه برضو حتى لو حاولت اهدي نفسي مش بعرف كنت فاكره اني لما اعرف انا ببقي مدايقه من اي حرتاح و أهدى بس لا محصلش كده خالص و كمان بحس ب اني لما بحب حد بتعلق بيه اوي و بدي للشحص دا اهتمام وحب مش طبيعي بزياده بس في المقابل مش بحس اني بلاقي مقابل او مش زي ما انا معتقداه يعني الي هو عايزه الشخص دا يحبني و يهتم بيا زي ما انا بعمل بالظبط و لما بيبقي اقل من ما انا بديه بحس اني مش شايفاه اصلا انا عايزه أبقى فعلا الشخصيه الي انا نفسي فيها دايما متفائله و اني اكون محبوبه او حتى اني احب نفسي و اهتم بيها علشان مبقاش عايزه ده من حد و كلامي على صحابي و عيلتي و اهلي بس مش على شب خالص علشان طريقه كلامي بتبين كده اصلا فكره اني أصاحب شب دي مرفوضه تمام ف العيله و فتربيتي و دي حاجه تغضب ربنا فمستحيل و بحاول انتظم ف الصلاه الفتره دي علشان فعلا ابقى مرتاحه نفسيا و ابقي قريبه اكتر لربنا بس مش بعرف دايما وحاسه ان مفيش اي حاجه ممكن تغيرني للي انا عايزه اوصلو و سوري طولت عليكو
تم النشر الأحد، ٧ يونيو ٢٠٢٦
السلام عليكم ورحمة الله انا اسمي جني وعندي 17 سنه ومسلمه الحمد الله دلوقتي انا علشان رمضان قرب وكده فبفكر اني اقرب من ربنا واتحجب ومش حجاب في رمضان بس لا وبعد رمضان كمان وعلطول يعني بس مش عارفه يعني جربت طرح من ماما وكده حسيت اني شكلي غريب شويه وبعدين انا اصلا عندي شويه عدم ثقه ف نفسي ومش بحب شكلي اوي فمش عارفه اخواتي قالولي انو عادي يبقي شكلي غريب ف الاول وبعدين حتعود وان لازم اخد القرار بجد علشان مرجعش واقلعها بس مش عارفه حاجه اني لو فضلت افكر في الموضوع مش حلبسها اصلا خالص لان انا متعوده علي شكلي من غير طرحه وعاجبني بس عايزه ارضي ربنا فمش عارفه المفروض اعمل اي وفنفس الوقت ان انا هدومي كلها كانت نص كم وكم الا كده يعني فمعظم هدومي مش حتليق خالص وفنفس الوقت انا مش بحب البس فساتين او جيب فهلبس بنطلونات واسعه عادي وكمان حاسه ان ماما مش متحمسه للموضوع دا اوي يعني انا رأيي ماما عندي اهم من رأيي فشيفاها بتقولي عادي لو عايزه تتحجبي ماشي ولو مش عايزه ماشي برضو فحساها مش عايزه معرفش والموضوع دا مدايقني لان اهم حاجه انها تكون راضيه بس بابا طبعا نفسه اني اتحجب من زمان وعايز ينزل يجبلي طرح وكده علشان البسهم فمش عارفه وخايفه اكون متحمسه كده ف للاول وبعدين الحماس يقل واحس اني مش جاهزه ليه دلوقتى
تم النشر الثلاثاء، ٢٥ فبراير ٢٠٢٥
بصي يمنونه القرار دا بيرجع لهدفك انتي ف المستقبل لو انتي متأكده انك حابه المجال الطبي و مستعده لدراسه التمريض و التدريب العملي فا اوكي و كمان الثانوي التمريض ممكن يكون اختيار ممتاز ويوصلك لسوق العمل بشكل اسرع اما بقي لو لسه مش محدده عايزه تبقي اي وعايزه تسيبي نفسك فرص اكتر لدخول كليات وتخصصات مختلفه فا الثانوي العام حيكون مرن اكتر اهم حاجه تشوفي انتي عايزه اي و اوعي تختاري بناء علي كلام الناس اختاري الحاجه الي تناسب ميولك وقدراتك و تكوني مقتنعه بيها و ربنا يوفقك يحبيبتي يارب
تم النشر الخميس، ١٦ يوليو ٢٠٢٦
في كذا حاجه يعني مثلا في 1 الجريمه و العقاب دي سيكولوجية اوي و بتدخل في عقل المجرم و تأنيب الضمير 2 مذكرات من تحت الارض دي روايه نفسيه جدا و في بقي انجليزي 3 the silent patient يعني المريضه الصامته حلو اوي برضو في تشويق نفسي و ان شاء الله تعجبك
تم النشر الخميس، ١٦ يوليو ٢٠٢٦
بصي انتي ممكن تجربي تتكلمي معاه حته لو مش قادره جربي ممكن كلامك دا يعدلو بس من غير ما تهاجميه و لا تفضحيه كلميه براحه و بهدوء و فهميه ان الي بيعملو دا حرام و بيأثر عليه نفسيا و دينيا و شجعيه يعمل حاجه تانيه رياضه او شغل او اي حاجه تانيه و حسسيه انك خايفه عليه و انك معاه مش ضده و ان شاء الله تعرفي تساعديه
تم النشر الثلاثاء، ١٢ مايو ٢٠٢٦
بصي انا حرشحلك كام كتاب حلوين اوي تبدئي بيهم بصي عندك كتاب عادات الذره و العقليه و فن الامبالاه و الانسان يبحث عن معني بجد حلوين اوي و الانجليزي ممكن مثلا Atomic Habits Deep work How to win friends and influence people و لو عايزه حاجه حلوه تعمليها اول ما تصحي من النوم تسيبي الموبايل خالص و اقعدي اول عشر دقايق مبتعمليش حاجه و بعدين افتحي مصحف و اقري صفحه واحده بس كل يوم حتفرق معاكي جدا
تم النشر الثلاثاء، ١٢ مايو ٢٠٢٦
لتطوير لغتك في الترجمه من الإنجليزي للعربي دربي نفسك كل يوم علي قراءة مقالات انجليزي او كتب صغيره دي بتساعدك كتير علي تعلم اللغه اسمعي بودكاست انجليزي برضو كويسه جدا و اكتر حاجه حتساعدك انك تتفرجي علي افلام ب اللغه الانجليزيه كويسه اوي حتعلمك مع الاستمرار و الاستماع للغه
تم النشر الخميس، ١٤ أغسطس ٢٠٢٥
التعلق الزايد بأي حاجه حته لو ChatGPT بيكون بسبب فراغ او احتياج نفسي الحل ان انت تشجعو يملأ وقته بحاجات تانيه زي رياضه او هوايه عندو يشتغل عليها يطورها و لازم تحددوا له وقت معين لاستخدام الموبايل وقت ثابت مش طول الوقت و يبقى حد من الاهل معاه وبيشوفو بيعمل اي ف الموبايل
تم النشر الخميس، ١٤ أغسطس ٢٠٢٥
السلام عليكم ورحمة الله بص ممكن تجيب زيوت طبيعيه يعني مثلا انا بستعمل خليط مكون من زيت الجوجوبا مع زيت النعناع حلو جدا وبيطول الشعر ويفيد ويقوي بصيله الشعر فا جربه و ان شاءالله يعمل نتيجه كويسه معاك بس لازم تحطهم ب مقادير صح علشان في زيوت قويه اوي ممكن كترها يضعف الشعر وربنا يوفقك
تم النشر الأربعاء، ٢١ مايو ٢٠٢٥
بدأت اقرب من ربنا واغير حاجات كتير كنت بعملها زمان واطور من نفسي واحب نفسي لاني مكنتش بحبها وكنت بحس اني مش حلوه بس وبحاول اتعلم حاجات جديده زي الرسم القراءة اتعلم لغات وبحاول أبعد عن الموبايل الي حد ما واركز ف حياتي ومذاكرتي اتأكد ان مفيش اي حد حينفعني غير نفسي فلازم اعمل اي حاجه علشان اسعد نفسي واكون مرتاحه ف حياتي
تم النشر الثلاثاء، ٢٥ فبراير ٢٠٢٥
تمام حعمل كدا روبنا يسهل شكرا
تم النشر الخميس، ١٦ يوليو ٢٠٢٦
حبيبتي ولو عايزه اي كتب تانيه عنيا ليكي❤️❤️❤️
تم النشر الأربعاء، ١٣ مايو ٢٠٢٦
ربنا معاكي يحبيبتي
تم النشر الخميس، ١٣ مارس ٢٠٢٥
انا الحمد الله اخدت الخطوه واتجرأت واه كنت ف الاول شايفه نفسي غريبه شويه بس حتتعودي عليه انا لسه متعودتش صراحه بس حاسه انو عادي فا خير ان شاء الله ليا وليكي❤️
تم النشر الجمعة، ٧ مارس ٢٠٢٥
اكيد ان شاءالله انا كل هدومي واسعه الحمد الله بس حلبسو واجرب استيلات جديده وشكرا علي التشجيع بجد❤️❤️
تم النشر الأربعاء، ٢٦ فبراير ٢٠٢٥
ايوا بس انا مش بحب الخمار عموما يعني اه الناس الي بتبقي لبساه بتبقي شكلها حلو بس انا مش بستلطفو وبحسو مش لذيذ مع احترامي لاي حد لابسو يعني مقصدش بس فعلا انا حابه البس الطرحه لاني فعلا طولت اوي و فنفس الوقت طبعا مش حعملها زي البنات الي بيبينو رقبتهم عادي وابسهم ديق لان انا اصلا الحمد للع بحب البس الواسع وكل لبسي واسع بس حفكر ف الموضوع وشكرا بجد علي كلامك الحلو ده ❤️
تم النشر الأربعاء، ٢٦ فبراير ٢٠٢٥
لعرض الملف الشخصي في فدني اضغط هنا