مساء الخير
انا عندي 18 سنه و بعد شهرين حبقى 19 و داخله السنه الي جايه جامعه بره مصر ف تركيا ان شاء الله و خايفه من اني ابقى عبيطه و الناس كلها تضحك عليا هناك و اني معرفش اتعامل و معرفش اعمل حاجات من اللي انا نفسي فيها من خوفي و توتري الي معرفش اي سببو
ثانيا بقي انا مشكلتي اني دايما مدايقه يعني لو في حاجه وحشه حصلت بحس اني مدايقه و عايزه اعيط و لو حاجه حلوه حصلت بحس برضو اني عايزه اعيط و مخنوقه و لو حد احرجني بحس اني عايزه اعيط و عيني اصلا بتدمع لوحدها
يعني مثلا امبارح قولنا انا و اخواتي و ماما ننزل نقعد ف كافيه و نغير جو فحصلت مشكله بيني و بين اختي الي اكبر مني علي طول و ادايقت و قولت مش حروح و روحو انتو و بتاع فبعد محايلات منهم اني اجي و مردتش مشيو و سابوني فا ادايقت اوي و فضلت اعيط مع انهم اتحايلو كتير اوي اني اروح معهم و انا الي مردتش
و بعدين كلمت اختي التوأم على الوتس عرفت هما فين و لبست هدومي ورحتلهم و انا اول ما قربت من الكافيه قلبي بدء يدق جامد اوي و متوتره جدا و اول ما دخلت عليهم و هما اتفجأو بيا حسيت جويا احساس غريب و عيني دمعت لوحدها و كنت خلاص حعيط بس مسكت نفسي بالعافيه و معرفش لي كنت عايزه اعيط مع اني رحت علشان نتبسط
و بعدين انا اي شعور بيجيلي فرحه حزن توتر عصبيه بيبقى معاه دايما احساس بالعياط و عيني بتدمع فعلا بس انا بمنعها ساعات لو في مكان مينفعش اعيط فيه بس ببقى طول اليوم في حاجه ف قلبي و بفضل افتكر الحاجه الي مديقاني دي غصب عني و ببقى خلاص على آخري
و بقالي فتره كبيره بحس احساس اني عايزه اعيط دا و معرفش لي و كمان انا بقالي فتره كبيره معرفش اد اي شايله هم عيلتي و اخواتي و مش عارفه ازاي ابطل اشيل الهم دا
انا بجد حاسه اني مرهقه نفسيا جامد بس مش عارفه اعمل اي علشان أهدى و ابدا افكر ف نفسي و احبني اكتر و اثق في نفسي لاني مش عارفه اذا بثق فنفسي و لا لا و هل بحبني ولا لا
انا كل الي انا عارفاه انني مرهقه نفسيا جامد و تايهه اويي و مش عارفة المفروض اعمل اي
اخواتي كلهم اكبر مني احنا خمس بنات عندي وحده توأمي و تلاته اكبر مننا انا و توأمي عكس بعض ف كل حاجه ف الاسلوب و الحاجات الي بنحبها و كل حاجه و مش بنتفق مع بعض غير قليل اوي معرفش لي مع اني بحبها اوي و نفسي نبقى قريبين و قولتها الكلام دا كتير قبل كده بس مش بنعرف نبقى قريبين هي قريبه من اختي الي اكبر مننا على طول اكتر و عاملين دايما دويتو مع بعض و انا بدايق الي هو اشمعنا انا مفيش حد معايا
و اختي دي على طول بتتخانق معايا على حاجات تافهه و بتبقى هي الي غلطانه بس دايما تحسسني اني مش بفهم و انني غبيه ومهما حاولت ابقى كيوت و كويسه معايا هي برضو تبقي كويسه بس لفتره قليله و بتستغلني دايما و بتستخدم كل حاجتي و هدومي و انا ممنوع اخد حاجات من عندها فبحس اني مضحوك عليا
و الاتين الكبار واحده مش بحبها او بدايق من وجودها معظم الوقت لانها كانت بتضربني زمان و بتزعقلي و بتحب تسيطر اوي و تتحكم ف الي ادامها غصب عنو و معرفش بس انا عندي من ناحيتها عدم ارتياح طول ما هي موجوده و قريبه من المكان الي انا فيه بس لو في يوم هي مش ف البيت انا ببقى مرتاحه اوي و الي اصغر منها معرفش هي طيبه اوي اوي وعبيطه اوي بس غريبه بالنسبة لي
هي بقالها خمس سنين مسافره بره مصر علشان بتدرس و بتيجي مصر زياره مره كل سنه فأنا مش عارفه برضو اتعامل معاها عادي معرفش لي انا و كمان عندي اتنين من صحابي بحبهم اوي و طيبين و محترمين موت و بيحبوني اوي بس انا دايما عندي اساس خنقه من ناحيتهم معرفش لي
ممكن الفتره دي خفت شويه علشان بعدنا و مبقناش بنشوف بعض كل يوم مع ان في واحده فيهم برتاح معاها اوي ف الكلام و لو في اي حاجه مديقاني هي بتريحني و بتحلها معايا فمش فاهمة لي مع ان ان كمان عندي صحابي تانين
احنا شله هما فيك و اهم حاجه المنظر و مش حقيقيين و انا مش عارفه لي مش حاسه بخنقه من ناحيتهم زي التانيين
انا عارفه ان كل المشاكل دي من عندي انا و اني لازم ابقى كويسه نفسيا علشان اعرف اتعامل بوعي مع الناس و مع اخواتي و مع كل دا معرفش اعمل اي و يوم ما ربنا يهديني و اصلي بصلي اسبوع و يومين لا و بيبقى متقطع كده بس انا بدأت أسمع قرآن و عايزه اقرب من ربنا اكتر وبحاول بس معتقدش ان كل المشاكل دي حتتحل و أبقى كويسه نفسيا
دا غير ان كمان انا مهما عملت لاي حد محدش بيراعي الي بعملو و محدش بيقدرني فبحس اني بعمل كل دا على الفاضي
وحاجه اخيره اني دايما عندي عاده اني بعور صوابعي يعني لما بتوتر او بزعل و لما قلبي بيدق جامد بفضل اقشر جلد صوابعي الي ما بين الضوافر طول الوقت لغايه ما تطلع دم و بفضل برضو لاإراديا اعور فيهم بصوابعي التانيه و معرفش لي بعمل كده و بدايق بعد ما بهدأ من الي بعملو في صوابعي و مش بعرف ابطل و بقى طول الوقت بعمل كده لاني طول الوقت متعصبه و متوتره مع العلم اني عصبيه بطبيعتي و نفس ابطل عصبيه و مش بعرف
بصي هو فيه حل هيساعدك جدا في كل المشاكل دي بس عايز صبر ومواظبة وهو انك تمسكي ورقة وقلم كل يوم قبل ما تنامي مثلا وتكتبي كل اللي في بالك اي حاجه تيجي على بالك اكتبيها اي حاجه مدايقاكي اكتبيها اكتبي اي حاجه حرفيا ومع الوقت هتفهمي نفسك اكتر وهتفهمي ايه بيضايقك وايه بيفرحك وايه اسباب كل اللي بيحصلك وليه بتتصرفي كده الموضوع ده مفيد لدرجة انت متتوقعهاش بس تاني بقولك محتاج صبر ومواظبة.
تم النشر الأربعاء، ١٩ أغسطس ٢٠٢٦
مش كل الناس مركزة معاكي زي ما أنتي فاكرة حطي دي في دماغك إن مش كل الناس هتركز في أفعالك كل واحد عنده مشاكل أكيد مش هيسيب مشاكله ويركز في رد فعلك جربي دايما انك تشجعي نفسك انك تعملي عكس اللي جواكي
تم النشر الجمعة، ٢١ أغسطس ٢٠٢٦
السلام عليكم و رحمة الله و بركاته بصي يا جنى انتي مشكلتك جواكي انتي في نفسيتك في باطنك انتي روحك مش مرتاحة و دا بيحصل لناس كتير مش لوحدك لان الناس سعات بتتشت و تتشغل بالدنيا و ينسوا العبادة انتي نفسك في كلامك - و علفكرة انتي ذكرتي المشكلة و ذكرتي الحل انتي عارفة حل نفسك مش محتاجة حد يفهمك بس ممكن تكوني محتاجة بس حد جمبك- قولتي ان مشكلتك في الصلاة و ربنا هداكي لسماع القرآن أهو الحمد لله بصي بقا قدامك هدفين بس خلصيهم و انقلي ع اللي بعده - من صحاب كويسة و تطوير شخصيتك و ثقتك بنفسك- مش عوزاكي تفكري في غيرهم، حلو ؟؟ أولًا: علاقتك بربنا : - الصلاة متتفوتش مهما كان الظرف مش قادرة جُرِّي رجلك و جسمك و قومي صلي مفيهاش نقاش دي و مش محتاجة اقولك ع الآيات و الأحاديث أكيد عارفة ان اللي مبيصليش مبيتصلاش عليه أصلًا. - القرآن و حاولي متكتفيش بالسماع بس بل و القراءة كمان. ثانيًا: علاقة بمامتك ... قربي منها و صاحبيها على قد ما تقدري؛ حاولي تستمدي احتياجك النفسي دا من مامتك من حد من بيتك حاولي على قد ما تقدري تستغني عن حتة انك تدوري عليه برا بيتك.
تم النشر الخميس، ٢٠ أغسطس ٢٠٢٦
مساء الخير يا جانا، أشعر بمدى الإرهاق النفسي اللي بتمرين بيه، وهو أمر طبيعي جدًا لما تكوني محاطة بضغوط عائلية ومشاعر متراكمة زي اللي وصفتيها. الرغبة الدائمة في البكاء سواء في الفرح أو الحزن أو حتى المواقف البسيطة دليل على أن قلبك محمل بأشياء كتير، وده مش ضعف، ده إشارة إنك محتاجة تهتمي بنفسك أكتر. من الناحية الإسلامية، استمري في الاستماع للقرآن والصلاة حتى لو متقطعة، لأن القرآن بيطمئن القلوب ويخفف من الهموم، وادعي الله إنه يهدي قلبك وييسر أمرك، فهو سبحانه أقرب إليك من أي حد. حاولي تخصيص وقت يومي قصير للتفكير في نعم الله عليكِ، حتى لو نعمة بسيطة زي صحتك أو وجود أخت توأم تحبيها رغم الاختلافات. عمليًا، ابدئي بخطوات صغيرة لاستعادة ثقتك بنفسك: اكتبي كل يوم ثلاث أشياء إيجابية عن شخصيتك أو إنجازاتك مهما كانت بسيطة، ومارسي هواية تحبيها لوحدك عشان تركزي على ذاتك. مع أخواتك، حاولي تحددي حدود واضحة بلطف، مثل رفض مشاركة أغراضك إذا كان ده بيضايقك، ولا تحملي هموم الجميع، ركزي على همك أنتِ أولًا. أنتِ قادرة على بناء علاقة أقوى مع نفسك، وهذا هيخليكِ تتعاملي مع الآخرين بوعي أكبر. أنتِ مش لوحدك في هذا الشعور، وابحثي عن أسئلة مشابهة على فدني عشان تشوفي تجارب أخرى. خدي خطوة واحدة كل يوم، وستتحسنين تدريجيًا بإذن الله.
تم النشر الثلاثاء، ١٨ أغسطس ٢٠٢٦
انزلي كورس عشان يعلمك لغة (التركي)ومحدش هايتريق عليكي ولا حاجة
تم النشر الأربعاء، ١٩ أغسطس ٢٠٢٦
لعرض السؤال في فدني اضغط هنا