انا في اكتر مرحله ممكن اكون تايهة فيها فحياتي انا كنت عامله اعجاب مع فديو بيتكلم عن أن الصداقة الثلاثيه بتبوظ فأنا عندي اتنين صحابي شافوه وسألوني وكدا قلت لهم إن الكلام حقيقي ف المهم واحدة فيهم اسمها حنين كلمتني وعرفت كل الي مدايقني وهم كانو عاملين مواقف وحشه معايا خلتني احس كدا
مش عايزة اطول عليكم المواقف هي أن سابوني فجأة ومشيو ف نفس اليوم مرتين واكتشفت انهم خرجوا من ورايا المهم يعني فقالت متزعليش وبرضو صحبتنا التانيه اسمها ملك قالت متزعليش وحقك علينا وكدا وبدأت تكلمني حلو اوي اوي و طبيعي وفجأه تجاهل تام وانا مش فاهمة لي بعدين قالت انو بسبب الموضوع ده بقولها بدل ما تعاتبيني بتقولي أصل مكنتش حبه انافقك بقولها يعني اي بتقولي كنت عايزة تهدر
وانا للعلم كنت بسألها مالك كذا مره وكل ده مفيش فايدة بعدين بقا بتقولي انها مكنتش تعرف انا لي زعلانه ف استغربت وقلت لها انا قولت لكم وحتى المفروض تراضينا قالت لي بعد ما فكرت في الموضوع حسيت اني متراضتش ولا حاجة
المهم يعني بعدين يقول لصحبتي التانيه حنين انتي مقولتيش لملك حاجة عن المكالمة قالت واقولها لي أصلا دي حاجة بنا واتعصبت اوي بعدين اكتشفت انها قالت وقالت حاجة انا مقولتهاش وذكرت الوحش بس وحرفيا عملت حاجة صدمتني فيها لما دخلت قولت لها انتي قولتي كذا بتقولي اه بقولها بس كذا محصلش انتي كدا كدابه يعني ولا أي راحت تقولي قصدك اني كدابه وبعدها اتمنعت عن الرد وصحبتي الي هي ملك اسلوبها متغير ويتدافع باستماته تقولي مكنتش قصدها أصل هي عندها ظروف وحاجات غريبه كمان حنين عملت أن. فولو ليا انا مش فاهمة هو اي الهبل ده ولا أي بيحصل وهل هم بيعملوا كدا لي ولو عايزين يمشوا ممشيوش بسهوله لي
جربت العلاقة المريضة دي قبل كدا كنا تلاتة أنا و بنت عمي و واحدة صاحبتنا كمان مش هقولك كنت بحب صاحبتنا التالتة دي قد اي لدرجة ان كنت احس لو مشوفتهاش في يوم يبقى فيه حاجة غلط؛ المهم هي كانت مواقف كتير بس اللي فاكراه اوي ان كنا ماشيين احنا التلاتة جمب بعض عادي قامت واخدة بنت عمي و ماشية من جمب تاني كإنها بتقولي ابعدي عننا او انتي مش مننا عارفة الموضوع بيوجع أوي بس انتي عارفة ممكن و غالبًا بيعملوا كدا ليه ؟؟ عشان الغيرة غالبًا غيرانين منك حتى مش محتاجة تعرفي السبب؛ المهم لو سيبتك منهم و ركزي مع دراستك و نفسك لما عملت كدا لقيتها بتحاول تكلمني بكل الطرق طبعًا كنت مبلكاها من كل النواحي و ماسحة رقمها لدرجة إن خلت بنت عمها تكلمني و تقولي انتي كان معاكي رقمها متكلميها قولتلها إن شاء الله و طبعًا دا محصلش و مكنتش عاوزة اكلمها تاني أبدًا لإن حسيت بخيانة عارفة لما تعشقي حد و يكون قريب أوي منك و تحسي بخيانة منه كدا؛ عمومًا أعتقد الموقف دا حصل معايا شبه موقفك أتمنى تعرفي تتعاملي و هو انك تتجاهليهم تمامًا هما غالبًا غيرانين منك و عاوزين يوقعوا ثقتك بنفسك و الله أعلم عشان مظلمهمش و ا قنعي نفسك إنك كنتِ معاهم مش أحسن حاجة و منغيرهم أفضل بكتير
تم النشر الخميس، ٢٨ مايو ٢٠٢٦
انا عارفه ان خذلان الصحاب ده صعب ومن وجعه هتحسي كان مفيش حل أو مفيش حتي مكان تروحي فيه وتبقي كويسه بس من معني الكلام واللي لازم تعمليه انك تبعدي عنهم وتشوفي نفسك مع حد تاني وهما مع مرور الوقت حقك هيرجع قدام عينك وربنا هيرزقك بحد كويس شبهك وبردو لازم تشوفي الموضوع من منظور ربنا عايز مني اتعلم من اللي حصل ده ايه انا شايفه انك متعلقيش قلبك بحد أبدا اي كان علقي قلبك بربنا بس وهتلاقي قلبك بقي سليم ومرتاح ولو علي الكلام الغلط اللي اتنقل افتكري انو مبيمثلكيش بكلمه او بصفه اتمني في يوم مفترج زي ده ربنا يعوضك بحد كويس وصحاب صالحين 🫂
تم النشر الثلاثاء، ٢٦ مايو ٢٠٢٦
أنا فاهمة إنكِ حاسة بورطة وتوهان كبير، والمواقف دي بتخلي أي حد يحس إنه مش قادر يثق في أقرب الناس. اللي بيحصل معاكِ فيه تناقض واضح: اعتذارات سطحية، تجاهل، اتهامات، وتغيير مفاجئ في الأسلوب. ده مش صداقة صحية، وغالباً بيحصل لأن فيه عدم نضج أو رغبة في السيطرة على الموقف بدون مواجهة حقيقية. خدي خطوة عملية دلوقتي: اكتبي كل اللي حصل بالتفصيل في مذكرة، عشان تقدري تشوفي الصورة كاملة بدون عاطفة. قولي لنفسكِ بوضوح: "هل أنا مستعدة أكمل في علاقة فيها كذب وتجاهل متكرر؟" لو الإجابة لا، ابدئي تقللي التواصل تدريجياً بدون دراما. لو عايزة توضيح أخير، ابعتي رسالة هادية ومباشرة توضحي فيها إحساسكِ، وبعد كده سيبي الموضوع. الصداقة الحقيقية بتكون فيها احترام ووضوح، مش لوم ودفاع. لو الموضوع بيأثر على نفسيتكِ بقوة، ابحثي عن أسئلة مشابهة في فدني عشان تشوفي تجارب تانية، أو لو محتاجة دعم أعمق روحي لصفحة الخبراء: https://www.fedni.net/experts. أنتِ أقوى مما تتخيلي، وهتعدي الورطة دي.
تم النشر الأحد، ٢٤ مايو ٢٠٢٦
بصي يا قمر انتي تبعدي عنهم ولو احتاجتي حاجه ف أي وقت إحنا هنا موجودين والله البنات محترمه اووي عارفه إنك عاوزه حد قريب منك بس لو حاجه ضايقتك تعالي احكي
تم النشر الثلاثاء، ٢٦ مايو ٢٠٢٦
تعيشي ل وحدك أفضل ب كرامتك 😂
تم النشر الثلاثاء، ٢٦ مايو ٢٠٢٦
ابعدي عنهم احسن ليكي وحاولي تتعرفي علي واحده تكون شبهك ومش هتلاقيها بسرعه بس حاولي
تم النشر الاثنين، ٢٥ مايو ٢٠٢٦
لعرض السؤال في فدني اضغط هنا