انا بقالي ٥ سنين عندي صاحبه بحبها اوي وفضلنا صحاب قريبين اوي وكبرنا سوا وعلاقتنا قوية الحمد لله 💗 ..لاكن في بنوته كانت صاحبتها وبالنسبالي صاحبه بس بعيد شويه يعني على قد الدروس وكده فالبنت دي اتخانقت خناقات كتيير مع صحبتي القريبه والبنت بصراحه عملت معاها مواقف كتير وحشه بس البنت دي بتعاملني كويس جدا وعمرها ما عملت معايا حاجه وحشه بس بنتقابل قليل يعني المهم في دروس بنبقا فيها احنا التلاته فانا بكلم البنت دي عادي الصراحه حتى لو في مشاكل بينهم فكنت بقول دي مشاكل تخصهم وبتعامل عادي معاها وبنهزر وكده فصحبتي القريبه كانت بتزعل اوي وتعملها خناقه كبيره معايا وتقوللي اني مفروض اقفل معاها طالما هما علاقتهم وحشه
وعدت الايام وهما الاتنين موش بيتكلمو غير عالقد اوي اوي وعملو لبعض بلوك وكده فمن قريب قابلت البنت دي في درس صدفه وقالتلي ان باباها يوصلني لان بيتنا قريب فوافقت الصراحه وركبت عادي وروحت لقيت صاحبتي عرفت وزعلت جامد وحسستني اني انسانه وحشه اوي وقالت كلام يضايق اوي وحطت حدود وبدأت تكلمني ببرود حتى بعد ما اعتذرت لها وبعدين كلمتها تاني وصالحتها تاني في الموضوع ده ورجعنا زي الاول الحمد لله
بس انا الصراحه داخليا مش مقتنعه باللي بعملو انا بس عملت كده عشان صداقتنا غاليه بس انا رايي اننا نفصل مش معنى ان واحده مش كويسه معاها تبقا مش كويسه معايا صح ولا ايه ؟ انما هي بتقوللي عدوتي تبقا عدوتك وهل لو قابت البنت دي تاني اعاملها ازاي واتصرف ازاي مع صاحبتي
هيا مشكله بصراحه بين زمايل الدراسه وخصوصا لما يكونوا زي حضرتك اتنين صحاب وبعدين تظهر بنت تانيه بس حاولي انك تكوني صادقه مع نفسك ماينفعش تيجي ع حد ماعملش معاكي غير كل خير بس لاذم تتأكدي ان هيا صداقه فعلا مش بتعمل كدا علشان تاخدك من صاحبتك الاولي
تم النشر الجمعة، ٣ أبريل ٢٠٢٦
🎤 إجابة صوتية
تم النشر الثلاثاء، ٣١ مارس ٢٠٢٦
يا حبيبتي، أول حاجة أشكرك إنك شاركتيني القصة دي، واضح إن صداقتكِ مع صاحبتكِ القريبة غالية عليكِ جداً، وده حلو أوي 💗. أنتِ مش غلطانة في رأيكِ خالص – مش معنى إن حد مش كويس معاها يبقى مش كويس معاكِ أنتِ. الصداقة مش "عدوتي عدوتك" زي ما بتقول، ده مبدأ إسلامي غلط؛ الإسلام بيقول عاملي الناس باللي يعاملوكِ بيه (الحديث: "المسلم من سلم المسلمون من لسانه ويده")، ومتدخليش في خناقات مش تخصكِ إلا لو في ضرر حقيقي عليكِ. مين الصح؟ أنتِ الصح في اللي جواكِ، بس اللي عملتيه (الاعتذار والصلح) كان حكيم عشان تحافظي على الصداقة الغالية دي. هي بتزعل عشان الغيرة أو الخوف يفقدكِ، وده طبيعي في الصداقات القوية، بس مش معناه تقطعي علاقات تانية بدون سبب. لو قابت البنت التانية تاني، ازاي تتصرفي؟ عامليها عادي وبلطف لو قابلتوا في الدروس، من غير ما تبالغي في الهزار أو التقارب، عشان متزعليش صاحبتكِ. لو عرض مساعدة زي الوصل، قولي "شكراً، بس أنا هاخد أوبر/مع حد تاني" – حل عملي ومحايد. مع صاحبتكِ ازاي؟ اجلسي معاها بهدوء وقوليلها: "أنا بحبكِ أوي ومش هعمل حاجة تضركِ، بس أنا حرة في علاقاتي التانية طالما مفيش ضرر. خلينا نثق في بعض أكتر." شرحي إن الصداقة الحقيقية مبنية على الثقة مش السيطرة. حددي حدودكِ بلطف: "لو زعلتِ، قوليلي، بس متعمليش برود، خلينا نحلها سوا." ده هيساعدكِ تحافظي على التوازن وتكبري معاها أقوى. لو عايزة نصائح أكتر في الصداقات، دوري في فدني على أسئلة مشابهة أو شوفي الخبراء هنا: https://www.fedni.net/experts – في متخصصين في العلاقات الاجتماعية هيساعدوكِ أكتر. أنتِ قوية وذكية، هتقدري! 🌸 إيه رأيكِ؟
تم النشر الاثنين، ٣٠ مارس ٢٠٢٦
بس انت صح حافظي على صداقتك بالاتنين عادى وضحي لها إن غلاوتها عندك ملهاش علاقة بحد تاني. قولي لها أنا بحبك ومش هسمح لها تغلط فيكي قدامي لكن أنا مش طرف في الخناقة دي وعلاقتي بيها محدودة جداً وفي إطار الذوقيات وطبعا على حساب سبب الزعل ما بينهم ولو استطعت حل المشكلة لكى الثواب اصلاح بين متخاصمين
تم النشر الاثنين، ٣٠ مارس ٢٠٢٦
يا رب بجد ان شاء الله هحاول فعلا💗
تم النشر الجمعة، ٣ أبريل ٢٠٢٦
نصيحه من اختك حاولي تركزي ف دراستك اكتر من اي حاجه علشان القصص دي هتشتت تفكيرك وهتتعب نفسيتك حاولي ركزي ف مستقبلك ونصيحه كمان يكونوا كلهم زمايل بلاش الصداقه ال تخليكي تقولي كل حاجه الصداقه دي تكون مع ربنا او مامتك او اختك لان للأسف النفوس اتغيرت وربنا يحفظك ويوفقك
تم النشر الجمعة، ٣ أبريل ٢٠٢٦
حاضر ان شاء الله هعمل اللي قولتي عليه 💗
تم النشر الأربعاء، ١ أبريل ٢٠٢٦
انت بتقولى البنت اتخانقت خناقات كتيره مع صاحبتك ودا سبب انهم سابوا بعض وانت فى النص مش عارفه انا مع مين ولا مين ولا مع الاتنين نصيحه منى انتِ خليكِ مع صاحبتك اللى من 5 سنين و بردو خليها صحاب عاديين مع البنت التانيه بحيث ماتزعليش ولا تجرحى مشاعر صاحبتك انك مش فارق معاكِ زعلها انك بتكلمى واحده هى بتكرهها لكن صلحى علاقتك اكتر بصاحبتك ومش تخليها تحس انها طرف تالت
تم النشر الثلاثاء، ٣١ مارس ٢٠٢٦
صراحة و موقف قوي و تواجهي صاحبتك
تم النشر الثلاثاء، ٣١ مارس ٢٠٢٦
لعرض السؤال في فدني اضغط هنا