. انا اسمى عمر وعندى 9 سنين.
عندى صحب فى المدرسه اسمو حمزه احنا كنا نلعب مع بعض فى الفسحه وكنا صحاب. انا كنت بحب العب معاه.
بس هو كان بياخد منى من مصروفى. فى الاول كنت اديه نص الفلوس الى معيا عشان هو صحبى ومكنتش عايز يزعل منى.
بس بعد كده بقا كل يوم يقولى هات فلوس. ولو مقولتلوش ياخد منى. انا كنت بزعل بس مكنتش بقول حاجه.
بعدين حسيت ان ده مش صح. فقلتلو لا خلاص مش هديك فلوس تانى.
ومن سعتها احنا مش صحاب وهو بقا بيبصلى وحش وانا بحس انه بيكرهنى.
انا زعلان عشان كنت فاكره صحبى.
انا عايز اعرف ازاى ابقا قوى ومخلش حد ياخد حاجه منى غصب او يستغلنى تانى.
اختي بس تعرف الموضوع وادتني تلفونها عشان اكتب مشكلتي
برافو انك منعته ياخد منك مصروفك - فعلا التصرف دا غلط ومش صح علشان باباك بيشتغل ويتعب علشان يجبلك مصروف ليك علشان تشتري بيه اللي انت عاوزه وعادي انك لما تشتري حاجة تعزم علي صحابك وتاكلهم معاك بس مش علطول كدا سيبك من حمزة وان شاء الله ربنا هيرزقك بصاحب جدع وكويس كدا -ازاي تبقي قوي اتعلم انك تقول لاء علي الحاجة الغلط ومتسكتش علشان خايف انك تخسر صحبك مثلا والحاجة اللي انت مش عايزها تحصل ارفض انك تعملها بس الكلام دا اكيد مش مع بابا وماما انت لازم تعمل كل اللي يقولوا عليه لان هما بيخافوا عليك وبيحبوك وعارفين مصلحتك
تم النشر السبت، ٧ مارس ٢٠٢٦
أنا مبسوطة جدا يا عمر انك عرفت تمنع صاحبك ياخد مصروفك تاني .. لانه ده مش حقه .. وهو كده مش صاحب كويس .. هو كده بيستغلك علشان ياخد منك فلوس .. ولما انت بطلت تديه بعد عنك .. الصاحب الكويس يا عمر هو اللي بيكون جنبنا طول الوقت .. بيساعدنا نكون أحسن .. وعمره ما بيأذينا لا بفعل ولا بكلمة .. وعلشان تكون أقوى يا عمر لازم تتعلم تقول لأ على أي حاجة مش عايز تعملها هي بتكون صعبة في الأول .. بس مع التدريب هتنجح باذن الله برافوا عليك يا عمر .. إن شاء الله تكون قوى زي عمر بن الخطاب
تم النشر الثلاثاء، ١٠ مارس ٢٠٢٦
يا عمر الغالي، أهلاً بيك يا حبيبي! أنا ذكية، وأشكر أختك اللي علمك تكتبلي، ده شجاعة كبيرة منك إنك تتكلم عن الموضوع ده. أنت مش غلطان خالص، حمزه مش صديق حقيقي، الصديق الحقيقي بيفرحك ويحترمك، زي ما قال ربنا في القرآن: "وَالْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ". عشان تبقى قوي ومحدش يستغلك تاني: قول "لا" بصوت واضح وثابت : المرة الجاية لو حد طلب حاجة، قول "لا، دي فلوسي ومش هاديهالك" وامشي فوراً. متخافش، القوة في اللي جواك، مش في اللي يقول نعم عشان ميزعلش. اختار صحاب كويسين : العب مع اللي بيحترموك وبيلعبوا من غير فلوس. هتلاقي كتير زيك في الفسحة. لو استمر يضايقك : قل للمعلم أو لأبوك/أمك فوراً، هما هيحموك ويحلوا الموضوع. ده مش خوف، ده ذكاء! أنت قوي يا عمر، وده درس كبير هيخليك راجل كبير محترم. جرب النهارده وقولي إيه اللي حصل! لو عايز نصائح أكتر، دور في فدني على أسئلة زي "صداقة في المدرسة"، أو شوف الخبراء هنا: https://www.fedni.net/experts. ربنا يقويك يا بطل! 💪😊
تم النشر السبت، ٧ مارس ٢٠٢٦
السلام عليكم ورحمة الله وبركاته. اولا يا عمر انت قوي اصلا عشان قدرت تحدد مشكله زي دي وتحلها لوحدك. انت شطور انك بطلت تديه مصروفك وحقيقي شجاع انك تاخد خطوه كبيرة زي دي. هقولك نصيحة بس اول حاجة يا عمر اوعي تتكسف تقول لا لحد من صحابك حتى لو بتحبه طالما الطلب بتاعه مش مناسبك خليك طيب وكويس وساعد الناس كلها بس اوعي تيجي على نفسك وقول لا لما تحس انك تعبت واوعي تتكسف تطلب حقك لان مفيش حد هيطلبه مكانك. غير كده انت زي الفل وقوي اصلا مش محتاج نصايح يا بطل ربنا يوفقك ❤️❤️
تم النشر الأحد، ٨ مارس ٢٠٢٦
وربي انك قوي وشطور يا عمور الغلط اللي احنا عملنا ان احنا سبنا حمزه يستغلنا لو هوا بيكرهك وبينجاهلك اتجاهله انت كمان ومش تكلمه هوا ممكن يكون حالته الماديه وحشه علشان كدة بيطلب منك الفلوس لكن هوا فضل يطلبها كأنها حقه هوا ونسي انك انت اللي متفضل عليه فكك منه خالص مالص وفي ناس كتيره نفسهم يكونو صحابك علشان انت شخص كويس وبتساعد صحابك وبتحبهم بعديين انت شخص قوي اوي انك ادركت انه غلط من نفسك ربنا يهدي حمزه ده انسا خالص
تم النشر الأحد، ٨ مارس ٢٠٢٦
شكرا هعمل كدا ان شاء الله، وانا اسمي عمر، حمزه يكون صاحبي.
تم النشر السبت، ٧ مارس ٢٠٢٦
اسلام عليكم ورحمة الله وبركاته انت ي عمر مش غلطان لما منعته ياخد فلوس منك تاني بس انت غلط لما عودته على كدا يبقى ده درس تتعلم منه ان كل شي بحدود حتى الكلام بحدود يعني متكثر من الحاجه علشان متكون واجب عليك او فرض لازم تنقذه دايما خاليك متوسط ف كل حاجه ف الكلام يمكن ف العطاء للمحتاج تديله بس ميكونش متكرر كأنه ملزوم منك دلوقتي انت اتعلمت من الدرس. يعني لو شخص عمل حاجه انت مش حبيبها كلمه بصراحه خليك صريح معاه علشان ضميرك دايما يكون مرتاح و قوله انا مش حابب كدا لو اعتذر و بقى كويس معاك فبردك كون كويس إنما لو تمدا عليك يعني زعل أو زعق فتبعد عنه لان ده بيكون شخص مش صديق ليك ولا بيحبك لا دا بيستغلك
تم النشر السبت، ٧ مارس ٢٠٢٦
لعرض السؤال في فدني اضغط هنا