السلام عليكم ورحمه الله وبركاته
سؤال ممكن يبان غبي بس هو محيرني
ازاي ارد على حد بيقول لي (وحشتيني) رغم انها مش واحشاني؟
يعني صاحبتي كل مرة تقول لي كده و انا مش عايزة اقول وانت كمان علشان ما ابقاش كدابة😆💔
و شكرا مقدما للى هيساعدني
وعليكم السلام ورحمة الله وبركاته يا حبيبة 💕 مش غبي خالص سؤالك ده، بالعكس هو دليل على إنك بتحبي الصدق وده صفة جميلة جداً في الإسلام، زي ما قال الرسول ﷺ "الصدق يهدي إلى البر". بدل ما تقولي "وأنتِ كمان" وتحسي إنك كدابة، جربي ردود صادقة ودافئة زي: "شكراً يا قمر، أنا كمان سعيدة إننا اتكلمنا 😊" (بتعبّري عن فرحك باللحظة الحالية). "وحشتيني كلامك ده يا حلوة 😂❤️" (بتحوليها لشيء مرح وصادق). "الحمد لله إننا رجعنا نتواصل، فرحانة بيكِ" (بتشكري ربنا وتعبري عن الإيجابية). كده هتبقي صادقة 100% وهتقوي علاقتكم بدون كذب. لو عايزة نصائح أكتر عن الصداقات، دوري في فدني على أسئلة مشابهة أو شوفي الخبراء هنا: https://www.fedni.net/experts أنتِ قوية وصادقة، استمري كده! 🌟 إيه رأيك؟
تم النشر الثلاثاء، ٢٠ يناير ٢٠٢٦
العفو يقلبي🩷
تم النشر الأربعاء، ٢٨ يناير ٢٠٢٦
رد جميل شكرا لحضرتك 🫶
تم النشر الأربعاء، ٢٨ يناير ٢٠٢٦
قوليلها حبيبة قلبي تسلميلي يارب أو ميوحشكيش غالي أو يا روحي شكراً ، مع ابتسامه لطيفه كده وعدي الدنيا
تم النشر الأربعاء، ٢٨ يناير ٢٠٢٦
@Abdullah Man ممكن اقول كده فعلا؟ ما خاطرش في بالي خالص بحس انها بعيدة عنها بس تمام شكرا لحضرتك جدا
تم النشر الخميس، ٢٢ يناير ٢٠٢٦
@Esmat Ali الله يكرمك و يسعدك يارب
تم النشر الأربعاء، ٢١ يناير ٢٠٢٦
@Habiba Habib العفو 😊هو حضرتك اللي حساسة انك مش عايزه تزعلى صحبتك باي كلمه تجرحها وخايفه على مشاعرها وفى نفس الوقت مش عايزه تغضبي ربنا بانك تقولى حاجه مش حاسه بيها ربنا يحفظك ويديم المحبة بينك وبينها ممكن تقولى ..ده من أصلك الطيب والله..
تم النشر الأربعاء، ٢١ يناير ٢٠٢٦
العفو على ايه
تم النشر الأربعاء، ٢١ يناير ٢٠٢٦
@لايف كوتش مى هي الفكرة اني مش عايزاها تتعلق فيا اي نعم انا عارفة اني مهمة بالنسبة لها بس مش عايزة اعترف لها فدا علشان ما تتعلقش بزيادة. حلو رد ما تشوفيش وحش فعلا فهاخده في عين الاعتبار و شكرا لحضرتك جدا
تم النشر الأربعاء، ٢١ يناير ٢٠٢٦
@belal badr حساه رد غريب شوية بس شكرا لحضرتك
تم النشر الأحد، ٢٥ يناير ٢٠٢٦
ان شاء الله خير
تم النشر الخميس، ٢٢ يناير ٢٠٢٦
قولي شكرا
تم النشر الخميس، ٢٢ يناير ٢٠٢٦
@Dareen 🌷 اصل في الحقيقة انا مش بحب اتعامل معاها اوي و بحس اني بكون تعبانة او بستنزف بمعنى اصح لما بكون معاها و مع الاسف بضطر اتعامل معاها علشاني صاحبتها الوحيدة و هي معايا في الفصل فمش عايزة ابقى منافقة و كدابة😅
تم النشر الأربعاء، ٢١ يناير ٢٠٢٦
طب ما تقولي انتي كمان وخلاص لان ده من جبر الخواطر مش كدب يعني.
تم النشر الأربعاء، ٢١ يناير ٢٠٢٦
@Ehab Elsayed مميز ازاي علشان معنديش فكره زي ايه؟ و مش فاهمة من حضرتك انها فعلا تكون صاحبتي؟ انا اعرفها من ايام ابتدائي مع الاسف و هي متعلقة بيا جدا رغم اننا دلوقت في الثانوي و دا تاعبني فما بقتش احبها زي ما كنا في ابتدائي
تم النشر الأربعاء، ٢١ يناير ٢٠٢٦
خلي الرد مميز وخليها بهزار احسن بس اتمني فعلا تكون صحبتك
تم النشر الأربعاء، ٢١ يناير ٢٠٢٦
@Esmat Ali طريقة كويسة بس اعتقد انها ممكن تزعل لانها حساسة شوية فممكن اوف صيغة تانية بس ممكن اعمل كده مع حد مش هيضايقه الكلام ده و شكرا جدا لحضرتك
تم النشر الأربعاء، ٢١ يناير ٢٠٢٦
بصي كل مره ردي عليها بشكل مختلف وخدي الكلام بهزار يعني مثلا مره تقولي لها وحشتك بجد شكرا للدرجه دي انا مهمه عندك قوي كده وخديها بهزار مره ثانيه قولي لها مثلا ما تشوفيش وحش انت عامله ايه وادخلي في موضوع ثاني على طول وهكذا يعني كل مره ارد عليها رد مختلف بهزار من غير ما تبيني لها ان انت بتتجاهلي تقولي لها وانت كمان
تم النشر الأربعاء، ٢١ يناير ٢٠٢٦
وعليكم السلام ورحمه الله وبركاته يا عيني.. معلش بكرة تتعودي على غيابي، أنا بدربك على الصبر بس وممكن وحشتك ؟طب هاتي 50 جنيه بقى عشان الوحش دي غالية عندي أوي يعني من الاخر خلى الموضوع مضحك علشان متحسش بحاجه 😅 والعفو مقدما .
تم النشر الأربعاء، ٢١ يناير ٢٠٢٦
لعرض السؤال في فدني اضغط هنا