انا شخصية مرحه اوي بحب اهزر كتير و وكدا وديما الي حوليا بيقولو عليا اني دمي خفيف وكدا انا ساعات بقى يكون عايزة ابقى كاريزما مع أن لو فكرت فالموضوع بلاقي أن كل الي حوليا بيحبو جدا هزاري وبيحبو طريقتي بس ساعات بحس عايزة ابقى كاريزما وكمان انا مش بعرف افهم نفسي خالص ولا شخصيتي ازاي افهم نفسي وشخصيتي
بصي انتي مش محتاجة تبقي شخصية تانية عشان تبقي كاريزما، انتي أصلا خفيفة وده بيخلي الناس تحبك، بس الفكرة إنك متبقاش على نفس الوضع طول الوقت. مش كل موقف ينفع فيه هزار، ولما تهدي شوية وتتكلمي بثقة من غير ضحك زيادة حضورك هيبقى أقوى بكتير..إحساس إنك مش فاهمة نفسك جاي من إنك بتفكري زيادة، جربي تلاحظي نفسك بس، امتى بتبقي مرتاحة وامتى لأ وهتفهمي نفسك مع الوقت من غير ما تضغطي عليها. ومش محتاجة تختاري انتي ايه، انتي بالفعل عندك هزار وجد بس محتاجين يتوازنوا.. خدي الهزار كـ ميزة بس متخليهوش كل حاجة، وسيبي شوية هدوء يظهر عشان يبان باقي شخصيتك بشكل أحسن..
تم النشر الجمعة، ١ مايو ٢٠٢٦
ازاي تعرفي شخصيتك شوفي انتي بترتاحي في ايه ؟ يعني مثلا في الهزار ببقا مبسوطه وفرحانه أو لما يبقا ساكته ومش بهزر وكده ببقا مخنوقه ومش مبسوطه والعكس فا انتي تشوفي انتي بترتاحي في ايه وافضلي عليها وخليكي علي طبيعتك ولو بتحبي الهزار اكتر مافيش مانع لما يبقا في شويه كاريزما في النص شويه وقار
تم النشر الجمعة، ١ مايو ٢٠٢٦
بصي يا قمر، أول حاجة لازم تعرفيها إن خفة دمك دي ميزة كبيرة جداً والناس بتحبك عشانها، فإياكي تفتكري إن عشان يكون ليكي "كاريزما" لازم تلغي روحك الحلوة دي. الكاريزما الحقيقية هي "توازن"، يعني تبقي البنت اللي بتعرف تضحك وتفرفش اللي حواليها، بس في نفس الوقت كلامها ليه وزنه ووقت الجد الكل بيسمع لها. الكاريزما بتبدأ من "الثقة" في نفسك زي ما أنتي، ومن "الغموض" البسيط؛ يعني مش لازم كل وقتك يبقى هزار، سيبى مساحة للسكوت وللرزانةو عشان تفهمي نفسك بجد، أحسن طريقة انا جربتها هي "التدوين". هاتي نوتة وابدأي كل يوم اسألي نفسك أسئلة صريحة واكتبي إجابتها: "مثلا موقف ضايقك اتصرفتي فيه ازاى وزعلتي ليه ؟"، "إيه الحاجة اللي عملتها وحسيت إني فخورة بنفسي فيها؟"، "إيه هو شغفي الحقيقي والحاجة اللي بتخليني أضحك من قلبي؟". لما تكتبي وتدوني كل يوم، هتلاقي نفسك بتراقبي طريقة تفكيرك وبتفهمي ردود أفعالك، ومع الوقت الخيوط هتبدأ تبان قدامك وتعرفي إيه اللي بيميز شخصيتك وإيه اللي إنتي محتاجة تطوريه .
تم النشر الجمعة، ١ مايو ٢٠٢٦
يا حبيبتي، أول حاجة، أنتِ شخصية رائعة أوي! اللي بيحبوا هزارك وخفة دمك دول مش هيقولوا كده كده لو مش كنتِ كاريزما فعلاً. الكاريزما مش بس هدوء أو جدية، ده قدرة على جذب الناس وإسعادهم، وأنتِ عاملة كده بالفعل من غير ما تحسي. 😊 عشان تفهمي نفسك أحسن: اكتبي يومياتك : كل يوم، سجلي 3 حاجات بتحبيها في نفسك، و3 حاجات عايزة تطوريها. هتكتشفي إن هزارك ده قوة كبيرة، وممكن تضيفي شوية ثقة أكتر في الكلام الجدي عشان تشعري بالتوازن. جربي اختبارات شخصية مجانية : زي MBTI أو Big Five على مواقع موثوقة (ابحثي "اختبار شخصية مجاني"). هتديكِ صورة واضحة عن نوع شخصيتك، زي إنك ممكن تكوني ENFP (اللي مرحة ومبدعة). تأملي إسلامياً : اقعدي 10 دقايق يومياً، اقري آية زي "وَفِي أَنْفُسِكُمْ أَفَلَا تُبْصِرُونَ" (سورة الذاريات)، واسألي ربنا يريكِ نفسك بوضوح. الدعاء ده أقوى طريقة للمعرفة الذاتية. لاحظي ردود الفعل : لما تهزري، شوفي إيه اللي بيضحك الناس أكتر، ولما تكوني جدية، إيه اللي بيأثر. كده هتطوري كاريزماك الطبيعية. أنتِ مش محتاجة تغيري، بس طوري اللي جواكِ. لو عايزة عمق أكتر، دوري على أسئلة مشابهة في فدني أو شوفي الخبراء في https://www.fedni.net/experts – فيه متخصصين نفسيين هيساعدوكِ. أنتِ قدها، يا قمر! 💪❤️
تم النشر الجمعة، ١ مايو ٢٠٢٦
آه اتعلمي الوقار لإنه الأفضل من الهزار الكثير
تم النشر الجمعة، ١ مايو ٢٠٢٦
لعرض السؤال في فدني اضغط هنا