انا بنت عندي بيست فريند ليا بنت بردو
المهم ان في حد دخل حياتها
وانا في حد دخل حياتي
هي بقت بتكلمو وهكذا وانا بقيت بغير غيرتين
غيرة انها اتخدت مني وبقت بتفكر فيه اكتر مني
وغيرة ان هو فيه حجات احسن من الولد اللى معايا
بقيت بشوف نفسي وحشه اوي اني بغير من جوايا حاجه ف ايد حد ودي عمرها محصلت
احنا بنحب بعض جدا
بس انا بغير عليها ومنها ومش ف كل حاجه هو موضوع الولد ده بس لاكن بغير مديا معنويا شكليه لا والله وبجد بتمنالها الخير ف حياتها لكن عند موضوع الولد ده بذات بتعفرت بغير عليها ومنها وانا فعلا متعلقه بيها ولما بنتخانق ممكن حياتي تقق واتعصب والدنيا تبوظ وانا اصلا شخصية عصبية محتاجه بجد حل لانى فكرت اروح لدكتور نفساني انا حقيقي تعبت
السلام عليكم ورحمة الله وبركاته بدايه يا اختي الفاضله خلينا نحل مشكله مشكله ! انتي بتقولي بمنتهي البساطه انا كلمت شاب وهيا كلمت شاب طيب صلي علي النبي بدايه كدا انتي كبنت مينفعش تكلمي شباب ربنا كرمك وعززك وخلاكي بنت مطهره لزوجك فقط لزوجك فقط !!! مش علشان ترتبطي !طيب حصل استغفري الله وتوبي وابتعدي عن الشباب اللي بتكلميهم ٢ انت وصديقتك صحبه سوء لبعضكم فبدل ان تنهر احداكما الاخري على ذنب اقترفتماه تقارنين معصيتك بمعصيتها؟ اي خزي أشد من هذا اذكرك بلقاء الله واذكرك بقوله تعالى "وسيق الذين اتقوا إلى الجنة زمرا حتى إذا جاؤوها وفتحت أبوابها وقال لهم خزنتها سلام عليكم طبتم فادخلوها خالدين" فاتقي الله في نفسك وفي اهلك فإنما انت عرض وشرف بالنسبه لصديقتك فإنما هي صحبه سوء فانصحيها مره واثنين وثلاثه ومن بعدها ابتعدي عنها مشكله تعلقك بها وغيرتك هل هذا كل مايشغل بالك ؟ انها تهتم بالشاب اكثر منك فلتحلي بدايه مشكله تتعلق بحق الله وبعدها نحل مشكله تتعلق بحق نفسك ألا وهيا غيرتك وتعلقك بها طبت
تم النشر الثلاثاء، ١٠ مارس ٢٠٢٦
بصي المشاعر دي عاملة زي الرصيد، لما بتستهلكيها في كلام وحكايات مالهاش آخر ومعندهاش غطاء رسمي أو شرعي، الرصيد ده بيخلص. لما يجي الوقت الصح والشخص الصح، بتلاقي نفسك مستهلكة نفسياً ومنطفية. حافظي على قلبك بكر زي ما هو. و مفيش حد فينا معصوم، والكلام العادي بكرة بيبقى فضفضة، والفضفضة بتبقى تعلق. والتعلق ده لما بيفشل وهو غالباً بيفشل في السن ده بيكسر فيكي حتة صعب تتصلح، وبيضيع عليكي وقت وتركيز كان أولى بيهم مستقبلك ونفسك. ولما تاخدي قرار إنك تقفلي الباب ده رضا لربنا وعشان تحافظي على حدودك، ربنا بيعوضك ببرد وطمأنينة في قلبك، وبيرزقك بالشخص اللي يدخل البيت من بابه وهو مقدرك وعارف قيمتك لأنك كنتِ غالية وصعبة المنال. والعلاقات اللي في الضلمة أو اللي مفيش ليها مسمى واضح بتعمل قلق وتوتر وعصبية زي اللي إنتي حاسة بيها دلوقتي. البعد عن النوع ده من التواصل بيخلي ذهنك صافي وقدرتك على التحكم في أعصابك أقوى بكتير. و خليكي دايماً الجوهرة اللي مش أي حد يوصل لها بالكلام، واللي عايزك بجد هيعرف طريقك الصح . بعتذر عن الإطالة 😊 وجد ربنا يحفظك ويسعدك
تم النشر الثلاثاء، ١٠ مارس ٢٠٢٦
يا حبيبتي، أول حاجة أقولك إن شعورك ده طبيعي جدًا في الصداقات القوية زي بينك وبين بيست فريندك، خاصة لما يدخل حد جديد في الحياة. الغيرة دي غالبًا بتيجي من خوف الفقدان أو مقارنة نفسك باللي حواليها، وده بيحصل لأنك متعلقة بيها أوي. بس الحمد لله إنك بتمنيلها الخير، ده دليل قلبك طيب. الحلول العملية خطوة بخطوة: اتكلمي معاها بصراحة : قوليلها إيه اللي جواكِ بالضبط، بدون اتهام. قولي "أنا بحبك أوي وبغير لأني خايفة نفقد وقتنا مع بعض" – ده هيقربكم أكتر ويطمنكِ. ركزي على نفسك : طوري حياتك الخاصة. حددي أهداف صغيرة زي هواية جديدة، رياضة، أو دراسة حاجة تحبيها. لما تشغلي نفسك، الغيرة هتقل. وتذكري قول الله تعالى: "وَمَنْ يَتَّقِ اللَّهَ يَجْعَلْ لَهُ مَخْرَجًا" – التقوى والاعتماد على ربنا بيفتح أبواب. ممارسة الشكر والدعاء : كل يوم اكتبي 3 حاجات شاكرة ربنا عليها في صداقتكم، وادعي لها ولنفسك بالخير. الغيرة زي السم، بس الدعاء يطهر القلب. وابتعدي عن المقارنات، كل واحدة ربنا كاتب لها قدر مختلف. سيطري على العصبية : لما تشعري بالغليان، خدي دقيقة وقفي وعدي لـ10، أو اقري آية قرآنية ز. مع الوقت هتتعودي. لو الشعور ده مستمر وقوي، روحي للدكتور النفساني زي ما فكرتِ – ده خطوة شجاعة! وفي فدني، شوفي الخبراء في https://www.fedni.net/experts، في متخصصين في العلاقات والنفسية هيساعدوكِ بشكل أعمق. كمان ابحثي عن أسئلة مشابهة في فدني، هتلاقي إجابات كتيرة مفيدة. أنتِ قوية وهتقدري تتغلبي عليه، صدقيني. 💕
تم النشر الثلاثاء، ١٠ مارس ٢٠٢٦
انصحك تقرأي كتاب الداء والدواء ابن القيم الجوزي مش كبير قوي بس لو ركزتي في الكتاب دا بالذات هتتغير حياتك بجد عن المعاصيو
تم النشر الأربعاء، ١١ مارس ٢٠٢٦
غفر الله لكي رقم واحد ابن القيم بيقول كل تعلق بغير الله ذل وقال أيضا من تعلق بشيء عُذّبَ به دا علاقات محرمه وغير شرعيه ودا منتشر كتير في مصر يا اختي حرام والله حرام أخرتها هسيبك مهما كان انتي مين ولا هو مين تخيلي كل حرف تكتبيه كل كلمة تاخدي عليها سيئة ذنوب جاريه ذنب عظيم في اليوم انصحك تتوبي وترجعي الي الله وغيري خطك واقفلي فترة من السوشيل وارجعي الي الله
تم النشر الأربعاء، ١١ مارس ٢٠٢٦
لعرض السؤال في فدني اضغط هنا