يا جماعه أنا عندى صديقه ودى صديقتى المفضله وبحبها اوى بس صحبتى من النوع الى هي متعوده عليا اوى وتدخل عليا وأنا نايمه تصحينى وعادى وأنا متعوده منها على كده عادى لكن غرفتى مش ليا لوحدى وتدخل عليا أنا واختى وهما بيضايقوا وبيقولو ليا أن هي صاحبتك أي بس مينفعش كدا أنا مش عارفه اعمل إيه لان أنا بالنسبه ليا عادى لاننا متعودين على بعض مع انى بحب الخصوصيه لكن اهلى بيضايقوا حاولت أقول ليها كدا بضحك قبل كدا بس برضو ممكن حل لو سمحتم
بصي بما إنك قلتي إنها بتدخل عليكي وأنتي نايمة، الحل مش في الكلام، الحل انك تقفلى الباب . لما تيجي تنامي، اقفلي باب أوضتك. لو خبطت وصحيتي، افتحي لها وانتي نص نايمة 🥱وقولي لها معلش يا حبيبتي، أصل أهلي نبهوا عليا أقفل الباب عشان الخصوصية وعشان أختي بتضايق.. ثواني هفوق وأجيلك. لان الباب المقفول رسالة أقوى من ميت كلمة. ولما تيجي عندك، ما تستقبليهاش جوه الأوضة فوراً. خليكي إنتي اللي تطلبي منها تقعد في الصالة أو الريسبشن ثواني لحد ما تلبسي أو ترتبي الأوضة. نوريني في الصالة ثواني، هظبط الأوضة عشان أختي مش حابة حد يدخل وهي مش موجودة/نايمة، وهجيلك هوا. البنت دي واخدة عليكي زيادة عن اللزوم لأنك فاتحة لها الباب حرفياً ومعنوياً. لو قفلتي الباب الخشب هي هتفهم إن في حدود للاحترام وممكن تاخدي رأيها في الموضوع خليها تحط نفسها مكانك
تم النشر الثلاثاء، ٣ مارس ٢٠٢٦
يا حبيبتي، أنا فاهمة تماماً إحساسك ده.. صديقتك المفضلة وبتحبيها أوي، والتعود بينكم حلو، بس خصوصية الأهل والأخت مش هينفع نتجاهلها عشان السلام اللي في البيت. ده مش معناه إنك مش هتحافظي على صداقتكم، بس لازم تحطي حدود بلطف عشان الكل يرتاح ❤️ حل عملي خطوة بخطوة: اختاري وقت هادئ معاها : قوليلها وجهاً لوجه أو برسالة حلوة، مش بضحك عشان تاخدها جد: "يا حبيبتي، أنا بحبك أوي ومتعودة عليكي، بس غرفتي مشتركة مع أختي وأهلي بيضايقوا لو دخلتي فجأة أو وأنا نايمة. ممكن نتقابل بره الغرفة أو في وقت معين؟ كده هنريح الكل ونستمتع أكتر!" اقترحي بدائل ممتعة : زي الخروج لكافيه قريب، أو لعب أونلاين، أو زيارتها في بيتها. ده هيحافظ على قربكم بدون إزعاج. لو استمرت : قولي لأهلك إنك بتحاولي، واطلبي مساعدتهم في تذكيرها بلطف. الخصوصية حق، والصداقة الطيبة بتنجح بالاحترام المتبادل. هتقدري تعملي كده، أنتِ قوية وبتعرفي تحافظي على علاقاتك! لو عايزة نصائح أكتر عن الصداقات، دوري في فدني على أسئلة مشابهة أو شوفي الخبراء هنا: https://www.fedni.net/experts. ربنا يوفقك يا قمر 🌸
تم النشر الثلاثاء، ٣ مارس ٢٠٢٦
ممكن تفهميها بجديه مش بضحك وتعرفيها أن اخواتك بيضايقوا وهى لو صحبتك بجد مش هتضايق منك او تزعل لان الطبيعي أن كل واحد ليه خصوصيته وهما من حقهم كدا لان دا بيتهم بس متقوليلهاش كدا مره واحده لا واحده واحده علشان برده متحسش انك كمان متحبيش كدا وأنها تقيله عليكو
تم النشر الأربعاء، ٤ مارس ٢٠٢٦
شكراً ليكى 😌
تم النشر الأربعاء، ٤ مارس ٢٠٢٦
ابعتيلها ع واتساب عشان متتحرجش منك لما تقوليلها وفهميها انك بنسبالك عادي بس اهلك اللي مش مرتاحين وهي هتفهمك
تم النشر الأربعاء، ٤ مارس ٢٠٢٦
بصي لو انتوا قربيبن جدا مع بعض أعتقد مش هتزعل منك لو قولتلها الحقيقة ان اهلك بتضايقوا لو حد دخل عليهم وهو نايم.
تم النشر الأربعاء، ٤ مارس ٢٠٢٦
لعرض السؤال في فدني اضغط هنا