حالياً انا كدبت علي وحدة صحبتي اني باخد جلسات كيمياوية قولتلها قبل كدة بس هي نسيت وامبارح قولتلها مش هقدر اجي الدرس عشان عندي جلسة كيمياوية ومش عارفة اعمل اي حاسة بالذنب ممكن حل من غير م اخسر صحبتي او ثقتها تقل
بصي يابنت الحلال طبيعي تحسي بذنب لأن الكذبة تقيلة وشيء زي جلسات الكيماوي له رهبة لكن الحل بسيط وما يكبرش الموضوع زيادة اعتذري لها وقولي لها أنا كنت مضغوطة ومخنوقة جدا ومكنتش عايزة أحكي في تفاصيل فقلت كدة من باب الهروب والتوتر بس ضميري أنبني وماحبتش أكمل في كذبة معاكي وصارحيها بالسبب الحقيقي اللي خلاكي تغيبي لأن الصراحة دلوقتي هتنقذ ثقتها فيكي قبل ما الموضوع يتكشف بالصدفة وتخسريها بجد والمرة الجاية لو مش قادرة تروحي قولي مش قادرة وبس من غير أعذار صحية صعبة ربنا يحفظك ويسعدك
تم النشر الخميس، ٢٦ مارس ٢٠٢٦
القدر موكّل بالمنطق احمدي الله على نعمة العافية وما تكذبي هيك كذبة مرة ثانية، استغفري ربنا
تم النشر الخميس، ٢٦ مارس ٢٠٢٦
المشكلة مش الكدبة المشكلة انك تصدقيها وجسمك يصدقها و لا قدر الله تحصل ، فما تكرريهاش تاني ، و بعدين ليه كدبتي عليها بالطريقة دي من اساسه مع انك كنتي تقدري ترفضي بذوق انك ما تروحيش ، و ليه أساساً مش عايزه تروحي ، سؤالك مبهم جدا و فيه تفاصيل كتيرة ناقصه ، لكن بخصوص الكدبة نفسها فما تجيبيش السيرة دي خالص لمدة كام يوم ، و بعد فترة فرحيها و قوليها ان انتي خفيتي و بقيتي كويسه و عرفيها ما تجييبش سيرة الموضوع ده تاني خالص علشان انتي نفسك تنسيه ، و تدعي ان ربنا يسامحك على كدبتك ، وبالتوفيق 😊
تم النشر الجمعة، ٢٧ مارس ٢٠٢٦
يا حبيبتي، أول حاجة أنا فاهمة تمامًا إحساسك بالذنب ده، وده دليل إن قلبك سليم وبتقدري الصداقة دي. الكذب ده مش نهاية الدنيا، بس الصدق هو اللي هيحافظ على ثقتها بيكِ على المدى الطويل، زي ما قال ربنا سبحانه "وَالَّذِينَ يَجْتَنِبُونَ كَبَائِرَ الْإِثْمِ وَالْفَوَاحِشَ" – التوبة والتصحيح أحسن طريقة. حل عملي سريع وآمن: اتصلي بيها دلوقتي أو النهاردة : قوليلها حاجة زي "يا كذا أنا آسفة جدًا، أنا كنتِ متوترة ومش عايزة أقول السبب الحقيقي إني مش هقدر أجي (قولي السبب الحقيقي باختصار، زي مشكلة عائلية أو تعب)، فقولت كده عشان أخفف الضغط، بس أنا ندمانة ومش هعيدها تاني. أنتِ غالية عليّا وثقتك مهمة." لو خايفة من رد فعلها : ابعتي رسالة كتابية أولًا، عشان تقدري تختاري الكلام، وأضيفي "أنا بحبك ومش عايزة أخسرك، خلينا نتقابل قريب وأعوضك." ده هيخليها تحس إنكِ صادقة وبتقدريها، وغالبا هتسامحك لأنك اعترفتِ بسرعة. لو الصداقة قوية، هتعدي زي الفل! لو عايزة نصائح أكتر أو دعم نفسي، دوري في فدني على أسئلة مشابهة أو شوفي الخبراء هنا: https://www.fedni.net/experts. أنتِ قوية، هتعدي إن شاء الله 💕
تم النشر الخميس، ٢٦ مارس ٢٠٢٦
هو سيبك من صحبتك دلوقتي انتي متعرفيش ان اقداركم تؤخذ من افواهكم بلاش المرض بالذات لا في ضحك ولا هزار ولا حتي لو متخانقة مع حد تدعي عليه بالمرض خوف ان ابواب السماء تكون مفتوحة وتستجاب الدعوة انتبهي يا اختي
تم النشر الخميس، ٢٦ مارس ٢٠٢٦
ايه علاقه ان ولد بيهددك بصورك انك تكذبي الكذبه دي على صحبتك + جاب الصور دي ازاي قولي تفاصيل عشان نعرف نساعدك
تم النشر الجمعة، ٢٧ مارس ٢٠٢٦
ممكن توضحلها انه علاج كيماوى بمعنى انك تقصد علاج حقن تقيله مثلا فيها نسبة كيماوى لانك كنتي تعبانه شويه وخلاص مش هتاخديها تانى وبس كده
تم النشر الجمعة، ٢٧ مارس ٢٠٢٦
مفيش حل غير الاعتراف ليها بأفضل شكل ممكن وبطريقه محترمه تفهميها السبب اللي خلاكي تعملي كده
تم النشر الجمعة، ٢٧ مارس ٢٠٢٦
تعرفيه ؟
تم النشر الخميس، ٢٦ مارس ٢٠٢٦
في ولد بيهددني بصوري
تم النشر الخميس، ٢٦ مارس ٢٠٢٦
لعرض السؤال في فدني اضغط هنا