أنا عندى صاحبه من واحنا فى الحضانه وبحبها اوى وتعتبر اكتر واحده بحكيلها كل حاجه بس هي شخصيتى مختلفه عنى اوى.
بيحصل منها مواقف مش عارفه اعرف هي فعلا معتبرة انى صاحبتها ولا انا مصلحه وخلاص
إحنا عندنا WiFi فى البيت وهي لأ وأنا حاطاه عندها فى تلفونها عشان تتفرج زي ما هي عايزه بس أنا بحس أن هي بتيجى تقعد معايا عشان النت بس لما النت بيخلص بلاقيها مش بتيجى الا مره كدا وتقعد شويه وتمشي علطول
حوشته منها فى مره عشان أبويا كان بيدفعوا كل شويه وبيخلص بسرعه وقال إن محدش ياخدوا غيركم
وفهمتها بس هي مكنتش بتيجى غير لما أنا روحت عندها
بدايق اوى لما هي تعرف حاجه عن عيلتى بتحكى لامها مثلا فيفتحوا معايا الموضوع لان هي مصاحبه عيلتى وأنا مصاحبه عيلتها بس أنا بدايق عشان أنا لما اعرف حاجه عن عيلتها مش بروح اقول لحد
لما مش عايزه اقعد معاها فى مره لانى عايزه انام أو هبطانه تقول عليا أن أنا بتحكم وهي بتقعد معايا وأنا بنزعج من كدا لان اكيد مش هقعد غصب عنى
هي طيبه جداً وأنا عارفه كدا واحنا صحاب بس التصرفات دى بتضايقنى اوى ولانى مش عارفه هي مصحبانى عشان إيه بالظبط
وفى تصرفات كتير وبقولها أحيانا لكن مش عارفه بقى
بصي يا بنتي من الاخر كده وعشان متتعبيش قلبك الصاحب اللي يجيلك عشان مصلحة أو نت ده مش صاحب ده مستغل والرسول صلى الله عليه وسلم علمنا إن المرء على دين خليله يعني اللي بتمشي معاهم بيطبعوا عليكي فمن باب أولى تختاري اللي يرفعك مش اللي ينهشك وموضوع إنها بتحكي أسرار بيتك لأهلها ده باب فتنة كبير والمفروض تحفظي سر بيتك ومتحكيش كل حاجة عشان البيوت ليها حرمة وأنتي مش مجبرة تيجي على أعصابك وصحتك عشان هي عايزة تتحكم فيكي لا يكلف الله نفساً إلا وسعها فخليكي قوية وقولي لأ لما تكوني تعبانة المؤمن كيس فطن يعني ذكي ومبيضحكش عليه مرتين فابدأي اسحبي ناعم وحطي حدود لخصوصياتك والوقت اللي بيضيع معاها في كلام ملوش لازمة استغليه في حاجة تنفعك لآخرتك عشان العمر غالي وميستاهلش يضيع مع ناس مش مقدرة قيمتك... ربنا يحفظك ويسعدك 🌷
تم النشر السبت، ٩ مايو ٢٠٢٦
شوفي يا حبيبتي من طريقة كلامك باين ان ممكن يكون سنِّك صغير أعتقد يعني... المهم عاوزاكي تفهمي حاجة...بصي ربنـا خلقنا كلنا لبعض عشان محتاجين بعض "مصلحه" يعني بس تكون الحاجة قصاد حاجة يعني متبقيش مثلا بتاخدي منها أذىٰ بس ومش بتنفعك بحاجة خالص يعني طبعا ده كده إسمه إستغلال ومفروض توقفي علاقتك بيها وتسحبي نفسك واحده واحده لغايت ما يكون في بينكم السَّلام... لكن مثلا لو البنت دي انتي منتفعه من وجودها زي انها بتسمعك مثلا او بتحبي تمشي معاها ونتي رايحه مشاوير دروس وماشيها محترم وكده فـ لاء عادي افضلة صحاب ولو شايفة إن الحاجة اللي انتي بتقدميهالها زي الانترنت دي بتضرك فـ خلاص امنعيه من عندها غيري الباسورد وخلاص... بالنسبة للنقطه التانية ان هيا بتحكي لـ مامتها عن مشاكلك عيلتك ونتي مش بتحبي كده خلاص ببساطة متحكيلهاش اما تيجي تجبلك سيرة حد توهي كده او قولي مش عارفة او خشي في موضوع تاني زي الجو النهاردة حر اوي اي حاجة توهي يعني... ده كده بالنسبة للمشكلة االي عندك وعيزاكي تفهمي ان ربنا خلقنا كلنا لبعض عشان نقضي حاجات بعض فاهمة بس الموضوع يكون بالتبادُل،مش طرف يدي و التاني يستقبل بس بدون أي منفعه ليكي ده كده إستغلال ونتِي كده بتظملمي نفسك بس وربنا يحفظك ويريح بالك...
تم النشر السبت، ٩ مايو ٢٠٢٦
يا حبيبتي، أول حاجة أقولك إن شعورك ده طبيعي جداً، والصداقة الحقيقية بتكون زي المرآة: بتعكس الاهتمام المتبادل بدون مصالح. أنتِ بتحبيها وبتعطيها كتير، بس التصرفات اللي بتقولي عليها (زي النت، الكلام لأمها، والضغط عليكِ) بتشير إنها ممكن تكون مش متساوية تماماً. خلينا نشوف كيف تعرفي الحقيقة خطوة بخطوة، وده من منظور نفسي وعملي، مع شوية نصيحة إسلامية عشان الصداقة الصالحة أمانة: 1. راقبي التصرفات، مش الكلام بس : الصداقة الحقيقية بتيجي من القلب: لو بتيجي عشانكِ إنتِ، هتقعد معاكِ حتى لو مفيش نت، وهتسأل عن يومك وتفرح لنجاحاتك. جربي قوليلها "النت خلص النهاردة، تعالي نقعد نلعب أو نحكي"، وشوفي رد فعلها. لو راحت، يبقى المصلحة أكبر. احترام الخصوصية: لو بتحكي أسرارك لأمها بدون إذنك، ده علامة حمراء. قوليلها بلطف: "أنا بحبك بس مش عايزة حاجاتي تنتشر، خلينا نحافظ على خصوصيات بعض". 2. حددي حدودك بلطف وصراحة : المرة الجاية لما تقول "مش عايزة أقعد دلوقتي عشان أنام"، قولي: "حبيبتي، أنا بحب وقت معاكِ بس محتاجة أرتاح، نتقابل بكرة؟" ده مش تحكم، ده احترام لنفسك. الصديقة الحقيقية هتفهم وتدعمك. قللي المساعدات شوية (زي النت)، وشوفي لو بقت تهتم بيكِ بدونها. لو لا، يبقى الصداقة مش متوازنة. 3. اختبري الصداقة بأفعال صغيرة : شاركيها حاجة صغيرة حزينة أو فرحانة، وشوفي لو بتسمع وتدعمك بدون ما تحولها لقصة لعيلتها. ادعي ربنا يهديكِ للصحاب الصالحين، زي اللي بيذكروكِ بالخير ويحافظوا على أمانتك. أنتِ طيبة وبتستحقي صداقة متساوية، مش واحدة بتضايقك. لو التصرفات دي مستمرة، خدي مسافة شوية عشان تحمي قلبك. لو عايزة نصيحة أكتر، روحي على صفحة الخبراء في https://www.fedni.net/experts، فيه متخصصين في العلاقات والنفسية هيساعدوكِ. وابحثي في Fedni عن أسئلة مشابهة زي "كيف أعرف الصديق الحقيقي"، هتلاقي إجابات كتير مفيدة. أنتِ قوية وهتقدري، خليكِ صبورة وثقي في ربنا! 💕 إيه رأيك نعمل خطة صغيرة مع بعض المرة الجاية؟
تم النشر السبت، ٩ مايو ٢٠٢٦
لعرض السؤال في فدني اضغط هنا