السلام عليكم
انا عايزه نصيحه او حل اقدر اعمله مع صحبتي عشان مش عارفه أعملها ايه بجد هي شخصيتها هاديه ومش عايزه اقول كدا بس بارده جدا هي طبعها فعلا كدا وكتومه وبقالها فتره كدا حساها فيها حاجه وفعلا لحد دلوقتي مش عارفه اوصل هي ايه
عارفه انو في مشاكل في عيلتها بس ساعات بتقول كدا بس مش بتحكي أوي إحنا شله تلات أفراد فاحنا بنحاول بردو منتدخلش ونبقي رخمين أوي بس هي بتكون مضايقه وساعات نحس انها عايزه تعيط وبنسألها مالك وهي مفيش خالص ولا رد بتقول مفيش واحنا عارفين انها بتطلع ساعات تعيط لوحدها عادي
المهم كذا موقف بقى يحصل بيدايقني اوي منها نتفق مثلا على خروحه وهي اصلا مبتبقاش متحمسه أوي يعني دايما اكنو مش عايزه تخرج بس بنتفق مثلا على حاجه وخلاص بنكون بقالنا كتير مخرجناش فجأه قبل الخروجه بيوم ولا حاجه تيجي تقول خلاص انا مش هروح او تعبانه او اي حاجه
حاجات كتييير بقى ومبررات كتير كدا غريبه مش عايزه اقول انها كذب بس بتبقى مش سبب خالص يبوظ الخروجه وأنا بطبعي عصبيه شويه ولما آجي أعاتب بتستفزني اكتر بقى ردها كلو برود اقول مالك فيه اي حتى طريقتها وهي بتلغي الخروجه بتقول مش هنزل مش هروح خلينا ننزل اي حته هنا وخلاص من غير اسباب او اعتذار مثلا حتى اخر موقف حصل بردو نفس الحاجه متفقين نروح حتي وفاخر شويه غيرت فنزلنا وأنا مضايقه آوي ولقيتها كدا من قبل ما أكلمها حسيتها مضايقه وبعدها دمعت معرفش ليه
استغربت مكنتش لسه اتكلمت معاها بس هي اصلا تقريبا لسه عندها مشاكل مع أهلها وممكن بردو عشان مكنتش بعاملها أحسن حاجه معرفش بجد بس انا كنت خلاص جايبه آخري من اسلوبها قعدنا شويه وبتاع وحاولت اكلمها وسالتها ردها بارد قالتلي خلاص ماشي بتاع مثلا كنت كذا ماما هنا مكانتش موافقه وساعات تسكت وأنا ببقى متعصبه وهي تقولي مبحبش حد يعاتبني فبعدها بشويه اتضايقت كدا ومشيت فجأة قالت باي وخلاص من غير متقول اي حاجه تانيه
كنا قاعدين فكافيه كدا ساعتها وبيتها قريب واللي كانت معايا اللي هي صاحبتها التالته هي كانت مضايقه بردو بس هي أهدى شويه وكانت لطيفه اكتر قامت وراها وسالتها وبتاع قالت خلاص عايزه امشي ومعرفناش بردو نعملها اي
أنا بجد ولا عارفه هي ليه متضايقه في العموم لأنها بقالها اصلا فتره مضايقه كدا ولاعرف اقولها كل اللي مضايقني لأنها مش مدياني فرصه بل زودنا مشاكل ما بينا فمش عارفه أعمل معاها ايه بجد
وعليكم السلام يا قمر! 😊 أنا فاهمة تمامًا إحباطك ده، صداقة مقربة زي كده لما تبقى كده بيوجع القلب، خاصة إنكِ عصبية شوية وبتحاولي تفهميها. هي واضح إنها بتمر بضغط كبير (مشاكل عائلية، ربما حزن أو اكتئاب خفيف)، وده بيخليها تتقفل وتلغي الخروجات عشان مش قادرة تتعامل مع الفرح حتى. مش باردة بطبيعتها، بس اللي جواها بيأثر. نصائح عملية تقدري تعمليها دلوقتي: ادِيها مساحة مؤقتة : قولي لها بلطف "أنا هنا لو عايزة تتكلمي، بس مش هضغط عليكِ". متعاتبيش دلوقتي، عشان هي قالت "مبحبش العتاب" – ده بيزود التوتر. انتظري يومين تلاتة، وارسلي لها رسالة بسيطة زي "وحشتيني، عاملة إيه؟" بدون تفاصيل الخروجة. غيّري طريقة التواصل : المرة الجاية، اجلسي معاها لوحدكِ (مش التلاتة)، واسمعي أكتر من ما تتكلمي. قولي "شايفة إنكِ متضايقة، حابة أسمعك لو عايزة"، ولو سكتت، قولي "خدي وقتك، أنا معاكِ". ده هيفتحها تدريجيًا، عشان اللي زيها محتاجة إحساس بالأمان. حددي حدودكِ عشان تحمي نفسك : المرة الجاية لو لَغَت، قولي "تمام، فاهمة، بس المرة الجاية نحدد وقت أقرب عشان نضمنه". ولو استمرت كده، قللي الخروجات اللي تحتاج تخطيط، واقترحي حاجات بسيطة زي كافيه قريب أو مكالمة فيديو. اعتني بنفسكِ : متخليش ده يأثر على مزاجكِ. صلي وادعي ربنا يفرج همها (زي "اللهم أذهب الغم عن قلبها")، وخدي وقت لنفسكِ مع الصديقة التانية اللي أهدى. لو الموضوع مش بيتحسن بعد أسبوعين، اقترحي عليها بلطف تكلم متخصص (مش أصحاب)، زي اللي في صفحة الخبراء على Fedni: https://www.fedni.net/experts – فيه معالجين نفسيين رائعين هيقدروا يساعدوها. كمان، دوري في Fedni على أسئلة مشابهة هتلاقي إجابات كتير مفيدة. أنتِ صديقة رائعة إنكِ بتحاولي كده، ربنا يصلح بينكم ويفرح قلبك. 💕
تم النشر الخميس، ٥ فبراير ٢٠٢٦
ازيك يا جميلة اتمني تكوني بخير حسه ان مفيش سبب واضح يخليكم تتضايقو من صحبتكم ده طبعا ودي شخصيتها انسانه هادية و كتومة و واضح انها مبتحبش الخروج ف ده طبع صديقتكم بحد الان مش شايفه ان في سبب معين للغضب منها .. كون انكم عارفين ان عندها مشاكل مع اهلها ف شايفه انه سبب كافي لحزنها و سبب كافي لعدم دغبتها في الخروج بدون ما تعرفو نوع او تفاصيل اكتر من كده السبب كافي لوحده ان في مشاكل في بيتها .. لذلك قدامكم حالين يبقي في احتواء وتقدير لمشكله صديقتكم بدون الضغط عليها انها بتلغي خروجات او مبتتكلمش كتير ياما تحترمو مساحة خصوصية صديقتكم بانكم تسيبوها متحكيش اللي مضايقها لان من الواضح انها مش حابه كده و تتعاملو معاها علي هذا الاساس .. وافتكرو معاتبتكم الزياده هيزودو الحاله النفسية السيئة اللي هي فيها
تم النشر الخميس، ٥ فبراير ٢٠٢٦
السلام عليكم ، حبيبتي متحكميش على صاحبتك من بعيد ، ممكن هي متحطمة ومجروحة أكثر مما تتخيلي ربنا وحده أعلم بحالها ممكن يكون عندها اكتئاب بس مبيضهرش ، ممكن عندها ضغك كبير جدا ، بس بتحاول انها تتأقلم معاكم وتتهايش ممكن هي بتجاهد نفسها على شان تطلع وتتبسط بس انتم مش شايفين ألمها ، ممكن هي كتومة أو في أسرار عائلية مش قادرة تحكيها ، بس واضح من كلامك انها مكسورة فيا ريت تتعاملوا معاها برحمة وتفهم ، ويا ريت انكم تحاولوا نخرجوها ملي هي فيه مش تزيدو على همها ، كل وحدة فيكم تحط نفسها مكانها وتحاول تتفهمها ، انتوا لو أصدقاء بجد حسسوها بالحب والحنية وعاملوها برفق وصبر ورحمة زي ما بتحبوا تتعاملوا ، " ارحموا من في الأرض يرحمكم من في السماء "
تم النشر الجمعة، ٦ فبراير ٢٠٢٦
لعرض السؤال في فدني اضغط هنا