السلام عليكم
انا حبيت شخص من بعيد وهو اكيد ما يعرفش كده
بس انا قلت لصاحباتي كنوع من انواع الفضفضه وصاحبتي اقترحت عليا انها تكلمه علشان تختبره هل بيكلم بنات او لا او لو حد في حياته انا رفضت لكنها أصرت وعملت اكونت فيك وكلمته بعد كدا لقيتها بتقولي انه رد وقالها انه مش بيكلم بنات وخدت اسكرين
بس مش لكل الكلام ولقيتها بتقولي انه في الجامعه كان بيبص ليها باعجاب
وقالت لي ما تحاوليش تحبيه ولا تحاولي تكلميه لانه هيعمل لك بلوك
انا فعلا عمري ما كنت هكلمه او ابعت بس كلام صاحبتي ضايقني ولقيتها باعته له ريكويست بالأكونت بتاعها كمان
المهم انا معتش بكلم صاحبتي دي لأسباب كتير منها محاولة ايذائي نفسيا
ودلوقتي خايفه تفضحني وتفشي السر اعمل اي
وعليكم السلام - هو ممكن يكون مش حب وانما اعجاب بالشخص سواء بشكله او شيخصيته مثلا بما انك بتشوفيه من بعيد - ف كبري دماغك من الموضوع خالص وتجنبي رؤية الشخص دا وغضي بصرك عنه طبعا وبلاش تهتمي باخباره او رؤيته علشان متتعلقيش وتتعبي في الاخر . بالنسبة لصاحبتك دي لا تليق بها كلمة صحبتي بعيدا عن موضوع الشخص انا بتكلم عن الأذى النفسي الصحبة اللي تجرك للطريق الغلط وتشجعك عليه وتاذيكي متبقاش صاحبتك ولازم تبعدي عنها (المرءُ على دينِ خليلِه فلينظرْ أحدُكم مَن يُخاللُ) وهي اصلا من الواضح ان جواها ضغينة من ناحيتك والله اعلم بيها وبحالها ف الاحسن ليكي بعدك عنها . متخافيش هي مش هتعمل كدا لانها لو فكرت تتكلم عليكي هي اللي هتتفضح لانها هي اللي كلمته وبدأت االكلام معاه مش انتي ف مفيش داعي للخوف .
تم النشر الأربعاء، ٢٨ يناير ٢٠٢٦
وعليكم السلام ورحمة الله وبركاته يا حبيبتي 💕 أنا فاهمة تمامًا إحساسك بالقلق ده، وتصرف صاحبتك كان غير مناسب خالص وممكن يضر بثقتك بنفسك. قرارك إنك تقطعي معاها حكيم جدًا، خاصة لو كانت بتسبب لك إيذاء نفسي زي ده – برافو عليكِ! دلوقتي، خليكِ هادية ومرتاحة البال: السر آمن : هي لو فضحتك، هتبقى هي اللي خسرانة سمعة، مش أنتِ. أنتِ مجردِ فضفضتِ معاها، وده مش ذنب. ركزي على نفسك : الحب من بعيد طبيعي، بس خليه يروح مع الوقت. صلي الاستخارة لو عايزة تتأكدي من مشاعرك، واقرئي قرآن يوميًا عشان يريح قلبك. طوري نفسك: ابدئي هواية جديدة زي الرسم أو الطبخ، أو اشتركي في كورس أونلاين يفرحك. من منظور إسلامي : الله يختارلك الأفضل، ولو الشخص ده مش مقدرلك، هيجيلك خير أحسن. قولي "اللهم إن كان فيه خير لي فاقدره، وإلا فاصرفني عنه". لو عايزة دعم أكتر، ابحثي في فدني عن أسئلة مشابهة هتلاقي إجابات كتير مفيدة، أو روحي للخبراء هنا: https://www.fedni.net/experts – فيه متخصصين في الصحة النفسية والإرشاد الزوجي هيساعدوكِ بشكل شخصي. أنتِ قوية وهتقدري تتجاوزي ده بسرعة، خليكِ إيجابية يا قمر! 😊
تم النشر الأربعاء، ٢٨ يناير ٢٠٢٦
القصد إنها مش مشكلة ومش عيبة في حقك لو أيا مين كان عرف دي حاجة عادية وطبيعية، وأنتِ ماعملتش شيء يقل منك أو حتى روحتي تكلميه وكنتِ حتى رافضة إنها تعمل أكونت فيك تكلمه هي تشوفه فمافيش حاجة تخافي منها خالص، وماتبينيش عموما إنك قلقانة من حاجة زي كده لأنها لو صديقة مش كويسة فعلا هتستغل خوفك فخليك واثق الخُطى إ
تم النشر الخميس، ٢٩ يناير ٢٠٢٦
وعليكم السلام ورحمة الله وبركاته ، الحب مش عيب ولا حرام بالمناسبة ، مفيش مشكلة يعنى على أسوأ الظروف لو قالت لحد اى نعم احنا فى مجتمعنا لو حد حب حد دا كدة حرام وعيب.، لكن الحقيقة إن الحرام هو اللى ممكن يترتب على الحب زى الارتباط وغيرو، فكبري دماغك +شخصيتها ضعيفة مش هدخل نفسها فى مشاكل
تم النشر السبت، ٣١ يناير ٢٠٢٦
أن شاء الله ربنا يكرمك بالافضل
تم النشر الخميس، ٢٩ يناير ٢٠٢٦
*واثقة إنها مش حاجة تقلقي منها أو تخافي منها مافيهاش فضيحة، وابعدي عنها ما تتكلميش في حاجة تخصك معاها تاني
تم النشر الخميس، ٢٩ يناير ٢٠٢٦
شكرا حضرتك يا استاذ ضياء ان شاء الله هبعد
تم النشر الخميس، ٢٩ يناير ٢٠٢٦
فاهم انا النوع ده من الصحاب ف ابعدي عنها وكبري دماغك منها وان شاء الله ربنا يكتبلك اللي فيه الخير
تم النشر الخميس، ٢٩ يناير ٢٠٢٦
أنتِ قلقانة من إنها تفشي سر إنك أعجبتي بيه ؟
تم النشر الخميس، ٢٩ يناير ٢٠٢٦
هيا مش معجبه بيه دا اولا هيا اي حاجه بتعجبني او بحبها هيا بتحاول تاخدوا مني وتسلبها ودي مش اول حاجه دا كذا حاجه بتحاول تكرهني في اي حاجه بحبها وبالنسبه لي انها بتمنعني اتواصل فأنا مستحيل اتواصل معاه لاني عارفه الحرمانيه
تم النشر الأربعاء، ٢٨ يناير ٢٠٢٦
لا مش بقول كدا لكن كلامها بيقول كدا
تم النشر الأربعاء، ٢٨ يناير ٢٠٢٦
يعني انتي اعجبتي بحد ف صاحبتك راحت ارتبطت بيه ؟انا كدا فهمت صح؟
تم النشر الأربعاء، ٢٨ يناير ٢٠٢٦
شكرا جدا لكلامك يا انسه فريده
تم النشر الخميس، ٢٩ يناير ٢٠٢٦
ايوا طبعا قلقانه من حاجه زي دي اي المشكله؟
تم النشر الخميس، ٢٩ يناير ٢٠٢٦
اه يعني حسيتي من كلامها انها هي كمان اعجبت بيه ف بتحاول تمنعك انك تتواصلي معاه ؟
تم النشر الأربعاء، ٢٨ يناير ٢٠٢٦
لعرض السؤال في فدني اضغط هنا