انا كان عندي صاحبه انا وهي لينا 16سنه من بعض حرفيا كنت جنبها في كل الاوقات ومسبتهاش ثانيه وهي كانت بتكون جنبي بس انا بالاكتر اول حاجه صاحبت بنات مش كويسه واقنعوها تبعد عني وتعملي بلوك وارتبطت بعيل مش كويس بس بعدين عاتبتها ورجعنا كويسين
وبعدت عن البنات بس الولد لا كان بيخونها وعيل بتاع مشاكل وبيشرب وبيزني بس هي كانت معميه بيه لحد ماسابته واتقفل الموضوع قبل ماتبعد عنه انا كنت مرتبطه بحد اول ماحط نفسه ف مقارنه معاه سبتو من غير تفكير مع انه كان بيعشقني
وقبل ماسيبو هي ارتبطت بيه وقالت لي هاخدلك حقك منو اتكلمو يومين وسابتو وهو قالي انا ارتبطت بيها عشان اثبتلك انها هتبيعك مش زي مانتي فاكره وأنا بحبك انتي وهو كان بيحبني فعلا بس مفكرتش ثانيه وسبتو ع عكسها هي اول ماحبيبها قالها تبلكني بلكتني
المهم رجعنا كويسين واحسن من الأول اتخطبت لواحد كان لما يكون ف مشكلة بيهم كان يدخل يكلمني احل بينهم وهي كانت تقولي كلميه قوليلو كذا كذا وكنت اقول عادي بس اكتشفت بعدين انه هو بيقولي انتي حربايه بتوقعي بينا تقولي عندها كلام وعندي كلام دا غير تلقيح بكلام اني مش كويسه عشان كنت مرتبطه قبل كدا وهي قالتلو
مكنتش احكيلها الكلام دا واخدو ف نفسي واسكت كانت تيجي عليا فتره احس بخنقه كبيره وزعل كبير جوايا فبقفل واتساب ومش برد ع حد يومين تلاته لحد مارجع طبيعي هي كانت بتزعل مني ف الحته دي اني بقفل من غير ما أقول وفهمتها انو غصب عني ومش قاصده كدا ولا ببعد عنها بعدين بدأت الاحظ برودها ف تعاملها معايا
وكنت اقرب اكتر لما احس بكدا المهم انا كنت شبه مخطوبه لحد كنت بحبه اوي ومعميه بيه وهو مكنش بيعمل حاجه غير يجرحني ونسيب ونرجع كتير وهي مكنتش تحبه ولا بطيقه عشان بيعاملني وحش
حصلت مشكلة كبيره بيني وبين الشخص ده واتفقت معاها ان خلاص مفيش رجوع تاني خوفا انه يأذيني لما كلمني الشخص ده قلبي دق ورجعنا وهو اتحسن خالص معايا وهي كانت قيلالي لو رجعتو هزعل منك زعل كبير فقلت له صاحبتي هتزعل ومش عايزة اخبي عليها حاجه اقنعها وهو قال تمام وكلمها وأنا كدبت عليها قولتلها اني مش عايزه بس هو عايز يكلمك انتي يقنعك وتقنعيني ارجع
قالتلي انا هقوله لا مينفعش ترجعي قولتلها تمام ع اساس انو هيعرف يقنعها والقصه مش هتبوظ بس هو معرفش وقالها ان انا مقولتش اني مش عايزه واني خايفه ع زعلها بس لو عرفت اننا بنتكلم هي زعلت مني وقالت لي ماليش دعوه بموضوعكم دا تاني وانتي بالذات ماليش دعوه بيكي
قعدت ابعتلها ف الرسايل مرضتش ترد عليا رنيت كتير مردتش رنيت ع اختها قالتلي هي شايفه رناتك ومش بترد فانا اتعصبت وبعتلها عتاب ان انا عملت معاكي كل حاجة كويسه ومتغيرتش انتي بعتيني عشان ولد ومتغيرتش بعتيني عشان صحاب وحشين ومتغيرتش سيبت الي بيحبني عشانك وخطيبك كان يقول فيا بسببك
قولت كلام كتير من دا عشان متعصبه هي قالتلي انتي بتعايرني وانتي الي اتغيرتي ووحشه وبتتغيري عشان اي عشان ولاد وخطيبي مقولتلكيش كلميه انتي الي كنتي تبعتي مع ان والله العظيم هي كانت تقولي قوليلو انا زعلانه من كذا قالتلي متبعتليش حاجه تاني ومسحت رقمي وعملتلي انفولو من كل مكان حتى اخواتها برضو نفس الكلام
يوم عيد ميلادها كلمتها عاتبتها واعتذرت لها علقت رسايلي بالايام وترد ع القد فاسكت بعدين كلمتها تاني بتقولي انتي الي بتبعدي لما بطلتي تتكلمي قولت مش عايزاني قولتلها انا بعتذرلك وانتي بتطنشي دا اي
مش شايفه نفسها غلطانه خالص وان كل الغلط بسببي واننا وصلنا هنا بسببي بسبب اني بقفل ومش بقولها وكدا اتغيرت آخر فتره قفلت كنت تعبانه فرنت عليا صاحبه تاني قولتلها اني تعبانه وتقول لصحبتي دي اني تعبانه قالتلي ماشي البنت طنشت مقالتش لما فتحت كنت فاكره اني البنت قيلالها فزعلت اني ازاي تعبانه وحتى مقالتش مالك بالكدب لما قولتلها كدا قالتلي هي مقالتليش قالتلي بعد مافتحتي وأنا اصلا زعلانه منك تقولي ليها ومتقوليش ليا
قولتلها انا كنت تعبانه وهي سألت وانتي واجبك كان المفروض تدوري وتسألي قالتلي لا انا مش غلطانه خلي صحبتك دي تنفعك طالما بتحكيلها انا حرفيا تعبت وكلامها قاهرني ازاي تشوفني كدا بعد الي عملتو كل دا معاها ازاي تقول عليا كدا ونا بحاول بدل المره اتنين وتلاته وهي بتقولي مبتحاوليش انا هتجنن مش عارفه مين فينا الصح ونا فعلا غلطانه ولا ولا وازاي يهون عليها نبعد كدا وحتى لو غلطت ماهي غلطت نفس غلطي واكبر وسامحتها ليه مش عايزه تسامحني انا غلطانه بجد؟؟
تمام يا جميلة أنا حاسه بمشاعرك و مقدرة جدًا انك زعلانه منها وفعلا الإنسان لما يعطي اهتمام لحد بشكل كبير والحد دا يتجاهله بالشكل اللي بتحكيه أو لا يبادله نفس الإهتمام ف دا مؤلم فعلا . كمان مقدرة ان كل واحد فينا احيانا بيعمل حاجات كتير غلط وحرام وهو مش عارف بس المهم وقت ما ربنا يبعتله حد يعرفه يستجيب لأمر اللّه تعالى . 90٪ من التفاصيل اللي حكيتيها حرام وبتكون سبب في غضب اللّه وعشان كدا حصل كل المشاكل دي لأن الصحبة غير صالحة والتصرفات مخالفة لتعاليم ديننا فبالتالي الحياة منزوعة البركة والحرام أينما حل أحدث خراااب كبير فوق م نتخيل . ف مهم تعرفي أن مفيش حاجه اسمها ارتباط ودا حرام ، وكمان حرام تكلمي خطيبها حتى ولو بغرض الصلح بينهم لأن خطيبها مش من محارمك فالبتالي اللي يحل المشاكل دي هو والدها أو أي رجل من محارمها بس انتي لأنك مكنتيش عارفه وقلبك طيب عملتي كدا بس خلاص عرفنا انه حرام ف نبعد عنه ولا أي ؟ انتي بتحبيها ولكن بسبب أخطاء كتير منكم انتو الاتنين العلاقه بينكم باظت .. دلوقتي تعملي ايه ؟؟ تحفظي كرامتك وتبعدي أو على الاقل علاقتكم تكون سطحيه ولو صحبتها فيها خير ليكي ربنا ييسر ويصلح ذات بينكم ، أما لو فضلتوا بعاد ف ممكن هي كانت مش خير ليكي ف ربنا بعدك عنها فنقول الحمد للّه . كمان مهم جدا جدا تتوبي لربنا من ذنوبك وترجعي له سبحانه ، وهو بيفرح بتوبة عبده ، صلي وقربي من ربنا وواللّه هتلاقي راحة كبيرة جدا جدا وبركة فحياتك تغنيكي عن الناس كلها ، وسبحان اللّه ربنا ييسرلك ويرزقك صحبة صالحة تاخد بإيدك للجنة وناس كويسة تحبك بجد ... بس المهم نتوووب لأن طول م احنا واقعين في الحرام ف منستغربش ابدا كثرة المشاكل والضنك في العيشة . أنا معاكي لو احتاجتي أي مساعده . اللّه يوفقك يارب ويردك له ردًا جميلا .🤍🌹
تم النشر الأحد، ٩ أغسطس ٢٠٢٦
أختي العزيزة، أفهم تمامًا مدى الألم اللي بتمرين بيه دلوقتي. 16 سنة صداقة مش حاجة سهلة تتخلي عنها، وخصوصًا لما تكوني حاسة إنك عملتي كل حاجة عشان تحافظي عليها، وفي الآخر تلاقي نفسكِ بعيدة كده. اللي بيحصل دلوقتي مش بس انفصال، ده شعور بالخسارة والرفض والحيرة، وده طبيعي جدًا. عشان تهوني عليها، أول حاجة لازم تعمليها دلوقتي هي احترام المسافة اللي هي طالباها . هي عملت بلوك ومسحت رقمك ومنعتك من كل مكان، وده معناه إنها محتاجة مساحة. كل ما تستمري في الرسائل أو المحاولات، كل ما يزيد الضغط عليها ويخليها تشوفك كمصدر للتوتر مش للراحة. التهوين الحقيقي هنا مش بالكلام الكتير، لكن بالصمت والاحترام. لو عندكِ فرصة تكتبي لها رسالة واحدة صادقة ومختصرة، قولي فيها إنكِ آسفة على اللي حصل، وإنكِ فاهمة زعلها، وإنكِ هتديها المساحة اللي محتاجاها بدون ما تضغطي. وبعد كده اسكتي فعلاً. تاني حاجة مهمة: ركزي على نفسكِ دلوقتي. الصداقة دي كانت مليانة أنماط متكررة (الإغلاق بدون كلام، الكذب عشان ما تزعليش، التدخل في علاقاتها). لو عايزة الصداقة ترجع يومًا ما، لازم تشتغلي على التغيير ده فيكِ. ادعي ربنا يهدي قلبها ويصلح ما بينكم، وفي نفس الوقت اشتغلي على إنكِ تبقي أقوى وأكثر صدقًا مع نفسكِ ومع اللي حواليكِ. لو حاسة إن الموضوع بيأثر عليكِ نفسيًا بشكل كبير، حاولي تكتبي مشاعركِ في مذكرات أو تتكلمي مع حد موثوق فيه. ولو عايزة آراء إضافية، ابحثي عن أسئلة مشابهة على فدني، هتلاقي تجارب كتير ممكن تساعدكِ تشوفي الصورة أوضح. ربنا يهون عليكِ وعلى قلبها، ويردكم لبعض بطريقة أفضل إن كان فيه خير.
تم النشر السبت، ٨ أغسطس ٢٠٢٦
السلام عليكم ، هو في كلام كتير مش واضحلي بس اللي فهتمه إن دخلتي ف علاقات محرمة و ده لا يجوز تماماً بغض النظر عن انتي كملتي ولا لاء ف مهم تفهمي إن العلاقات دي استهلاك مشاعر و وقت و الراجل الصح كان جيه طلب ايدك مش ارتبط بيكي ، وقفي تهيني نفسك و حافظي عليها لحد مربنا يرزقك ب اللي يستاهلك ، ثانياً اللي شايفاه غلط ف علاقتكم هي إنكم ازالتوا الحدود مبينكم ف ده أدى لمشاكل يعني اه صحبتك من مُدة بس مش لدرجه تدخلي بينها و بين خطيبها حتى لو هتصلحي ف المفروض الأهل هم اللي بيتدخلوا ، دخلتوا ف حياة بعض بشكل كبير و ده مش صح أبدا المفروض صحاب و لكن في حدود و ضوابط و أسرار لكل منكم المفروض يحترمها و ميخطيش الحدود دي عشان علاقتكم تكمل ، مهم تفهمي إنها مش بالسنين و طالما هي رافضة انك تكلميها ف خلاص متحاوليش تاني و ركزي في حياتك ، لو قابلتيها ف مره سلمي عليها منغير الدخول في تفاصيل حياتها و منغير متدخليها تاني في حياتك بالشكل ده ، خلي علاقتكم سطحية ، و أنصحك بالتعامل مع أي حد بالشكل ده لإن مش المفروض شخص يتدخل في حياتك و يبقا هو محور حياتك لإن ده هيأثر عليكي بالسلب ، كوني علاقات كتيره بس تكون سطحية و كويسة بدون دخول ف تفاصيل ، ده هيريحك و هيريح اللي قدامك كمان.
تم النشر الأحد، ٩ أغسطس ٢٠٢٦
الشكر لله يحبيبتي ، ربنا يثبتك و يوفقك يا رب 🤍
تم النشر الأحد، ٩ أغسطس ٢٠٢٦
شكرا جدا ليكي بجد كلامك ريحني وان شاءلله هعمل بيه تسلميلي بجد 🤍
تم النشر الأحد، ٩ أغسطس ٢٠٢٦
مش صح تماماً انها تحكي لحد عنك ، انا كلامي مقصود بيه إن حتى غلطاتك مكنتش المفروض تحكيلها لحد ، ذنب و توبتي منه مكنش المفروض تجهري بيه عشان ميحصلش زي اللي حصل ، و بردو مش صح انها توصل كلام غلط لخطيبها عنك ، و شاطرة انك محكيتيش حاجه بينك و بين خطيبك ولا تحكي حتى لو هي حكت و ده ملهوش علاقة بنفاق لإن دي خصوصيات مع الوقت ممكن التدخل ده يبقا مُضر جدا زي محصل بينها و بين خطيبها ، يعني حقيقةً عمري ما شوفت اتنين متزوجين حتى و مدخلين بينهم طرف تالت و حياتهم كويسة دائماً بيبقا في مشاكل بس طبعا ده لا ينفي إن في حاجات المفروض تحكيها للأهل و تدخليهم فيها، انا شايفه إن الأمر واضح حتى لو قرأتي مشكلتك كشخص بيحل مش بيعرض مشكلة هتلاقي الحل بنفسك و هو إنك تبعدي تماماً و إن كل اللي حصل او بيحصل منها ده مش صح ، لو اتكلمتو مع الوقت يبقا كلامك معاها سطحي جدا مقتصر على ازيك عامله ايه و شكراً على كده منغير حتى متديلها فرصة تحكيلك هي عن حياتها
تم النشر الأحد، ٩ أغسطس ٢٠٢٦
انا مدخلتش من نفسي بينها وبين خطيبها هي الي كانت بتدخلني وبتحكيلوا كل حاجة عني مع اني قولتلها كتير متحكيش حكتلوا اني كنت ف علاقه محرمه والحمدالله ربنا تاب عليا وبعدت هو بقا يلقح كلام عن ان كنت مرتبطه واني مش كويسه وهي كانت مرتبطه كمان قبل خطيبها وارتبطت بالولد الي كنت مرتبطه بيه بحجه انها تاخد حقي منو مع اني قولتلها مش عايزه وارتبطات كتير قبل خطيبها انا الي زعلني اني معملتش غير كل خير بينهم وكنت اقوله معاك حد كويس ونضيف وبنت ناس وعمرها ماغلطت وهي كنت اقولها بيحبك وكويس ومكنتش بس هي كانت تروح تقوله دا صحبتي بتقول عليك خاين وكداب وانك مش سهل مع ان والله دا عمره ماطلع مني وعلاقتي انا وخطيبي حاليا مكنتش بحكيلها الي بينا عشان هو رافض كدا وعشان انا كنت مكنتش حابه احكي. كمان الي بيني وبينه لحد هي زعلت ان ازاي احكيلك كل حاجة وانتي متحكيش انتي حد مش كويس وانتي وانتي مع اني مطلبتش منها تحكيلي حاجة هي من نفسها كانت تحكي وتفاصيل يومي كانت معاها معاده تفاصيلي انا وخطيبي لما حطيت الحدود اتهمتني قالتلي انتي بتعملي كل دا عشان ولد الي هو خطيبي انتي شخصيه بشعه انتي منافقه وقالت كلام كتير انا شكيت ف نفسي من الي قالته عشان كدا بسال هل انا كنت غلطانه لما عملت كدا؟
تم النشر الأحد، ٩ أغسطس ٢٠٢٦
لعرض السؤال في فدني اضغط هنا