انا مبعرفش أبقى خبيثه زي صحابي مبعرفش ابقى مع كله كويسه مبعرفش امثل ع حد.اني بحبه وكل مشاعري بتبقى حقيقيه ولكن اتعرفت ع كذا بنت صديقه ليا بسبب حبي ليهم جرحوني اوي انا مكنتش بزعل حد.مني وكنت بعامل كله بمحبه وموده ورحمه ..ولكن بعد ما اتاذيت من كذا واحده واتقال عني كلام مش موجود فيا بجد ووالدتي قالت لي ابعد وان هي كانت هتدخل لكن منعتها ومردتش الاساءه بالاساءه وسكت خالص وقطعت علاقتي بالبنت دي ولكن البنت دي ترجع تكلمني تاني وتجيب الغلط عليا بحجه اني مبسألش عنها ..
اي اللي يدخل السؤال في كلام دة معلش (انتي مؤذيه... انتي مفكره نفسك ملاك بجناحات ....مفكره نفسك بريئه ....شايفه نفسك صح دايما ...يا شيخه جنحاتك خرمت عيني ...بطلي تمثيل بقا دة انا بدأت أصدقك...انا استحملتك كتير)
دة الكلام اللي تقالي وكلام تاني يعني وشتايم وكل دة لما هي رجعت تكلمني تقولي انا عملت كده عشان مبتسأليش عليا .
فانا عديتها وبعدها حصل خلاف برضو قالت نفس الكلام وقالت انتي في آخر خناقه حتى مفكرتيش تكلميني .. أنا من نوع ان رد فعلي هو التجاهل فانا تجاهلتها مش اكتر وحرفيا مردتش ع كلامها لحد الان ...
حصل خلاف تالت عادي يعني اختلاف رأي وعادي لكن هي مكلمتنيش ولا بقيت تتعامل معايا و من ساعتها احنا مش بنتعامل ولكن هي واخده دور الضحيه واني وحشه واني جرحتها واني سيبتها فأعمل اي معاها لاني حرفيا تعبت بسبب العلاقه دي لدرجه فعلا اني تعبت وعضله قلبي بقيت ضعيفه ومن اقل حاجه بتعب جامد فأعمل اي
وجود الصديقه في حياتك المفروض يبقى حاجه تطمنك تنفعك في دينك وتحسي معاها بشعور جميل جدا مش تحسي ان مشاعرك بتستنزف ولا تحسي انك دايما بتنحري في نفسك الصديقه اللي بجد بجد انك تحسي معاها بالامان غير كده ابعدي وما حدش ليه اي حق انه يقول لك ما تبعديش انت حره دي حياتك فاهماني بتختاري لحياتك كل حاجه فيها الطمانينه والامان اي علاقه سواء صداقه او علاقه اخرى لو لقيتي فيها ان انت بتتعبي نفسيا بسبب العلاقه دي لازم تنهيها وتسيبيهم بقى يتكلموا براحتهم يقولوا ما يقولوش خلاص اهم حاجه انك اخترتي راحتك ولما تسيبيهم بقى خلاص وما تتكلميش مع حد وتطنشي وتتجاهلي خلاص صدقيني هم هيبعبعدوا حتى لو فضلوا يتكلموا كده وانت وانت ردت فعلك كانت التجاهل او عدم التاثر واختيار الامان لنفسك والراحه والطمانينه خلاص هيزهقوا
تم النشر الأحد، ٤ يناير ٢٠٢٦
يا حبيبتي، أول حاجة أقولك إن قلبك الطيب ده نعمة من ربنا، ومش عيب إنك مش قادرة تكوني "خبيثة" أو تمثلي – ده دليل على نقاء روحك. بس اللي بيحصل مع البنت دي مش صداقة، ده علاقة سامة بتستنزفك نفسياً وجسدياً، وده واضح من تعبك وعضلة قلبك اللي ضعفت. أنتِ عملتِ الصح لما تجاهلتيها، وده رد فعل ذكي وحكيم. إيه اللي تعمليه دلوقتي؟ قطعي نهائي وكامل : مترديش عليها أبداً، حتى لو رجعت تكلمك أو تلعب دور الضحية. ده تلاعب عاطفي (gaslighting)، وردك الأفضل الصمت التام. ركزي على نفسك : ابدئي روتين يومي بسيط يقويكِ – صلي النوافل، اقرئي قرآن (سورة الشرح للراحة)، ومارسي رياضة خفيفة زي المشي. كمان، روحي لدكتور قلب فوراً عشان تطمئني، وخدي فيتامينات لو محتاجة (مش بديل عن الطبيب طبعاً). اختاري أصدقاء صالحين : دوري على ناس يعاملوكِ باحترام متبادل، مش يجرحوكِ ويرجعوا يلوموكِ. في Fedni هتلاقي خبراء في الصحة النفسية والعلاقات الاجتماعية، روحي https://www.fedni.net/experts وابحثي عن استشارة، أو دوري على أسئلة مشابهة هناك عشان تشوفي تجارب تانية. أنتِ قوية وهتقدري تتخطي ده، ربنا يريح قلبك ويبعثلك الخير. لو عايزة تتكلمي أكتر، أنا هنا يا قمر 💕
تم النشر الأحد، ٤ يناير ٢٠٢٦
طب بصي، لازم الأول تراجعي مين في حياتك و مين هتخرجيه منها، غلطتك إنك اديتي لصاحبتك المؤذية دي فرصة و اتنين، لا، ادام مفيش منها فايدة فخلاص سيبك منها و اقطعي علاقتك بيها مادامت مبتفدكيش و بتؤذيكي، و لازم تتعاملي مش الناس ولكن تتعلمي بقى هنا إنك متديش لأي حد أكتر من فرصة، بل كمان يُفضل متصاحبيش غير اللي تقربك من ربنا او اللي تعينك عاى الخير و تكون سوية نفسيا مش أنانية مش غيورة ولا حسودة، في اول تعرفك على الناس متندفعيش او ياخدك العشم، لا اتعاملي بميزان في البداية و واحدة واحدة سيبي الحبل لو لقيتي إن الشخص ده كويس معاكي، و بس كدة، و عموما انت لو لسا صغيرة ف لسا بدري لسا هتشوفي ناس هنا و هناك و هتقابلي الحلو و الوحش و لسا الحياة هتديكي خبرات اكتر، بس المهم متخافيش تغلطي، و الاهم تتعلمي من غلطك، وبسكدة
تم النشر الأحد، ٤ يناير ٢٠٢٦
هل أنت بطبعك كنتي اجتماعية و بتحبي تتعرفي على ناس كتير ولا لا
تم النشر الأحد، ٤ يناير ٢٠٢٦
بصي هقولك على حاجة تقالتلي و أثرت فيا حتى الآن، "احنا اللي بندي للمشكلة حجم" يعني أيا كانت المشكلة اللي بتواجهك في حياتك هي ملهاش حجم، انت بقى اللي بتديها حجم، ممكن حاجة تافهة تكون مصدر قلق و رعب، و حاجة تاني مشكلة كبيرة زي ترك الصلاة مثلا تُعامل باستهتار و تعنت، فأنت شوفي هل فلان ده يستاهل اعامله كويس هل علان ده المفروض اقطع علاقتي بيه، و متجيش على نفسك علشان حد، اللي يؤذيكي احذفيه من حياتك و انسيه، و العقل بيميل للصورة النمطية، زي العنصرية مثلا اللي بيزعموا أن اصحاب البشرة السمراء اقل ذكاء أو إن كل اللي في المنطقة الفلانية بيتسم بالبخل مثلا، فالعقل بيميل للصورة النمطية و ده غلط، لازم تدي لكل شيء قدره، و سيبك من الناس والله الناس لا هيقدموا ولا هيأخروا، و توكلي على الله و إن شاء الله لما يجيلك ابن يكون كويس معاكي هتحسي تجاهه بمشاعر تاني لإن مفيش إنسان بتنعدم عنده المشاعر، أنت ممكن مبتحسيش بمشاعر تجاه اللي حواليكي دلوقتي لكن ده لا يعني بالضرورة إنك فقدتي الإحساس، لا أنت بس خايفة تطلقي العنان لمشاعرك بسبب التجارب اللي سببتلك الخوف ده، وده مش معناه انك تفضلي خايفة لا، بل لازم تضبطي مقدار المشاعر و الاهتمام اللي هتقدميه لكل شخص و بس كدة، ولو عندك سؤال معاكي، والله المستعان
تم النشر الأحد، ٤ يناير ٢٠٢٦
كلامها المستفز هدفه انك تردي عليها أو تتعصبي وتاخدي ردة فعل تمسكها عليكي ... مثلا تشتميها وتقوم مشتكية عليكي عند المعلمة مثلا ... استمري في التجاهل والصمت القاتل وحافظي على الحدود الشخصية بإنك تشتكي عليها لو خرجت عن الحدود ... اعملي عادات صحية تحسن نفسيتك زي كتابة المذكرات
تم النشر الاثنين، ٥ يناير ٢٠٢٦
السلام عليكم... البنت دي واصلة مرحلة متقدمة في السمية والتلاعب النفسي ... ومش هتوقف لحد ما تضرب كل ذرة ثقة فيكي .. وهي شغالة عالموضوع ده وقدرت توصلك لأنك تكرهي شخصيتك الحقيقية وتبدأي تعيشي بتمثيل ... هي مش هتوقف لأنها بتتغذى على انهاك الآخرين ...
تم النشر الاثنين، ٥ يناير ٢٠٢٦
شكرا اوي لحضرتك🤍
تم النشر الأحد، ٤ يناير ٢٠٢٦
اه كنت كده وكنت انا بفتح كلام وكنت بتعامل انا الاول وعادي لكن حاليا لا بقا صعب
تم النشر الأحد، ٤ يناير ٢٠٢٦
شكرا لحضرتك بجد ...بس انا م بعرف اعمل حته كل واحد وحجمه مبعرفش بعامل الكل معامله واحده يعني اللي بديه هنا هو هو اللي هنا وهكذا
تم النشر الأحد، ٤ يناير ٢٠٢٦
مع العلم اني حاليا بقيت بعامل الكل بتمثيل حاليا ومبقتش احس بمشاعر تجاهه حد حتى والدتي قالتلي ان دة غلط عشان شريك حياتي يعني وقالت انها هتاخدني لدكتور نفسي لان حرفيا لا بقيت بكررهه او احب حاليا وبقيت بلا مشاعر نهائيا
تم النشر الأحد، ٤ يناير ٢٠٢٦
لعرض السؤال في فدني اضغط هنا