كيف أتصرف بعد أن عرفت أن أخي يكلم بنات وتأثير هذا على نفسيتي؟

Question

انا بقالي فتره عصبيه اوي وعصبيتي بقت متعبه ليا انا شخصيا وأنا عارفه اي الا خلاني كدا اسباب كتير منها اني عرفت أن اخويا بيكلم بنات انا اكبر منه ب 8سنين هو في اولي كليه انا كنت حاسه بس مكنتش متاكده ولم اتاكد اتاكد بالصدفه كان معايا تليفونه بعمل فيه حاجه وهو عارف فلقيت رسائل غريبه فتحت وعرفت انه بيكلم بنات وبنات كتير مش واحده ولا اثنين لا كتير والموضوع زعلني اوي وحسيت اني انكسرت معرفش ليه بس حقيقي انا لغاية دلوقتى موجوعه لدرجه حسيت اني اكيد لا مش هو دا عدى رمضان والعيد وانا حرفياً متنكده وبتخانق معه على اتفه سبب وحقيقي حاسه بغضب ناحيته وطبعا مش هعرف أقوله لأن هيقولي اني يتجسس بس عرفت أن صحابه اصلا بيسهلوا موضوع البنات دا وفضلت اتكلم علي الصحاب وكدا بس هو مفيش اي تغير وطبعاً اسلوبي وحش وانا معترفه ويتكلم بزعيق وصوت عالي بس حقيقي انا كل مبسوطه بحس اني مخنوقه وكمان مش قادره اتكلم ولا اقول وهو حس اني عرفت بس عمره مهيقولي بس انا مبقتش عارفه اعمل اي اخويا دائما مع صحابه ودائما بيخرج معهم حتي لو عنده مذاكره انهارده فضلت ازعق علشان عنده ميد ترم قعد بس مذاكرش وزعل مني فبقوله زعلت علشان مش عاوزاك تفشل فقال لا شوفي النجاح الا عندك بيعايرني يعني هو قالها بهزار بس انا مش عارفه آخدها غير بجد انا مش حابه انهم يعملوا حاجه تخليهم يندم ودائما عاوزهم احسن بس هم مش بيسمعوني بالعكس دائما بيشوفوني وحشه وانا نفسي أسيب كل واحد يعمل الا عاوزه وافكر في حياتي ومستقبلي بس بس مش عارفه انا دائما حاسه لو هم غلطوا يعني انا فشلت مع اني مليش دعوه انا أخاهم الكبيره بس مش امهم حتي بس حقيقي مش عارفه اتغير ازاي مفكره فيهم انا بجد تعبت انا وصل بيا الحال مش بفكر في نفسي خالص ولم يتغير بحس اني شخص اناني وحقيقي مش عارفه اعمل اي

Accepted Answer

أنا شايفة إن اكيد شخص واعي ليه قرارته وانتي حاولتي تديله اكتر من مره بس لو لسه الموضوع شاغل دماغك ف الافضل تصارحي و أنك مش بتتجسسي عليه انتي شوفتي بالغلط و فهميه انك خايفة عليه قبل منك كلامك الحمدلله و كويس مقبلش منك انتي عملتي الي عليكي ك اخته وهو هيعرف مع الوقت الغلط في قرارته بس الاهم انك متنسيش نفسك ركزي مع حالك لأن محدش هيسند حد غير نفسك بدليل انهم مش مركزين يعتبر معاكي ولا واخدين بكلامك و أن الافضل ليكي انك متتناقشيش معاهم لأن مع الوقت طاقتك هتخلص و أنت الي هتتعبي و ربنا يهديه و يوجه للطريق الصح 🥲

Answer

بصي يا بنت الحلال إنتي قلبك أبيض ومعدنك أصيل وعشان كدة شايلة هم أخوكي كأنه ابنك وده في حد ذاته شيء جميل جداً بس الأجمل إنك تطمني نفسك إنك عملتي كل اللي عليكي وزيادة ومقصرتيش في حاجة خالص بالعكس إنتي الأخت السند اللي بتخاف بجد ومن حقك دلوقتي تدي لروحك الهدوء اللي تستاهله وتركز في مستقبلك لأن نجاحك الشخصي هو اللي هيفضل السند الحقيقي ليكي ولعيلتك كلها فخليكي واثقة إن ربنا شال في قلبه مجهودك وخوفك ده وهيعوضك بكل خير وفرحة تريح بالك وتنسيكي كل التوتر ده لأنك فعلاً تستاهلي كل حاجة حلوة في الدنيا واخوك لما يلاقيكي انسانه ناجحه هيسمع نصيحتك لو تحبي ارشحلك حد يساعدك في حياتك النفسية ؟ وجد والله ربنا يحفظك ويسعدك

Answer

تسيبيهم يعيشوا حياتهم و تجربتهم بطريقتهم ، سهل. اهي ، بس بالنسبة لك صعبة ، ازاي تعملي كده ، ازاي تسيبي حد قريب منك غالي عليكي يبقى حد لا يتوافق مع معاييرك ، ازاي يبقى بيعمل حاجه مش مناسبة ليكي ، وانا هنا مش ببرر تصرفه صح او غاط ده موضوعنا ، تصرفك هو اللي غلط ، انتهاك خصوصية ، افتراض أصلا انه ما بيعملش كده في فترة الجامعه دي مشكلة و تانب ما بقولش ان ده الصح بس ده اتجاه القطيع فمن السذاجه الاعتقاد انه هيختلف عنهم ، و عماله تنصحيهم تنصحيهم تنصحيهم ، ليه ، حد اشتكى لك ، حد جه قالك انا مخنوق ، تعبان ، مش عارف اتصرف ، فيديني ، لأ ، انتي اللي افترضتي ده علشان هما مش زي ما الكتالوج بتاعك بيقول ، فقررتي انك تصلحيهم ، طبيعي جدآ نظرتهم تبقى ليكي كده ، لكن لو تحبيهم حب غير مشروط ، اللي هو كده كده انا بحبكم و متقبلاكم زي ما انتوا و تكوني صاحبتهم من غير نصايح من غير تنظير من غير احكام من غير انتهاك خصوصيات ، هتلاقيهم من نفسهم بييجوا يحكولك و بيطلبوا نصيحتك و ينفذوها، لكن مافيش مراهق هيطلب نصيحة من حد طول الوقت بينصحه طول الوقت شايفه غلط طول الوقت بيقوله بطرق غير مباشرة ان انت مش كفاية ، انت ما تتحبش كده، ان انت لازم تتغير علشان انا اللي هي اختك اللي مكان والدتك تحبك ، رد فعلهم ما هو إلا تجاوب طبيعي تجاه أفعالك ، حبيهم حب صحي و ما تكونيش القطة اللي قتلت عيالها علشان تحميهم ، وبالتوفيق 😊

كيف أتصرف بعد أن عرفت أن أخي يكلم بنات وتأثير هذا على نفسيتي؟

نفسية

اجتماعية

أهل

سؤال من احد أعضاء فدني

تم النشر الخميس، ٢٦ مارس ٢٠٢٦

4 إجابة

2 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك