احنا بنتين وولد إحنا البنتين بتشتغل لأننا أكبر من الولد باكثر من ٥ سنين المهم الولد دا مستهتر ومش بيذاكر وواحد الموضوع بلطجة ووالدتي مدلعاه شوية
هو حالياً في اولى جامعه ماجابش مجموع لأنه ما ذاكرش المهم دلوقتي احنا بنشتغل وهو عاوز زي ماحنا معانا فلوس يكون معاه فلوس ويشتري لبس كتير ويخرج ويسهر
إحنا قلناله وأنت في الجامعه دور على شغل كليتك مش صعبة بس بردك ماعملش حاجة خالص سنه اولى وفي الإجازة دلوقتي عمالين نتحايل عليه ينزل شغل لأنها بيسحب فلوس كتير كل يوم بس هو عايش دور البرستيج وأنه حاجة كبيرة والحاجات دي مش مقامه وعمال يدور على شغل مريح ومجزي ومافيش شغل بالمواصفات دي
واحنا قلنا له دور على شغل تبع مجالك يساعدك أو انزل تدريب
المهم دورنا له على أماكن ينزل فيها تدريب وماراحش ودلوقتي بيقول لقى شغل في مكان بعيد عن البيت وهيسكن في البلد اللي لقى شغل فيها عشان عاوز يجمع ينزل مصيف
المهم أنا كنت بقترح أنه يقعد من الشغل دا وأحنا نديله مصروف أكبر شوية وينزل التدريب دا عشان لو اتدرب هتلاقي شغل سهل تبع مجاله
أنا مش بديله فلوس أصلا اخواته الثانيين وأمه هما اللي بيدوله
بس السؤال هل العادي أو في ناس بيدو لإخوانهم فلوس كتير لو هما بيشتغل واخوهم مش بيشتغل؟
السلام عليكم ورحمه الله وبركاته. المصروف الكبير اللي هو بياخذه او الفلوس والكثير اللي هو بيسحبها من البدايه غلط فزياده الفلوس دي هيكون غلط أكبر هو هيروح شغله هيشتغل بعيد احنا بنقول له لا ليه يعني احنا محتاجين الولد ده يعرف يعني إيه مسؤوليه فبس احنا ممكن نتأكد فعلا من مكان الشغل اللي هو رايح يشتغل فيه ده وانه ليه سكنه وكذلك لانه هو ليه تاريخ في انه مستهتر وانه بيدور على شغل مريح فاحنا ايش عرفنا كده انه الشغل ده شغل مناسب او كويس محتاجين نتأكد من الموضوع ده لانه ممكن يكون في يعني موضوع يجيب مشكله في الاخر فمحتاجين نسيبه يروح ويشتغل ولما نديلهوش مصروف كبير ولا احنا مش هنقعد احنا نرسمله مستقبله زي ما انت بتوصفي ده شخص مستهتر وبيسحب فلوس وعامل برستيج ومعتمد على ان اخواته بيشتغلوا فاحنا مش عايزين الوضع ده يستمر وعايزين ده يفهم معنى الحياه وقيمه الفلوس دي فلو حتى هيفضل قاعد ولو هينزل التدريب ده مش محتاجين ان احنا ندي له فلوس زياده يعني بالعكس احنا محتاجين نقلل له الفلوس وتبقى بس متطلباته والله لو احتاج اشتري لبس ممكن اخواته يقولوا له احنا تكفى البدايه ولكن تحت يعني ميزانيه معروفه مش مفتوحه لانه ده ما بيساهمش ابدا في انه الشخص ده يفهم معنى المسؤوليه والالتزامات وقيمه الفلوس فارجوك خلي بالكم من النقط دي كويس قوي.
تم النشر الثلاثاء، ٢٢ يوليو ٢٠٢٥
حببتي سبيه يروح يشتغل ومحدش يدي فلوس الا الموصلات وتدولوا اكل يعمله هو وتعلموا يعملوا إزاى وخلي يحس قد ايه فرق وجودكَم بعد ما يشتغل بعيد عنكم ومحدش بيخدمه واسألوا عليه ودايما ادعوا قوليلوا انت الراجل بتاعنا وفهموا عليه ايه ووجباته ايه
تم النشر الثلاثاء، ٢٢ يوليو ٢٠٢٥
السلام عليكم، أنا رأيي إنكم لازم تكونوا حازمين أكتر معه لكن بطريقة صح متسببش تمرده. حتى لو هو الأصغر وفي الغالب الأهل بيكونوا بيعطوا مصروف لأولادهم لكن بالوضع اللي حكيتِه فهو حاليًا في سن وظروف تؤهله إنه يكون مستقل وبيكسب دخل خاص. في الغالب من طريقة تعاملكم معه وتساهلكم إنه يعتمد عليكم ويكسل عن الاعتماد على نفسه وإنه يشتغل خاصة بالوصف اللي وصفتِه له ده للأسف هينقلب عليه وعليكم في النهاية، وهيطلع شخص اتكالي طول عمره... مش هيفهم معنى القوامة ولا مسؤولية الرجل عن الإنفاق ومش بعيد لما يتزوج يكون اتكالي على زوجته ويتركها هي تصرف على البيت والأولاد وتتحمل غالب المسؤوليات اللي تخصه ويركن هو على جنب أو يهتم بنفسه ومصاريفه هو بس، زي ما للأسف حاصل في كتير من الأسر دلوقتي. فبلاش تكونوا سبب في إنه يتحول لشخص أناني واتكالي وعديم المسؤولية. ** إن شاء الله الخبراء الأسريين والتربويين ينصحوكِ بالطريقة الصح اللي تتكلمي معه بها وتوجهوا بها عشان يفهم يعني إيه مسؤولية ويعني إيه قوامة ورجولة. تحياتي.
تم النشر الثلاثاء، ٢٢ يوليو ٢٠٢٥
مرحباً أختي العزيزة، شكرًا لمشاركتك تفاصيل وضعكم بكل صراحة. وضعكم يحتاج فهم وتوازن بين الدعم والتحفيز والمسؤولية. أولاً، حول سؤالك: هل من الطبيعي أو "العادي" أن تشتغل البنتين ويعطوا المال للأخ اللي ما بيشتغلش؟ في كثير من العائلات، خصوصًا في مجتمعاتنا، قد يكون من المعتاد أن الأخ الأكبر يحصل على دعم من الأخوات أو الوالدين إذا لم يكن يعمل، لكن هذا الدعم عادة يكون مؤقتًا أو بهدف مساعدته على بدء عمل أو الدراسة. لكن، ما يصير هو استمرار صرف أموال كبيرة على شخص غير مسؤول وليس لديه خطة واضحة، خاصة إذا كانت الأخوات أو الوالدين يشعرون بالضغط والظلم من هذا الوضع. ثانياً، شرح وضع أخوكِ: هو في جامعة وأول سنة لم يجتهد فيها، وهذا طبيعي أن يحصل، ولكن يجب أن يكون فيه قدر من الجدية للنجاح في سنوات الدراسة القادمة. هو يبحث عن شغل مريح ومجزي، وهذا حلم كثير من الشباب، لكن في الواقع، يحتاج يبدأ بأي وظيفة أو تدريب حتى يكتسب الخبرة ويبني مستقبله. يسعى للعيش وحده قريب من مكان العمل لهدف "الاستقلال" أو "التجمع"، وهو أمر يتطلب نضج ومسؤولية مالية، خاصة إذا كان يعتمد على نفسه. نقاط مهمة تنصحك بها: التوازن في الدعم: لا مانع من تقديم مساعدة بسيطة مؤقتة لتشجيعه على الاستمرار في التدريب أو العمل، لكن من المهم أن لا يتحول الدعم إلى عادة تستغل. وضع شروط واضحة: يمكنكم تحديد شروط مثل مثلاً أنه إذا حصل على تدريب أو عمل، يتم تقليل المال المقدم تدريجياً حتى يعتمد على نفسه، وهذا يحفزه على الالتزام والاعتماد على ذاته. تشجيعه على المسؤولية: اجلسوا معه بهدوء وحوار طيب تفهموا وجهة نظره وتشرحوا له ضرورة تحمل المسؤولية، وربط الدعم الذي يحصل عليه بجهده ومشاركته في تحمل الأعباء. تقديم نموذج قدوة: تحدثي معه عن تجربتك أنت وأختكّ في العمل والدراسة والاجتهاد، وكيف أن ذلك سيكون له مستقبل أفضل إن شاء الله. الصبر والتوجيه بأسلوب لطيف: لا تنسي أن بعض الشباب يحتاج إلى وقت وفهم طريقه، ومع دعمكم بشروط واضحة يمكن أن يصلح حاله. نصيحتي لكِ: من حقكِ أن تعملي وتدخلي مالك، وليس من العدل أن يكون هو عالة طويلة الأمد دون ما يبذل جهد. لا تسمحي لنفسك أو أختكّ تحمل عبء مالي وذنب تجاه أخ يتكاسل. شجعيه دائماً لكن بقوة ووضوح حتى لا يظل أسير التواكل. لو ترغبين في نصائح أعمق أو خطوات عملية لتصحيح الموقف، يمكنك مراجعة خبراء التنمية البشرية أو استشاريين في فدني عبر هذه الصفحة: https://www.fedni.net/experts أيضاً أنصحك بالبحث في فدني عن تجارب ومناقشات حول دعم الإخوة، لأن في قصص كثيرة ممكن تقرأي من خلالها وتستفيدين. إذا تحبي، أنا هنا دائماً أسمع لك وأدعمك، لا تترددي في التواصل. دمتِ قوية ومتفهمة، وأتمنى لأخيك بداية تحمل ومسؤولية تليق به وبكم جميعًا. 💪🌸
تم النشر الاثنين، ٢١ يوليو ٢٠٢٥
شغل جمب الجامعة عشان يتحمل المسؤولية و ما يتخربش بيته شيلوه معاكم مسؤولية في البيت عشان في يون هيبقي راجل و هتلاحظو مع الوقت انه بدأ يهتم بمزاكرته
تم النشر الأربعاء، ١٣ أغسطس ٢٠٢٥
لا طبعا مش عادي هو مش حاسس بالمسؤلية وده غلط لازم يتعلم يعتمد على نفسه ويكون راجل بجد لان هو لازم يكون راجل البيت وشكراً
تم النشر الثلاثاء، ٢٢ يوليو ٢٠٢٥
لأ مش عادي فين القوامه المفروض هو اللي يديكم فلوس مش انتو ده لو اتجوز هيبقى من النوع اللي عايز مراته تصرف عليه
تم النشر الثلاثاء، ٢٢ يوليو ٢٠٢٥
لعرض السؤال في فدني اضغط هنا