امبارح كنا عند اختي في بيتها بننظفه لأن زوجها راجع من السفر هي ساكنة في بيت عيله وهي في الدور الأخير المهم احنا طلعنا وهي فضلت تحت تسلم على اخوات زوجها ووالده والأطفال ولاد اخواته طلعوا وإحنا ببنظف فقلنا للأطفال في نص اليوم كده مرة أو مرتين انزلو وفي مرة منهم بيقولو إن طفله من الأطفال بيقولو أننا قلنالهم يلا انزلو عشان صدعنا فالمهم اخت زوج اختي بعتت لها رسالة بتقولها أنتم ليه نزلتو الولاد وكلمتوهم بالطريقة دي كان ممكن ترنو علينا واحنا ننزلهم مع أن إحنا لا زعقنا للولاد ولا قلنا الكلمة دي وحتي لو قلناها كانت في سياق أن الطفلة دي ما تزنش لأنها كانت عاوزه تروق معانا وأصلا وفي نهاية الرسالة راحت قائله أنا من حقي أنا كمان لما اخواتك يجو عندنا أقول لهم ما تدخلوش بيت ابويا عشان مصدعة وقالت لأختي أنا قلتلك من الأول ما تاخديهمش معاكي قالتها أنا متعوده أخدهم وبحبهم ولما بكون خلاص انشغلت ومحتاجاهم ينزلو بقلهم ينزلو قالت لها إنت تقوليلهم إنما اختك تقولهم ينزلو بتاع أي مع أننا في شقة اختي المهم إحنا وضحنالها الصورة وبردك مش مقتنعه فزوج اختي شاف الرسالة لأن اختي بعتتهاله واتخانق معاهم بس هما مصغرين دماغهم ولا عاوزين يعتذرو ومغلطينا والمشكلة كبرت وأحنا كده اتكرشنا واتقل من قيمتنا مش عارفين نعمل إيه وزوج اختي اتخانق معاهم بس هو من كتر تنسيق دماغهم بدأ يتراجع ويحاول يغلطنا مع أنه رن علينا واعتذر و لأن زوج اختي راجع النهاردة من السفر وعاوز يرجع يلاقي اختي في البيت لأنها طول فترة سفرة قاعده معانا في البيت فأنا مش عارفة نعمل اي
تم النشر السبت، ٣١ مايو ٢٠٢٥
@Aalaa Abdulhamid السلام عليكم دكتورة أنا للأسف أنا دائما مزعزة وخائفة وماعنديش ثقة في نفسي خالص أنا حتي من ذبذبتي مش عارفة أقرر مشكلتي ايه أصلا بس دلوقتي حاسة بفراغ وحاسة إني مش بعرف اتصرف وكل ما اقول كلمة لحد أقعد أأنب نفسي جدا وقلت كده ليه وعشان ايه أنا تعبانة جداً والله حتى في الشغل دلوقتي مش عارفة اتعامل مع الناس في الشغل وبرا الشغل طول الوقت دائما حاسة إني أقل من الناس كلها ومش عارفة اتصرف مع أني عندي ميزة إني بفهم الموقف وتوابعه ودا بيخليني تقعد افكر في كل كلمه اقولها عشان بتوقع الأسوأ منها مش عارفة أعمل اي
تم النشر الخميس، ١٥ مايو ٢٠٢٥
أنا حالياً شغاله دكتورة في صيدلية صاحب الصيدلية بيسيب فلوس جوا في الدرج في المعمل والمعمل مش فيه كاميرات الكاميرات برا فأنا لسه ما قبضتش المرتب وأحنا متفقين أصلا إني هسيب الصيدلية آخر الشهر فكنت ناوية النهاردة ابعت رسالة لزوجته لأن تعاملتنا معاها هي إني محتاجة المرتب بكرا لأنه كده أتأخر أوي فالنهاردة بعد ما روحت لقيت زوجته بترن عليا وبتقولي الفلوس ناقصة مبلغ فبتسالني لو حد غريب دخل جوا أو حد من أولادها دخل جوا ناحية الدرج واحد فلوس فأنا قلتها مافيش حد غريب والأولاد أنا ما ركزتش معاهم فأنا حاسة أنهم شاكين فيا أنا كمان وأنا محتاجة المرتب بتاعي لأني مش معايا فلوس مرتب الشهر اللي فات خلص فأنا بسال هل لو بعتلها زي ما كنت ناوية ممكن يشكو فيا أو ما يدونيش الفلوس بكرا لأني محتجها أو يفكرو فيا تفكير وحش أو أنهم يفكرو إني خايفة أنهم ما يدونيش الفلوس بسبب الفلوس اللي مش موجودة دي فأنا مش عارفة الصراحة فيدوني بالله عليكم
تم النشر الأربعاء، ٥ فبراير ٢٠٢٥
أنا دائماً ما بحبش أشتغل في مكان بيتم فيه مشاركة المعلومات الشخصية حتى لو أصحاب العمل هما اللي بيشاركوني بيها. بحب أن الشغل يكون عملي أكثر مبحبش يكون المكان كأنه بيت، يعني في الغالب ما احبش العشم في الشغل يعني ما حبش إن أصحاب الشغل يكونو عشمانين في بزيادة إني أطول عن معاد الشغل أو ادي أكثر من طاقتي عشان هما بيتعاملو كأننا مكان واحد اي نعم أنا وزملائي نكون اصدقاء بس الدنيا ما تكنش سائحة كده
تم النشر الثلاثاء، ١٩ نوفمبر ٢٠٢٤
أنا حالياً شغالة في مكان لسه بقالي أسبوعين والبنت اللي كانت ماسكة المكان قبلي موجودة عشان تدربني وتعودني على المكان على الرغم من أنها مش مضطرة تفضل هي فاضلة عشان أصحاب المكان ناس كويسين ومحترمين جداً وعشان تعلمني أكثر وتزود خبرتي بس ظهر لي فرصة شغل أكثر عائد واريح وأكثر استقراراً وأقرب من بيتي وأقل عدد ساعات وأنا قدمت فيها بس لسه احتمال الرفض أو القبول بس احتمال القبول أكبر فأنا كنت شايله هم الناس اللي أنا معاهم دلوقتي عاوزة اسيب المكان بدري مع أني لسه مش متاكده من الفرصة الثانية عشان لو كده الشخص الجديد اللي هيجي مكاني يلحق يتعلم شوية من البنت القديمة وكمان لو ربنا كرمني بالفرصة الثانية في خلال أسبوعين أو شهر وجالي القبول ما اسيبهمش بعد ما خلو البنت دي معايا وكمان هما كويسين جداً وأنا مش عاوزة اسببلهم أي ضرر عشان لسه هيدورو على حد ثاني على الرغم إني مش متاكده أن فرصة الشغل الثانية دي هتجيلي أصلا بس مجرد خوف أن الناس دول ممكن يحصلهم أي مشكلة حتى ولو بسيطة بسبب إني هسيبهم بعد مدة قصيرة مع أني مش متاكده أصلا مسببالي أرق ووجع ضمير ومش عارفة أعمل اي
تم النشر الأحد، ١٧ نوفمبر ٢٠٢٤
أعتقد تدخله مصحة للتشافي من الإدمان لو اخوتك ساعدوك فيها وخلال الفترة دي اعرفو منه هو عليه كام بالظبط لكن ما تدخلش نفسك في ديون لأن إنت تفكيرك صح إنك لو ساعدته المرة دي أكيد هيعيد الكره فلو كده المشفى الصحي يدخله وحاولوا تجمعوا من بعض وتسدو ديونه وحاول تلتفت لنفسك بعد.كده منها إنت ما خسرتش كل حاجة ومنها بردك رضيت ضميرك وحطيته على الطريق الصح ولو بعد كده لا قدر الله طلع وعمل نفس الأخطاء ما تتصدرلوش في حاجة عشان إنت كده عملت إنت وأخواتك اللي عليك وزيادة وحاول تتواصل مع اخواتك وما تشيلش الليله لواحدك عشان مش هتقدر ولو رفض يدخل المصحة تشاور مع اخوك الأكبر منك اللي من والدك وشوف رأيه أي وتأكد أنك لو رفضت أو قبلت تساعده في كلتى الحالتين إنت مش غلطان ولا هتقصر معاه في حاجة بس إحنا بنعمل بواجب صلة الرحم
تم النشر السبت، ٣١ مايو ٢٠٢٥
بصي أنا كنت نفس موضوعك بس كنت بحاول استمتع بالكلية بأي طريقة كنت بذاكر اللي ينجحني بس هقولك لو إنت لسه في سنة أولي وفي كلية معينة إنت حاباها ومستقبلها حلو اقنعي اهلك وحولي إنما لو مش مجالها حلو ومالهاش مستقبل تعالي على نفسك وكملي في الكلية دي وذاكري واشغلي وقتك في شغل في تطوع في نشاطات في اي حاجة إنت بتحبيها خلي يومك لا يخلو من حاجة إنت بتحبها هتفرق معاكي وتهون عليكي المذاكرة واقنعي نفسك أنه مش دايما لازم اعمل الحاجة اللي بحبها وحطي في دماغك أن الخيرة فيما اختاره الله واعقدي العزم وتوكلي وأن شاء الله ربنا ييسرلك حالك والله يهون عليكي بجد إنك تتميز في المجال اللي إنت فيه دا لو ليه تدريب انزلي فيه وخلي عندك خبره فيه قبل ما تتخرجي هتحسي نفسك مميزة عن اخواتك والناس هتحتاجك
تم النشر الخميس، ١٥ مايو ٢٠٢٥
والله هو الحل الرش وتجيبي الرش بتاع سائل ريد دا أو بخور ولعيه في الاوضة اللي انت هتنامي فيها قبل ما تنامي واقفلي الاوض كلها بس جربنا دا كله وللأسف عشان بنفتح باب الشقة كتير والشبابيك فبيدخل فحاولي تقفلي الشقة كده واقفلي كل الغرف قبل ما تطلعي منها وتطفي الانوار
تم النشر الخميس، ١٥ مايو ٢٠٢٥
مش لازم تثقي في حد لكن لازم تتعايشي معاهم اتعاملي مع كل الناس عادي واعرفي أننا في فترة الناس كلها مشغولة في حياتها وما اعتقدش إن لسه في حاجة اسمها صحوبية أوي أو كده اعملي علاقات وقوي نفسك بنفسك واكبري واهتمي بنفسك وكوني اجمل بنت واقوي بنت ثقي في نفسك وقربي من ربنا وطول مانت واثقة في نفسك وبتعاملي الكل حلو هتلاقي الناس هي اللي بتقرب منك وعاوزين يتعاملو معاكي وحبي نفسك وثقي فيها وصاحبيها ومش بقلك انعزاي عن العالم قدمي الخير للكل واستني من ربنا الجزاء مش من الناس وهتلاقي الجزاء في الدنيا أو في الآخرة أو في الاثنين
تم النشر الأربعاء، ٥ فبراير ٢٠٢٥
فكرة الحلال والحرام لا أستطيع أن افتيكي بها لكن من حيث المبدأ هل هي مخيفة ام لا أو هل تؤثر على تفكيرك الواقعي وأنك بتصدقي إن في حاجات كده ولا لأ في هذه الحالة يمكننا أن نتناقش هل تؤثر في إيمانك بالله أو تقتنعي بما يحصل في هذه الروايات أما أن لم تكن بها سغفك ابحثي عن مواضيع اخرى تستهويكي
تم النشر الأربعاء، ٥ فبراير ٢٠٢٥
إحنا بالفعل قلنالها من شوية إحنا مش زعلانين خالص والغلط من عندهم وأحنا عارفين أنها عاوزة تعمل مشاكل وبعدين إحنا ما نرضاش الأخوات يزعلون من بعض وأحنا مش هنقطع وكده كده هنجيلك بس تعاملنا معاهم هيكون بحدود ووصلناها لحد بيتها
تم النشر السبت، ٣١ مايو ٢٠٢٥
وكمان دلوقتي هما اللي عمالين يكذبونا على الرغم من أننا سكتنا
تم النشر السبت، ٣١ مايو ٢٠٢٥
الفكرة أن جوزها هو اللي كبر الموضوع واتخانق وأحنا أساسا كنا صفينا الموضوع بينا وخلاص
تم النشر السبت، ٣١ مايو ٢٠٢٥
اكشفي أنف واذن ممكن تكون مشكلة إلتهاب حلق إن شاء الله بسيطة أو التهاب في الغدد اللي في الرقبة بس الكشف هو اللي هيحدد
تم النشر الاثنين، ٢٤ مارس ٢٠٢٥
مش عارفة بس بحس أن الأشخاص اللي بتقول أنها ضعيفة بتكون اقوى الناس وقت الشدة مش لازم جسدياً. وأنك تكون أب، أبويا ماكانش احسن اب وبيعاقبنا عقاب وحش لا تتخيله بس في الآخر مهماً حصل حبيناه أنا وأخواتي حب كبير فأعتقد فكرة إنك تكون أب مش صعبة إن شاء الله وأنت لما يكون عندك أولاد تدريجيا هتحسن من نفسك. بس لو بتدور على حل معتقدش إنك هتلاقي حل لأن بالفعل إنت حاطط هدف واحد وهو الانتحار لكن لو شيلته من دماغك كحل ممكن تلاقي إنت الحل من نفسك ما حدش بيفيد حد الفترة دي لو ما قوتش نفسك بنفسك هتفضل على الأرض وفي دائماً حلول بس مش دائماً بتكون سهلة بيكون فيها تعب ومش على هوانا بس بتكون اشغال للوقت إحنا موجودين في الدنيا عشان نعبد ونسعي ونستمتع شوية صغيرين مش كتير وبالنسبة للزوجة لو ربنا كاتب لك الزواج إن شاء الله يرزقك باللي تشفي قلبك وتكون احسن عشانها وتتمني إنك تعيش اطول عشانها وعشان أولادكم. ربنا يرزقك راحة البال ويشفيك ويعافبك ويرزقك قوة وهمم الأنبياء ويكتبلك الخير كله عاجله واجلة ويوفقك في حياتك كلها ويكلل صبرك بكل الخير ويرزقك وظيفة كويسة وزوجة صالحة محبة هينة لينة تصب عليك الحب صبا وأنت تكون زوج صالح هين لين تصب عليها الحب صبا
تم النشر الاثنين، ٢٤ مارس ٢٠٢٥
والله بفكر استني من باب إني ما احملش عليهم وأحاول اتصرف في فلوس خروجة بكرا اللي مخططالها مع اصحابي على الرغم من أني ماكنتش عاوزة أخد من الفلوس اللي على المحفظة الإلكترونية
تم النشر الأربعاء، ٥ فبراير ٢٠٢٥
أساساً الفلوس متاخده من مكان معروف عدد الفلوس فيها وصاحب المكان بعيدهم كل شوية والدرج الرئيسي أساساً تحت ايدي ومش عليه رقابة ومش معروف الإيرادات إلا في آخر الشفت بس من عشرتي ليهم متاكده أنهم هيشكو فيا أنا كمان وأنا اكتر حاجة بتزعلني إن حد يكون شايفني بصورة وحشة أو أكون موجودة في موضع شك
تم النشر الأربعاء، ٥ فبراير ٢٠٢٥
هو المبلغ مش كبير أوي هي لما كلمتني قالتلي المبلغ قالتلي إن الفلوس ناقصة 550 جنيه
تم النشر الأربعاء، ٥ فبراير ٢٠٢٥
من المفضل تتابعي مع دكتور جلدية شاطر وما تعتمديش على التجربة يعني ما تحريش كريمات أو وصفات من نفسك لمجرد أنها عليها فيدباك كويس أو ترشيح من ناس لأن كل بشرة بتختلف عن الثانية بجانب إني حبوب الشباب بيكون أسبابها مختلفه مثلاً خلل هرموني أو عادات سيئة
تم النشر الثلاثاء، ١٩ نوفمبر ٢٠٢٤
أنا حالياً بفكر في مصلحة الناس اللي شغاله معاهم دلوقتي لأني مش معاهم غير من اسبوعين بقول اسيبهم و الشغل الثاني جه أو ماجاش مش مهم بس هما ما يتضروش ولو بنسبة بسيطة عشان ما اشيلش ذنب حد ولو ماجاش الشغل الثاني دا ادور على شغل ومكان ثالث بس احتمال كبير ما يكونش زي الأول هيكون فلوسه قليله طبعا عنه فاهمني؟
تم النشر الأحد، ١٧ نوفمبر ٢٠٢٤
الفكرة إني مش بقالي غير أسبوعين في الشغل دا أنا أي نعم مرهقة جسدياً وفكرياً لأني لسه ما اتعودتش على المكان بس خايفة اكون أنانية بأني استمر معاهم وإن شاء الله يجلي الشغل الثاني وبعد كده اسيبهم
تم النشر الأحد، ١٧ نوفمبر ٢٠٢٤
إذا لم يكن لديك أي اساسيات في اللغة مثل الحروف والكلمات البدائية وهي لغة تتعلمها لأول مرة فابدا بتعلم الخروف والارقام وتكوين الكلمات والجمل من على يوتيوب مثلاً ثم الإستماع لأفلام وثائقية باللغة التي تريدين تعلمها مع وجود ورقة وقلم وتدوين العبارات الجديدة عليك وإن كانت لديك الأساسيات لكن تريد إثراء اللغة وتحسينها و فانتقل إلي الافلام الوثائقيه مباشرة والفيديوهات القصيرة
تم النشر الأحد، ١٧ نوفمبر ٢٠٢٤
لعرض الملف الشخصي في فدني اضغط هنا