اخواتي الصبيان الصغيرين 12 و8 سنين تافهين اوي...دماغهم ملسوحه حرفيا من النت ومش عاوزين يذاكرو ولا يحفظو قرآن ودايما يتعاركو مع بعض ومفيش حنيه او خوف..حتى لما يمشو في الشارع ميمسكوش ايد بعض حتى ونفسي حتي يبقو جادين في مذاكرتهم ..عاوزه مصادر تساعدني ازاي اعرف اخليهم رجاله مسؤله عشان بابا وماما زهقو منهم اصلا
السلام عليكم ورحمه الله وبركاته يا سلمى انت اخت جميله جدا جدا يعني يا ريت كل الاخوات الصبيان عندهم اخت جميله زيك كده اخواتك الصغيرين في سنهم الحالي هم مش محتاجين تصرفاتك انت قد ما محتاجين تصرفات ماما وبابا طب ماما وبابا محتاجين منهم ايه ماما وبابا محتاجين منهم ان هم يبدأوا يحطوا نظام والنظام ده يكون حازم للولاد دول الولاد بتحتاج انها تتربى على تحمل المسؤوليه وتحمل العواقب ودي اهم حاجه ان كل واحد فيهم يبقى عارف انه مسؤول عن تصرفاته ان كل تصرف هو بيعمله يبقى ليه نتايج وهو اللي هيتحمل النتائج دي ما ينفعش انه الامور تعدي كده فلو انا دلوقتي عايزاهم دماغهم تكون افضل وتكون انضاف انا محتاج ان انا احط لهم حدود للنت ما ينفعش انه اصل هو بيقعد يصدعني ويوجعني دماغي ويفضل يقول عايز الموبايل فانا سايب الموبايل في ايده او انا سايب له النت مفتوحه 24 ساعه في طرق كثيره جدا بنقدر نعمل بها النت ان احنا نخليه محدد على على موبايلاتهم على الجهاز اللي هم بيستخدموه او حتى عادي جدا ممكن يجي نقول والله احنا مش هنشغل الراوتر الا في الاوقات الفلانيه او احنا هنمنع الباسورد عن الشخص اللي هنلاقيه مش ملتزم او مبدأش يركز في مذاكرته أو مبدأش إنه يحفظ قرآن سمعت هديلك مثلا مصروفك وتستحق واديلك زيادة فوقيه كمان لازم يكون فيه قواعد هم يبدأوا يشوفوها لما الدنيا تبقى مفيهاش بتتحقق فعلا وهو بيبقى كلام وخلاص الولاد دولت مش هيوصلوا لأي حاجة يا ريت توصلي الكلام ده لماما وبابا علشان يظهر أي تغيير في تصرفاتهم وفي اهتمامهم بالأمور اللي تخصهم دي اول نقطه. ثاني نقطه بقى يا جميله وهو مساله انهم طول الوقت بيضربوا في بعض او بيتخانقوا مع بعض او الموضوع بيقضوه كل ضرب خليني أنبهك للنقطه انه دي تصرفات الولاد وده بالنسبه لهم في اغلب الوقت هم بيلعبوا يعني هتلاقي نفسك لما بتيجي تدخلي ما بينهم انت ليه بتضربه انت ازاي كده ازاي بتستحمل كده هتلاقيهم بعد شويه حتى لو انت يعني افتكرتي دي خناقه وصالحتي ما بينهم هم بيرجعوا يتعاملوا مع بعض عادي جدا وانت تبقي فاكره انه المفروض هيقعدوا فتره وما يتكلموش بعض بقى او مش هيلعبوا اللعبه دي تاني او مش هيضربوا بعض كده ثاني ولكن هو بالنسبه لهم الموضوع بيكون الطريقه بتاعه الولاد في في التواصل هم بيتواصلوا مع بعض بانهم يزقوا بعض بانهم يشقلبوا بعض في الارض فده يعني طريقه هي عند الولاد عادية دي نمره واحد مساله بقى ان مفيش حنيه او مفيش خوف على بعض لا هو مش لازم يمسكوا ايد بعض في الشارع خالص. الولاد بالنسبه لهم الامور دي لو هم ما تربوش على مساله العاطفه دي وهي كانت حاجه موجوده في البيت يعني كل اللي في البيت بيعملوها عادي فهما بقوا بيعملوها عادي منهم وهم صغيرين لا هم هيطلعوا شبه المجتمع اللي حوالينا انه لا الولاد مش بيظهروا العاطفه بتاعتهم وهي دي الرساله اللي هتكون واصله لهم اصلا من البيت ان هو يعني الطريقه للاب والام اتعاملوا بيها. عموما مش هيتعاملوا بشكل عاطفي والامور دي طبعا ان انا امسك ايدك واحنا ماشيين هات ايدك لا انا خايف عليك هو مش هيعبر عنها بالطريقه دي هو بيحبوا بعض وبيخافوا على بعض لكن مش هيعبروا عنها بالطريقه دي ما تقلقيش يعني مش لازم يكون في مشكله.
تم النشر الثلاثاء، ١٥ يوليو ٢٠٢٥
السلام عليكم يا سلمى، أفهم تماما شعورك وأقدّر مدى الضغط النفسي اللي بتعيشيه مع صغارك ومع حالتهم دي. التعامل مع مشكلات مثل التفاهة، قلة التركيز، كثرة المشاحنات بين الأخوة، وعدم الجدية في المذاكرة أمر شائع في سنهم، خصوصًا في ظل تأثير الإنترنت وغياب الحنان أو الانضباط المناسب. خليني أساعدك بخطوات عملية ونصائح مبنية على علم النفس والتربية مع لمسة إسلامية تساندكم: أولاً: فهم الأسباب تأثير الإنترنت: الأفكار السطحية والكثير من التنقل السريع بين محتوى غير مفيد يجعل الطفل "مملوح" كما وصفتِ، أي غير مركز. قلة الحوافز: إذا الأولاد لا يشعرون بالاهتمام الحقيقي ولا بالتشجيع، طبيعي يكون عندهم نقص دافع للمذاكرة أو حتى الالتزام الديني. ضعف التواصل والحنان: تأثيره كبير جداً على سلوك الأطفال وتصرفاتهم مع أهلهم وإخوتهم. ثانياً: خطوات عملية لتحسين الوضع وضع قواعد وقيود واضحة على استخدام الإنترنت والتلفاز: حددي أوقات معينة فقط للاستعمال، ويكون المحتوى مفيد أو ترفيهي له قيمة. اجعلي المذاكرة عادة وليس مهماً مؤقت: حددي أوقات يومية للمذاكرة مع فترات زمنية قصيرة تساعد على التركيز (مثلاً 25 دقيقة مذاكرة ثم 5 دقائق راحة). ادخلي الحفظ والقراءة كجزء من الروتين بدعم إيجابي: مش لازم تضغطيهم، بل تقدمي لهم الحفظ على شكل قصة أو تنافس يحفزهم، ولا تنسي ذكر فضل القرآن وأهميته في حياتنا. تقوية روح المحبة واللين بينهم: شجعيهم يلعبوا مع بعض، يساعدوا بعض، ومش تتشددي في كل مشكلة فتكسرِ نفسيتهم، لكن لا تتنازلي عن مراعاة الأدب والاحترام. كوني قدوة حسنة: التصرف الجدّي والمسؤول أمامهم سيترك أثر كبير. ثالثاً: تنمية المسؤولية كلفيهم بمهام بسيطة داخل البيت وفق أعمارهم مع تشجيعهم إنجازها بانتظام. اجعلي النقاش معهم حول كيف يصبح الإنسان مسؤول وليس مجرد التوبيخ . استخدمي مكافآت تشجيعية بسيطة عند تحقيق تقدم. رابعاً: طلب مساعدة خارجية عند الحاجة ربما يكون من المفيد الاستعانة بخبير تربوي أو استشاري مختص لمساعدتك في وضع خطة أكثر ملاءمة لطفلك وبالأخص الذين تأثرت سلوكياتهم كثيراً. على موقع فدني يمكنكِ إيجاد خبراء تربويين أو مستشارين يمكنهم تقديم استشارات شخصية متخصصة. هنا رابط الخبراء سلمى، اعرف أن الأمر ليست سهل، لكنه مشروع جميل وصعب بنفس الوقت. لا تيأسي، وخلي عندك إيمان كبير بأنك قادرة على إحداث الفرق بإذن الله. ممكن تبدأي بالخطة خطوة خطوة وتطلبي مني أي دعم أو نصيحة. هل تحبي أن أساعدك بتمارين أو أفكار لجعل الوقت مع الأطفال أكثر متعة وتساهلا مع المذاكرة؟ أنا معاكِ دايماً يا سلمى، وأتمنى لكِ ولصغارك التوفيق والنجاح. 🌷
تم النشر الثلاثاء، ١٥ يوليو ٢٠٢٥
بالمسايسه بمعني متفرضيش عليهم حاجه سبيلهم الاختيار ليهم وحولي تشركيهم بمعني متقوليش يالا قوم ذاكر كده بتفرضي عليه ولكن قولي تحب تذاكر دلوقتي ولا بليل او قبل الاكل ولا بعد الاكل وسيبي هو يكرر هيقولك مثلا اخر النهار اوبعد الاكل يعني حولي تخلي كلامك معاهم يكون ليهم الاختيار وهنا هيحسه بأنهم مسئولين أنهم بياخده قرارات وهتلاقيهم شخصيتهم اتغيرت وهيحسه معاكم بالأمان لانكم بتكبرهم قدام نفسهم ولو خده التلفون يلعبه في قلولهم هتلعبه نص ساعه ولا ساعه اكيد هيختاره الساعه وبعد الساعه هيسيبه فون لأنهم هما اللي اختاره ياريت يكون وجهت نظري افاتدك
تم النشر الثلاثاء، ١٥ يوليو ٢٠٢٥
الحقيقة أن الإنسان دائماً بيتأقلم مع الوضع سريعاً، يعني لو قفلتي النت عنهم هيضايقو يومين، وبعد كده هيتعود على فقدان النت. ومتسمعيش حد يقولك خديهم على قد عقلهم؛ لأن طول مافي نت هيعملوا مشاكل مع بعض؛ يبقى الحل نقطع أو نمنع (مسبب المشكلة). وفيه حاجة مهمة جداً جداً جداً وهي، الانضباط في الصلاة وحفظ القرآن الكريم؛ لأن الولد طول ما شايف الوضع فيه تساهل، بيزداد سوء فهم للآخرين. لازم ولابد أنك تضغطي عليهم وتوجيههم وتعرفيهم واجباتهم بجد مش هزار؛ لأن فيه ناس لو محططيش خطوط توجيهية لمسارات حياتهم، (يشرد منك )، وبعد كده مش هتعرفي تتحكمي في تصرفاتهم.
تم النشر الجمعة، ١٨ يوليو ٢٠٢٥
اسمعي صولافا سليم و دروس تربوية هتساعدك كثير
تم النشر الخميس، ١٧ يوليو ٢٠٢٥
شجعيهم مثلا اللي يخلص اي حاجه يكون ليه مكافأه
تم النشر الخميس، ١٧ يوليو ٢٠٢٥
بصي الموضوع بسيط جدا خديهم علي قد عقلهم ازاي مثلا قولي لهم تعالوا نعمل مسابقه الي هايتوضي احسن ذي كده هايكسب واديله مكافاه وهاكذا بقا في كل حاجه
تم النشر الخميس، ١٧ يوليو ٢٠٢٥
شيلي منهم الموبايل والنت اسحبيهم خالص وشوفي هيتغيرو ازاي واسمعي دروس تربويه هتقدرى تساعديهم وتربيهم صح
تم النشر الثلاثاء، ١٥ يوليو ٢٠٢٥
لعرض السؤال في فدني اضغط هنا