Salma atia Hemdan

بإمكانك الانتساب إلي معهد إن كانت حالتك الماديه مناسبه.. سواء معهد جوته او اوس داي ومعاهد كتير معتمده بس فلوسها كتير.. أما لو هتتعلمي لوحدك ف ده عاوز عزيمه وصبر منك.. ممكن تدوري علي اليوتيوب عن استاذ بيشرح من كتاب واسمعيله كل الحلقات.. او اشتري كتاب مثلا عن طريق الفيس بوك.. (لان الكتب بتيجي بالطلب من المانيا)وشوفي شرحه علي النت اي .. واسمعي كتير اسمعي واسمعي واسمعي.. متحاوليش تتكلمي ف الاول.. اسمعي واحفظي واتعلمي قواعد.. ممكن بعد ٤ شهور من التعليم الجاد او ٥ او سنه زي متحبي.. ابدأي ادخلي علي منصات وكلمي ناس من المانيا شات او صوت.. جربي وقولي تجربتك كانت ممتعه ولا لا🌝

إحساسك بالفشل بيبدأ من مفهومك للفشل نفسه.. او طريقه تفكير البيئه الي حوالكي.. بالنسبالك الفشل هو انك معملتيش حاجه إنجاز ف حياتك مثلا. .. او مكوننيش صداقات او حتي درجاتك وحشه.. لكن هل ده فعلا اسمه فشل؟ وامته اقول علي نفسي فشلت؟ واي الخطوه الي بعد الفشل... اولا خلينا متفقين ان الحياه مرعبه ومليانه تحديات وعوائق ومش كلها ورديه.. زي م ربنا قال (لقد خلقنا الانسان في كبد) تعب ومشقه.. ف خليكي ديما مقتنعه ان الحياه صعبه عليكي وعلي غيرك وخدي التحديات وحاولي فيها.. طب افرضي معرفتيش تجيبي درجات معينه او معرفتيش تدخلي كليه احلامك؟ اي هو الفشلل اصلا؟ امته تقولي انك خلاص فشلتي ومعدش فيه امل.. لما تدخل النار ربنا يعافيكي ويعافي المسلمين جميعاً يارب... طيب ربنا سبحانه وتعالي لما جه يخاطب الناس الي عملو ذنوب كتير وهيدخلو النار لو كملو ذنوب.. يعني دخ يعتبر فشل حقيقي بقا... واحد زنا او واحد شتم او واحد مش عارف يصلي.. ربنا قالهم (يا ايها اللذين اسرفوا علي أنفسهم لا تقنطو من رحمه الله)... بصي قال اي؟ مقالش يا ايها الفاشلون.. الاسلام لغي كلمه الفشل دي .. مفيش حاجه اسمها فشل . لكن في محاوله وثقه في الله.. الصحابي الجليل ابو خيثمه الانصاري لما الرسول عليه الصلاه والسلام راح غزوه تبوك وبعض الصحابه تخلفو عن رسول الله.. كان منهم ابو خيثمه.. هو لما حس انه عمل حاجه غلط مقالش لأ راحت عليا خلاص ومفضلش يعيط ولا حس بندم.. لأ ركب الحصان بتاعه لوحده ولحق بالرسول عليه الصلاة والسلام بعدها بأيام.. لحق بيهم .. اما باقي الصحابه نزل فيهم سوره خلتهم يندمو طول عمرهم.. تخيلي لو ابو خيثمه عمل زي باقي الصحابه الي تخلفو ؟ بس هو كان عنده همه.. حتي في اخر لحظه مكنش مؤمن بالفشل نهائي.. مفيش حاجه اسمها ظروفي ومفيش حاجه اسمها نصيب.. اه احنا مؤمنين بالقدر خيره وشره بس اسمعي الحديث ده الاول... الرسول عليه الصلاة والسلام بيديكي خلاصه النجاح.. الْمُؤْمِنُ الْقَوِيُّ خَيْرٌ وَأَحَبُّ إِلَى اللهِ مِنَ الْمُؤْمِنِ الضَّعِيفِ، وَفِي كُلٍّ خَيْرٌ، احْرِصْ عَلَى مَا يَنْفَعُكَ، وَاسْتَعِنْ بِاللهِ وَلَا تَعْجَزْ، وَإِنْ أَصَابَكَ شَيْءٌ، فَلَا تَقُلْ لَوْ أَنِّي فَعَلْتُ كَانَ كَذَا وَكَذَا، وَلَكِنْ قُلْ قَدَرُ اللهِ وَمَا شَاءَ فَعَلَ، فَإِنَّ لَوْ تَفْتَحُ عَمَلَ الشَّيْطَانِ». الخطوات بدايه من: ١-احرص علي ما ينفعك.. (نسب اول خطوه للإنسان.. بل الانسان علي نفسه بصيرا.. انتي ادري بمصلحتك اي يضرك واي ينفعك) ٢-استعن بالله (بصي الاستعانه جت ف الخطوه التانيه اهي.. يعني لازم سعي منك الاول .. لانك بتتوكلي مش بتتواكلي) ٣- لا تعجز (او باللغه الدارجه لا تفشل.. اوعي تحسسي نفسك بالعجز.. حاولي مره واثنين وعشره ومليون توماس اديسون فشل ٩٩ مره قبل ميخترع المصباح لكن هو مفسرش ده بالفشل.. بالعكس قال: انا اكتشفت ٩٩ طريقه خاطئه لصناعه المصباح) شوفي طريقه التفكير بتاعتهم اي؟ ٤-ولا تقولن لشيء لو كان كذا لكذا ولكن قدر الله وما شاء فعل.. (اوبااااااااا شوفتي القدر جه امته بقا.. النصيب والقدر الي انتي زعلانه عشانه ومفكره انه هو السبب ف عدم نجاحك.. جه ف الاخر بعد معملتي الاسباب ولما تعملي كل ده وربنا مقدرش يبقا ده خير فعلا زي الحديث مقال) ربنا يثبتك ويرفع شأنك ويحبك اللهم امين.. احرصي علي الدين زي م انتي بتحرصي علي الدنيا.. استبدلي كلمه فشل دي الغيها من حياتك حتي لو المجتمع الي حواليكي قالها انتي عرفتي خلاص انها كلمه متحطيهاش في قاموسك... خدي بالك مخك الي بيدي معاني للكلام.. مثلا لو حد صيني جه قالك 失败者 هتزعلي؟ اكيد لا😂 لان الكلمه مش في قاموسك وملهاش معني رغم ان الكلمه معناها فاشل بالصيني واحده واحده حاولي تحرصي علي منفعتك واستعيني بالله.. ربنا يعينك ي اختاه

https://youtu.be/pJ0auP7dbcY?si=6hfbFbweqjKPtY_k ممكن تسمعي ده هتستفادي ان شاء الله

السلام عليكم ورحمه الله وبركاته... انت مش سايب لنفسك وقت خالص تركز في حاجه.. الشغل لازم بس ركز علي محل البرفيوم لان شغله هادي ومرتب مضمون اخر الشهر...كلم خطيبتك تأخرو جوازكم شويه وهي اكيد هتتفهم ...والوقت الي فاضي خلي همك كله انك تخلص الكليه بأي شكل من الاشكال....ولو والدك يقدر يساعدك ماديا الحبه دول وانت تذاكر ماشي.... وقوله يا عم ده دين هرجعهولك لما اخلص.....لازم تبقا جاد في الموقف الي اتحطيت فيه الاول وهي الجامعه... متحرقش نفسك بحجات كتيرر والوقت كده كده هيعدي...وربنا يوفقك للي فيه الخير

معظم الاباء كده ...انتي إجتهدي في الكليه بتاعتك بما يرضي الله وهو لازم يشوف إجتهادك ده عشان يرضي عليكي... إقعدي كلميه زي صحبك وفهميه وخلي ممتك تكلمه ميضغطش عليكي....الفكره ان ده مش ذنبه انه عايزك اعلي حاجه في الكليه ..حتي انتي صدقيني هتعملي كده مع عيالك... إقعدي ذاكري عشانه هم كام سنه يعني وادعي ربنا انه يخفف حملك والضغط النفسي بتاعك...وربنا يوفقك لما فيه الخير

ابعد عن الارتباط طالما انت مش مقبل علي زواج دلوقتي... ولو انت مقبل علي زواج لازم تعرف ان الزواج والارتباط نعمه كبيره من ربنا..والزواج سكن وسعاده وإرجع للقرءان.. إقرأ واسمع عن معاناه الناس في الزواج وإن فيه نساء ورجال وصلو لل٤٠ ولسه مش قدرين يرتبطو... الملل في العلاقات سببه ممكن ان الشخص مش مناسب وده طبيعي .. او ان مفيش هدف من الارتباط بالشخص ده.. إقرأ في احكام النكاح والزواج واعرف السنن عشان تعرف تختار البنت المناسبه الي ترتبط بيها وتكون ام لأولادك ...عندك مثلا قصه جليبيب وغيرها من قصص الزواج الرائعه في عهد الرسول وبعده... ووفقك الله لما هو صواب

السلام عليكم ورحمه الله السنه طويله فعلا بتاعت الثانويه وانا مكنتش اعرف كده غير لما خرجت منها السنه الي فاتت.. الموازين اتقليت وناس كلو كان فاكرها شطره جابت مجموع قليل.... الشاطر الحقيقي هو الي بيشتغل وهو ساكت ميعرفش حد... مش لازم تجاوبي علي كل اسأله المستر ومش لازم تجيبي درجه عاليه في الامتحان...انتي بتنشني علي هدف الامتحان النهائي... اهم حاجه تذاكري وتفهمي المواد صم زي اسمك وحتي لو جبتي١٠١٪ هتتقارني بواحد جاب ١٠٢٪ طالما جت مقارنه من الاول... حبي اهلك وحبي نفسك وحبي الفتره الي انتي فيها واجتهدي وخلي نيتك اسعاد نفسك واهلك..🤍بندعيلك كلنا فاستعيني بالله المشوار طويل ومش عاوز مشاكل في النص

الفكره اني زيك كده عندي عقده من الشارع لدرجه اني بطلت من الدروس في الثانويه وخدت اون لاين بسبب المشكله دي... كلمت ماما فقالتلي اقعدي اذكري الله وانتي مشيه ركزي في الي بتقوليه وحاولي تنسي... ونا بقولك امشي وكأن مفيش حد في الشارع غيرك امشي بثقه وادربي مره واتنين وتلاته اطلعي مشاوير كتير ...الموضوع مش هيجي من اول مره لازم تجمدي قلبك وتحاولي ١٠٠٠٠ مره بثقه ...اعرفي ان كل الناس الي مشيه معاكي دي او بتبص عليكي لو ربنا كشفلنا حياتهم مش هيقدرو يمشو بالثقه دي او يعاكسو البناات..... في بنات مش مسلمه بتمشي بفخر وثقه...طب وانتي؟ ده انتي اولي بالثقه دي... البسي واسع عشان مش كل شويه تركزي جسمي باين ولا لأ... سبحي وادربي كتير واعملي كجدول كيوت .. اعملي صح في اليوم الي تخرجي فيه من البيت وتمشي بثقه وادعي ربنا كتير في الصلاه.... واحنا بندعيلك يا جميله

الي ممكن متحتاجيلهوش النهارده هتحتاجيلي يوم من الايام... خلي كل الناس تحبك بس انتي اوعي تتعلقي بحد.. حتي اصحابك الي معاكي متقوليش اسرارك مثلا ليهم... وده ممكن ميأثرش دلوقتي علي حياتك بل بالعكس هيريحك اكتر لان معامله الناس متعبه لكن انتي بتعملي للمستقبل.

جميع الكليات تتساوي في نظر الطالب المتفوق وابسط الكليات تقدر تشتغل منها حلمك..... اختار وصلي استخاره وبلاش كليه خاصه ...لو كده اطلع بره احسن لان التعليم في مصر كله بيتساوي ف الاخر... عشان كده لو هتدخل خاص يستحسن بره... لكن انا بنصحك بالبيزنس لانه مجال عملاق سوصلك اي حته

يا حبيبتي ... اعانك الله علي ما انتي فيه.. مريتي بماضي وحش بس احنا لازم نتغير...مين قال ان التخان اوحش فئه في المجتمع...خليكي متفتحه وخدي التنمر بهزار وحبي نفسك.. الحمظ لله انك بتاكلي كويس دلوقتي..لازم تشوفي مجتمع تاني تقعدي مع ناس تخينه كتير مثلا...مقريتيش حديث لافرق بين اعجمي ولا عربي الا بالتقوي ... اهلك مش هيتغيرو متحاوليش لكن انتي تقدري... شوفتي اتحسن اكلك ازاي الحمد لله استعيني بالله واختلطي يناس كتير والله هتلاقي مشكله التخن والرفع دي اخر حاجه الناس بتفكر فيها

جمدي قلبك وعيشي ...اتلعثمي براحتك بس المهم انك تسمعي بودكاست اكتر وتقرأي اكتر وتشوفي ناس بتتكلم عشان تتعلمي منها.... الحمد لله ان تقديرك حلو وكملي ف كده لانه مش لازم نعمل المستحيل بس لو تقدري تضغطي نفسك اكتر اعملي كده لو مقدرتيش خللص انتي بتعملي استطاعتك... وكلنا بندعيلك

السلام عليكم بتكلم عن تجربه لأني مأجله سنتين بردو....هفكرك بجمله جميله في المصحف (يريد الله ان يخفف عنكم وخلق الانسان ضعيفا) ربنا عارف انك ضعيف وهتضعف اكتر لما تبعد عنه..الحل للمشاكل النفسيه الاولي هو الالتزام بالصلاه فقط لا غير ..لازم تسمع حاجات ترقق قلبك وتزيل الهموم دي... تاني حاجه انت بقيت راجل مسؤول في العيله ولازم تشتغل وتعين اسرتك وده واجب عليك طبعا وبالنسبه للتأجيل احنا لسه في بدايه السنه وفرصه جديده من ربنا عشان تعدل اسلوب حياتك مش شرط مجموع عالي...اهم حاجه الحياه الناجحه ... في نقطه مهمه لازم تعملها وانت داخل السنه الجديده...احذف ارقام الناس كلها وامسح السوشيال...دي خطوه بسيطه بتفرق جدا جدا رغم كدهالناس مش بتعملها .. بالنسبه للاغاني الي بتسمعها وتفضل تتخيل...دي عند كل الناس ومعايا شخصيا لدرجه اني زهقت من كتر مبتخيل حجات مستحيل تحصل.. وجربت اكتب قصص عشان ابعد عن الاغاني واحط افكاري في الورق..جربها.. اكتب خواطرك كل ميجيلك التخيلات دي.. بالنسبه للقرايب الحسوده ..دي موجوده عند كل الناس وعلاجها التجاهل اقعد مع ممتك فهمها قولها يماما انا بعمل الي اقدر عليه ميهمش مجموعي لانه مينفعش مجموع يأثر علي علاقتنا ببعض...اقعد معاها كتير هزر واضحك وكل لب وشاي وحسسها ان مجرد وجودك بالدنيا كلها وتولع الشهاده..الي يجيبه ربنا حلو.. وللاسف انت عندك قله ثقه في نفسك وفي رأيك.. ممكن بسبب حاجات مرت في حياتك... وحلها مش في يوم وليله حلها انك تجمد قلبك وتعمل اي حاجه .. طالما هي مش حرام .. خلي همك الاول والاخير ترضي اهلك وربك الباقي تقدر تعامله كأنه شخص في المواصلات هيمشي ومش هتشوفه تاني... انت مش بتحب تتكلم يمكن عشان مش بتقرأ كتيير ومعندكش معلومات عشان كده بتتهمش الحل تجمد قلبك بردو... مش لازم يضحكو علي النكته بتعتك يعني ومش لازم يبصولك وانت بتتكلم اهم حاجه تعرفهم ان فيه انسان قاعد عنده مشاعر وبيتكلم وعنده رأي ..... هقولك حاجه.. طالما كل حاجه لازم تكون متروقه وانت بتذاكر سيب الدنيا دي واطلع فوق السطح مثلا مش عرفه اقول ايه .. لازم تتعود علي الكركبه شويه.. انا عرفه انك بتتعب في الترويق عشان كده بتتضايق لما تتكركب تاني .. احسنلك تركز في المهم ..حياتك مهمه انت ليه مهمش نفسك كده بقا استعين بالله مليون مره وابدأ ... مش كله بيجي مره وحده اهم حاجه الروتين تستمر عليه...اقعد كلم نفسك انت مين وبتعمل ايه ...كلم ربنا باليل وقوله انت عايز ايه.. اسمع للشيخ حازم شومان مقاطع جميله والغي قنوات الاغاني الي منعاك تبقا اجمد شخص في الدنيا دي كلها🤍كلنا معاك وبندعيلك واوعي تهمش نفسك لانك جزء من المجتمع ده