انا هدخل معهد اداري... كإني داخلة كليه تجاره...اي هي الكورسات المعتمده دوليا الي ممكن اخدها تعلي السي في عشان حلمي اشتغل في شركه
تم النشر الثلاثاء، ١٩ أغسطس ٢٠٢٥
علماء الدين.....الرسم حرام ؟ ناس ياما افتو والاكتر بيقول حرام ...... انا برسم انمي بقالي ١٠ سنين ممكن من الطفوله وكان نفسي لما اكبر احسن من نفسي اكتر بس في رمضان الي فات خفت الا يكون حرام الي بعمله ... فحرقت كل كراسات رسمي من الطفوله لحد الان رغم كل الذكريات وكل التعب وكل المشاعر.. اتحرق كل ده قدام عنيا لا وكمان حرقت قصص كنت بكتبها ... قلبي محروق دلوقتي رغم انه عدا تقريبا ٤ شهور ونا كل مشوف صوره انمي ازعل واتحسر اني مش برسم زيهم.... مبعرفش ارسم طبيعي والرسم كان كل حاجه بالنسبالي... معدش ليا نفس ارسم او اكتب قصص ومحدش بيشجعني من عيلتي ... حتي جبت درجه وحشه ف الثانويه .... نفسي ارسم نفسي ارسم كل شويه بقولل كده ...... مع العلم كل الي بقالي هو صور علي الفون.... مقدرش امسحها..
تم النشر الأربعاء، ٣٠ يوليو ٢٠٢٥
تنسيق العام نزل ولا لسه عشان مش فاهمة حاجه من النت
تم النشر الاثنين، ٢٨ يوليو ٢٠٢٥
عاوزة خبره من ناس دخلوا كليه تجاره او فيها... هي صعبه فعلا؟ ولا هم فاشلين؟ هل اداره الاعمال ليها شغل فعلا ولا كله واسطات؟
تم النشر الاثنين، ٢٨ يوليو ٢٠٢٥
اخواتي الصبيان الصغيرين 12 و8 سنين تافهين اوي...دماغهم ملسوحه حرفيا من النت ومش عاوزين يذاكرو ولا يحفظو قرآن ودايما يتعاركو مع بعض ومفيش حنيه او خوف..حتى لما يمشو في الشارع ميمسكوش ايد بعض حتى ونفسي حتي يبقو جادين في مذاكرتهم ..عاوزه مصادر تساعدني ازاي اعرف اخليهم رجاله مسؤله عشان بابا وماما زهقو منهم اصلا
تم النشر الثلاثاء، ١٥ يوليو ٢٠٢٥
السلام عليكم ورحمه الله وبركاته... انت مش سايب لنفسك وقت خالص تركز في حاجه.. الشغل لازم بس ركز علي محل البرفيوم لان شغله هادي ومرتب مضمون اخر الشهر...كلم خطيبتك تأخرو جوازكم شويه وهي اكيد هتتفهم ...والوقت الي فاضي خلي همك كله انك تخلص الكليه بأي شكل من الاشكال....ولو والدك يقدر يساعدك ماديا الحبه دول وانت تذاكر ماشي.... وقوله يا عم ده دين هرجعهولك لما اخلص.....لازم تبقا جاد في الموقف الي اتحطيت فيه الاول وهي الجامعه... متحرقش نفسك بحجات كتيرر والوقت كده كده هيعدي...وربنا يوفقك للي فيه الخير
تم النشر الجمعة، ٨ أغسطس ٢٠٢٥
معظم الاباء كده ...انتي إجتهدي في الكليه بتاعتك بما يرضي الله وهو لازم يشوف إجتهادك ده عشان يرضي عليكي... إقعدي كلميه زي صحبك وفهميه وخلي ممتك تكلمه ميضغطش عليكي....الفكره ان ده مش ذنبه انه عايزك اعلي حاجه في الكليه ..حتي انتي صدقيني هتعملي كده مع عيالك... إقعدي ذاكري عشانه هم كام سنه يعني وادعي ربنا انه يخفف حملك والضغط النفسي بتاعك...وربنا يوفقك لما فيه الخير
تم النشر الجمعة، ٨ أغسطس ٢٠٢٥
ابعد عن الارتباط طالما انت مش مقبل علي زواج دلوقتي... ولو انت مقبل علي زواج لازم تعرف ان الزواج والارتباط نعمه كبيره من ربنا..والزواج سكن وسعاده وإرجع للقرءان.. إقرأ واسمع عن معاناه الناس في الزواج وإن فيه نساء ورجال وصلو لل٤٠ ولسه مش قدرين يرتبطو... الملل في العلاقات سببه ممكن ان الشخص مش مناسب وده طبيعي .. او ان مفيش هدف من الارتباط بالشخص ده.. إقرأ في احكام النكاح والزواج واعرف السنن عشان تعرف تختار البنت المناسبه الي ترتبط بيها وتكون ام لأولادك ...عندك مثلا قصه جليبيب وغيرها من قصص الزواج الرائعه في عهد الرسول وبعده... ووفقك الله لما هو صواب
تم النشر الأربعاء، ٦ أغسطس ٢٠٢٥
السلام عليكم ورحمه الله السنه طويله فعلا بتاعت الثانويه وانا مكنتش اعرف كده غير لما خرجت منها السنه الي فاتت.. الموازين اتقليت وناس كلو كان فاكرها شطره جابت مجموع قليل.... الشاطر الحقيقي هو الي بيشتغل وهو ساكت ميعرفش حد... مش لازم تجاوبي علي كل اسأله المستر ومش لازم تجيبي درجه عاليه في الامتحان...انتي بتنشني علي هدف الامتحان النهائي... اهم حاجه تذاكري وتفهمي المواد صم زي اسمك وحتي لو جبتي١٠١٪ هتتقارني بواحد جاب ١٠٢٪ طالما جت مقارنه من الاول... حبي اهلك وحبي نفسك وحبي الفتره الي انتي فيها واجتهدي وخلي نيتك اسعاد نفسك واهلك..🤍بندعيلك كلنا فاستعيني بالله المشوار طويل ومش عاوز مشاكل في النص
تم النشر الاثنين، ٤ أغسطس ٢٠٢٥
الفكره اني زيك كده عندي عقده من الشارع لدرجه اني بطلت من الدروس في الثانويه وخدت اون لاين بسبب المشكله دي... كلمت ماما فقالتلي اقعدي اذكري الله وانتي مشيه ركزي في الي بتقوليه وحاولي تنسي... ونا بقولك امشي وكأن مفيش حد في الشارع غيرك امشي بثقه وادربي مره واتنين وتلاته اطلعي مشاوير كتير ...الموضوع مش هيجي من اول مره لازم تجمدي قلبك وتحاولي ١٠٠٠٠ مره بثقه ...اعرفي ان كل الناس الي مشيه معاكي دي او بتبص عليكي لو ربنا كشفلنا حياتهم مش هيقدرو يمشو بالثقه دي او يعاكسو البناات..... في بنات مش مسلمه بتمشي بفخر وثقه...طب وانتي؟ ده انتي اولي بالثقه دي... البسي واسع عشان مش كل شويه تركزي جسمي باين ولا لأ... سبحي وادربي كتير واعملي كجدول كيوت .. اعملي صح في اليوم الي تخرجي فيه من البيت وتمشي بثقه وادعي ربنا كتير في الصلاه.... واحنا بندعيلك يا جميله
تم النشر الجمعة، ١ أغسطس ٢٠٢٥
الي ممكن متحتاجيلهوش النهارده هتحتاجيلي يوم من الايام... خلي كل الناس تحبك بس انتي اوعي تتعلقي بحد.. حتي اصحابك الي معاكي متقوليش اسرارك مثلا ليهم... وده ممكن ميأثرش دلوقتي علي حياتك بل بالعكس هيريحك اكتر لان معامله الناس متعبه لكن انتي بتعملي للمستقبل.
تم النشر الخميس، ٣١ يوليو ٢٠٢٥
جميع الكليات تتساوي في نظر الطالب المتفوق وابسط الكليات تقدر تشتغل منها حلمك..... اختار وصلي استخاره وبلاش كليه خاصه ...لو كده اطلع بره احسن لان التعليم في مصر كله بيتساوي ف الاخر... عشان كده لو هتدخل خاص يستحسن بره... لكن انا بنصحك بالبيزنس لانه مجال عملاق سوصلك اي حته
تم النشر الأربعاء، ٣٠ يوليو ٢٠٢٥
يا حبيبتي ... اعانك الله علي ما انتي فيه.. مريتي بماضي وحش بس احنا لازم نتغير...مين قال ان التخان اوحش فئه في المجتمع...خليكي متفتحه وخدي التنمر بهزار وحبي نفسك.. الحمظ لله انك بتاكلي كويس دلوقتي..لازم تشوفي مجتمع تاني تقعدي مع ناس تخينه كتير مثلا...مقريتيش حديث لافرق بين اعجمي ولا عربي الا بالتقوي ... اهلك مش هيتغيرو متحاوليش لكن انتي تقدري... شوفتي اتحسن اكلك ازاي الحمد لله استعيني بالله واختلطي يناس كتير والله هتلاقي مشكله التخن والرفع دي اخر حاجه الناس بتفكر فيها
تم النشر الأربعاء، ٣٠ يوليو ٢٠٢٥
جمدي قلبك وعيشي ...اتلعثمي براحتك بس المهم انك تسمعي بودكاست اكتر وتقرأي اكتر وتشوفي ناس بتتكلم عشان تتعلمي منها.... الحمد لله ان تقديرك حلو وكملي ف كده لانه مش لازم نعمل المستحيل بس لو تقدري تضغطي نفسك اكتر اعملي كده لو مقدرتيش خللص انتي بتعملي استطاعتك... وكلنا بندعيلك
تم النشر الاثنين، ٢٨ يوليو ٢٠٢٥
السلام عليكم بتكلم عن تجربه لأني مأجله سنتين بردو....هفكرك بجمله جميله في المصحف (يريد الله ان يخفف عنكم وخلق الانسان ضعيفا) ربنا عارف انك ضعيف وهتضعف اكتر لما تبعد عنه..الحل للمشاكل النفسيه الاولي هو الالتزام بالصلاه فقط لا غير ..لازم تسمع حاجات ترقق قلبك وتزيل الهموم دي... تاني حاجه انت بقيت راجل مسؤول في العيله ولازم تشتغل وتعين اسرتك وده واجب عليك طبعا وبالنسبه للتأجيل احنا لسه في بدايه السنه وفرصه جديده من ربنا عشان تعدل اسلوب حياتك مش شرط مجموع عالي...اهم حاجه الحياه الناجحه ... في نقطه مهمه لازم تعملها وانت داخل السنه الجديده...احذف ارقام الناس كلها وامسح السوشيال...دي خطوه بسيطه بتفرق جدا جدا رغم كدهالناس مش بتعملها .. بالنسبه للاغاني الي بتسمعها وتفضل تتخيل...دي عند كل الناس ومعايا شخصيا لدرجه اني زهقت من كتر مبتخيل حجات مستحيل تحصل.. وجربت اكتب قصص عشان ابعد عن الاغاني واحط افكاري في الورق..جربها.. اكتب خواطرك كل ميجيلك التخيلات دي.. بالنسبه للقرايب الحسوده ..دي موجوده عند كل الناس وعلاجها التجاهل اقعد مع ممتك فهمها قولها يماما انا بعمل الي اقدر عليه ميهمش مجموعي لانه مينفعش مجموع يأثر علي علاقتنا ببعض...اقعد معاها كتير هزر واضحك وكل لب وشاي وحسسها ان مجرد وجودك بالدنيا كلها وتولع الشهاده..الي يجيبه ربنا حلو.. وللاسف انت عندك قله ثقه في نفسك وفي رأيك.. ممكن بسبب حاجات مرت في حياتك... وحلها مش في يوم وليله حلها انك تجمد قلبك وتعمل اي حاجه .. طالما هي مش حرام .. خلي همك الاول والاخير ترضي اهلك وربك الباقي تقدر تعامله كأنه شخص في المواصلات هيمشي ومش هتشوفه تاني... انت مش بتحب تتكلم يمكن عشان مش بتقرأ كتيير ومعندكش معلومات عشان كده بتتهمش الحل تجمد قلبك بردو... مش لازم يضحكو علي النكته بتعتك يعني ومش لازم يبصولك وانت بتتكلم اهم حاجه تعرفهم ان فيه انسان قاعد عنده مشاعر وبيتكلم وعنده رأي ..... هقولك حاجه.. طالما كل حاجه لازم تكون متروقه وانت بتذاكر سيب الدنيا دي واطلع فوق السطح مثلا مش عرفه اقول ايه .. لازم تتعود علي الكركبه شويه.. انا عرفه انك بتتعب في الترويق عشان كده بتتضايق لما تتكركب تاني .. احسنلك تركز في المهم ..حياتك مهمه انت ليه مهمش نفسك كده بقا استعين بالله مليون مره وابدأ ... مش كله بيجي مره وحده اهم حاجه الروتين تستمر عليه...اقعد كلم نفسك انت مين وبتعمل ايه ...كلم ربنا باليل وقوله انت عايز ايه.. اسمع للشيخ حازم شومان مقاطع جميله والغي قنوات الاغاني الي منعاك تبقا اجمد شخص في الدنيا دي كلها🤍كلنا معاك وبندعيلك واوعي تهمش نفسك لانك جزء من المجتمع ده
تم النشر الأربعاء، ١٦ يوليو ٢٠٢٥
مضاد حيوي
تم النشر الخميس، ٢١ أغسطس ٢٠٢٥
لازم يكون فيه تفاعل في العلاقه انت تقول الي مش عاجبك فيها بعقل واحترام وهي تتفاهم وتحاول تتغير وهي كمان تقولك حجات مش عجباها فيك...هو ده الانسان محدش كامل... وإنت مش هترتبط بروبوت.... بالنسبه للملل... مشاهر الانسان الي بيحب بجد عمرها مبتكون ممله لو لاحظت... وقت الزعل غير وقت الفرح .. حتي وقت الملل بتقعدو تقولو ريأكشنات ممله لبعض وتضحكو علي بعض وكده.... لان ده نصك التاني
تم النشر الأربعاء، ٦ أغسطس ٢٠٢٥
فيزا دوليه
تم النشر الأربعاء، ٦ أغسطس ٢٠٢٥
جزاك الله خير
تم النشر الجمعة، ١ أغسطس ٢٠٢٥
اعملي صداقات عاديه زي السلام عليكم عاملين ايه وابتسمي ليهم...لان المستقبل هيخليكي تحتاجيلهم....خلي عندك ١٠٠ زميل ومش لازم تصاحبي غير مامتك واخواتك وقرايبك... دول كفايه اوي
تم النشر الخميس، ٣١ يوليو ٢٠٢٥
لسه هدخل السنادي في شهر ١٠...
تم النشر الخميس، ٣١ يوليو ٢٠٢٥
عوزه معلومات عن الكتب الي هدرسها وازاي احضر لتجاره انجلش ف الشهرين دول... عوزه مصدر او حساب اسأله
تم النشر الخميس، ٣١ يوليو ٢٠٢٥
جزاك الله خير
تم النشر الأربعاء، ٣٠ يوليو ٢٠٢٥
عندي موهبه عاوزة اوظفها
تم النشر الأربعاء، ٣٠ يوليو ٢٠٢٥
اقصد حط مثلا حفظ صفحه في اليوم واحفظها بعد متسمع تفسير الصفحه دي للشعراوي
تم النشر الأربعاء، ٣٠ يوليو ٢٠٢٥
القرءان والتفسير للشعراوي... دي بدايه رائعه ان شاء الله
تم النشر الأربعاء، ٣٠ يوليو ٢٠٢٥
انا اسفه اختي مش فضيه....بس الرد اه كول سنتر لو لغته حلوه خلال الجامعه ممكن يشتغل وياخد مبلغ محترم..او ممكن بعد التخرج .. الباقي أسفه اختي مردتش عليا
تم النشر الأربعاء، ٣٠ يوليو ٢٠٢٥
شكرا
تم النشر الاثنين، ٢٨ يوليو ٢٠٢٥
يعني اي
تم النشر الاثنين، ٢٨ يوليو ٢٠٢٥
الامل🤍
تم النشر الاثنين، ٢٨ يوليو ٢٠٢٥
الي خلق الحسد يقدر يشيل الحسد صح؟ ومحدش قال ان سن الزواج ٢٠ سنه بس .. شارك ف البيت ولو بربع راتبك عشان اهلك يعزروك بردو واعمل حاجه بتحبها انت مش روبوت من ٨ ل ٨ .... والحمد لله انه وضع القرءان في قلبك واختارك من ملايين الناس... لعل ده اختبار بعده فرج..
تم النشر الاثنين، ٢٨ يوليو ٢٠٢٥
متفهمه الوضع متضغطش علي نفسك.. رزق ربنا مبيخلصش والجواز بإذن الله هيجي استعن بالله مشاكلك بيد الله حلها ....احنا بندعيلك واصبر شويتين تلاته الوقت الصعب هيعدي... الفلوس جيه ... اتعلم اكتر لغه اجنبيه عشان مين عارف اي المستقبل ممكن تسافر..
تم النشر الاثنين، ٢٨ يوليو ٢٠٢٥
الفكره اني لسه ببني نفسي لاني دخله اولي كليه واخواتي مش بيسمعو كلامي وكل واحد ف حته انا فنانه وبحب اخترع حجات للاطفال بس خيفه كل ده ميكونش ليه لزمه... ف نفس للوقت خيفه علي اخواتي
تم النشر الاثنين، ٢٨ يوليو ٢٠٢٥
يا اخي ارمي نفسك علي الدنيا الدنيا مش بتيجي لجد... اسعي وربنا لازم يكون معاك لكن طول ما انت خايف من الناس مش هتطور ... انا كان صوتي بيرتعش حرفيا اول مره قريت قرءان قدام الناس كان صوتي زي المعزه لدرجه ان الاستاذه ضحكت مع الطلاب... بس يجي يوم اتجدعن فيه واسمع بصوت حلو والله معرف ازاي اتجرأت وكانت نبضات قلبي عاليه... يا اخي الحياه عوزه الي يرمي نفسه فيها طالما انت شايف ان كظه كده حياتك وقفه اطلع وكلم الناس واقرأ اناشيد للاطفال عندك الاول مهي مش فرقه بالنسبالك وصدقني فجأه والله لتلاقي الدنيا اتغيرت... انا بقولك كده ونا كان صوتي بيرتعش زي مقولتلك
تم النشر الاثنين، ٢٨ يوليو ٢٠٢٥
الفكره اننا بنعمل السنه بإزاله الشعر ..... وكمان مش هأذيكي واقول حاجه مرطبه مجربتهاش لاني مش برطب .. ممكن تحطي اي مرطب خفيف من غير ريحه لو عندك... او خيار مبشور... والله معنديش فكره ومبسوطه اننا بنتكلم❤️❤️
تم النشر الأحد، ٢٧ يوليو ٢٠٢٥
مش هيطلع حبوب طالما بتعملي مع اتجاه الشعره وممكن تستعملي اسكراب طبيعي زي شويه سكر وحبه عسل وتمشي براحه علي المنطقه عشان السكر خشن وتشطفي كويس اوي... زي مقولتلك احنا مش دخلين علي جواز لسه ولما نتجوز لو معندكيش امكانيه ليزر استعملي سويت ..بالنسبه للترطيب اعتقد والله اعلم انه مش ضروري لان المنطقه غلط عليها تبقا مرطبه لوقت طويل عشان الفطريات ولو فيه فطريات زي معظم البنات ده بقا لازم تشتريله غسول طبي... ابعدي عن المنتجات العاديه وركزي ف الطبي
تم النشر الأحد، ٢٧ يوليو ٢٠٢٥
لو عاوز معلومات اجيبها من اختي لانها خريجه واصلا خالتو متخرجه من نفس الكليه وكانت ف المانيا لماده سنه ف الدراسه
تم النشر الأحد، ٢٧ يوليو ٢٠٢٥
٣ اركان للغه الاول الدرس بتاع الشرح للعادي الثاني استماع لبودكاست الثالث اقعدي اكتبي لمده كويسه عن اي حاجه... عندك قناه زي مدرستنا علي اليوتيوب امشي معاها ونزلي بودكاست اسمعيه وقت فراغك او ابراهيم عادل او روحي مركز
تم النشر الأحد، ٢٧ يوليو ٢٠٢٥
الشيطان يعدكم الفقر ويأمركم بالفحشاء.... والله يعدكم مغفره منه وفضلا
تم النشر الأحد، ٢٧ يوليو ٢٠٢٥
أقرأ تفسيرر او اسمع الشعراوي الحفظ بس مش حلو...الحياه حلوه والله اطلع رحله شوف الناس عيشين ازاي زور مستشفي امراض نفسيه مثلا زور دار ايتام بما انك رجل كبير ومعاك فلوس...اعانك الله
تم النشر الأحد، ٢٧ يوليو ٢٠٢٥
ممكن تحاولي ف تجاره او زراعه او اداب مع البزنس... لازم البنت معاها شهاده دي سلاحك
تم النشر الأحد، ٢٧ يوليو ٢٠٢٥
اسمعي ياسر الحذيمي مهم اوي... ولازم ترمي نفسك في مليون موقف حتي لو مكسوفه عشان تتعودي لاحظي ان اكثر ناس عندهم ثقه هم الي بيعاملو الناس كل يوم صح؟
تم النشر الأحد، ٢٧ يوليو ٢٠٢٥
اعتقد الجنب للشعر الكثيف ليقه علي كله
تم النشر الأحد، ٢٧ يوليو ٢٠٢٥
نص مصر كده حرفيا...بسبب السوشيال والتشتيت... استعن بالله وخلي المذاكره روتين حاول تحافظ علي ساعه كل يوم للدراسه كل يوم لحد متكبر... اهم حاجه التعود التعود
تم النشر الأحد، ٢٧ يوليو ٢٠٢٥
متتخطبو وخلاص
تم النشر الأحد، ٢٧ يوليو ٢٠٢٥
اكيد طبعا مش لازم كورس ولل حاجه.... كتابك قدامك بتاع المنهج واحده وحده احفظه وكل الكتاب اكل... احفظ الترجمه الي فيه واسمع فيديو عن كيفيه كتابه مقاله وربنا معك
تم النشر الأحد، ٢٧ يوليو ٢٠٢٥
بصي طريقه مجربه... اعملي شيفنج مع اتجاه الشعره... مش لازم تتشال الشعره كلها مش لازم المنطقه تكون ملساء بس ف الاتجاه مش بيشكوك ولا حاجه واي تركيبه تفتيح من الصيدلية تفي بالغرض .. مش لازم جيل للشيفنج ممكن تحطي غسول او كريم زي مومينتا بس اوعي تحطي حااجه مرطبه ليها ريحه علي المنطقه دي عشان هتسمرها... لو احتجتي تستفسري انا معاكي
تم النشر الأحد، ٢٧ يوليو ٢٠٢٥
اليوتيوب مليان😂😂
تم النشر الأحد، ٢٧ يوليو ٢٠٢٥
روحي لدكتور اسنان ضروري
تم النشر الأحد، ٢٧ يوليو ٢٠٢٥
يريد الله ان يخفف عنكم... تخيلي ربنا بيقول كده واحنا سيبينه وريحين لدكتره نفسيين
تم النشر الأحد، ٢٧ يوليو ٢٠٢٥
حاول تشوف المشهد وكإنك ف التلفزيون... ناس بتزعق إتكلم انت براحه وهديهم...متنفعاش للانك زي مقولنا مشاهد بس...ولو حد عصبك طبيعي ان اي حد يتنرفز ويشتم بس حاول تتعامل وكإنك بتشوف فيلم مش اكتر ...مش عرفه فاهم ولا لأ بس انا جربتها مع بابا والحمد لله بقيت اهديه لما يتعصب وبقيت اجي معاه ف الحوار
تم النشر الأحد، ٢٧ يوليو ٢٠٢٥
اعملها هدايا وحفزها علي الشغل
تم النشر الأحد، ٢٧ يوليو ٢٠٢٥
اسمعي بودكاست ياسر الحذيمي العلاقات... هيفيدك اوي ومتكسليش تسمعيه مهم مهم مهم
تم النشر الأحد، ٢٧ يوليو ٢٠٢٥
مش فهما سؤال...انتي الي عوزه تهكري.؟ لو فونك متهكر لازم حد مهندس كمبيوتر يشوفه لانه خطر
تم النشر الأحد، ٢٧ يوليو ٢٠٢٥
وديه سنترال ضروري
تم النشر الأحد، ٢٧ يوليو ٢٠٢٥
دي كليه عملاقه اختي فيها... في مجالات كتير حسب التحضير ممكن مترجم ممكن يشتغل ف كول سنتر و٩٩ ف الميه بيشتغل ف كول سنتر ف القاهره والراتب اكتر من ١٠ الاف لو عاوز يطور لغته وكليته ويدعمها بشهاده معتمده ياخد معهد جوته بس هو غالي فعلا... الخلاص انها كليه قمه حرفيا.
تم النشر الأحد، ٢٧ يوليو ٢٠٢٥
الزمن كفيل يمسح اي حاجه.... المفروض دلوقتي تشغلي نفسك بحاجه لحد الوقت ميخلص
تم النشر الخميس، ٢٤ يوليو ٢٠٢٥
متتعلقيش بحد...اوعي تخلي نقطه ضعفك حاجه ماديه او انسان.... استعيني بالله واسمعي فيديوهات دينيه تريح قلبك وامسحي سوشيال خالص...نصيحه اخت امسحي الحساب كله بتاعك ... اعملي واحد تاني لو هو مهم اوي..ربنا خلق النسيان عشان ننسا مش نعاند.
تم النشر الأربعاء، ٢٣ يوليو ٢٠٢٥
يا روحي سيبيه....ربنا يكرمك بحد تاني ميبصش غير ليكي...اوعي تدخلي العاطفه في الموضوع... دكتوره سوزان الشافعي قالت وقت الخطوبه نشغل العقل بس... لانها اكتر مرحله مهمه لاكتشاف الشخص
تم النشر الأربعاء، ٢٣ يوليو ٢٠٢٥
اخطب دلوقتي مين عارف بكره هيحصل ايه ولا الناس هتروح فين... الزواج والارتباط نعمه وسعاده وسند ليك ف الحياه ....ويبقا اقعدو اتكلمو عن الي انت ناوي تعمله بعد الخطوبه ....عشان لو موافقتش تلحق تدور علي وحده تانيه
تم النشر الأربعاء، ٢٣ يوليو ٢٠٢٥
لصحتك انت لازم تكشف... لو انت مش عارف تروح لدكتور ايه روح للصيدليه قولهم الي بتحس بيه ف قلبك وكده وهو هيوجهك للدكتور الصح... ممكن يكون عندك نقص ف حاجه لازم تعمل تحليل...لان في ناس عندها نقص في معادن بتخليها تاكل الورق والرمل وجلدها ساعات.... عشان كده اهم حاجه التحليل.. اهتم بنفسك واعرف ان جسمك امانه عندك ربنا ادهولك وهيتكلم يوم القيامه يشكي لربنا علي الي بتعمله.... وكان الله معك🤍
تم النشر الأربعاء، ٢٣ يوليو ٢٠٢٥
لو معاكي فلوس وفاضيه روحي اكشفي عند دكتور جلديه يعملك جلسات تقشير.... ونصيحه مني ... انا لسه رجعه من عند الدكتور من يومين قالي لازم تعملي تقشير ف الشتا عشان بشرتك متسمرش
تم النشر الأربعاء، ٢٣ يوليو ٢٠٢٥
بصي يا بطوطه... الي تقدري تشتغلي عليه دلوقتي..هو انك تحبي نفسك... الناس كلها تخينه والناس كلها بشرتها محببه وانا وحده منهم... قدامك ١٥ يوم تقريبا تتعلمي ازاي تحبي نفسك زي ماهي... وحاولي لما تاكلي تكلي وجبتين بس ومتشبعيش... دي فعلا اخطر نصيحه ممكن اديهالك اوعي تشبعي سواء غدا او عشا.... لو انتي جعانه كلي خيار.. ونصيحه اخت.. محدش بيخس في نص شهر الا خمسه كيلو بالكتير خالص ده لو مكلتيش خالص... انتي جميله يا روحي ومش مهم تشقطي عريس يعني في الفرح😜وعيلتك طبعا بتحبك وشيفاكي قمر...❤️ خليكي شيفه انك جميله واتصوري وارقصي كأنك ملكه جمال❤️
تم النشر الأربعاء، ٢٣ يوليو ٢٠٢٥
صح ..اجتهد🤍
تم النشر الأربعاء، ١٦ يوليو ٢٠٢٥
اسمع اكتر
تم النشر الأربعاء، ١٦ يوليو ٢٠٢٥
لعرض الملف الشخصي في فدني اضغط هنا