انا في سنه خامسة طب وحاسه اني معلوماتي قليله اوي ف الطب .. عارفة ان المفروض انزل مستشفى واتدرب..بس معنديش الجرأة اني انزل لوحدي ازاي اشجع نفسي اني انزل وازاي انمي معلوماتي في الطب
السلام عليكم، ده إحساس عادي مهما كنت بتذاكري لازم التطبيق العملي والممارسة عشان معلوماتك تثبت وتكتسبي خبرة أكتر، المعرفة النظرية وحدها غير كافية مهما كنتِ حافظة المعلومات صم. لا تنتظري فترة الامتياز عشان تبدئي تدريب وتشجعي وانزلي من دلوقتي. أنا للأسف فضلت متهيبة من نزول التدريب زي ما بعض زملائي عملوا في الإجازات أو وقت ما كان متاح لهم وطبعا كان فيه فرق أثناء فترة الامتياز لأنهم كانوا أخدوا خبرة في التعامل مع الحالات وضغط الشغل في المستشفى وخاصة في الاستقبال. فبلاش تأجلي الموضوع وانزلي سواء لوحدك أو مع زملاء لك مهتمين بالموضوع. *** وإن كان على المعلومات النظرية فممكن تحددي مواعيد منظمة في الأسبوع تروحي مكتبة الكلية وتقرأي فيها وممكن تطلبي من الطلبة الأكبر منك هناك يرشحوا لك textbooks تساعدك، وطبعا الانترنت هتلاقي عليه كل حاجة، تابعي قنوات يوتيوب طبية سواء عربية أو أجنبية أو اسمعي بودكاستات طبية. المهم، مراجعة المعلومات بانتظام والتدريب العملي ومحاولة ربط المعلومات ببعضها وتسجيل الملاحظات في التدريب العملي، خليكِ مركزة في الملاحظات اللي بيقولها رئيس القسم للنواب في حالة حضرتِ معهم مرور أو كانوا بيناقشوا حالات في القسم، هتعرفي إزاي بيربط المعلومات ويحدد الـ differential diagnosis وهكذ. توكلي على الله وتشجعي وإن شاء الله واحدة واحدة هيبقى أسهل عليكِ وهتستفيدي من دلوقتي لفترة الشغل العملي إن شاء الله. بالتوفيق.💚💚
تم النشر الاثنين، ١٩ أكتوبر ٢٠٢٦
أتفهم تمامًا شعورك يا عزيزتي، فالسنة الخامسة في كلية الطب مرحلة انتقالية صعبة، حيث تشعرين بأن المعلومات النظرية لا تكفي وحدها، وهذا أمر طبيعي جدًا في بداية الجانب العملي. كثيرات من الطالبات يمررن بنفس القلق، وهذا لا يعني أن معلوماتك قليلة، بل يعني أنكِ على وشك الدخول في مرحلة جديدة تحتاج إلى تدريب تدريجي. لتشجيع نفسك على النزول إلى المستشفى، ابدئي بخطوات صغيرة وغير مخيفة. مثلًا، حددي يومًا واحدًا في الأسبوع للذهاب مع زميلة أو زميلتين، حتى لا تكوني لوحدكِ. يمكنكِ أيضًا أن تبدئي بزيارة قسم معين تعرفينه جيدًا من الدراسة النظرية، مثل قسم الباطنة أو الأطفال، وتكتفين في البداية بالملاحظة والاستماع فقط دون الضغط على نفسكِ بالمشاركة الفعالة. قبل الذهاب، جهزي قائمة بأسئلة بسيطة أو حالات تريدين رؤيتها، فهذا يعطيكِ هدفًا واضحًا ويقلل من التوتر. تذكري أن الجرأة تأتي بالممارسة، وليس بالانتظار حتى تشعري بالثقة الكاملة. أما لتنمية معلوماتك الطبية، فيمكنكِ الجمع بين الدراسة الذاتية والتطبيق العملي. ركزي على قراءة حالات سريرية من كتب مثل "100 Cases in Clinical Medicine" أو مصادر عربية موثوقة، ثم حاولي ربطها بما ترينه في المستشفى. استخدمي تقنية "التعلم بالتدريس"، أي شرح ما تعلمته لنفسكِ أو لزميلاتكِ بصوت عالٍ. كما يمكنكِ البحث عن أسئلة مشابهة على فدني للحصول على نصائح إضافية من طالبات أخريات. تذكري أن التقدم يأتي بالاستمرارية، وليس بالكمال، فكل خطوة صغيرة تقربكِ من هدفكِ. أنتِ قادرة، وستتجاوزين هذه المرحلة بإذن الله.
تم النشر السبت، ١٧ أكتوبر ٢٠٢٦
كل شخص بيبقى حاسس نفس اللي حساه بالظبط مش انتي لوحدك وانتي نازله عشان تتدربي يعني هتتعلمي حاجات ومع الوقت هتعرفي كل حاجة يعني مش الشخص بيبقى عارف كل حاجة في يوم وليلة وبالنسبة لتنمي نفسك ازاي حاولي تتخيلي نفسك المريض وانتي الدكتور وشوفي هو بيشتكي من ايه وفكري وابحثي عشان تعالجي العرض بتاعه مع كل تخيل حالة جديدة ومعلومات جديدة هتدخلك وثقي في نفسك وفي ربنا وان شاء الله تطلعي احسن دكتورة عسولة وكيوتي وحاولي تاخدي الامور ببساطة وتسيبي كل حاجة على ربنا
تم النشر الأربعاء، ٢١ أكتوبر ٢٠٢٦
يا حببتي مش،المفروض الجامعه تدربك روحي للجامعه واطلبي منهم يدربوكي وانهم يعلموكي وان شاء الله تتعلمي ولو الجامعة رفضت ومعتقدش ان دا ينفع شوفي مستشفى وانزلي تدريب انا الي اعرفه ان بعد سنه تالته بتنزلو تدريب ف انتي،شوفي حد اكبر منك وشوفي عمل ايه واعملي زيه وربنا يوفقك
تم النشر الاثنين، ١٩ أكتوبر ٢٠٢٦
دا شعور عادى واحده واحده هتبداى تتعودى عندك صحاب كدا ممكن مثلا تروحو مع بعض و تبداى مثلا كشف ف البيت او مثلا حاجة صغيره وحداات صحيه و واحده واحده هيبق الموضوع عادى خالص
تم النشر السبت، ١٧ أكتوبر ٢٠٢٦
مفيش غير التدريب والله المستعان
تم النشر الاثنين، ٢٦ أكتوبر ٢٠٢٦
لعرض السؤال في فدني اضغط هنا