السلام عليكم
انا عندي بنتي عندها 10 سنين دايما كانت بتشتكي بيجي لها صداع فرحت كشفت عند دكتور عيون الضغط عليها عالي شويه واعطانا قطره واستمرت معه شويه وبعدها وقالوا وقفوا القطره دي الصداع ملوش علاقة بعينيها
رحت كشفت دكتور اطفال قال ما فيش عندها حاجه رحت كشفت مخ وأعصاب وعملت رسم وعملت تحاليل وكل حاجه ومفيش عندها حاجه
فالبنت هي عصبيه بتتوتر بسرعه دائما حساسه اقل مواقف بتاثر فيها مثلا لو حصل موقف تافه تاخده ان هو لا ده حاجه كبيره وما تنساش يعني مثلا المواقف حصلت من فتره تفضل فاكراها وتحكيها لي
حصل حاجه انا مثلا عملت حاجه انا عملت موقف طبيعي يعني مثلا هي واخواتها عملوا مشكله وانا زعقتلها هي واخواتها. تفضل فاكراها لي وما تنساش وتاخد الموضوع تقولي ماما انتي عملت كذا مع ان اخواتها عادي عدوا الموضوع هي لا تفضل برده تتكلم فيه تقولي انت اول امبارح قلت لي كذا انا على فكره نمت زعلانه
فانا اعمل معاه ايه انا مش عارفه انا تعبت كل شويه اتكلم معاه واقول لها مثلا هي وزنها زياده شويه الموضوع ده مضيقها وكذا حد يعني بيكلمها على الموضوع ده وباباها قبل كده اكلمها قال لها احنا مش عايزين يعني. نحل الموضوع ده مش عايز الموضوع وزنك ياثر عليك كلمها بالراحه جدا وانا كنت قاعده فالبنت لقيتها طول اليوم زعلانه وقاعده في اوضتها وما رضيتش تاكل مع وما تردش علينا
انا عرفت انها زعلت من الموضوع ده فانا مش عارفه اتعامل معاه ازاي ولا اعمل ايه وفي طبعا حاجات بتضايقها انا عارفاه بتيجي تحكي لي كل حاجه بس انا مش عارفه اعمل معاها ايه
السلام عليكم ورحمه الله وبركاته البنوته صغيره في احتماليه نفسيه هنا انه تكون البنت بتدور على اهتمام طول الوقت شغله دماغها قوي ان هي اللي تاخذ الاهتمام الاكبر فلما بتبقى مركزه في النقطه دي فاقل مواقف هتفرق معاها هي شايفها ان هي تستحق الاهتمام وتستحق افضل حاجه فده بينعكس في النهايه اقل موقف صغير حد يعمله ويزعلها هي شايفه انه لا ما ينفعش حد يزعلني خالص لو احنا في مرحله من باب الدلع او من باب ممكن تكون اصغر واحده في اخواتها فممكن تكون البنت الوحيده فدلعناها قوي لا انت ما حدش يزعلك لا انت جميله فممكن يكون الموضوع يعني اترجم معاها انه ما فيهاش حد يزعلها خالص فهي بقت تاخذ رد فعل على اقل حاجه بسيطه حصل فيها زعل ان هي تلوم عليها كثير وتقف عندها كثير وتبقى بتقول لنفسها وبتقول لها حوالين انت ما ينفعش تزعلوني خالص انتم ازاي اصلا تعدوا الخط ده وتزعلوني طب ده ازاي يحصل في نفسيه بنت عندها 10 سنين لا يحصل عادي جدا ويحصل عند كل الاطفال طيب دي مرحله كده كده مرحله تمهيديه ولسه مرحله فيها نمو عاطفي ونمو نفسي وكل حاجه فنقدر نتعامل مع الامور دي ممكن نبدأ نعمل حدود مع بعض ايه هي الحدود دي لما في حاجه تزعلك تيجي تتكلمي فيها طيب ايه اللي يخلي الموضوع خلص ان احنا نتصالح فلو اتصالحنا يبقى مش هينفع حد فينا يجي ثاني يقول له بس انا كنت زعلان منك في الموقف ده فلازم نخلص معاها الموقف ايا كان ايه هو الحاجه اللي بتحصل صغيره او كبيره بعد ما هي بتعبر عنها يقول لها طب يلا بينا نتصالح هنتصالح ازاي ايه اللي حيصالحك لازم بقى الموضوع كمان يتعمل بالعكس لما هي تزعل حد لما هي تزعل حد لازم يتبع معاها نفس الاسلوب بالظبط اللي هي بتعمل تعالي انا زعلت منك عشان انت عملت كذا طيب خلاص احنا بنعمل ايه في الوقت ده يلا نتصالح طيب هنتصالح ازاي لازم اللي قدامها يطلب منها حاجه تعملها عشان تبقى هي المقابل الزعل لان هي اللي زعلت دلوقتي مش هي اللي زعلانه لو هي رفضت انت هيبقى هنا اللي انا بقوله لك هو الارجح ان هي خايفه ان هي ليها الاحقيه في ان هي ما حدش يزعلها لكن مش شايفه الموضوع متبادل فهنبقى اشتغل بالطريقه دي ومع الوقت الموضوع يكون احسن ان شاء الله. مساله الطباعه انا ابو رمزي الراي اللي كان في الاسئله زي ميرال مثلا تشوفي مساله جيوب الانفيه لانه ده احتمال كبير هي اللي بتعمل الصداع برضه حوالين العين لو في التهاب في الجيوب الانفيه ممكن تروحي تكشفي يكون أفضل وان شاء الله يحل معاه الموضوع لو اكتشف ان في التهاب. كمان ممكن تاخدي بالك من حاجه مهمه جدا ان نسبه السكريات اللي هي بتاكلها طول اليوم بما انك وضحت ان هي وزنها زيك فنسبه السكريات اللي هي بتاخذها ممكن تكون في الصداع على فكره. لو بتاخد متعوده تاخذ سكريات كثير وجت في وقت مخدتش سكريات بنفس القدر هي تحس بصداع لان دلوقتي نسبه السكر اللي بتكون دايبه في الدم بتكون اقل من اللي هي متعوده عليه فده هيسبب صداع فخلي بالك كويس موضوع التغذيه السليمه ليه لانها بتفرق جدا.
تم النشر الجمعة، ٢٠ يونيو ٢٠٢٥
شوفي عارفه ان ممكن احتمال غريب بس مفيش حاجه بعيدة تقدري تكشفي عند دكتور أنف وأذن عشان ممكن يكون عندها مشكله في الجيوب الانفيه او التهابات ودا بيسبب صداع للمنطقه الراس من الامام واوقات حول العين وتحس أكن في ضغط غريب من قدام عند راسها جربي وربنا يشفيها ويعافيها من كل سوء ويقومها بالسلامه وان شاء الله ما في شر وربنا يخفظها ليكي ويبارك فيها
تم النشر الخميس، ١٩ يونيو ٢٠٢٥
وعليكم السلام ورحمة الله واضح من الاعراض التي ذكرتيها عن ابنتك انها تعاني من اعراض قلق عام وربما معها اعراض اكتئابية فالصداع واضطرابات الشهية والنوم وتضخيم الافكار وتفسيرها بشكل سلبي والنظر للامور بطريقة سلبية بالاضافة لعدم رضاها عن جسمها او حزنها عندما يتكلم احد معها عن ذلك فهي بحاجة لجلسات علاج معرفي سلوكي للتخلص من الافكار السلبية وعليك الاهتمام بتغذيته تغذية سليمة والاهتمام بالسوائل الطبيعية وممارسة الرياضة وتدريبها علي ممارسة تمارين الاسترخاء التنفسي وتعليمها مهارات حياتية كي تستطيع التخلص من تلك الاعراض
تم النشر الاثنين، ٢٣ يونيو ٢٠٢٥
السلام عليكم، هو ممكن الصداع ناتج من حالتها النفسية والتفكير المستمر بسبب حساسيتها زي ما أنتِ شرحتِ من مواقفها. فيه صداع توتري بينتج من حالات التوتر والضغط النفسي. جميل إنها بتصارحك باللي بيضايقها ودي نقطة إيجابية حاولي تستغليها صح. إن شاء الله الخبراء التربويين هنا يجاوبوا وينصحوكِ إزاي تتعاملي معها بطريقة تعزز من ثقتها بنفسها وتقلل توترها وحساسيتها تجاه المواقف. إذا استمر الصداع بعد كده ممكن تعيدي الكشف لكن إن شاء الله بما إن الفحوصات كانت سليمة فيكون بس مجرد صداع توتري من حالتها النفسية. ألف سلامة عليها. ممكن تشوفي المقال ده عن الصداع عند الأطفال، فيه معلومات عن الصداع التوتري وأنواع الصداع في الأطفال عمومًا، إن شاء الله هيفيدك. https://www.mayoclinic.org/ar/diseases-conditions/headaches-in-children/symptoms-causes/syc-20352099
تم النشر الخميس، ١٩ يونيو ٢٠٢٥
وعليكم السلام ورحمة الله، أختي الغالية، أولاً أحب أقول لك إنك أم حنونة ومهتمة جدًا ببنتك، وهذا بحد ذاته شيء ممتاز. فهمت من كلامك أن بنتك تشكي من صداع مستمر والضغط في العين كان مرتفع قليلاً لكن تم التعامل معه، والفحوصات الطبية كلها سليمة، ثم لاحظت عليها توتر وعصبية وحساسية زائدة، وأيضًا مشكلة في التعامل مع مواقف طفيفة تظل تفكر فيها وتتأثر بها، بالإضافة إلى انزعاجها من موضوع وزنها وأنها أصبحت تنعزل أحيانًا وتزعل. خليني أساعدك بتقسيم المشكلة إلى جوانب وأعطيك نصائح عملية تساعدك بإذن الله: الجانب الطبي : الحمد لله أن الفحوصات سليمة، وهذا مطمئن جدًا. مع ذلك صداع الأطفال قد يكون له أسباب متعددة منها التوتر والضغط النفسي أو التعب. من المهم متابعة الحالة مع طبيب أعصاب أطفال إذا استمر الصداع. الحساسية الزائدة والتوتر : عمرها 10 سنوات وهذا عمر تتغير فيه المشاعر وتتطور، وهي تحتاج لدعم عاطفي كبير. يبدو أنها تعيش ضغوط نفسية تؤثر على مشاعرها، وربما تحتاج لتعلم كيفية التعبير عن مشاعرها بشكل أفضل. حاولي تكوني هي منبع الامان والدعم النفسي لها: استقبلي مشاعرها حتى لو كانت صغيرة الظل أو مبالغ فيها. مثلاً، لما تحكي موقف مزعج خليكي صبورة معها وقولي لها: "أنا فهمت إن الموضوع أثر فيك، وحتى لو كان بسيط أنا معاكِ" بدون تقليل شعورها. المواقف القديمة وتأجيل المشاكل : مهم جداً تساعديها تتعلم كيف تترك المشاكل القديمة وما تحفر فيها باستمرار. يمكن تساعديها بتحديد وقت معين تتكلم فيه عن مشاعرها، وبعدها تشجعها على تحويل التفكير لأمور إيجابية وأشياء تحبها. موضوع الوزن والتعامل مع الآخرين : كلام الناس وخاصة عن المظهر قد يكون له تأثير كبير على نفسية الأطفال. عشان كده، لازم تعزز ثقتها بنفسها بطريقة لطيفة وغير مباشرة. مثلا: امدحيها على صفاتها الجيدة (شخصيتها، ذكاءها، مهاراتها) بعيدًا عن شكلها. شجعيها على ممارسة نشاطات تحبها تساعدها تحس بالقوة والراحة. ضمنيها أنك وأبوها تحبونها كما هي، وأن الوزن لا يحدد قيمتها أبداً. باشروا معًا بطريقة هادئة لإيجاد حلول صحية إذا كان الوزن يشكل خطر صحي، ولكن دون الضغط النفسي عليها. التواصل معها : لما تكون زعلانة أو معزولة، حاولي تتحدثي معها بهدوء ومن غير ضغط، اسأليها عن مشاعرها وأسباب زعلها. استخدمي عبارات مثل: "أنا هنا عشانك، لما تكوني جاهزة تحكيلي أنا سامعة." أحيانا الأطفال يحتاجون وقت يفرغوا مشاعرهم لوحدهم، فلا تضغطي عليها تكلمك على الفور، لكن خليها تحس بالأمان. المساعدة الخارجية : إذا استمرت الحالة أو ازدادت العصبية والانطواء خصوصًا مع الصداع والتوتر النفسي، قد يكون من المفيد استشارة أخصائية نفسية الأطفال أو استشاري نفسي مؤهل، حتى تساعد في تعليمها إدارة مشاعرها بشكل أحسن. يمكنك البحث عن أكفأ الخبراء في هذا المجال عبر صفحة الخبراء في فدني (https://www.fedni.net/experts). أختي العزيزة، أنت لست وحدك في هذا، وأنا هنا لدعمك. حاولي تذكيرها بطريقة لطيفة دايمًا بأنك تحبينها وتفهمينها، وتمنحيها الأمن والطمأنينة. ابدئي بخطوات صغيرة، ومع الوقت وضعف حالات التوتر والشعور بالضغط سيقل إن شاء الله. لو عندك أي تفاصيل أخرى أو مواقف معينة بتحسي فيها صعوبة، اطرحيها وأنا معك خطوة بخطوة. دمتِ بألف خير 💛 ذكية (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الخميس، ١٩ يونيو ٢٠٢٥
فالعمل هو تهدئة الأمور حواليها وزيادة الأمان وانها تعمل هوايات ممكن تستخدم خيالها في الرسم
تم النشر الجمعة، ٢٠ يونيو ٢٠٢٥
أولا انها تحكيلك بثقة وامان وعدم خوف من ردة فعلك فده نقطة جميلة جدا ومش موجودة في عوائل كثير .. ثانيا البنت الآن ممكن تكون في العمر اللي بيتكون فيه الفوبيا اللي هو بين الطفولة والمراهقة ... يعني خيال زيادة تفكير زيادة حساسية زيادة .. فلو حصل مثلا صراع في البيت البنت هي أكثر واحدة هتخاف ويترسخ الصراع في ذاكرتها إلى أن يتكون عندها زي فوبيا من المشاكل مثلا .. لو راحت مكان مرتفع هتخاف ويتكون فوبيا المرتفعات .. ممكن تتخيل حاجات غير منطقية زي ان في حاجة بتخليها تبص لفوق .. في بعض المجتمعات اللي فيها ثقافة قصص الجن بيعانوا الأطفال في المرحلة دي من تخيل العفاريت بالرغم ان لايمكن رؤية الجن .. ويمكن الصداع اعراض جانبية للخيال والتفكير .. .. فالبنت مش شايفة الحياة ببساطة زيكم لا هي بالنسبة لها الأمور أضخم وأصخب بسبب الخيال
تم النشر الجمعة، ٢٠ يونيو ٢٠٢٥
Increased intracranial pressure ده بيحصل لما بيزيد الضغط جوه المخ لأي سبب (ورم، التهاب، تجمع سائل). من أعراضه: صداع شديد ومستمر. مشاكل في حركة العين (خاصة لو أثر على العصب السادس). ممكن يخلي العين تتحرك بشكل لا إرادي أو تبقى "مرفوعة".
تم النشر الخميس، ١٩ يونيو ٢٠٢٥
ممكن يكون Migraine with aura ممكن يعمل إحساس غريب في العين، زي شد، تنميل، تشوش، أو حتى صعوبة في التحكم فيها. بعض الناس بتحس إن في قوة بتشد العين لفوق أو اتجاه معين. الإحساس ده ناتج من خلل مؤقت في الإشارات العصبية، مش في العين نفسها.
تم النشر الخميس، ١٩ يونيو ٢٠٢٥
اعتقد هى حاسه بالرفض وعدم القبول منكو .... حاساها محتاجه تتصاحب.... يعنى تكون صحبتك وتديها شويه ثقه ... هى متعصبه عشان هى عارفه انها مش عجباكو او هى علطول محل انتقاد ... انا مش خبيرة بس انا حطيت نفسى مكانها بحاول اخمن شعورها ... اما موضوع الصداع هى محتاجه استرخاء بس تهدى ... طبعا بعد منتاكد ان مفيش حاجه عضويه
تم النشر الخميس، ٢٦ يونيو ٢٠٢٥
وممكن يكون عندها Migraine او Ocular headache
تم النشر الخميس، ١٩ يونيو ٢٠٢٥
من عند عين واحده؟ ونص دماغها بس الي بيصدع؟ بتحس مع الصداع حاجه الم بطريقه غريبه زي وصعبه؟
تم النشر الخميس، ١٩ يونيو ٢٠٢٥
صداع من عند عنيها كدا وبتقول فى حاجه بتخلينى عايزة ابص لفوق
تم النشر الخميس، ١٩ يونيو ٢٠٢٥
موضوع الصداع الي بجيلها صداع من حته معينه في الدماغ وهي بتحس بايه لما تصدع وهل بتشوف اي حاجه غريبه او تسمع اصوات او تذوق طعم وكده ولا صداع بالم بس
تم النشر الخميس، ١٩ يونيو ٢٠٢٥
لعرض السؤال في فدني اضغط هنا