اخويا متدلع بدرجه كبيره اوي من بابا و ماما، و امي من النوع اللي هو ابني حبيبي محدش يضايقه ده مافيش زيه ف المجره ادوه العربيه و شقه يقعد فيها مع صحابه بيعمل كل حاجه غلط اتخرج و مش بيشتغل لان بابا مديله مصروف كل شهر فمش ناقصه حاجه و احنا اخواته البنات بنشتغل من و احنا بندرس و بنصرف على نفسنا و الحمد لله مستوره
المشكله ان انا ما بقتش بحترمه ولا بقيت عايزه اشوفه حتى مع العلم انه أصغرنا بس ما بقاش بيكلمنا غير لو عايز فلوس و لما بطلنا نديله فلوس ما بقاش بيتطمن علينا حتى يعني آخر مره كلمني كانت من شهرين و طريقته وحشه و كمان عارفه القرف اللي بيعمله
فأنا مش عارفه اتعامل معاه ازاي ولا اصلحه ازاي و لو كلمت اهلي بيقولوا مالكيش دعوه انتي بس إحساس الاخت الكبيره مخليني حاسه بالمسؤليه و عايزاه يتعدل و مرعوبه من اللي الدنيا مخبياه ليه عشان انا عارفه انه هيحتاس بعدين مش عارفه اعمل ايه
السلام عليكم ورحمه الله وبركاته. خلينا نتفق انه الخطا جاي من عند ماما وبابا خطأ مش صغير كبير فيه عبء هيكون عليهم هم هيتسألوا قدام ربنا عن الشكل اللي هم انشأوه عليه لانه طبعا الشكل ده شكله ما يطلعش بني ادم عنده اي حس من احاسيس المسؤوليه انت عشان اخته خايفه عليه وعارفه انه طبعا يعني نتائج الوضع اللي هو فيه ده في الحياه مش هتكون كويسه فلذلك انت خايفه عليه. بس هنقول هنا إيه اللي في ايدك انت تعمليه اللي في ايدك تعمليه هي ممكن خطوات بسيطه صغيره جدا جدا وإن شاء الله يكون لها اثر بإذن الله طبعا كل حاجه يعني باذن ربنا لو هي مكتوب لها هيكون لها الأثر اللي احنا يعني نرجوه كلنا. هتبدئي يعني تربطي ما بينك وما بين اخوكي بعلاقه او بحاجات صغيره جدا جدا اللي هو بص انا كل يوم يعني مش هتنازل عن ان احنا نصبح على بعض انت ما بتسألش علينا انا عارفه احنا مش هنعاتب كثير لكن احنا بس هنبقى ايه يعني بندي كده اه زي تلميح صغير واحنا بنكمل انت ما بتطمنش علينا. احنا اصلا طبعا بنزعل منك ده لكن انا مش هتنازل عن ان كل يوم أصبح عليك واتصبح علي مش عايزه منك إيه اكتر من كده تمام وبعد ما نثبت صباح الخير وهو فعلا يتعود عليها ويعرف انها حاجه ما ينفعش انها تتوقف وهتلاقي حتى لما لو مقلتيش صباح الخير هو يخش يقول صباح الخير او لو اتأخرتي في صباح الخير النهارده ما قلتيش صباح الخير يعني وهيبدأ الموضوع يثبت بعدها هنبدا نزود حاجه ثانيه. بص انت احنا مش بنشوفك ومش بتقعد معانا خالص ولكن خلينا نتفق إنه مش هينفع يعدي الشهر من غير ما في مره تيجي تقعد معانا فيها وبعيدا عن أي حاجه سواء بقى هتكون جايه تاخذ فلوس او مش جاي تاخذ فلوس القعده دي ملهاش علاقه بالموضوع بس ما ينفعش يعدي الشهر من غير كده وبعدين نقول له لا مش هتنفع مره في الشهر لازم يكونوا مرتين في الشهر المره دي ما بقتش بتكفي ما بقتش تنفع وهكذا واحده واحده ده هيبدأ يدي شويه ثبات في مسؤولياته تجاه عائلته من غير ما هو يحس هو هيبقى بيعرف يعني إيه ارتباط بالعيله وبالاهل هنبعد يعني بشكل كبير جدا عن فكره النصح انت لازم تعمل كذا وخلي بالك الحياة هيحصل كذا هنبعد عن ده لانه دفعت وقته وهيتخذ بشكل سلبي وكمان هيكون في مقاومه من ماما وبابا اللي انت وصفتيها دي وهيكون في مقاومه كمان من خلاص انا كبرت يعني وماما وبابا ما عندهمش مشكله في اللي انا بعمله فمش هتيجي انت عشان اختك الكبيره تعملي كده فاحنا عايزين نبعد عن الشكل ده من اشكال المقاومه خالص ونبقى بشكل خفي بنعمل له ترتيب لحياته وارتباط بالعيله من غير ما هو ياخد باله ده اللي انت تقدري تعمليه على قد ما انت خايفه عليه وعلى قد ما انت مهتميه قوي بانه الحياه ما تاخدش معايا منحنى سيء على قد ما انا مش عايزاكي تحطي حياته او تصرفاته كمسؤوليه انت تتحملي انت ما ينفعش تتحملي بمسؤوليه دي ولكن تقدري انك بس تاخدي بالك منه من بعيد وبتصرفات زي اللي احنا وصفناها دي خلي الموضوع ياخد مجراه كده واحده واحده وإن شاء الله إن شاء الله تشوفي اثر طيب وما تنسيش طبعا غير انك تدعي له وفي دعاء جميل جدا اللهم ردوا اليك مردا جميلا ادعي له كده اللهم رد اخي واليك مردًا جميلا باذن الله يعني الزمي له الدعاء ده اكثر من اي حاجه وباذن الله ربنا يكتب له ان هو يكون في حال احسن ان شاء الله.
تم النشر الاثنين، ٢٦ مايو ٢٠٢٥
حاولي تقنعي والدك اووالدتك ان مصروفه كل شهر ينقص حاجه بسيطة كل شهر يعني مثلا 50 تنقص وتبقي45 واحدة واحدة لغاية لما يقتنع شوية شوية ويدرك المسؤلية تعملوا تجمع عائلي وتبدأوا تكلموه في الموضوع انه يدرك من المسؤلية ولا تكرهي اخوكي او تنظري ليه نظرة مش اللي هي كلنا مقصورون ومفيش حد يقدر يكون مثالي او كامل
تم النشر الأحد، ٢٥ مايو ٢٠٢٥
السلام عليك يا عزيزتي، فهمت منك مشاعرك وألمك بوضوح، وهذا موقف صعب جدًا تواجهينه مع أخيك. لا بأس أن تشعري بالإحباط، لكن دعيني أساعدك خطوة بخطوة بطريقة عملية وعاطفية، لأن هذا الموضوع يحتاج صبر وحكمة. تنظيم توقعاتك من المهم أولاً أن تواقعي نفسك بأنك لا تستطيعين تغيير أخيك بقوة أو بشكل مباشر، خصوصًا إذا كان بالكاد يهتم أو يبادلك نفس المشاعر. التغيير الحقيقي يبدأ من الإنسان نفسه، ولهذا أنتِ قد تكونين محفزة أو داعمة له، لكن ليس مسؤولة عن تصحيح سلوكه بالكلية. وضع حدود واضحة ومحترمة إذا كنتِ ترفضين إعطاءه المال لأنه يسيء استخدامه، فهذا حقك، ولا بد أن تكوني واضحة معه في حدود التعامل. حددي ما الذي تقبلينه وما الذي لا تقبلينه في علاقته معكِ، وعلى سبيل المثال: لا تُجيبي على مكالماته إذا كان أسلوبه غير محترم، أو ردّي عليه بحزم وبهدوء. لا تسمحي له بالتأثير عليكِ سلبيًا، وابتعدي عن الشجار والاتهامات المباشرة لأنها تزيد الأمر سوءاً. التواصل بحكمة في وقت هدوء أو مناسبة مناسبة، حاولي تتكلمي معه بلطف وصراحة، وحاولي تفهم دوافعه وخلفيات تصرفاته. أحيانًا الاستماع دون حكم يقرب المسافة بينكما. طوري طريقة الحديث بحيث تكون داعمة وتظهرين له أنكِ تهتمين. يمكنك مثلاً أن تسأليه عن طموحاته وأحلامه بطريقة غير مباشرة. تقبل أن لكل شخص مرحلته الخاصة ربنا يخلق كل شخص بظروف وطباع مختلفة، وأخوك يعيش مرحلة انتقالية، حتى لو تصرفاته غير مسؤولة هذه الفترة، ربنا قادر يهدّيه بالوقت المناسب. ــ دعي الأمور تمشي مع الزمن، وحاولي تدعمي نفسك عاطفيًا لتقبّل ما لا تملكين تغييره. اهتمي بنفسك أنتِ تعملين وتتحملين، وهذا إنجاز كبير بحد ذاته. حاولي تعطي نفسك حق الراحة والاسترخاء بعيدًا عن المشاكل، وركزي طاقتك على تطوير نفسك ومستقبلكِ. اطلبي مساعدة خارجية إذا احتجتِ كون المشكلة بينكم معقدة ومستمرة، لا تترددي في اللجوء إلى خبير نفسي أو استشاري أُسري، وهم موجودون على موقع فدني في قسم الخبراء. يمكنهم إرشادكم بخطوات عملية أكثر تناسب وضعكم. في سياق إسلامي البر بالوالدين والأخوة أمر عظيم، ولكن لا يطلب منك أن تضحّي بنفسك وتضيّعي كرامتك وحياتك. دعي الدعاء مستمر له بالهداية، وكوني قدوة حسنة في حياتك. قدّر ربنا أن يهون عليك الأمر ويصلح قلب أخيك. أعرف أن الوضع محبط لكن لا تفقدي الأمل، وابدئي بالاهتمام بنفسك ومن حولك، ودائما تذكري أن لكل تجربة دروسها وأثرها في حياتنا. إذا أردتِ، تستطيعين أن تسألي خبراء ومتخصصين على فدني لمساعدتك بخطوات أكثر تفصيلًا. وأنا هنا أيضًا لأي سؤال أو دعم تحتاجينه. هل ترغبين أن أساعدك في صياغة طريقة حديث مع أخيك أو نصائح أخرى محددة؟
تم النشر الأحد، ٢٥ مايو ٢٠٢٥
قربي مته انتي للأسف هوه كده اطبع بكده ااي هوه بيعمله
تم النشر الأربعاء، ٢٨ مايو ٢٠٢٥
لازم يكون في رقيب و حد يكون شخصية مرعبة بالنسبه هيخاف منه في الاول وو بعد كده هيحترمه لازم يكون في حدود في البيت و لازم حد يقعد معاه و يقوله الي بتعمله ده غلط
تم النشر الثلاثاء، ٢٧ مايو ٢٠٢٥
قدر الله ومشيئته ولعله خير الآن اللي هيقرب منه يساعده هيبتلعه ويزيد وحشية .. فابتعدو عنه وعاملوه بما يرضي الله .. له فقط الإحترام لا أكثر ولا أقل
تم النشر الثلاثاء، ٢٧ مايو ٢٠٢٥
لا هو كل ده حصل خلاص
تم النشر الثلاثاء، ٢٧ مايو ٢٠٢٥
باباكي وممتك مدلعينو زياده عن اللاذم وطبعا هوه الولد الوحيد بس ده اكبر غلط المشكله مش انو مبيشتغلش لا المشكله انو هيشرب سجاير وهيكلم بنات ويصحاب أوسخ ولاد لحد ميدمر ويطلع في الاخر فاشل وبعد كدا مش هيحترم حد لا ممتك ولا باباكي ولا اخواتو البنات وهيبوظ بمعنى الكلمه لازم باباكي يشد علي شويه يعرفو انو راجل ويشيل مسؤلية اخواتو البنات
تم النشر الثلاثاء، ٢٧ مايو ٢٠٢٥
لعرض السؤال في فدني اضغط هنا