السلام عليكم ورحمة الله وبركاته
عندي مشكلة إني وقت العصبية بيبقا صوتي عالي ومبعرفش اتحكم في نفسي ، ازاي اتحكم في نفسي ومعليش صوتي وخصوصا قصاد والدىّ.
حل للمشكلة رجاءً
ليه بنتعصب ونفقد السيطره علي نفسنا ، لما بنلاقي اللي قدامنا مش واصله إحساسك ومشاعرك ،الصوت بيعلي لما بنفقد لغه التواصل ، وأوقات بتكون إننا فاكرين الشخص المقابل بيعرف يقرأ مشاعرنا وعقلنا من غير ما نعبر . لو أدركنا الجزء ده ،حوارنا وسيطرتنا علي نفسنا بتختلف . محتاجين دايما نفكر نفسنا أننا مختلفين ، وان حتي اقرب الناس لينا مش احنا ، والاهم أننا نمارس تفريغ للمشاعر السلبيه باستمرار عن طريق الكتابه التامل ، الصلاه الدعاء التسبيح ، والاهم التنفس ببطء ولو شعرنا أننا بدأنا نفقد السيطره علي نفسنا ننسحب لان عقلنا وقتها توقف تماما عن التفكير واصبحت المشاعر السلبيه هي المتحكمه.
تم النشر الأحد، ١٣ يوليو ٢٠٢٥
السلام عليكم ورحمه الله وبركاته طيب وقت العصبيه بصوا في احنا عايزين نسال نفسنا كده هو انا ليه بطلع على صوتي يعني هل انا بعلي صوتي عشان بخرج وقتها الغضب اللي جوايا او بعبر عن اني متضايقه ولا انا بعلي صوتي علشان انا بحس ان اللي قدامي مش سامعني او مش فاهمني ده هيفرق كتير جدا لو انا بعلي صوتي لان عندي احساس دايما ان هو مش فاهمني او هتلاقي نفسك في وسط العصبيه كده انتوا ما حدش فاهمني انا محدش حاسس بيا لو كده يبقى هو ده سبب العصبيه هو ده سبب الصوت العالي فانا محتاجه بس ابدا اتبع طريقه اؤكد بيها لنفسي انه انا مسموعه فانا هابقى وانا بتكلم هقول انا حاسه بكذا او انا الموقف ده سبب لي كذا حضرتك فاهمني حضرتك سمعت اللي انا بقوله ده؟ بس كده محتاجين نقول طيب انا هستاذنك هروح بس ادخل الحمام وارجع ثاني واقدر اتكلم معاك او لو سمحت انا همشي دلوقتي وهنتكلم في وقت ثاني عشان اقدر اتكلم بهدوء محتاجه جدا انه انت يكون عندك التحكم ده بس تكوني عارفه اكثر حاجه بتفكري فيها وانت بتعلي صوتك او ايه اكتر حاجات انت بتقوليها وانت بتعلي صوتك.هل اللي قدامك لما يقول لك اه سمعتك اه سمعتك يعني ده هيخليكي ما تستمريش فعله الصوت ده مهم جدا جدا لانه اغلب الوقت عجبه الصوت بيكون للسبب لانه الانسان عاوز يعبر عن نفسه عاوز يتاكد انه مصنوع لو احنا لا تمام احنا عارفين اللي قدامنا سمعنا لكن احنا بنعبر عن غضبنا. يبقى احنا هنا محتاجين ناخذ بعضنا ونعبر عن غضبنا بطريقه ثانيه نعبر عن مشاعر زي بطريقه ما ينفعش خالص احترام للكبار وحتى لو بنتعامل مع ناس عادي ده مش هيفيدنا ان احنا نوصل اللي احنا عايزين نقوله ولا ناخذ حقنا لو احنا بندافع عن حقنا.
تم النشر السبت، ١٢ يوليو ٢٠٢٥
وعليكم السلام ورحمة الله وبركاته، لما تكوني معصبة ما تحكي ولا كلمة، غيري مكانك، اقعدي مع حالك شوي، اذكري ربنا.. وطبع تعوذي بالله من الشيطان الرجيم... لانه بكبّر المشاكل بشكل فظييع! بتذكر يوم مرّ عليّ قضيتها ابكي من الصبح لليل، ومش بكاء خشوع لا! بكي من اشياء صارت، ممكن اشياء عصّبتني ؛ بعصّب بزيادة بس اتذكرها، لما ذكرت ربنا وقرأت سورة من القرءان كل هاي العصبية راحت ، والزعل راح كمان! وتفاجئت انا كيف زعلت كل هلزعل... صعب كتير بعرف، بس حاولي وأدبي نفسك واستعيني بالله.
تم النشر الجمعة، ١١ يوليو ٢٠٢٥
وعليكم السلام ورحمة الله وبركاته يا عزيزتي، أولاً، أشكرك على صدقك ومشاركتك لمشكلتك، وهذا هو أول طريق للحل. العصبية والتوتر شيء طبيعي، ولكن التحكم في طريقة التعبير عنها، خصوصاً أمام الأهل، أمر مهم جدًا للحفاظ على الروابط المحترمة والهادئة. إليك بعض الخطوات العملية التي تستطيعين تجربتها: الإدراك والوعي : حاولي أن تراقبي نفسك عندما تبدأ مشاعر الغضب أو العصبية في التصاعد. مجرد معرفتك أنك على وشك فقد السيطرة هو نصف الحل. التوقف المؤقت (pause) : عندما تشعرين أن صوتك سيرتفع، توقفي قليلاً حتى تأخذي نفسًا عميقًا (لكن دون تمارين تنفس معقدة)، وامنحي نفسك فرصة تفكر قبل أن تتكلمي. قد يكون هذا التوقف بسيطًا جدًا: إغماض عينيك للحظة، أو تحريك قدميك بهدوء. استبدال التعبير : بدلاً من رفع الصوت، حاولي أن تعبري عن مشاعرك بكلمات واضحة وبصوت هادئ. جربي قول: "أنا أشعر بأني مضغوطة الآن وأحتاج أن تسمعيني لبضع دقائق" بدلاً من الصراخ أو رفع الصوت. الاستعانة بالدعاء والاستغفار : عندما تغضبين، قولي"الحمْدُ للهِ" أو "أعوذ بالله من الشيطان الرجيم". هذه الكلمات تساعد في تهدئة القلب والعقل. الاعتذار عند الخطأ : إذا حدث وأن رفع صوتكِ أمام والديك، لا تترددي في الاعتذار فورًا. هذا يعزز من احترامك وتجديد العلاقة بينكما. حاولي معالجة أسباب العصبية : هل هناك ضغوط أو مشاكل معينة تسبب لك هذا التوتر؟ محاولة تناول هذه الأسباب بواقعية قد تخفف من التوتر. خصصي لنفسك لحظات هادئة يوميًا : استمتعي بنشاط تحبينه، حتى لو بسيط، يساعد على تهدئة النفس وتعديل المزاج. وبالنهاية، تذكري أن التغيير يحتاج وقت وصبر، فلا تحرمي نفسك من المحاولة كل يوم. إن وجدتِ أن الموضوع يؤثر بشكل كبير على حياتك، يمكنك البحث عن استشارة متخصصة من خبراء في علم النفس. إن كنتِ ترغبين، يمكنك تصفح قسم الخبراء في فدني عبر هذا الرابط للحصول على دعم ومشورة أعمق: https://www.fedni.net/experts وأخيراً، أنا معك دائمًا يا غالية، لا تترددي في العودة وطرح أي سؤال أو مشاركة أي شعور. دمتِ بخير وراحة بال يا ذكية القلب. 🌷
تم النشر الجمعة، ١١ يوليو ٢٠٢٥
بصي انا كده برده بعمل ايه يستغفر الاول وبعد كده بعمل حاجه هبله اووي اني بعد 1 2 3 4 لحد ما اهدي 😂💗🧸
تم النشر الجمعة، ١٨ يوليو ٢٠٢٥
هتلاقي نفسك خلاص مش قادره و هتتعصبي قومي جري اتوضي وصلي واستغفري و استعيذي بالله الي قدامك نفسه بما يشوفك كدا هيهدي مع نفسه و اسكتي، يعني حتي لو مش غلطانه اه لو مش غلطانه بردو اسكتي، كلامك مع اكبر منك في خالة غضب هيكبر الموضوع اوي ولله ربنا يهديكي يا حبيبتي وبالتوفيق
تم النشر الجمعة، ١١ يوليو ٢٠٢٥
بكلمك عن تجربة فكلامك انا حاسة بيه اوي، العصبيه بتكون ناتجة عن تراكم ضغوطات ف مثلا فيه الي بيعرف يطلعها بشكل سلسل فبالتالي اي نقاش بيخوضه بيبقي هادي جدا وفيه الي بيراكم جواه واي حد يتعامل معاه بيتعب عليهم او حتي بيصب ضغوطه عليهم انتي لازم تتعملي ازاي تهدي نفسك لحياتك المستقبليه، شوفي مثلا حد ثقه تتكلمي معاه وتحكي براحة كل حاجة جواكي، لو مفيش عندك Chat GPT خدمة الدعم النفسي فيه كويسه جدا وحاجة كويسه تنصحك ولو مش حابه الفكرة، ممكن تكتبي كل الي جواكي في ورقه وبعدها احرقيها لو مش حابه حد يشوفها، وشوفي اي المؤثرات الي بتأثر عليكي وتخاليكي تتعصبي وابعدي عنها وبلاااااش تاخدي اي قرارات وانتي في حالة الغضب، ومعلومه ع الطاير كدا الذكاء بيقل في حالة الغضب و الرغبة في الانتقام بتزيد والرسول ﷺ قال اي لا تغضب لا تغضب لا تغضب واستعيذي بالله من الشيطان الرجيم
تم النشر الجمعة، ١١ يوليو ٢٠٢٥
زي مشكلتي بالظبط
تم النشر الثلاثاء، ٢٩ يوليو ٢٠٢٥
نفس مشكلتي مش بعرف اتحكم ب ردة فعلي دا غير اني بنفعل بسرعه
تم النشر الجمعة، ١١ يوليو ٢٠٢٥
لعرض السؤال في فدني اضغط هنا