مساء الخير
انا بنتي في الصف الرابع الابتدائي بتحب تروح المدرسه جداً
بس هي شخصيتها بتتحرج وبتيجي علي نفسها عشان صحابها وفي التحصيل الدراسي مفيش خالص مع ان بعيداً عن الدراسه ومع اخوها بتتعامل وفاهمة كل حاجة وتحسي انها امه وتقولو هنعمل كذا ولو معملش اللي هي عايزه تقعد تضايق اخوها لحد اما تضربه وطبعا هو كمان بيضربها
وكل اما اقعد معاها واتكلم معاها تروح مقموصه ومعيطه وطبعا. دا بيستفزني جداً دا ممكن تعيط لو بقولها قومي غيري هدومك عشان متوسخة يعني على ابسط الحاجات بتعيط وعلى طول ترد الكلمه بكلمه معانا في البيت لكن في المدرسه معظم الوقت صامته وطبعاً اما الطفل مش بيكون شاطر بيبقى انطوائي عشان محدش ياخد باله انه موجود اصلاً
والنقطه الثانيه معندهاش كنترول على الاكل يعني كل اما بقلل اكلها تدخل تاكل اي حاجة وطبعاً سمينه جداً وآجي اتكلم معاها بهدوء وأفهمها ان كدا هيأثر على صحتها ولا كأني بتكلم وتروح معيطه ويا ماما انتي بتعملي معايا كدا ليه و كل حاجة متقولي لااخويا هو كمان. على طول كدا واخوها اما بوجه له كلام مستمع جيد ولكن مش زيها
وكل اما نيجي نتفرج علي تلفزيون او نبقي خرجين تروح نائمه علي نفسها وتبقي فاضيه تحوط ايدها علي خدها لحد اما تنام
بتحايل عليها تقوم تلعب يااما تمسك التليفون وتقلب في الفديوهات يااما نائمه
وللعلم هي لا تعاني من اي امرض تسبب له الخمول
ارجو الرد لاني كا ام بتعصب وبضايق جداً اما حد ينتقدها من مدرسين لاخواتي كل اللي بيتعمل معاها بيفتكرها ان عندها مشكله
السلام عليكم ورحمه الله وبركاته. خلينا كده نقول انه اول علامه هنا من كل اللي انت حكيتيه ان البنت مفتقده القدره على التعبير عن نفسها هي مش بتقدر تقول هي حاسه بايه نمره 2 واضح انه شخصيتها بتحب تظهر بالتميز وبتحب يكون لها شكل من أشكال المسؤوليه والسيطره ودي حاجه دايما هي بتدور عليها فممكن تكون في وسط المدرسه هي بتحب المدرسه علشان بتحب انه المدرسه فيها الادوار دي متاحه كتير ولكن هي مش قادره تظهر تميزها ومش قادره تقول أنا موجوده اهو علشان يختاروها وتكون متميزه في دور من الادوار وتعبر او تمارس الجزء اللي هي بتحبه هي كده كده مش هتعرف تعبر عن نفسها فحتى وسط صحابها بتتكسف فبتفضل قاعده ساكته يعني مش عارفه تقول مثلا انا عايزه العب معاكم ومش عارفه تقول يلا بينا نعمل مش عارفه تعبر عن نفسها واللي هي حاسه بيه سواء بالايجاب او بالسلب فده برده اللي بيطلع الجزئيه بتاعه انها تبقى معترضة على الكلام او التوجيهات اللي بتتقالها في نقطه جميله جدا بنعملها مع النوع ده من الشخصيات او في المرحله العمريه عموما اللي الاولاد بيبداوا فيها عايزين يحسوا ان هم ليهم كلمه او انهم مسموعين. هنا بيبقى مساله المسؤوليه طيب انا هتفق معاك اتفاق هتبقى كل حاجه باتفاق. والمقابل بتاع الاتفاق ده هيكون حاجه تحفيزيه مش لازم تكون ماديه ممكن تكون معنويه من الشكل اللي هي بتحبه فهنحط مثال كده احنا هنتفق اتفاق مع بعض ان كل لما هدومك تتوسخ الاقيك غيرتيها من نفسك انا هكافئك مكافأة وانا هسيبها الموضوع ده كده بقى بتاعها وانا مش هنبهها ومش هقول لها حاجه ممكن آجي في اخر اليوم ولا اقول لها شايفه ان انت همم كنت محافظه على هدومك طول اليوم نضيفه وكنت كل ما بتلاقي هدومك توسخيت بتغيريها منك لنفسك ولا انت ما عملتيش كده هي هتبص على نفسها وهقيم نفسها قيمت نفسها وطلعت تقييم تمام هتقولي لها خلاص بما انك قيمتي نفسك فلو هي فعلا عملت كده هنقول لها تمام لك بقى الايه المكافأه بتاعتك من اكثر الحاجات اللي هتبقى بالنسبه لها جميله جدا هو ان احنا نعملها حجم مميزه نعمل لها مثلا بادج كده حتى بالورق او نشتري بادج من اللي مكتوب عليه كلمه حلوه او مرسوم عليه وش بيضحك ونقولها كل ما تكوني انت اكثر واحده بتعملي الحاجه الجميله دي هنحط لك البادج ده وده اللي بيقول قد ايه انت شاطرة او هنعمل لها كده تاج من من الورق مكتوب عليه المميزه الشاطره المجتهده وهكذا الصفه اللي احنا عايزين ايه نبدأ اشتغل عليها ممكن نعملها بالشكل ده طول الوقت محتاجين نركز على الحاجات اللي فيها مميزه ونبدا نقول لها احنا عارفين ان انت شاطره في كذا احنا عارفين ان انت بتهتمي بالتفاصيل احنا عارفين ان انت تقدري تشيلي مسؤوليه عشان كده بنقول لك خلي بالك من أخوك احنا عارفين ان انت تقدري تاخدي بالك من كذا او تقدري تعملي ده احسن من اي حد عشان كده احنا هنسيب لك المسؤوليه دي ونشوف بقى هتعملي ايه ده اللي هيخليها يحفزها تقوم وتعمل وتتصرف وتتحرك وده جزئيه. جزئيه تانيه وهي مساله ان احنا نعلمها تعبر عن نفسها ففي كل موقف احنا محتاجين ان هي تعيط اما هي تبقى بترد بطريقه مش كويسه نقعد معاها ونقول لها انت دلوقتي حاسه بايه نبدا نعلمها مختلف التعبيرات لما الواحد بيحس بكذا ده معناه كذا لما الواحد مثلا بيبقى فيه حد زعله ده معناه ان هو مثلا حس انه زعلان او حاسس ان هو غضبان هي لازم تفرق ما بين المعاني المختلفه يعني انا فرحانه يعني انا طايره من الفرحه وانها توازن ما بين الحاجات يعني انا ابقى طايره من الفرحه امتى انا ابقى فرحانه امتى انا مبسوطه انت انا بزعلانه الحاجات دي هي اللي لازم تعرف تفرق ما بينهم وتستخدمهم. واحنا كمان نستخدمهم عشان هي تعرف مختلف المشاعر انه انا هاجي في موقف كلها انا في الموقف ده متضايقه منك وفي موقف ثاني لا انا زعلانه وزعلانه لدرجه ان انا مش متقبله اسفك انا هنا في الموقف التاني انا ما بقيتش واثقه فيك انا هنا انا فخوره بيكي انا لازم اديها المعاني دي عشان هي كمان تعرف تعبر بيها.
تم النشر الجمعة، ٣٠ مايو ٢٠٢٥
مساء الخير عزيزتي، فهمت منك ما تمرين به مع بنتك وأقدر تمامًا شعورك بالإحباط والقلق عليها، وهو شعور طبيعي لأية أم تهتمّ بأبنائها. دعيني أحاول أفصل الموضوع وأعطيك خطوات عملية تساعدك في التعامل مع هذه الحالة بطريقة هادئة وفعالة، إن شاء الله. 1. علاقة بنتك بالمدرسة والأصدقاء هي بتحب المدرسة، وهذا شيء مهم وبداية جيدة. لكنها خجولة أمام زملائها وتشعر بالحرج، وهذا ما يؤثر على تفاعلها الدراسي. ممكن يكون عندها ضعف ثقة بالنفس وهذا سبب خلاص بيخليها تنعزل. نصيحة: حاولي تعزيز ثقتها بنفسها من خلال التشجيع الدائم والاحتفاء بأي محاولة إيجابية تقوم بها، حتى لو بسيطة. استخدمي عبارات إيجابية مثل: "أنا فخورة فيك لما تحاولي تتكلمي مع صحابك" أو "شجاعتك في المدرسة مهمة". 2. تصرفاتها مع إخوتها هي تحاول تتحكم وكأنها "أم"، وتأخذ دورها بكل جديّة. العصبية والضرب بين الأخ وأختها ربما تكون طريقة تعبير عن التوتر أو الحاجة للاهتمام. نصيحة: أهم حاجة هنا هي تعليمها مهارات التعامل مع مشاعر الغضب أو الإحباط بطريقة صحية، مثلاً: تعبيرها بالكلام بهدوء، أو أخذ نفس عميق قبل الرد. حاولي تشركيها في وضع قواعد منزلية واضحة للمودة والاحترام، مع مكافأة السلوك الإيجابي. 3. ضعف التحصيل الدراسي والصمت في المدرسة قد تكون مشكلة الخجل والضغط الاجتماعي سببًا في ذلك. الشعور بعدم الأمان بين زملائها يمكن أن يؤدي إلى الانطواء. نصيحة: يمكنكِ التواصل مع المدرسة لمعرفة إذا كانت هناك ملاحظات خاصة أو دعم إضافي. أحيانًا وجود معلمة أو مرشدة نفسية تقدم دعمًا في المدرسة يساعد كثيرًا. 4. مشكلة النوم والأكل الزائد الأكل بكثرة والنوم المتكرر قد يكونا رد فعل نفسي أو بدني لتوتر أو نقص نشاط. ذكرتِ أنها لا تعاني أمراض تؤثر على النشاط وهذا جيد. نصيحة: تنظيم روتين يومي ثابت يساعدها يتحكم في مواعيد الأكل والنوم. حاولي ممارسة نشاط بدني بسيط معها يوميًا كالتمشية أو اللعب بعد المدرسة. يمكنها تبني هوايات تحفز نشاطها الذهني والبدني. 5. مشاعرها عند الحوار والتعامل معها تبدو حساسة جدًا، ومع أي توجيه تبكي أو تتصرف بحزن. ردودها السلبية وشعورها بأنها تتعرض للظلم يمكن أن تأتي من حاجتها للشعور بالفهم والدعم. نصيحة: عند التحدث معها، حاولي دائماً البدء بالاستماع قبل التوجيه، مثلاً: "أنا شايفة إنك حزينة لما بقولك كذا، عايزة أسمع منك أكتر". هذا يفتح باب الحوار بدون إحساس بالتهديد. 6. شعورك كأم وإدارتك للموقف الشعور بالعصبية أو الإحباط طبيعي، لكن مهم جدًا تحافظي على هدوئك. فكري في أخذ فترات استراحة لنفسك، وطلب الدعم من مختص في حالة الحاجة. خطوات تساعدك بشكل عملي: حددي مواعيد منظمة للنوم والأكل. حفزيها على الحركة اليومية. خصصي وقت حواري يومي بدون لوم. استشيري طبيب نفسي أو أخصائي تربية لمعرفة إذا كانت هناك احتياجات خاصة. ابحثي في صفحة الخبراء على Fedni.net عن أخصائيين يمكنهم مساعدتك بخبرة مهنية. أخيرًا، لا تنسي أن كل طفل يمر بفترات تحديات في成长 وتطوره، والصبر والحب الدعيمين الأساس للتغيير الإيجابي. أنتي أم رائعة بتهتمي، وهذا أكبر دعم قدميه لها. لو تحبي، ممكن أساعدك في البحث عن مختصين يقدروا يساعدوك أكثر، أو في إجابة أسئلة أخرى تخص سلوكها أو تنظيم حياتها الدراسية. ذكية معك دائمًا، لا تترددي في سؤالي أي شيء! 🌸💕
تم النشر الاثنين، ٢ يونيو ٢٠٢٥
عندها صدمات طفوله و عدم استحقاق بتحس انها لازم تيجى على نفسها علشان صحابها ميسبوهاش علشان هى حاسه لو سابوها هتبقى لوحدها وزعلانه حاولى متتعصبيش عليها عارفه ان دا صعب بس واحده واحده حسسيها انك صاحبتها وانها مش محتاجه تيجى على نفسها علشان حد وانك تطمنيها وتجيبلها اى حاجه بتحبها من وقت للتانى وانك تفهميها انها محتاجه تقعد معاكوا علشان انتو بتحبوها ومتخلوش القعده ممله خليها تعمل حاجات بتحبها معاكوا واسألوها دايما عاوزه تعمل اى بتحب الاكل لانه الحاجه الوحيده اللى بتطبطب عليها لما تقربوا منها وتحبوها وتحضنوها وتسمعوها هتبطل تاكل كتير دى بنتك وانتى قادره تخليها قويه نفسيا انا واثقه فيكى طلاما سألتى السؤال دا يبقا انتى عاوزاها كويسه
تم النشر السبت، ٣١ مايو ٢٠٢٥
لعرض السؤال في فدني اضغط هنا