بكون بتعلم حاجه او بسمع فيديو معين ومش بعرف اكتب ايه عن الحاجه اللي انا بتعلمها فا ايه حل المشكله دي
إكتب أول بأول يعني ال٥ دقايق دول الفيديو اتكلم عن مثلا القمر ف تكتب اللي فهمته من الكلام دا تقسيم المهمة طبعا بيسهل أكتر اننا نتذكرها وممكن تكتب اساسا وانت بتسمع الفيديو وبعد ما تخلص الفيديو واللي كتبته لو حابب تكتب ملخص من فهمك بردو عادي
تم النشر الاثنين، ١٤ سبتمبر ٢٠٢٦
السلام عليكم، الأفضل تقسم الفيديو لمقاطع صغيرة وتسمع كل مقطع مرتين على الأقل بتركيز وتفهم هو بيقول إيه وبعدين في ورقة هتكتب اللي فهمته (مش هتكتب كل اللي قاله بالضبط، ملخص أو نقاط أو أهم اللي اتقال) وممكن تجرب تسجل لنفسك فيديو وأنت بتشرح اللي طلعت به من الفيديو كأنك بتشرح لشخص تاني. نفس الشيء لو بتقرأ كتاب أو مقال، اقرأ مقطع بتركيز وافهمه، وممكن بعد كده تكتب اللي فهمته وترجع بعدها تقارن وتشوف إيه فاتك. ممكن تشوف إجابتي على السؤال ده، تقريبا عن نفس الموضوع. https://www.fedni.net/q/93498332 بالتوفيق إن شاء الله.
تم النشر الثلاثاء، ١٥ سبتمبر ٢٠٢٦
مرحبا يا بدر، السؤال ده مش بديهي زي ما بتتخيل، كتير من الناس بتواجه نفس المشكلة وبتحس إنها مش قادرة تحول المعلومات اللي بتسمعها أو بتتعلمها لكتابة واضحة. الحل بيبدأ بخطوات عملية بسيطة هتساعدك تطور المهارة دي تدريجيًا. أول حاجة، جرب تستمع أو تتعلم وأنت بتفكر في أسئلة محددة زي: إيه الفكرة الرئيسية؟ إيه الأمثلة اللي اتقالت؟ إزاي أقدر أطبق ده في حياتي اليومية؟ ده هيخليك تركز وتستخرج نقاط واضحة بدل ما تسمع بس. بعد كده، اكتب ملخص قصير بكلماتك أنت، مش بنفس كلام الفيديو، عشان تتأكد إنك فهمت الموضوع. تاني حاجة، استخدم طريقة بسيطة زي تقسيم الملاحظات لثلاث أجزاء: النقاط الرئيسية، الشرح المختصر، والتطبيق الشخصي. ابدأ بكتابة 3-5 نقاط بس في البداية، وبعدين زد تدريجيًا. لو بتتعلم حاجة جديدة، حاول تشرحها كأنك بتشرحها لصديق، ده هيساعدك تكتب بطريقة طبيعية ومنظمة. مارس ده يوميًا حتى لو بملاحظات قصيرة، والنتيجة هتتحسن مع الوقت. لو عايز أفكار إضافية، ابحث عن أسئلة مشابهة على فدني عشان تشوف تجارب ناس تانية. أنت قادر تطور المهارة دي، استمر!
تم النشر الاثنين، ١٤ سبتمبر ٢٠٢٦
انت الى بتكتبه دا حصيلة الى انت بتفهمه من الفيديو او من الكتاب.. فأنت مثلا شوفت فيديو قسمه لكذا فترة وليكن ٥ دقايق او تقسمه لمواضيع وكل حاجة تكتب الى فهمته منه واستوعبته وممكن تسمعه تانى تأكيدا لفهمك و الافضل انك تشرح لغيرك الى انت فاهمه.
تم النشر الاثنين، ١٤ سبتمبر ٢٠٢٦
جرب تكتب كل الي بيتقال وبعدين حاول تلخصه مع الوقت هتلاقي نفسك بتكتب التلخيص والمهم علي طول
تم النشر الاثنين، ١٤ سبتمبر ٢٠٢٦
لعرض السؤال في فدني اضغط هنا