السلام عليكم ورحمة الله وبركاته
أنا بفكر أجيب أرنب أربيه كحيوان أليف في البيت وبسأل ايه تفاصيل العناية به والحاجات اللي لازم أشتريها وايه رفاهيات وكدا
وممكن لو حد كان مربي قطة يقول ايه التفاصيل، بما ان في حاجات كتير متشابهة وانا هشوف ايه المناسب وايه لا
وانا فكرت أجيب أرنب بلدي عادي يعني أظن صحته أقوى من الأرانب اللي عندها فرو كتير ومش هتوقع شعر بكمية مفرطة... غير اني أصلًا ما شفتش حد بيبيع أرانب من السلالات دي في القاهرة أو على الأقل كل الأماكن اللي مريت عليها
//ومحدش يقول هاتي قطة أسهل.. لو كنت عرفت كنت هعمل🥲
تسلمي جزاكِ الله خيرًا💙انا هحاول اتجاهل الكلام الي قلتيه في النص دا عشان حتى الغنم او البقر بيحب صاحبه وعارف انه هيتم ذبحه لله عشان ينتفع منه الناس ويتعمل كبسة ولو أسد هيدي اهتمام🐤 بس المشكلة اني لازم أعرف ايه الحاجات الي هجيبها له أو أعمل معاه ايه قبل ما أشتريه لأني هشتري أرنب بلدي من عند الفرارجي زي ما قولت فلو سألته أعمل معاه ايه هيقول لي الملوخية بالأرانب بتتعمل ازاي🙂
تم النشر الثلاثاء، ١٦ يونيو ٢٠٢٦
وعليكم السلام ورحمة الله وبركاته، لأزم يكون عندك مكان صغير ولو عندك صندوق كبير ممكن يعيش فيه عادي حسب المكان الـ أنتِ عايشة فيه، الأكل هيكون الأرنب بيأكل أي حاجة جزر بىسيم، بس الأكل الأساسي برسيم 🍀 الحاجة التانية الماء يوميًا أكل وماء، مفيش حاجه تاني، بس الفكرة القطة من ناحية النظافة بتكون أنظف من الأرنب يعني القطة أنتِ بتربيها على حاجات معينة فـ هي هتتعود عليها وتسمع الكلام لكن الأرنب لأ بيعيش زي ما هو عايز ومش بيكون صاحبك زي القطة، عشان الأرنب عارف أن النهاية ملوخية بـ الأرنب لكن القطة لأ مستحيل هتعيش معاكِ علطول 😅😅 الجزئية الثانية لو عايزة مثلًا الأرنب يكون عنده عائلة كدا هاتي أرنب ذكر وأرنوبة أنثى عشان يحصل تزواج ويكون في أرانب كتير جدًا عندك يارب أكون أفدتك هنتظر تجربتك، وعامةً الشخص الـ هتشتري منه ممكن يقولك تفاصيل أكتر
تم النشر الثلاثاء، ١٦ يونيو ٢٠٢٦
وعليكم السلام ورحمة الله وبركاته يا هدى، أهلاً بك! فكرة تربية أرنب بلدي كحيوان أليف فكرة لطيفة ومناسبة، خاصة إن الأرانب البلدي غالباً أقوى صحياً وأقل تساقطاً للشعر مقارنة بالسلالات المستوردة. هقدم لك دليل عملي ومباشر عن المعلومات والأدوات الأساسية اللي هتحتاجيها، مع التركيز على الرعاية اليومية. الأدوات والمستلزمات الأساسية: قفص أو بيت مناسب: اختاري قفص واسع (على الأقل 1 متر مربع لأرنب واحد) مع أرضية شبكية أو بلاستيكية سهلة التنظيف، وأضيفي طبقة من التبن أو الورق المقطع كفرشة. الأرانب بتحب المساحة عشان تتحرك وتقفز. أدوات الأكل والشرب: زجاجة ماء معلقة أو وعاء ثقيل عشان ما ينقلبش، وطبق للطعام. كمان هتحتاجي كمية كبيرة من التبن الجاف (الأساسي في نظامهم الغذائي) وبيليهات أرانب عالية الجودة وخضروات طازجة زي الجزر والخس والكزبرة (بكميات معتدلة). أدوات النظافة: صندوق فضلات (litter box) صغير مع رمل قطط أو تبن، وفرشاة ناعمة للتنظيف الدوري. الأرانب بتتعلم استخدام الصندوق بسرعة لو دربتيها. ألعاب ورفاهيات: ألعاب مضغ زي أغصان الخشب أو كرات، وأنفاق أو أنابيب عشان يلعبوا ويختبئوا. ده مهم جداً عشان يمنع الملل والتوتر. تفاصيل العناية اليومية: الأرانب تحتاج تنظيف القفص يومياً أو كل يومين، وتغيير الفرشة بانتظام عشان ما تتراكمش الروائح. قدمي لهم تبن طازج دايماً، وخضروات مرتين يومياً، مع تجنب الفاكهة بكثرة عشان السكريات. راقبي صحتهم: الأرنب الصحي بيأكل كويس وبيخرج براز طبيعي، ولو لاحظتي أي تغيير في الشهية أو النشاط استشيري طبيب بيطري متخصص في الحيوانات الصغيرة. بالنسبة للتعامل، خلي الجلسات قصيرة في البداية عشان يتعودوا عليكِ، وارفعيهم بحذر من تحت الجسم مش من الأذنين. بالنسبة للمقارنة مع القطط، الأرانب أقل استقلالية شوية وبتحتاج مساحة أكبر للحركة، لكنها أهدأ وأقل تكلفة في الطعام. لو عندك خبرة مع قطة، هتستفيدي من عادة التنظيف اليومي والتدريب على الصندوق. ابدئي بأرنب واحد عشان تتعودي على الروتين. نصيحتي العملية: ابدئي بشراء الأساسيات دي من محلات الحيوانات الأليفة في القاهرة، وجربي تبحثي عن "تربية أرانب بلدي" على فدني عشان تشوفي تجارب ناس تانية وتاخدي أفكار إضافية. لو عندك أسئلة محددة زي نوع التبن أو كيفية التدريب، قوليلي وأساعدك أكتر. ربنا يوفقك ويمتعك بيه! 🐰
تم النشر الثلاثاء، ١٦ يونيو ٢٠٢٦
دي حيوان اليف وجميل جدا ، بتحس بيكي حرفيا وشعور جميل اوي لما تحس معاكي بالأمان وتلعبي معاها القطط وباقي الحيوانات امم امثالنا ولما حد بيكون حنون عليهم بيحبوه جدا وأوفياء ليه ، اعرف حد كان بيقول القط بتاعه وقت الفجر بيفضل يعمل صوت ويركب عالسرير كأن بيصحيه وهكذا كل يوم ، دا غير ان النبي صلى اللّه عليه وسلم كان رحيم جدا بالحيوان وتربيتك ليها اصلا بتسيب اثر فقلبك ، احساس انك مسؤوله عنها وهي لا حول لها ولا قوة ، احساس انها تستناكي ترجعي من بره ، عموما كل واحد وله تفكيره 😊🌝 ولكن انا مش بحبهم بس انا بعشهم حرفيا توووحفه
تم النشر الأربعاء، ١٧ يونيو ٢٠٢٦
@طويلبة علم 🥀🥀 @هدى مجدي بجد نفسي اعرف ازاي بتحبو القطط؟!! يلهوي شعور فظييع🥲.
تم النشر الأربعاء، ١٧ يونيو ٢٠٢٦
@طويلبة علم 🥀🥀 لو تحبي الحيوانات جدًا شوفي زي ما قلت حيوان تحبيه وهم ممكن يوافقوا — وانا زيك في حب القطط بس عملت حاجات ماينفعش تتحكي منعًا لعدم حدوث حوادث🐤— برافووو💙 الحاجات اللي قلتيها صح ولكن في بعض التعليقات.. أولًا القطط مش بتتحمم أبدًا بالماء إلا في حالة خاصة.. القطة نزلت الشارع/بهدلت نفسها/دي قطة شارع وعايزين نربيها "بس دي تروح لبيطري أو عيادة الحيوانات الأليفة للتأكد من عدم وجود حشرات أو فطريات نسأل الله العفو والعافية ولازم نوديها للبيطري لعمل فحوصات ونديها تطعيمات لذلك لا يفضل ننزل القطط للشارع تجنبًا للحشرات والأمراض" القطط كائنات نظيفة ولعابها نظيف جدًا وبتنظف نفسها حتى انها هتتعصب لو لمسنا الحتة الي نظفته😶 ولكن ممكن نحميها بالشامبو الجاف وبيكون إما زي الغاسول الرغوة بتاعنا ونفركها ونمشطها أو بودرة ونمشطها— الليتر بوكس أو العلبة اللي فيها الحمام مانجيبش أي رمل من تحت.. لازم نجيب نوع معروف وكويس ويكونش مُعَطر.. ونجيب علبة عميقة وواسعة تكفيها وهي بالغة معاها جاروف مفرغ "لو عليا أجيب ليتر بوكس من المحل بجاروفه" // في قطة قعدت معانا اسبوع بس الليتر بوكس بتاعها كان طبق جواه جاروف مفرغ زي الصفاية.. بصراحة حسيته مش عملي أوي لأني اضطريت بعد ما نظفت الرمل أحط النظيف في كيس وأكرب البوكس وبعدها أحط الرمل، مُتعب... والأظافر في أول كام مرة نروح لعيادة ونعرف نقصلها ازاي لأن أظافرها فيها جزء عصب ماينفعش نعديه وعشان ما تخربش الأثاث لازم نجهز شيء تخربش فيه زي خيط المكرمية أو افي حبل بيكون بُني مش فاكرة اسمه— بس فعلًا عندك حق يعني شوفي أنا كتبت مقال في كام حاجة بس وفي تفاصيل تانية بس كفاية كدا.. بجد مسؤولية🙆🏻♀️ ربنا يبارك فيكِ وبإذن الله أهلك يوافقوا على القطة انتِ كمان💙 **في واحدة عندها قط اسمه ليو وقطة اسمها كوكيز على اليوتيوب بتقدم معلومات رهيبة في العناية بالقطط💙 وعاملين مسلسل تحفة نزل منه تقريبًا خمس حلقات😂
تم النشر الأربعاء، ١٧ يونيو ٢٠٢٦
لا انا عندي عشق للقطط وبس بحبهم بطريقة تضحك اي حد يشوفني وانا بتعامل معاهم😂بإذن اللّه قريبا هتتزوج بس مش هيرضو برضو علشان مش بيحبو تربية الحيوانات ، وانا لسه يا عزيزتي ١٨ سنه بدري على الزواج ، ولو رفضو هقلهم جوزوني وانا هربي عيلة قطط🥹😂سمعت فديوز كتير عن تربيتهم وازاي اتعامل معاهم واكلهم وكوول حاجه حتى خدي خبره مني يبنتي😂لما تحميها حطي فوطه في الحوض علشان بتخاف من الزحلقه وكمان لازم تجيبي اي حاجه وتحطي رمل علشان تتعود ان دا الحمام بتاعها واكلها بق والاستحمام واظافرها كل دا اهتمي بيها ، سبحان اللّه الحيوانات دي بتخلي قلبك رحيم اوي واجمل حاجه لما تتعود عليكي وتلعبي معاها🥹وخديني العب معاكم😂🥹بجد مش قادره انسى قطة السنتر كل شويه كانت بتقعد على رجلي وتنام كأني اعرفها من زمان وانا مالفرحة كنت هعيط😂🥹لا واي قطط تدخل بيتنا بقعد في الارض وافضل اقلهم تعالو متخافوش مني😂قمة الهبل وفمره مسكت واحده ومكنت عارفه ساعتها ازاي بنحميها وراحت خربشتني وجريت😂😂
تم النشر الأربعاء، ١٧ يونيو ٢٠٢٦
@𝙰𝚜𝚖𝚘𝚛𝚊 ࣪ ربنا يبارك فيكِ💙 هسيبك بقى عشان ما نطولش
تم النشر الخميس، ١٨ يونيو ٢٠٢٦
اه عارفاه تمام هبقي اشوفه 🤍
تم النشر الخميس، ١٨ يونيو ٢٠٢٦
@𝙰𝚜𝚖𝚘𝚛𝚊 ࣪ مش مشكلة... بصي بالنسبة لموضوع السعار دا في حد اسمه عمرو عابدين عامل قناة اسمها أسئلة نصف الليل وعشوائيات على اليوتيوب.. كان في حلقتين نزلهم الاسبوعين دول على الكلاب هتلاقي في واحدة منهم معلومات عن السعار وكدة. هو معلوماته كويسة وشرحه جامد
تم النشر الخميس، ١٨ يونيو ٢٠٢٦
خليكي انتي كأنك كنتي بتكلمي نفسك 😂😂...سعيده بالكلام معاكي 🤍
تم النشر الخميس، ١٨ يونيو ٢٠٢٦
@𝙰𝚜𝚖𝚘𝚛𝚊 ࣪ هنقعد نحذف كل دا انهم يقرأوه أسهل 🐤
تم النشر الخميس، ١٨ يونيو ٢٠٢٦
@𝙰𝚜𝚖𝚘𝚛𝚊 ࣪ وبعدين هو مش التطبيق دا احنا المفرون منزلينه عشان سؤال وجواب؟ احنا بنرغي ليه😂💔💔
تم النشر الخميس، ١٨ يونيو ٢٠٢٦
@طويلبة علم 🥀🥀 حساكِ عايزة تقولي عايزة آكلهم بس مكسوفة😂
تم النشر الخميس، ١٨ يونيو ٢٠٢٦
@𝙰𝚜𝚖𝚘𝚛𝚊 ࣪ بصي هو اللي أقدر أقوله لكِ واللي أنا عارفاه هو اني بحبها وأشعر ان في حاجة كيوت قدامي بتخليني أفرح... إزاااي بقى أنا ما اعرفش العملية بتاعت انتقال المعلومات من العين للأعصاب للدماغ ودوبامين الحاجة دي تخصص علماء الأحياء ومتعلمين علم النفس اسأليهم وقولي لي الإجابة😂💔 لو انتِ بتسألي السؤال دا عشان بتخافي أو كدة فأنا بالذات تسألنيش السؤال دا أنا بلعب مع كل الحيوانات إلا لو في حشرات في الموضوع محدش يعرفني🐤
تم النشر الأربعاء، ١٧ يونيو ٢٠٢٦
وانا عايزه حل يخلي اهلي يوافقوا اجيب قطة🥺😂 أختي بتخاف منها وهم في البيت مش بيحبوا القطط وأنا بجد لما بشوف قطة في الشارع بكون نفسي اجري وراها😂بروح بيت خالتي وبكون عايزه اسيب الناس والعب مع قططهم🥹لما كنت بنزل سنتر كان في قطة بتيجي تقعد على رجلي في الدرس وتنام وانا مبكونش عايزه اروح واسيبها 😂 معذرةً رغيت كتير بدون فائدة بس معاناااة وبجد بشجعك أنا معرفش طريقة تربيته بس ابقي حميه كويس لأن سمعت ان بيعمل ريحه مش حلوه بس لو نظفتيه كويس هيبقى جميل 😊🌝
تم النشر الأربعاء، ١٧ يونيو ٢٠٢٦
الارانب بتعمل ريحة مش احسن حاجه
تم النشر الثلاثاء، ١٦ يونيو ٢٠٢٦
طب لو انتِ ربيتي قطة قبل كدة ينفع تقولي ايه الحاجات الي بتجيبيها لها في البداية أو العناية بيها؟
تم النشر الثلاثاء، ١٦ يونيو ٢٠٢٦
بس الكلاب ما تبينيش قدامهم انك خايفة ولو قطة طالما مش بتقربي من قطة خايفة منك وبتبخبخ عليكِ أو مش بتأذيها أو مش بتقربي من أطفالها مش هتعمل لكِ حاجة.. لكن لو في قطة أو كلب بيسيل منهم لعاب غزير يبقى دول مسعورين ولازم تبعدي طبعًا... ودا بييجي لأي حيوان ثديي
تم النشر الخميس، ١٨ يونيو ٢٠٢٦
@𝙰𝚜𝚖𝚘𝚛𝚊 ࣪ أنا حاسة لو حد عايزك تخافي هيقولك مياو🐱
تم النشر الخميس، ١٨ يونيو ٢٠٢٦
@𝙰𝚜𝚖𝚘𝚛𝚊 ࣪ بجد اختي بتقولي كدا شيلي مسؤولية نفسك الأول😂💔 وبعدين يعني حبيتي الكلاب النجسة وسبتي القطط الي في حديث "إنها ليست بنجس إنما هي من الطوافين عليكم والطوافات" بس أنا عندي مشكلة اني كنت بجري ورا حتى الكلاب من وانا صغيرة بس ليه😂💔
تم النشر الخميس، ١٨ يونيو ٢٠٢٦
@طويلبة علم 🥀🥀 لو أختك عايشة معاكِ فمش هتعرفي غير لما تقنعيها أو اما هي تتزوج وتحاولي مع والديكِ أو تتزوجي وتجيبيها في بيتك😂 أنا أختي متزوجة وتخاف منهم ومش تحبهم وماما بتحبهم بس مش تربيهم... بس أنا جمعت معلومات رهيييبة عن كل الحيوانات من السلحفاة لحد البومة عشان مش وافقوا على القطة والأرنب هو اللي تبقى بس عندي فوبيا من الحشرات خفت من البرسيم أو العلف يكون فيه حاجة🥲 بعدها قلت هي القطة هي اللي مناسبة وقلت كل المعلومات عن القطط ووافقت وانا أنبهرت ووعدتني لما انا افضى نجيبها عشان أعرف أهتم بيها💙.. بس تجيبيش حاجة وانتِ مش عارفاها لأن ممكن حاجة فيها مش تعجبك ولازم تكوني انتِ المسؤولة عنها مش الوالدة أو حد تاني... أنا عرفت معلومات كتيير عن القطط من الفيديوهات والبحث الكتير والأسئلة بس في حاجات كتير ممكن مش أعرفها فشوفي ايه الحيوان المناسب لكِ... أنا كنت محددة صفات خاصة وما توافقتش غير على القطة لكن ممكن السلحفاة تناسبك أو العصافير حلوة وربيتها قبل كدة بس أطفالها مش هعرف أتعامل معاهم، ممكن انتِ تعرفي💙
تم النشر الأربعاء، ١٧ يونيو ٢٠٢٦
بارك الله فيكن جميعًا الأهل أخيرًا ولأول مرة اقتنعوا ان القطة هي الخيار الوحيد والحل الأمثل.. كنتوا تكلموني من بدري شوية😂💙
تم النشر الأربعاء، ١٧ يونيو ٢٠٢٦
لعرض السؤال في فدني اضغط هنا