هدى مجدي

ما شاء الله اللهم بارك ربنا يوفقك وييسر لك الحال ويبارك لكِ💙 ممكن تشوفي حد بيعمل استثمار أو حاجة ممكن تدخلي فيها فلوسك.. بس تكون حاجة حلال لأن في كذا مكان بيكون فيها نصب وطبعًا الحاجات دي بيكون فيها ربحية وممكن خسارة ممكن طالما انتِ داخلة في موضوع تربية الدواجن وفي مكان فيه التربية وكدا ممكن تشوفي حد كويس وأمين وذو ثقة وذكي واستثمري معاه بس مش بكل فلوسك ممكن ابدأي ب ١٠ أو ٢٠ كحد أقصى لفترة أو بعد ما الدورة تخلص وبعدها زيدي.. بس ما تتخطيش ال٤٠ ألف وممكن تدخلي في موضوع شراء وبيع الذهب والفضة وكدة.. في وقت الذهب بيكون سعره قليل ومرة سعره يزيد.. ممكن تستشيري حد متابع الموضوع دا وتدخلي مثلًا ب٤٠ برضو وتجيبي بيهم سواء جنيهات أو حُلي كدة تبقى ٧٠ ألف ممكن ٥ شيليهم دلعي بيهم نفسك وكدة وهاتي منتجات عناية وظبطي الميزانية // على الهامش بما انك في العشرينات وكدة ممكن تعملي ليزر وبروتين لو شعرك مش ناعم أو لو حابة.. أنا عاملة بروتين بجد جمييل.. ممكن كأقصى حد ١٤ كدة تبقى ٥١ لازم لازم يكون معاكِ فلوس في إيدك لأي ظرف كان ف ٣٠ والكورسات بقى خدي ٢٠ والألف الأخيرة صدقة💙 بس كدة ** دي مجرد اقتراحات... أنا مش دارسة حاجة عن الاستثمار أو كدة ولكن كل الفلوس جزئيها لكل مجال أي فلوس بقى.. انا مش عارفة طموحاتك كلها انتِ عارفة نفسك وفقكِ الله💙 // في معهد اسمه معهد مصعب بن عمير فيه كورس وتحفيظ قرآن أون لاين ممكن تشوفي على الفيس وتتواصلي معاهم💙

تسلمي جزاكِ الله خيرًا💙انا هحاول اتجاهل الكلام الي قلتيه في النص دا عشان حتى الغنم او البقر بيحب صاحبه وعارف انه هيتم ذبحه لله عشان ينتفع منه الناس ويتعمل كبسة ولو أسد هيدي اهتمام🐤 بس المشكلة اني لازم أعرف ايه الحاجات الي هجيبها له أو أعمل معاه ايه قبل ما أشتريه لأني هشتري أرنب بلدي من عند الفرارجي زي ما قولت فلو سألته أعمل معاه ايه هيقول لي الملوخية بالأرانب بتتعمل ازاي🙂

أنا يعتبر في سنك حاليًا تمام ولكن يعتبر مجربة نفس التفاصيل دي بس باختلافات وعدت وتاب الله علي لأتوب بصي لن تُوَفقي طالما بعدتي عن طاعة الله.. ومن رحمة الله عليكِ ان الله يعني لم يجعلكِ تحسي الراحة والطمأنينة في الطريق دا لأنها كانت هتبقى مشكلة لو كنتِ مُنعمة مكنتيش هتحسي ان في حاجة غلط زي الجسم لو في خلل في الجسم هتحسي بألم وتكشفي لكن لو مافيش احساس لاقدر الله وفي مشكلة في الأعصاب مثلًا فمش هتفكري أصلًا وممكن فجأة تحصل مشاكل وتظهر أعراضها الخارجية لحد ما فجأة الجسم كله يفصل الناس الي الله أنعم عليهم وهم ازدادوا كفر وفرحوا أخذهم الله بغتة... فكل شيء احمدي ربنا عليه واحمدي ربنا ان دا حصل حتى لو في ظاهره سوء احمدي الله وعودي له ولن يردك ثانيًا جدك توفاه الله.. نسأل الله ان يرحمه ويعفو عنه ويسكنه الفردوس الأعلى من الجنة... وبعدها انتِ حزنتٍ وبعدها حزنت تاني.. وبعدها ربطتي انه الي حصل لك دا بسبب انه مات أو بعد ما مات، حرام عليه طب! أنا عارفة ممكن تقولي لي انك مش تقصدي ولكن معنى انك ربطتي بين دا ودا ان العلاقة الي قلتها موجودة... وأنا عشان بس مش تقولي مش مجربة أنا الجدين اللي شفتهم في حياتي كنت متعلقة بيهم تعلق كبير جدًا وكل أجدادي توفاهم الله ونسأل الله ان يرزقهم الفردوس الأعلى من الجنة... هنقعد نندب أو نخلي موتهم سبب هناخد احنا الذنب الله يغفر لنا ولكم ثالثًا أنا ما كانت مصيبتي بدأت إلا مع حدوث كورونا وتوقفت عن حفظ القرآن وما انتهت إلا مع قراءتي للقرآن ومش بهزر.. لولا اني كنت بزعل بقرأ سورة مريم لحبي لها لما كنت بنصحك أصلًا أنا بحفظ الحمد لله وبراجع في معهد أون لاين على النت فيه حاجات كتير جدًا جدًا حلوة وفيه أكاديمية برضو للمواد الدراسية لو حابة اسمه مصعب بن عمير جميل جميل💙 رابعًا انك يخيروكِ تقعدي لوحدك وما يكونش معاكِ حد إلا الله سبحانه وتعالى وبين تقعدي مع الناس دي لكان الخيار الأول كفى به ونعمة... دول مش بينفعوا وبيضروا كمان ليه هتروحي لهم؟ انت ماينفعش تبقي كده أي حاجة وخلاص كله عشان يبقى عندي أصحاب.. ما تتنازليش عن نفسك وفي الآخر تيجي مش في الدنيا بل في الآخرة تقولي " يا ويلى ليتني لم أتخذ فلانًا خليلًا لقد أضلني عن الذكر بعد إذ جاءني" عافانا الله وإياكم من هذا اليوم العصيب والله يرزقنا الجنة بلا حساب ولا سابقة عذاب خامسًا الصاحب ساحب وأصحابك دول مش هيسحبوكِ بل هيجروكِ... انتِ في الوضع الحالي محتاجة حد يكون خلاص كويس مش عايز اللي يخليه كويس سادسًا الولاد الولاد الولاد دول مش بنكلمهم وزي ما الولاد ماينفعش يكلموا بنات ولازم يغضوا بصرهم احنا كمان ما نكلمهمش ونغض بصرنا أي ولد يدخل يكلمك ماينفعش تكلميه ولا تردي عليه خاالص ولا قلب ولا لايك ولا وردة ولا بوكس لو حد سألك على pdf مثلًا أو حاجة مذاكرة دي تُعتبر حاجة خلاص ابعتي الpdf هيقول لكِ شكرًا أو بارك الله فيكِ أو جزاكِ الله خيرًا *مش هتبعتي بم.. الرد يبقى في قلبك والدعوة هتوصل منغير باقة نت ما تخلص لا تقلقي سابعًا بعد ما تظبطي الحاجات الي فاتت دي كلها وتظبطي حالك وزي الفل و١٠/١٠ ابدأي كَوِّني نفسك قبل ما تُكَوِّني أصحاب، ما تخليش نفسك محط الاستهزاء او السخرية ومش معنى كده انك تدي أي حد في وشه بوكس.. عادي في ناس هاديين جدًا جدًا بس عندهم شخصية، انت كمان عندك شخصية. ومش بقولك تفضلي تعلي صوتك وتسبي وتشتمي عشان حد يديكِ قيمة بالعكس لما تتعصبي هيعصبوكِ أكتر... مثلًا في ٣ أنواع ناس مديرين على نفس المجموعة من العمال واحد يدخل الصبح دا يعمل حاجة يتعصب تاني يعمل حاجة يزعق ويخبط ويرزع فيشتغلوا على انهم يستفزوه لحد ما يفقد أعصابه التاني يدخل الظهر حد يدايقه ما يعملش حاجة فحد تاني يدايقه مايعملش حاجة ويحبهم وممكن يزعق مرة وبعدها عامل خلاص مطنش هيفضلوا يدايقوه ويخربوا حياته التالت يدخل العصر حد يغلس عليه فيدي إنذار حد تاني يعمل حاجة ياخده يطلعه من المجموعة.. هاتك بقى يا ترزيع يا خبط من الي اتطرد دا المدير قال ونفذ لا تعب نفسه ولا أخد سيئات بل مَن على المجموعة بالي عمله في العامل دا.. ماشي بنظام منغير وجع دماغ الأول لو حد غلط فيه وزعق هو كدة كدة بيزعق فرق ايه التاني لو حد غلط فيه وزعق هو غلبان هو بيعمل كدة بس مش فارقة عادي لكن التالت لو زعق يبقى في كارثة حصلت ثامنًا كان في فيديو من الفيديوهات القصيرة لدكتور هو اسمه تقريبًا أحمد الغليظ... كان اتسأل ازاي أكون صحبة صالحة فقال روح مكان فيه ناس صالحين مثلًا مسجد أو دار علم أو دار تحفيظ واتعرف عليهم وشوف مين الناس اللي شبهك وقرب منهم وعينوا بعض على الطاعة وكدا واجتمعوا في دار العلم.. وكملوا الصحبة دي واعملوا حاجات خارج المكان دا.. يعني مش شرط عشان صالحين لازم أصاحبهم وكدة.. اتعرفي عليهم وهيعينوكِ وشوفي الناس الي شبهك وكدة كدة القلوب بتميل لبعضها فبإذن الله هتلاقي اللي شبهك يعني تاسعًا وأخيرًا مش هتم.وتي لو مكانش عندك أصحاب عادي هم مش أكسجين هم عاملين زي المواد الحافظة كدة في التفاعل التفاعل بيتعمل أسرع وبسهولة أكبر بوجوده لكن من غيره عادي هيشتغل بس ممكن صعوبة شوية... ومش شرط حد من سنك تكون صديقة لكِ... ممكن تشوفي اخواتك أو في أقاربك أو في حد من جيرانك أو ممكن يكون حتى مدرسين لكِ أصحابك عادي مافيش حرمانية ممكن الحد دا مايكونش بشر أصلًا *تخافيش مش هقول عو^^ ... ممكن حيوان زي أصحاب الكهف استأنسوا الكلب الأفضل هو سيدنا إبراهيم عليه السلام "واتخذ الله إبراهيم خليلًا" ربنا يهدينا ويهديكِ للخير معذرة انا لما بكتب بكتب كلام كتير عشان بحاول أشرح أنا عايزة ايه أو أقصد ايه وفي الآخر لازم نرجع لله سبحانه ونرجع لدينه ونستغفره ونتوب إليه ونسأله أن يتوب علينا لنتوب

أنا هقولك بس على حكم الصلاة والصيام ولمس المصحف من الي أعرفه والله أعلم لو الدم استمر لأقل من يوم وليلة اعتبريها استحاضة وصلي الي عليكي وتوضأي لكل صلاة وتصومي وتلمسي المصحف زي الطاهرة لو بيستمر أكتر يبقى شوفي طبيعة الدم.. هل هو نفس دم الدورة ؟( لونه داكن، رائحته كريهة زي الدورة، غليظ) لو كدة اعتبريه حيض لمدة أقصاها ١٤ يوم والي بعده استحاضة ولك حكم الطاهرة ولكن تتوضأي لكل صلاة وتستخدمي فوطة صحية لو ما تطابقش اي حاجة فيه مع دا يبقى استحاضة برضو يفضل لو هتروحي لدكتور وانا شايفة ىوحي لدكتور... شوفي حد مرتاحة نفسيًا معاه وتابعي معاه لحد ما يوصل للسبب الرئيسي لو لا قدر الله في حاجات بتكون صعب تتحدد عافانا الله وإياكم *وأكيد طالما الدم غير دم الحيض اللي عارفاه وبيتكرر كدة يبقى غير طبيعي وربنا يديكِ الصحة والعافية وتكوني بأفضل حال💙

صلي استخارة الأول وبعدها شوفي هل انتِ تقدري تغيري الورقة دي ولا لا.. لو هتعرفي تغيريها شوفي نفسك في ايه واختاريه شوفي الأول في للأولويات (حاجة نفسك تدخليها/ أو حاجة شغلها مناسب لكِ وفلوسه كويسة) لو مش عرفتي تحددي خلاص شوفي ايه المواد الأسهل لكِ ومش هتكوني مضغوطة نفسيًا وانتِ بتذاكريها أو بتعرفي تحليها كويس، هل انتِ بتحبي الأحياء والتشريح أو الذرات والفضاء وقوانين الفيزياء والحاجات دي ولا ليكِ في الرياضيات والقوانين الثابتة والهندسة وما تندميش على حاجة حصلت وما تقوليش لو حصل كذا كان هيحصل كذا.. لأنه مثلًا ممكن لو كنت دخلتي أدبي مثلًا كان زمانك عالمة آثار وبتاخدي فلوس.. بس ربنا سبحانه قدر لكِ انك ما تدخليش آداب عشان انتِ بالذات لو حصل لكِ كدة كان ممكن دينك يضيع مثلًا أو تكوني برا كل شوية وانت نفسك ترتاحي... فهو ربنا مقدر لكِ الخير بإذن الله وتوكلي على الله وهتُوَفقي بإذن الله وتعرفي نفسك في ايه💙 أنا في تالتة اعدادي مكنتش قادرة اذاكر لاني مش عارفة انا عايزة ايه هو انا مسلمة كله لله بس انا عنديش هدف فاختارت دار علوم واختارت اللي بعرف أحله أكتر وهو علم رياضيات ما انها بتدخل من كل حاجة وقلت ساعتها نفكر زي ما تيجي تيجي

@𝙰𝚜𝚖𝚘𝚛𝚊 ࣪ معرفش... متسأليش... انتِ السبب وخلاص🐤

@𝙰𝚜𝚖𝚘𝚛𝚊 ࣪ حصلللللللل بجد... أنا كنت بقولك على اساس انك عايزة معرفش انا بقيت أي حد يقولي ادخلي طب بلبسها لعيالي ان شاء الله...🙂

@𝙰𝚜𝚖𝚘𝚛𝚊 ࣪ بقولك لو هتبقي دكتورة ابقي نساء وتوليد😁... انا بصراحة اختارت رياضيات برضو عشان ماما مُدرسة رياضيات فهتساعدني والبرمجة مشكلتها الوحيدة بالنسبة لي انها بالإنجليزي وأنا بكره الإنجليزي😶😑....... بس سؤال هو انتِ بتسألي ولا بتستعجبي من موضوع الفيوم دا بس الحمد لله عرفتها وشفتها😂💔 انا في ساتة ابتدائي كنتش باخد درس، رحت للمس الساعة ١٠م للساعة ١٢ص نص الليل وأنا أول مرة في حياتي أخرج في الوقت دا وأفضل في مكان لوحدي كله بسبب ان المس بتسألني المحيط الهادي فين؟ بين إفريقيا وأوروبا🙂 طب الأطلنطي؟! ممكن في الشمال.. والهندي لا دا بقى أكيد أكبر واحد فيهم عشان عدد سكان الهند كتير🤦🏻‍♀️ بس الحمد لله نجحت ببركة دعاء الوالدين والمس

@𝙰𝚜𝚖𝚘𝚛𝚊 ࣪ انا كمان مسلماها لله بس اني أذاكر بدون هدف يعني لا أتعب نفسي ليه نم وارتاح يأتيك النجاح🐥! وكله عنده هدف يسعى له حتى لو مقرر انه هيسافر برا البلد ونلاقيه قاعد وسطنا أو هتسيب التعليم وتقعد سنة تلعب براحتها نلاقيها بتحضر دكتوراة ولا حاجة.. فأنا عايزة حاجة أسكت بيها نفسي والناس عشان كل ما أقابل حد يقولي أنا شايفاكِ دكتورة طبيبة وأنا لما حد جمبي بياخد حقنة بتوجع ولو شفت دم لبشر بخاف😶 وانا مش ناقصة الضغط بتاع الدكاترة الله يكون في عونهم

شوفي على النت بيكون في مواقع كتير مكتوب فيها المجالات والكليات والدراسة وأغلب المعلومات الخاصة بالكلية.. ممكن تشوفي وتختاري ايه عاجبك... والمهم شوفي *انتِ بتحبي* الحاجة الحفظ /ولا الفهم أكتر/ *وبتحبي الحاجة* العلمية/ ولا الأدبية/ ولا القوانين الثابتة/ *وحاجة كمان انت بتحبي* تشرحي/ يتشرح لكِ؟ .... لأن الحاجة الي بناخدها في اعدادي وابتدائي مش كل حاجة، دا احنا بنتوسع لو هندخل الجامعة وهنتخصص... وشوفي ايه الجامعة اللي عايزة تدخليها وحددي برضو بعد الجامعة عايزة تعملي ايه..؟ عايزة تتزوجي وتشتغلي ولا تقعدي في البيت؟ الشغل دا عايزة يكون قرب منك ولا في مكان بعيد ولا عايزة تشتغلي أون لاين.. فكري بقى نفسك في ايه

@😶 * قرري على أساس المواد الأسهل... انا كان بقالي فترة بقول مرة عايزة أدخل هندسه مرة فنون ومرة ألسن بعدها قعدت أفكر لاقيت كل دول مش نافعين وكنت في تالتة اعدادي زيك وكنت بذاكر فأنا متدايقة بسبب اني بذاكر عشان معنديش هدف ولكن كل الي حولي عندهم أهداف.. قعدت أدور كتير لحد ما فكرت اني عايزة أدرس لغة عربية بتعمق بس مش عايزة أكون مُدرسة ولا آخد مواد تربية فعرفت بالصدفة كلية دار علوم وارتاحت لها💙 وساعتها بقى لما آخد الدرجة أبقى أقرر هعمل ايه🐱 لكن بالنسبة لي بما ان دار علوم أقدر أدخلها من كل المجالات فأنا مش بحب طب ومش بفهم في الآداب وكدة والرياضيات بالنسبة لي لو عارفة قوانين عارفة أحل فخلاص دا أسهل لي... وعن نفسي كأنا لو متاح قدامي اني اختار ثانوي بيدرس اللغة العربية وبعدها أدخل دار علوم هحب اني أدخله لأنه انا كدة هدرس ٧سنيييين في التخصص دا المعلومات اللي عندي مش هتبقى عند الي درس ٤ سنين بس..

@😶 * @𝙰𝚜𝚖𝚘𝚛𝚊 ࣪ أنا سعيدة ان عندكوا هدف💙 أنا داخلة البكالوريا عشان ممكن ينجحوها وداخلة هندسة عشان البرمجة ممكن تبقى سهلة في تانية ثانوي وعشان محدش يقولي عازينك دكتورة😶... وعشان ممكن أدخل دار علوم بس انا اختارتها عشان حلوة وعشان مش عارفة أختار إيه أو أقرر أدخل على أساس ايه😶😶😶 ولو حد سأل ليه مادخلتش آداب وفنون **أنا رحت الفيوم وشفت البحيرة من ٣ سنين. واكتشفت من شهرين انها جمب النيل والبحيرة دي بحيرة قارون مش البحر الأحمر😶😶😶😶😶😶😶😶 ربنا يوفقكم

لو هدفك وحلمك وعارفة هتعملي ايه وهتطوري ازاي خلاص ادخلي تمريض عشان تتخصصي وما تشغليش بالك بحاجات مش هتستخدميها أوي ولكن المهم لو انتِ عايزة تمريض يكون في حد تعرفيه في المجال دا تسأليه عنها.. ولو حد قريب منك في المحال دا ما تدخليش عشان هو بيتكلم أو بيحكي حاجات حلوة لا شوفي انتِ ايه المناسب لكِ واعرفي انتِ بتعملي ايه ولو حصل كذا وكدة... لكن لو مش متأكدة وحاسة انك ممكن تتلخبطي أو يبقى نفسك في مجال تاني خلاص ادخلي في ثانوية... واستخيري ربنا واقعدي الأول هاتي حاجة حلوة وكلي واشربي وانبسطي انت لسة مخلصة امتحانات من كام يوم واحدة واحدة بس وهتُوفقي بإذن الله💙

بجد قولي لي عشان ممكن لو حسيته مريح ممكن أشوفه أو أدور عليه

ايه دا ايه مواصفاته؟😂💙 أظن بيه تقدري تستخدمي التليفون صح؟ طب ايه وضعه مع الكتابة ومع الكتب والأوراق؟

انتِ جامدة جدًا يا بنتي ربنا يوفقك🥲💙 ممكن تلبسي جوانتي،هو انا لابسة جوانتي بدون أصابع عشان الكتابة والورق والتليفون وغير ان اللب بالأصابع مش بيريحني أوي.. فانتِ لو هتلبسي جوانتي شوفي الأفضل والمريح لكِ... الي بدون أصابع هاتي واحد ماكونش ضيق ويكون واسع وطري عشان يكون مريح

@𝙰𝚜𝚖𝚘𝚛𝚊 ࣪ ربنا يبارك فيكِ💙 هسيبك بقى عشان ما نطولش

@𝙰𝚜𝚖𝚘𝚛𝚊 ࣪ مش مشكلة... بصي بالنسبة لموضوع السعار دا في حد اسمه عمرو عابدين عامل قناة اسمها أسئلة نصف الليل وعشوائيات على اليوتيوب.. كان في حلقتين نزلهم الاسبوعين دول على الكلاب هتلاقي في واحدة منهم معلومات عن السعار وكدة. هو معلوماته كويسة وشرحه جامد

@𝙰𝚜𝚖𝚘𝚛𝚊 ࣪ هنقعد نحذف كل دا انهم يقرأوه أسهل 🐤

@𝙰𝚜𝚖𝚘𝚛𝚊 ࣪ وبعدين هو مش التطبيق دا احنا المفرون منزلينه عشان سؤال وجواب؟ احنا بنرغي ليه😂💔💔

بس الكلاب ما تبينيش قدامهم انك خايفة ولو قطة طالما مش بتقربي من قطة خايفة منك وبتبخبخ عليكِ أو مش بتأذيها أو مش بتقربي من أطفالها مش هتعمل لكِ حاجة.. لكن لو في قطة أو كلب بيسيل منهم لعاب غزير يبقى دول مسعورين ولازم تبعدي طبعًا... ودا بييجي لأي حيوان ثديي

@𝙰𝚜𝚖𝚘𝚛𝚊 ࣪ أنا حاسة لو حد عايزك تخافي هيقولك مياو🐱

@𝙰𝚜𝚖𝚘𝚛𝚊 ࣪ بجد اختي بتقولي كدا شيلي مسؤولية نفسك الأول😂💔 وبعدين يعني حبيتي الكلاب النجسة وسبتي القطط الي في حديث "إنها ليست بنجس إنما هي من الطوافين عليكم والطوافات" بس أنا عندي مشكلة اني كنت بجري ورا حتى الكلاب من وانا صغيرة بس ليه😂💔

@طويلبة علم 🥀🥀 حساكِ عايزة تقولي عايزة آكلهم بس مكسوفة😂

@𝙰𝚜𝚖𝚘𝚛𝚊 ࣪ بصي هو اللي أقدر أقوله لكِ واللي أنا عارفاه هو اني بحبها وأشعر ان في حاجة كيوت قدامي بتخليني أفرح... إزاااي بقى أنا ما اعرفش العملية بتاعت انتقال المعلومات من العين للأعصاب للدماغ ودوبامين الحاجة دي تخصص علماء الأحياء ومتعلمين علم النفس اسأليهم وقولي لي الإجابة😂💔 لو انتِ بتسألي السؤال دا عشان بتخافي أو كدة فأنا بالذات تسألنيش السؤال دا أنا بلعب مع كل الحيوانات إلا لو في حشرات في الموضوع محدش يعرفني🐤

@طويلبة علم 🥀🥀 لو تحبي الحيوانات جدًا شوفي زي ما قلت حيوان تحبيه وهم ممكن يوافقوا — وانا زيك في حب القطط بس عملت حاجات ماينفعش تتحكي منعًا لعدم حدوث حوادث🐤— برافووو💙 الحاجات اللي قلتيها صح ولكن في بعض التعليقات.. أولًا القطط مش بتتحمم أبدًا بالماء إلا في حالة خاصة.. القطة نزلت الشارع/بهدلت نفسها/دي قطة شارع وعايزين نربيها "بس دي تروح لبيطري أو عيادة الحيوانات الأليفة للتأكد من عدم وجود حشرات أو فطريات نسأل الله العفو والعافية ولازم نوديها للبيطري لعمل فحوصات ونديها تطعيمات لذلك لا يفضل ننزل القطط للشارع تجنبًا للحشرات والأمراض" القطط كائنات نظيفة ولعابها نظيف جدًا وبتنظف نفسها حتى انها هتتعصب لو لمسنا الحتة الي نظفته😶 ولكن ممكن نحميها بالشامبو الجاف وبيكون إما زي الغاسول الرغوة بتاعنا ونفركها ونمشطها أو بودرة ونمشطها— الليتر بوكس أو العلبة اللي فيها الحمام مانجيبش أي رمل من تحت.. لازم نجيب نوع معروف وكويس ويكونش مُعَطر.. ونجيب علبة عميقة وواسعة تكفيها وهي بالغة معاها جاروف مفرغ "لو عليا أجيب ليتر بوكس من المحل بجاروفه" // في قطة قعدت معانا اسبوع بس الليتر بوكس بتاعها كان طبق جواه جاروف مفرغ زي الصفاية.. بصراحة حسيته مش عملي أوي لأني اضطريت بعد ما نظفت الرمل أحط النظيف في كيس وأكرب البوكس وبعدها أحط الرمل، مُتعب... والأظافر في أول كام مرة نروح لعيادة ونعرف نقصلها ازاي لأن أظافرها فيها جزء عصب ماينفعش نعديه وعشان ما تخربش الأثاث لازم نجهز شيء تخربش فيه زي خيط المكرمية أو افي حبل بيكون بُني مش فاكرة اسمه— بس فعلًا عندك حق يعني شوفي أنا كتبت مقال في كام حاجة بس وفي تفاصيل تانية بس كفاية كدا.. بجد مسؤولية🙆🏻‍♀️ ربنا يبارك فيكِ وبإذن الله أهلك يوافقوا على القطة انتِ كمان💙 **في واحدة عندها قط اسمه ليو وقطة اسمها كوكيز على اليوتيوب بتقدم معلومات رهيبة في العناية بالقطط💙 وعاملين مسلسل تحفة نزل منه تقريبًا خمس حلقات😂

@طويلبة علم 🥀🥀 لو أختك عايشة معاكِ فمش هتعرفي غير لما تقنعيها أو اما هي تتزوج وتحاولي مع والديكِ أو تتزوجي وتجيبيها في بيتك😂 أنا أختي متزوجة وتخاف منهم ومش تحبهم وماما بتحبهم بس مش تربيهم... بس أنا جمعت معلومات رهيييبة عن كل الحيوانات من السلحفاة لحد البومة عشان مش وافقوا على القطة والأرنب هو اللي تبقى بس عندي فوبيا من الحشرات خفت من البرسيم أو العلف يكون فيه حاجة🥲 بعدها قلت هي القطة هي اللي مناسبة وقلت كل المعلومات عن القطط ووافقت وانا أنبهرت ووعدتني لما انا افضى نجيبها عشان أعرف أهتم بيها💙.. بس تجيبيش حاجة وانتِ مش عارفاها لأن ممكن حاجة فيها مش تعجبك ولازم تكوني انتِ المسؤولة عنها مش الوالدة أو حد تاني... أنا عرفت معلومات كتيير عن القطط من الفيديوهات والبحث الكتير والأسئلة بس في حاجات كتير ممكن مش أعرفها فشوفي ايه الحيوان المناسب لكِ... أنا كنت محددة صفات خاصة وما توافقتش غير على القطة لكن ممكن السلحفاة تناسبك أو العصافير حلوة وربيتها قبل كدة بس أطفالها مش هعرف أتعامل معاهم، ممكن انتِ تعرفي💙

بارك الله فيكن جميعًا الأهل أخيرًا ولأول مرة اقتنعوا ان القطة هي الخيار الوحيد والحل الأمثل.. كنتوا تكلموني من بدري شوية😂💙

طب لو انتِ ربيتي قطة قبل كدة ينفع تقولي ايه الحاجات الي بتجيبيها لها في البداية أو العناية بيها؟