السلام عليكم
"كلنا عشنا الفترة اللي حسينا فيها بـ اكتئاب حقيقي وضلمة مالينا، لدرجة إننا كنا متأكدين وفقدنا الامل تماما إنها مش هتعدي وخلاص يئسنا من بكرة.. إزاي قدرتم تعدوا البر التاني؟ وإيه أهم درس اتعلمتوه من الفترة دي ومكنتوش هتتعلموه لو كانت أيامكم كلها سهلة؟"وإيه اللى عرفتوه عن عنكم وعن قوتكم فى الفترة دي ومكنتوش تعرفوها قبل كده
آسفه على الاسئله بس ممكن تفيدوني ❤️🩹
اول حاجة بحس ان فترة الاكتئاب دي انها وقت الهدنة اللي بنستريح فيها من المعركة لاننا بنبقي تعبانين ومش عايزين نعمل حاجة عايزين ننام وهكذا بس لو طولت احيانا بتبقي خطر ف مفيش مانع اننا ناخد هدنة مع نفسنا تاني حاجة المفروض نرجع نبني نفسنا من اول وجديد نثق في نفسنا اكتر ونقرب من ربنا ويكون عندنا ايمان قوي بربنا لان اوقات كتيرة ضعف الايمان يكون السبب الاساسي في الهزيمة مع النفس خطوات عملية علشان نطلع من الاكتئاب 1- لو الموضوع صعب ومحتاج علاج يبقي نروح لدكتور ونتعالج عادي دي مش حاجة تكسف ولا عيب 2- نحافظ علي الصلاة ونشكي لربنا همنا 3- نحاول نغير البيئة والعادات اللي متعودين عليهم نعمل اي تغير ولو بسيط 4-نحاول نلاقي سبب يخلينا اقوي مثلا علشان نفسي ودراستي 5- نفرغ دايما الطاقة السلبية يعني نلعب رياضة ننزل جم ننزل نتمشي نكتب افكارنا في كشكول قرار التغيير بيكون نابع من جوانا ولو اخدنا القرار يبقي هنتغير لكن طول ما احنا مستسلمين لو الدنيا كلها وقفت علشان تغيرنا مش هنتغير
تم النشر الاثنين، ١٣ أبريل ٢٠٢٦
ربنا لما بيبعتلنا صعوبات بيبقى قاصد يربينا و يهذبنا و يقوينا و يختبر يقيننا فيه و يعلمنا عن نفسنا اللي منعرفهوش عنها .. يعني تخيلي معايا كده لو عمرك ما مشيتي على الارض حافيه و مره واحده لقيت نفسك واقفه على رمله سخنه🤔 التجربه اللي بتكون ممتعه لناس كتير و بيستنوا المصيف كل سنه عشان يستمتعوا بإحساس صوابعهم و هي بتغوص في رملة الشط هتبقى بالنسبالك انتي تجربه مؤلمه جدا لأنك مختبرتهاش قبل كده ولا حتى اختبرتي حاجات شبهها .. أما عن مشاعر اليأس فأحب اقولك أن اليقين مش انك تكوني شايفه النور اللي في آخر النفق اليقين هو انك متبقيش شايفه كف ايديكي من الضلمه و برغم من كده مصدقه إن في مخرج و في نور في آخر النفق .. ادعي طول الوقت يارب اللهم اجعل يقيني فيك يقين و رددي هذا الذكر "ليس لها من دون الله كاشفة" و كوني واثقه إن دي فتره اختبار و تنقيه و تمحيص لقلبك هتاخد وقتها و تعدي اصبري و واحتسبي و اعلمي أن كل دقيقة في الصبر عظيمه عند الله
تم النشر الاثنين، ١٣ أبريل ٢٠٢٦
بالنسبالي ،،،، ممتنه جدًا لكل لحظة وكل تجربة سيئة مريت بيها في حياتي ، لإني كل مره كان بدخل في دوامة حاجه متعبه كنت بخرج منها شخص لا يخطر على بالي ، بقوة ماكنتش أتخيلها وبتغيير عظيم . فبقيت دايمًا برضى باللحظة السيئه علشان بكون واثقه إن ربنا مقدرلي الشيء علشان أخرج منه بصفات في نفسي في غاية الجمال
تم النشر الاثنين، ١٣ أبريل ٢٠٢٦
حاولت امثل البرود و تقبل للي بيحصل ، و فجاة حبيت البرود و بقي طبع فيا ، كمان في كل مرة بحس ب اكتئاب بقعد اسأل نفسي اي السبب ، و بفضل ادور علي الموضوع في دماغي لحيت لم اوصل للمشكلة ، و دي بقيت حركة جميلة اتعلمته لان احيانا بكتشف اني ببقي حزينة علي ولا حاجه ، فهمت نفسي و بقيت لم احسها زعلانه اديها فرصتها تزعل ، لم حد يضيقني بدي لنفسي فرصة احط نفسه مكانه و افكر بمنطقية ، و دي دروس الي اتعلمته من فترة زعلي
تم النشر الثلاثاء، ١٤ أبريل ٢٠٢٦
تعلمت إن الراحة والحياة الطيبة فى تقوى الله وطاعة أوامره ، تعلمت ان الابتلاء سنه لله سبحانه وتعالى فى الأرض يجبرك إنك تتضرع وترجع رحمة بالعبد ، تعلمت درس من أهم الدروس ألا وهو الذنب والعادات السيئه والادمانات تقمع الإبداع وتستنزف طاقة النجاح والتطور وتبلد العقل وتجلب الهم والغم والمصائب ، من الآخر تعلمت انك تروح لربنا بتوفيق منه اولا بس لازم تاخد قرار ،عشان متروحش زاحف على بطنك
تم النشر الاثنين، ١٣ أبريل ٢٠٢٦
وعليكم السلام ورحمة الله وبركاته طبعا الكثير منا او الكل مر بهذه الفتره ولكل منا سبب يختلف عن الاخر او ربما مشابه له وكل واحد ليه قدره على التحمل وربنا بيعطي كل شخص على قدر طاقته وقوة تحمله وبالنسبه لشخصي انا كنت اتعامل مع كل محنه على أنها منحه وأؤمن دائما أن كل هذا قدر ومكتوب وأن البلاء لاختبار الصبر والإيمان وان الله اذا احب عبدا ابتلاه وأؤمن دائما بمقولة ( كل مُرّ سيمُر ) ولا شك تمر علينا لحظات ضعف ويأس لكن كنت دائما عندي يقين ان الله لطيف بعباده و أن الله يريدنا ان نلجأ اليه ونتحدث معه في الصلاه وفي الدعاء والحمد لله بعد كل محنه وكل بلاء نخرج منها افضل من الاول واقوى واوسع في المعرفه واقرب إلى الله. والحمد لله دائما وأبدا
تم النشر الأحد، ١٩ أبريل ٢٠٢٦
يعني انا بعد هداك موقف صرت انسان تاني تماما صرت أقوى اصبر عطول بحاول اطور من نفسي ما بغار من حدا بس بريد اكون احسن شي ممكن يكون فيه انسان طبيعي
تم النشر الاثنين، ١٣ أبريل ٢٠٢٦
علشان مكنش ينفع نفضل فى الضلمة كنا لازم نعدى البر التانى علشان مكاننا مش زى ما اكتئابنا بيصورلنا أنا بكلم كشكل شخصى إنى لما أكتئب وأحس ان الدنيا اسودت بحث ان حياتى واقفة وكل اللى عملتة فى حياتى بيضيع قدام عينى ف بتعلق بالله عز وجل ان ينجينى من اكتئابى وحزنى اللى بيبقى ناتج عن الوحدة اللى ببقى عايش فيها ربنا يبعد عننا يارب كل ما يحزن قلبنا اللهم آمين
تم النشر الثلاثاء، ١٤ أبريل ٢٠٢٦
ولله شوفي بهيك اوقات بتعلمنا انو نحنا ضعاف كتير وبتعلمنا صبر وبتعلمنا ان مافي عنا حل غير هيك
تم النشر الاثنين، ١٣ أبريل ٢٠٢٦
هلق مشكلتي اكيد مو متل مشكلتك وممكن تكون تافهة بالنسبة لائلك او انا ممكن تكون مشكلتك تافهة بالنسبه لائلي انا مريت فتره صار ضغط علي كتير بس صنع مني انسان قوي يعني بحمد ربي اني عشت هاي الظروف ابشع فتره في حياتي انو بعمر 15 سنه اضطريت اتحمل مسئوليه عيلتي كامله ومع هالفترة كنت متقبل ولو انو ضغط علي عالي بس فوق هاد كله اشتغلت عند واحد واتنصب علي وانا بعمر 15 والقصه طويله والشخص هرب واختفا نصب على كتير اشخاص بهاد الوقت مريت في فتره نفسيتي كانت سيئة لدرجه مش طبيعه بس الحمد لله وجدت الحل اسطوري بلشت اتمرن واصرف كل طاقتي بالتمارين عدا انو تحسن جسمي نفسيتي تحسنت بعدين تقبلت انو هاد قدري وهاد مكتوب والشخص لازم يحاول يكون مبسوط في كلشي عم يعمله يعني هلق انا وعم امشي بالشارع بحاول انبسط باللحظه بتفرح على السما بقول سبحان الله لما ينزل مطر بطلع اتمشى تحت قطرات مطر هاد احلا جو يعني لقيت شغلات فعلا بتسعدني وصدقيني شو الفتره الي مار فيها رح تتخطيها ورح تتطلعي منها انسانة اقوى بس إذا بدك تتخطيها بطريقه اسرع بدك تحاوي تحلي المشكله إذا بتقدري اما إذا مو بيدك مع الوقت كلشي بينحل واعذريني ما انتبهت انك باعته تعليق لهيك ما رديت بسرعه ولا ما كنت اخرتك
تم النشر الأحد، ١٩ أبريل ٢٠٢٦
ممكن أسألك اى الموقف ممكن يكون زيي ولو مش حابب تقول عادي بس يمكن احس اني مش لوحدي
تم النشر الاثنين، ١٣ أبريل ٢٠٢٦
لعرض السؤال في فدني اضغط هنا