أطلب نصيحة لأختكم الصغيرة
انا مش عارفة انا عايزة ايه مش عندي سؤال معين بس عايزه اكون كويسة وحاسه ان السر في القوة
ازاي أكون قوية؟
في حين ان انا مش ضعيفة
انا بنت اتخرجت من الثانوي كنت في مدرسة تكنولوجيا تطبيقية المهم
انا كنت داخلة المدرسة دي بس عشان ماتعرضش لضغط الثانوي العام ومش ندمانة ع القرار دا لاني شخص حساس ومش بتحمل وجهازي الهضمي كله بيتعب لما بزعل واغضب او اتوتر وهكذا اغلبكوا مريتوا بدا ف انا كنت بحافظ ع حياتي
بس كنت ناوية اتفوق زي ما انا وفعلا انا كنت متفوقة وكنت من ال 10 الاوائل المهم حصل اللي مكنتش متوقعاه حد اتقدملي ووافقت اقعد معاه ازاي معرفش يعني رؤية شرعية اقصد ودي كانت اول مره اوافق كل مره كنت برفض من برا من غير ما اشوفه
بس حسيت انه ممكن يعجبني من كلامهم
وفعلا قعدت معاه وفعلا اعجبت بيه وهو كمان
وكملنا واتجوزنا علطول بعد ما خلصت المدرسة
ودلوقتي بقالنا 8 شهور
حملت واجهضت من 4 شهور
وكان عندي طير وطار في الشارع اول امبارح
وكان عندي ناس قريبة منهم بعدت يعني من سنين
الفكرة اني مش قادرة ابطل افكر في الماضي والحاجات اللي وجعتني والناس اللي كانت السبب ناس كتيرة عزيزة عليا مش قادرة اسامحهم
مش عارفة اقول ايه بس سبحان مغير الاحوال
انا فخورة اني عديت بحاجات كتير اللي في سني ماكانوش هيعرفوا يتخطوها وكان زمانهم فقدوا الأمل
بس ربنا اداني قوة وصبر كبير اوي الحمدلله مش شطارة مني
ناقص بس اتقبل الواقع زي ماهو وابطل احاول اغير الواقع لاني بعجز نفسي
وكمان بلاقيني عايزه اغير اللي حواليا وساعات بيبقي المفروض انا اللي اتغير
السنة الجاية ان شاء الله هروح اقدم في المعهد
بقالي فترة اهو بعيد عن الدراسة وخايفة ماكونش قد الخطوة دي انا أجلت السنة دي عشان كنت حامل اول السنة وكنت عايزه احافظ ع الحمل
بس قدر الله وما شاء فعل
المهم اني عايزه اكون أقوي
انا مؤمنة ان ربنا كتبلي الخير وان كل دا خير
بُعد الناس دي خير اذى الناس دي خير عشان اتعلم
عشان المستقبل عشان احافظ ع نفسي وعلي عيالي وبيتي
اتعلمت كتير
انا مؤمنة بدا ان طول ما احنا ماشيين في الدنيا انت بتعلى بالليفل ف عايزه استعد للي جاي
بكره هنزل المسجد ابدأ احفظ قرآن
من الاخر اتربى من جديد قبل ما اخلف واعرف اربيهم
وعايزه استعد جسديا للحمل
واستعد نفسيا كمان
وعايزه احافط على بيتي وعلي زوجي
واحافظ ع علاقتي باهلي واحاول اصلح علاقة زوجي بأهله عشان حاسه ان دي حاجة ممكن تشفي حاجة جواه
اه نسيت اقوللكوا اننا متدمرين من جوا حرفيا عاملين زي اللي خارجين من حرب
بس بنحاول نستقوى ونقوم
انا فرحانة وانا بتكلم بصيغة الجمع فرحانة انه معايا وانه عايز يساعدني
بس هو مش عارف
يمكن عشان جنس اخر وكان في بيئة اخرى وحاجات كتير بس هو عايز وبيحاول
وانا عايزاه يكون فخور بيا زي ما انا فخورة بيه
هو بجد ناجح ومتفوق جدا في كل حاجة تقريبا
بس ف عايزه نصايح منكوا
اي نصايح حرفيا هتفيدني
في ديني في حياتي الاجتماعية في دراستي في بيتي في ازاي احافظ ع اهلي وصحابي
اه ونسيت حوار صحابي دا
انا الوحيدة المتجوزة فيهم وحاساهم مش كقدرين المسؤولية اللي عليا واني مقدرش اخرج زيهم ف اي وقت اروح عند حد منهم هما يحددوه حتي لو اهلهم وافقوا مع انهم بيوافقوا بصعوبة
انا قلت مثلا ان لازم اروح واجي بالنهار قبل ما هو يجي من الشغل عشان مايروحش ياكل لوحده وخصوصا اننا في رمضان وخصوصا انه ملوش غيري دلوقتي
وهو عاتب عليا في النقطة دي وقاللي انتي كنت المفروض من نفسك ترفضي وتقولي لا مش هسيبه يفطر لوحده المهم رحت اعتذزتلهم مفيش غير واحدة بس اللي حسستني اني صح وهو صح...
المهم رغيت كتير اسفه ع التطويل
ادعولي بالهداية والصلاح والثبات ♥
اللهم إنك عفو تحب العفو فاعف عنا
انت عاوزه تكلمي مع حد تثقي فيه اكتر من انك عاوزه تخلي المشكله اللي عندك لو ركزتي في كلامك هتلاقي نفسك فولتي الحل فحاولي. تشوفي حد تثقي فيه اوي وقوليلو كل اللي قلبك وخلي الأحداث زي ماهي لكن الحاجه اللي انت تقدري تغيري ها اعمليها من غير متفكري. زي علاقتك بالناس اللي حواليكي
تم النشر الخميس، ٥ مارس ٢٠٢٦
يا حبيبتي، أول حاجة أشكرك إنك فتحتي قلبك كده، وده دليل قوتك الأساسية. أنتِ مش ضعيفة خالص، بالعكس، اللي عديتيه في سنك ده (زواج، إجهاض، تغييرات حياتية) يثبت إن ربنا اداكِ صبر وإيمان كبير. الحمدلله إنك مؤمنة إن كل ده خير، وخططك زي حفظ القرآن والدراسة والاستعداد للحمل خطوات ذهبية. هقولك نصائح عملية مختصرة في كل جانب، خطوة بخطوة، عشان تبقي أقوى وتتقبلي الواقع زي ما هو: دينياً (أولوية الأولى): ابدئي بـ10 دقايق يومياً حفظ قرآن بعد صلاة الفجر، مع تسميع وتدبر المعاني. صلي ركعتين حاجة كل يوم وقولي: "اللهم إني أسألك القوة والثبات". استغفري 100 مرة يومياً عشان تمحي الماضي وسامحي الناس (العفو يريح قلبك). ادعي ربنا يصلح بيتك وزوجك، وهو هيردلك بالخير. نفسياً وعاطفياً (للقوة الداخلية): كل يوم اكتبي 3 حاجات تشكري ربنا عليها (زي زوجك اللي معاكِ وبتحاولي معاه). لما يجيلك تفكير الماضي، قولي "سبحان الله" وقومي غيري مكانك أو اقري قرآن. متحاوليش تغيري اللي حواليكِ دلوقتي، ركزي على تغيير نفسك أولاً – ده هيجذب الخير. للاستعداد للحمل: مشي 30 دقيقة يومياً، أكل صحي (تمر، لبن، فواكه)، ونامي باكراً. ربنا كاتب الخير، صدقي كده. في البيت والزوج: حددي جدول يومي: طبخ سريع، ورتبي البيت معاه سوا عشان يحس بالفخر. قوليله كل يوم "أنا فخورة بيك"، وخلي التواصل مفتوح – سمعيه أكتر من ما تتكلمي. هو عايز يساعد، علميه خطوة بخطوة زي إنه يساعد في الأكل أو الصلاة. لعلاقته بأهله: ابدئي بدعاء مشترك، ثم اتصال قصير أسبوعياً بدون ضغط. الدراسة والمعهد: ابدئي استعداد دلوقتي: ساعة يومياً مراجعة مواد ثانوي أو تكنولوجيا، وخلي جدول أسبوعي. أنتِ كنتِ من الأوائل، هترجعي أقوى. لو خايفة، قسمي المهام صغيرة عشان متعجزيش نفسك. الحياة الاجتماعية والأهل والصحاب: أولوياتك: زوجك وبيتك أولاً، ثم أهلك (اتصلي بيهم يومياً 5 دقايق). للصحاب: حددي حدود واضحة، زي زيارات نهارية قصيرة فقط، وقوليلهم "أنا مسؤولة دلوقتي، بس قلبي معاكم". لو عاتبك زوجك، اعتذريله وقولي "أنتَ أولويتي" – ده هيقربه أكتر. للأقارب البعيدين: اتركيهم لربنا، ركزي على اللي قريب ويقدر يدعمك. يا قمر، أنتِ على الطريق الصح، وهتطلعي أقوى لعيالك ومستقبلك. استمري، وربنا يثبتك ويهديكِ ويصلح بيتك. ادعيلك بالهداية والصلاح والثبات، وإن شاء الله حمل قريب ودراسة ناجحة ♥. لو عايزة تفاصيل أكتر، دوري في فدني على أسئلة مشابهة أو روحي للخبراء هنا: https://www.fedni.net/experts. أنا معاكِ! 💪
تم النشر الخميس، ٥ مارس ٢٠٢٦
أقرأي كتاب لن يكسرني رجل وكتاب السلام عليك ياصاحبي او أسمعي بودكاست
تم النشر الخميس، ٥ مارس ٢٠٢٦
لعرض السؤال في فدني اضغط هنا